مقعد الغزازوة

**شجاعي كحيان** · 24-06-2008 حتى 12-03-2020

السلام عليكو

هادا يا حلوين ...

كان يا ماكان في سالف العصر والمغرب والاوان ...

اجتمعوا مخاتير كان يا ما كان

وحدة اسمها عنون
و واحد اسمه ابو العبد
واحد اسمه شجاعي كحيان

اتناقشوا ..

واتحاوروا ..

واتطاوشوا ..

واتفاهموا

ورجعوا اتطاوشوا

ماعلينا ..

الموهيم ...

بعد مااتخانقوا طلع معهم الاشي الاتي ...

حبايبنا رواد قعدة كان يا ماكان ..

إحنا حابين بس نرسم خطة نمشي عليها بهالقسم ..

عشان يكون هالقسم مميز زي ماهو المقعد متميز ومختلف عن باقي المواقع التانية ..

اول شي طبعا ما بدنا نكتب الشغلات على هيئة قوانين وندبها دب عليكم ..

على اساس ما حدا يفكر انها تعليمات واوامر لا سمح الله ...

لكن الامور التالية هو اللي رح نمشي عليه بالقسم

عشان نضل حلوين مع بعض على طول ..

طبعا اول شي مهم انه الكل يمشي عليه بالقسم وبالمقعد كله ..

اللي هو عدم التعدي على الدين الاسلامي الحنيف ..

وهو شغلة معرووفة انو اي قصة فيها
الفاظ بتخالف تعاليم ديننا او الفاظ بديئة او قصة بتجرح او بتمس اي شخصية واقعية راح تنحدف دون اي نقااش .

وأي قصة دينية او فيها موعظة دينية وهيك .. حننقلها لقسم قعدة الشيوخ بحيث بيكون مكانها هناك افضل

بالتالي بنطلب منكم قبل ماتنزلوا أي موضوع تتأكدوا من مكانه الصحيح

حنسمح بقصة كل 24 ساعة للعضوو الواحد

_ مع التشدييد على اهمية وضرورة استخدام خاصية البحث لعدم الوقوع بالاحراج لانها يمكن تكون مكررة _

وهالقصة حتكون كافية لانو قادرين ننزل كل دقيقة قصة بس عشان القصة تاخد حقها منيح بالردود وبمشاهدة الاعضاء الها .

وبالتالي بدنا ناس تشتغل وتكتب من راسها حتى لو هبل بس احسن من النسخ واللصق من منتديات تانية عشان زهقنا المكرر

ويفضّّل تكون القصة باللهجة الغزاوية او العامية ومش خليجية..

شعار شباب طافيين وماشيين عالجنط هادا ما نسعى اليه

اي قصة حتكون من كتابة العضو نفسو حتلاقي تشجيع وتقدير وحتتثبت على طوول

وعلى راي معّّوطه

تريد ان تكون مهما يجب ان تكون مهتما

بالنسبة للردود ( مشكوور _ يسلموو _ يعطيك العافية _ منور ) للحدف بدون نقاش

تقريبا بهيك بكون عنا قسم مميز مختلف عن باقي الاقسام قسم يليق بمقعد الغزازوة من الاخر يعني ..

واي حدا عندو اي اقتراح بالنسبة للقسم ما يتأخر علينا

سواء برسالة خاصة للمشرف او بموضوع بقسم الشكاوي والاقتراحات

وبهيك يا اطفال يا حلوين يللي بتشربوا الحليب

بتكون صارت التوتة توتة ,,, وخلصت الحدوتة

حلوة ولا ملتـــوتة ؟؟؟

واللي بيعرف شو يعني ملتوتة يا ريت يحكيلي

بقلم/

~~احلي عيون شجاعيهّّ~~

رفاق الســــلاح والقضيه