السلام عليكم ورحمة الله وبركاته ..

كيف احوالكم جميعا ..

حبيت احكي معكم بموضوع مهم لالي وهو ..

انو ليش كل اشي تافه صاير ينجح ويزبط هالايام ..
مثلا اغلب المواضيع التافهة بتلقى ردود كثيرة
وأغلب المواقع التافهة زي مواقع التعارف بتحقق نجاح كبير
واغلب القنوات التافهة زي قنوات الشات والكليبات بتحقق نسبة مشاهدين عالية
ليش البنت التافهة المتبرجة هي الي صاروا الناس يطلعوا عليها
ليش الأغاني التافهة بتولع الناس
ليش البرامج التافهة زي برامج الابراج والتنبؤات بتجذب الناس
ليش الناس بيحبو يقرأو كتب تافهة زي الروايات الغبية واذا لُمتهم بيقولوا هينا بنقرا مش بدكم ايانا نقرا
وليش وليش وليش ..
اشياء كتير تافهة بتلقى نجاح كبير هالأيام ..
يعني مثلا
في عندك برنامج ديني وعندك مسلسل جديد وحصري
وعندك موضوع عنوانه "اذكار الصباح والمساء" وموضوع عنوانه .. " شخصيتك من طول شعرة رمشك"
وعندك كتاب " مع الله " وعندك كتاب تاني اسمو " نجوم 2009"
وأمثلة كتير كتير مابنقدر نعدها
تتوقع جيل 2009 رح يختار أي واحد من هدول الخيارين الي عندك في الامثلة هادي؟!
ياريت ياجماعة ننتبه ع بعض ونخلي الأشياء الي تحصل ع اهتمامنا افضل من هيك ..
انا مش قاصدة اشي بموضوعي بس جيل هاليومين هادي مزودها شوية ..
الله يغفر لنا ولكم ويرضا عنا وعنكم ..

_______________________________

.

{ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ }