والله موضوعك جميل تقبريني انا عندي زكريات كتير حلوه بعيد ميلادي ال 17 وال 18 اكتر عيدين ما بنساهم بحياتي ابدا ابدا

رح بقلك ليش .. بعيد ميلادي ال 17 كان يوم عادي صارت الساعه 12 بالزبط قبل عيدي بيوم وبلشو صحباتي كلهم يبعتولي مسجات وانبسطت كتير وصحيت تاني يوم يلي هو يوم عيدي عادي جدا .. اتصلو صحباتي وقالولي انه بدنا نطلع نتعشا بالبيتزا هت وانا كنت انه عااادي وانه مش ببالي الطلعه لعيد ميلادي ( لانه الطلعه هاي كنا متفقين عليها من زمان ومو محددين متى ) وطبعا قبل ما اطلع اتعشا كان بابا جايبلي كيكة عيدي وقطعتها واكلنا وطلعت عالبيتزا هت .. قعدت انا وصحباتي عادي وطلبنا العشا لهو اجت صحبيتي بسووم فديتها شو اشتقتلها المهم اخدتني بتقلي بسرعه تعالي وطلعت فوق بالطابق التاني بالبيتزا وصارت تخبصلي بقصه وانا والله سدقت قالت قصه محبوكه عشان كانت بدها تلهيني رجعنا نزلنا عشان نكمل عشا ( لانه طاولتنا كانت بالطابق الاول بالبيتزا ) يا دوب نزلت لقيت ضواو المطعم مطفيه والجرسونز(جمع جرسون ) يلي هوناك والناس يلي بالبيتزا بغنولي هابي بيرث ديي لا وشو واقفين برقصو وماسكين كيك وكاتبين عليها كلام بس شو كلام يقبروني صحباتي قعدت اعيط من المفاجاه لانها بجد كانت مفاجئه حلوه كتيييييييييير بالنسبه الي واكلنا وكل شي وروحت البيت محمله بالهدايا وباحلى زكريات بعمري لا والافظع هههههههه انه حسيت بحرج لانه كل الناس بطلعو علي حتى شبابيك البيتزا ما الها ستاير والناس يلي بالشارع بطلعو

اما بالنسبه لعيدي ال 18 كان يوم عادي وما اتوقعت يصير فيه اي شي .. كنت قاعده العصر بالبيت ورن تلفون البيت اجيت انا ارد لقيت اختي بتركض عالتلفون ومسكتو عطول .. انا استغربت ههه لهي طول المكالمه تقول اه اه او لا لا سكرت هي الخط وقلتلها مين .. بتقلي ولك هادا اخوكي الزنخ بتزانخ وبتعرفيني ما بجاوبو الا عقد السؤال انا والله سدقت فجاه عالمغرب رن جرس الباب .. اختي بالعاده برضو بتركض تشوف مين هالمره لقيتها بتقلي قومي افتحي الباب قلتلها قومي انت قالت لا لا قومي خلصي .. رحت عالباب اطلعت من العين لقيت حدا حاطط ايدو استغربت فتحت الباب وما الاقي غير كل صحباااتي واقفات عالباب وماسكات قالب الجاتوه بغنولي .. وطبعا انا طالعالهم بالبيجامه .. فعلا انصدمت كتييير فاتو جوا وقعدو بالصالون وشغلنا اغاني .. وطبعا المفاجاه الاكبر يلي اتفاجئت فيها انه كل البيت عارف حتى ماما وقال ماما لابسه ومجهزه اكل وانا ولا عندي علم .. وشغلنا اغاني وعملنا بارتي صغير ولسوء الحظ ما خلوني اغير البيجامه والا بدهم يتصورو معي ونرقص وانا بالبيجامه ههههههه وانا ما عندي مشاكل ابدا .. بجد كان احلى يوم بحياتي برضو واتفاجئت كتير

وطبعا صحباتي يلي كانو عالتلفون واتفقو مع اختي عكل شي
وهدول هم احلى عيدين الي الله يخليلي صحباتي يارب ويحميهم وين ما كانو

تسلمي حبيبتي عالموضوع .. سوري لانه عملت موشح

يعطيكي العافيه بيبتي

_______________________________