مقعد الغزازوة - عرض مشاركة واحدة

**حسون** · #2 01-08-2005, 09:27 AM

منور يبو العبد .. وام العبد (البركة) بلاش تزعل ..

في عندي شوية كلمات بدي أحطها في القاموس ..

طبعاً الكلمات باللغة الغزاوية ..

ككسة = كيكة

يا مسخم = يا منيل

عارض = مش عارف كيف أعبرلكم عنها .. بس يعني مرات بنقول عارض ياخدك ايش هوة العارض مش عارف...

الكوربة = راس الشارع = لفة آخر الشارع

ضاوي = فاقد = ما بفهم اشي

براد = بكرج = إبريق بنقول براد الشاي أو بكرج الشاي

شُشْبَرك = هوة نو طبيخ مرات بتتسمى ودن القط وهي عجين بنحشي لحمة أو كفة مفرومة وبنطبخ مع اللبن ..

بشكير = منشفة اللي بنشف فيها وجهنا على الصبح ...

برضو بشد على ايدي أبو العبد ... وبقول لباقي الغزازوة اللي عنا انهم يكتبوا كلمات ويترجموها عشان نطلع بقاموس اللغة الغزاوية واللي بخش على المقعد وبقرا موضوع وما بعرف معنى كلمة فيه يلجأ للقاموس ...

وتحياتي لأفكارك يبو العبد .. ولإم العبد (البركة) بلاش تكون الفكرة فكرتها ..