..
يسعد صباحكـ صاد 
موضوع بجد فري نايس .. وبسير معنا كتييييييير 
اهـ وكمان منور قسم النسوان .. ضلكـ طل عطول عنا ..
الموهيمز هلء بالنسبهـ للموضوع
ازا انا كنت بعرفها للبنت وسمعت هيكـ حكي عنها .. مستحيل اسدق لانو مابقتنع الا لما اشوف بعيني .. وحتى لو شفت وطلع مزبوط الحكي رح انصحها واحاول معها انو تترك هالغلط يلي بتعملو ..
لكن لو طلع مش مزبوط هاد الحكي بدي ادحش رجلي بتم يلي طلعو 
لانو اكتر شغلهـ بكرها بالدنيا انو حد يطلع حكي على بنت وتكون اللي مطلعيتو كمان بنت .. لانو بجد بتأزي كتير هالقصهـ ..!
::
يعني اقلكـ شغلهـ .. مثلاً في بنت عندها انو فلانهـ بنت مش كويسهـ لانها بتعمل كزا لكن عند بنت تانيهـ هاد شي عادي واقل من عادي كمان .. لانو تفكير البنات مش نفس الشي ومش كلهم عندهم مفهوم الغلط واحد 
بتزكر مرهـ سارت مع وحدهـ من رفئاتي طلع عليها حكي بالمدرسهـ انها بنت مش كويسهـ وابصر شو .. عارف ليش !
عشان كانت تطلع بجينز 
حتى انا لما عرفت هيكـ متت ضحكـ لانو مثلا بالنسبهـ اللي انا شي عادي بس بالنسبهـ لوحدهـ تانيهـ هاد شي عيب وغلط كبير كمان ..
يعني بالاخر بدي اقول انو انا عندي مخ وبفكر فيهـ .. مش لما تيجي وحدهـ تقول كم كلمهـ ولو مين ما كانت عطول اسدقها ..
::
بردو رح احكيلكـ عن شغلهـ ,, في رفيئتي البسست هادي معي ومن انا صف اول من فترهـ عملت شي غلط وبعد ما قررتها اعترفت 
لكن ماتركتها لانو مثلاً هلء ممكن حدن يحكي عنا انها مش كويسهـ !
بالعكس ضليت وراها وسمعتها كم كلمهـ لحد ماعقلت وتركت يلي كانت تعملو .. وهيها هلء زي الفل ومافي احسن منها
::
يعني انا برأي ازا بنت انا بعرفها وبخاف عليها لازم انصحها وما اتركها ابدا ..! لانو اذا ماعملت هيكـ انا راح اكون نذلهـ
بالاخر شكراً كتير عالموضوع صاد 
ح ـلو كتير بجد .. ويعطيكـ الف الف عافيهـ
..}