الله يحييك امول .. موضوعك حلو وللأسف واقعي
بس انا بشوف انها مرتبطة بالفئة العمريه للأنسان
وهذا الجيل بعد 10 سنوات حيشوف الجيل اللي بعده تافه وهو عاقل ومتزن وبيدور على الايجابيات
هذا في امور الحياه كلها
نحن الان بنشوف اللي الصغر منا تفكيرهم تافاه ... واللي أكبر منا بشوفنا نحن الان تافهين
وبالنسبة لمواضيع المقعد .. انا نفس الشي لاحظت ... التافه بيمشي حاله .. والموضوع الحلو قليل اللي بيردوا عليه
وكله بيرجع لثقافة وشخصية العضو نفسه .... والأهم عمره .. معظمهم هنا بشوفهم صغار .. و هذا بيناسبهم اكثر
او الموضوع بكون لشب من الشباب .. والشباب هما هيك حياتهم وحكيهم كله تخبيصات ..
بس تعالي اسمعي حوار من الحوارات اللي بيكنو بتناقشو فيها بتلاقيهم غير
يعني النقيض عن مسخرتهم هنا .. يمكن هو عالم النت هيك..
عالم الخفاء اعطنا فرصه اكبر ان نكون على غير مانحن عليه في الحياه
يمكن وسيلة التعبير الوحيده المتاحه عنا العرب ..
فبتحسي من فشة الغل صارت ردات فعل عكسية وبطريقة سلبيه
اتمنى قدرت اوصل وجهة نظري هنا
انا قرأت التعليقات السابقه كلها
وعجبتني كلمتك ... اختلاف الرأي يفسد للود قضيه
لأنه هو هذا اللي ماشي بالمقعد هنا للأسف
غير التحزبات اللي اوقات بتفكرني بمقاعد النسوان والستات
لو وحده زعلت من وحده بتروح تحكي للكل ازعلو من فلانه وماتحكو معاها
وهذا كمان بحسه عنا .. لو عضو من تحزب معين ماعجبه عضو معين او صار بينهم احتكاك
بتلاقي فجأة كل القروب اللي معاه قلبوا قلبة وحده على الثاني
وبطلو يردوا على مواضيعه وحطوا عليه بلوك .. حتى لو مواضيعه مميزه
بجد اشي بيحزن انهم يكونوا تعدوا سن العشرين ومازالو بيعملو حركات الصغار
خلص حكيت كل اللي عندي
ومشكوووره اموول لطرحك الصادق