كل يوم بنسمع انو فلان طخ علان و انو بصر مين طخ على دار ابصر مين ...

و الإشي هادا صارت زي موضه عنا ... يلي ما بيعجبة بصر مين بيروح بيطخ عليه

يا اما بيقتله يا اما بيعمله عاهه مستديرة (( مستديمة )) في جسمه ...

و أول عن اخر بيروحو كبار العيله و كلها بوسة راس و فنجان قهوة ....

يعني صار الواحد يقول ... يلا في داهية يموووت ... كلها فنجان قهوة و بوسه راس ...

يخي لو مخرمن على كوباية قهوة حق وقية القهوة 9 شيكل و ديليس كمان

ارخص من الطلق يلي بدك تطخ فيه ابن الناس ...

و في ناس بتكون ما بتسوى قشرة بصله بتلاقيه حامل هالكلشن ولا مسدس

و كل شوية بيقول بطخك في راسك ... او ايش ... ديتك طلق

يا عمي هادا الحكي ما بنفعنا ... احنا دولة محتله لازم نكون ايد وحده

مش كل واحد بدو يعربد على التاني و عاملي فيها عنتر زمانه ...

نيجي لحاجه تانية ...

قصة بتصير و بنسمعها دايما ...

بتلاقي حالك في نص الطوشة الا واحد ناطط بيقول (( انت مش عارفني انا ابن مين ))

ابن مين يعني ... ابن مين ما تكون تكون ... الراجل بايده مش بإيد غيره ...

و بتلاقي بعد ما خلصت الطوشة ... بينط تاني و بحكي و الله لخطفك ...

يعني صارت شغلانه مافيات في بعض ... و احنا بنروح بين الرجلين

متى بدنا نصير ايد وحده ازا كل يوم هيك ؟؟؟

و في اخر الطوشة و بعد ما تتدهور الاحوال بتيجي تعرف شو القصة ...

اه يا فلان شو القصة (( القصة يا سيدي انو الشب الفلاني حكا مع البنت الفلانية ))

طيب يا يا فلان بتقربله البنت (( لا طبعا ... البنت هادي طالبه معنا في الجامعه بس هو حاطط عينه عليها ))

يعني الموضوع من اساسه تافه ...

و هي اغلب الطوش يلي بتصير عنا ...

او بتلاقي الشب عامل طوشة عشان شب تطلع فيه تطليعه عادية ...

فبتلاقيه رايح عمل طوشة و بيقوله كنو مش عاجبك بتطلع فيا ...

يخو مين انت اصلا عشان بعجبه ولا ما يعجبة ... ولا لما بده يتطلع فيك يقولك

اخ جمالك جمال مش عادي و يغنيلك اغنية فضل شاكر و يارا ؟؟؟

و كمان بتصير طوش عشان اخد ايميل البنت الفلانية ...

و بيصير فيها دم للركب (( مش للركب يعني )) ...

وفي الاخر بوجه سؤال لكل المقصودين في الكلام يلي فوق ...

بتعد حالك راجل يعني انت وياه ؟؟؟؟

خسيت انك تكون راجل لو بدك تعمل كدا ...

_______________________________