مقعد الغزازوة - عرض مشاركة واحدة

فدا الروح · #1 12-09-2007, 07:39 PM

كأنها عجة
قبل رمضان حنودع الفطور الخفيف
وافطرت المرة الي فاتت فطور خفيف أل خفيف
ولاول مرة نعملو
لانو ما بنحب الزهرة طبيخ وفي بيوكلها بس مئلية
ومش غلط لو عملناها عجة بضمة العين بتسير عوجة
الزهرة يعني قرنبيط او امبوطة
جبتلكو صورتها للي مش عارف

طيب بلا الطويلة والقصيرة نفوت
بالمئادير
نص راس زهرة او حسب مبدكو
بئدونس مغسول ومئطع نعوم
بصلة مئطعة وفلفل اخضر مئطع بردو
وبيض من عند الشيف حريكة

الطريئة سهلة كتير ..
بنجيب القلاي او في بئولو عنو طوى
وبنحط سيرج او سمنة وبنئلب البصلة شوي :

وبعدين بنحط باقي المكونات عطول عالبصل عشان
الزهرة بتوخد وئت اكبر من البصل ويستوي مع بعض
ما عدا البيض طبعا والبئدونس وبنغطيهم

وبعد منغطيه وبنشئر عليه كل شوي وبنئلبهم
بنحط البئدونس والبيض وبنحركهم سوى
مع البهارات

وبنحطهم بصحن وبنزوئوا بحبة بنضورة
وهيك بكون خلصنا وبنبلش اكل
نيلاا ريحتها طلعت من الجهاز واجت
بمناخيري
الصراحة ريحتها حلوة كتير كانت مع البهارات

احكولي رأيكو بصراحة فيها