|:|... سماقيه الغزازوة واخيرا من مطبخي^_*...|:|
الله يسعد ايامكم جميعا .. 
ان شاء الله الجميع بخير .. اليوم جبت معي طبخة من تراثنا الفلسطيني
وطبختها اليوم بناء على طلب اخي " الدقه خمجت " ان شاء الله تعجبه ... 
وخليني مااشوف ردود  ..تعبت في طبخها والله 
|:| ... السماقيـــــــــــــــــــــــه ..|:|
المقادير 
سلـــــق انا جبت 3حزم
لحم مقطع الى قطع >> على قولة هالواحد مطبات .gif "11nk(2)")
3 بصـــــل
سماق حب
طحينه
طحين
حمص حب
جرادة
ثوم
فلفل .. حسب الرغبة اللي بيحبوها بتحرق يزودوا فلفل
الطريقــــــــــــــــه 
اول شيء هنقطع السلق ونغسله من الرمل والاتربه اللي فيه ... بعدين هنقطع البصل
ونحطه على النار لحتى يصير لونه ذهبي ...وفي هاده الوقت بنكون سلقنا اللحمة ...
بعد هيك بنضيف السلق فوق البصل ونحركه ...
بنتاكد انه حركنا البصل والسلق كويس مع بعض بنضيف عليهم الحمص ...
بعدين بنجيب " الفلفل الاخضر - الجرادة - الثوم " بنطحنهم بعدين بنضيفهم
على باقي المقادير ..
هلاء بنترك المقادير على النار لحتى تستوي .. وبنجيب السماق وبنحط عليه مي
وبنحطه على النار ..
بنخليه لحتى يغلي .. ونتركه لحتى يبرد .. وبنصفيه عشان هنستعمل المية تبعته ..
وبنحضر الطحين ..
ملاحظة :
لون السماق هون بيعتمد على نوعه .. في انواع بتكون مصبووغة عشان هيك
بيكون اللون احمر كتير ..اما النوع التاني بيكون عادي وهوه اللي انا استخدمته
هون .
هلاء بنخلط الطحين مع ميه السماق بهاده الشكل ..
طبعا بتكون استوت اللحمة بالوقت هاده بنضيفها هي ومرقتها على المقادير التانية وبنحركها مع بعض ..
وهلاء بنضيف خليط " ميه السماق - طحين " على باقي المقادير ..وبنحركهم مع بعض
لحتى يتجانسوا .. بعد مايختلطوا منيح بنضيف الطحينه على الطبخة وبهيك بتكون
استوت الطبخة واخيرا .. 
وهلاء وقت الطبق النهائي
طبق التقديم
.
.
.
.
.
.
صحة وعافية على قلوبكم يارب ..
ان شاء الله تكون عجبتكم ..
دمتم بكل ود
تحيتي
_______________________________
في أي زمان .. أم في أي مكان.. أنا.. قتلتم شعبا أراد الحرية.. حاصرتموه وتناسيتم معاني الانسانية تلك .. التي طالما رفعتم تناشدونها في هتافاتكم .. سيبقى دمي ينبض بالثورة الى أخره قطره فيه .., فلن نركع ولن نذل هذا هو وعدنا لكي حبيبتي فلسطين استغفر الله العظيم الذي لااله الا هو الحي القيوم 
التعديل الأخير تم بواسطة : الملاك الوحيد بتاريخ 13-12-2007 الساعة 07:18 AM.
|