في عندي اكمن كلمة غزاوية

عص (بضم العين) ---> يعني اضغط بقوة
مكعبر ----> يعني مدور و تقال للشخص الناصح برضو
كلاكيع ----> هو اي شي بكلكع ...تحديدا تحديدا مش عاارفة معناها .. بس بتنحكى عن الجناب للناس اللي عندهم كروش ...
سد (بكسر السين)------> يعني سكر...مثلا -سد هالباب-
بوز أو زقم ----> يعني فم ....مثلا -سد بوزك....يعني سكر تمك -
نيع -----> الحلق ...يقال ايضا سد نيعك
سهتان -----> يعني واحد أهبل ملوش بالدنيا
صوح أو صوحة -----> أهبل أو هبلة
سحج ------> اي زقف
تفشفش -----> يعني تكسر الي قطع صغيرة
بوصة ------> خسبة
الحلو (هاي مش الحلو العادية....اشي تاني)------->بتيجي بمعنى فالت ...مثلا -ايد الحنفية حلوة ...يعني بتلف عالفاضي , فالتة-
دشر (الشين مشددة) ----> يعني فلت أو سيب
مشنقل -----> يعني مشقلب
قرقوشة -----> مفصل العضم في الجاجة لما تتاكل .... يعني مثلا في ناس بحبوا ياكلوا القراقيش
شندل -----> يعني وقع و شقلب
مدعدر ----> هو الاشي النافخ و عامل كرة ....يعني لما حدا ينخبط بيدعدر محل الخبطة
طفاية -----> مكتة
شلبية -----> يعني وحدة حلوة
في ريحي -----> يعني جنبي....مثلا اقعدي يا فلانة في ريح أختك
عروسة----> يعني لعبة ... خصوصا عند الحجات حتى لعبة الارنب بحكولها عروسة
طولان -----> يعني شخص طويل جدا
خش -----> يعني فوت أو ادخل
مشنن------> يعني منجن ....تقال للولاد الصغار : "مالك مشنن اليوم ؟"
مكنفش ------> منكوش .... و هي بتنحكى للشعر المش مرتب
مكشكش------> يعني نافش و عليه أسياء كتيرة
ارمح------> يعنى اركض بسرعة
معصلج ------> معلق أو مش راضي يمشي أو يشتغل
بقرا (بكسر الباء)------> يعني بيدرس بالمدرسة أو الجامعة


الله يسهل عليها ستي

ازا تزكرت كمان أشياء برجع و بكتبها