مسالخير
من أهم مقومات الزواج ان يكون في توافق ديني وعقلي وفكري واجتماعي وطبعا طبعا عاطفي
لو اختل أي واحد من هالاطراف فالزواج مش حيكون ناجح
إما حينتهي بالطلاق او انه الزوجين يعيشوا حياة جحيم كتضحية انه العيلة ما تتفرق والاولاد يشيلوا الذنب
في موضوعك هان راح اتطرق للجانب الاجتماعي
بالبداية بدي اذكر قصة زواج الصحابي الجليل زيد بن الحارثة من ام المؤمنين زينب بنت جحش قبل زواجها بالرسول عليه الصلاة والسلام
زيد بن الحارثة كان رق (تم اخذه سبي وصار عبد يباع ويشترى) إلى ان اشترته خديجة رضي الله عنها ثم وهبته للرسول اللي اعتقه بعدين اتبناه قبل ما يتحرم التبني
فالرسول عليه السلام كان يحب زيد متل ابنه وزيادة ولذلك زوجه ببنت عمته زينب واللي هيا من حسب ونسب وصاحبه مال
وطبعا صاحبة دين وخلق
لكن الزواج ما استمر... وانتهى بالطلاق
بعدين تزوجت زينب من الرسول عليه الصلاة والسلام
فمن هذا المنطلق ومن منطلقات كتيرة كمان
بقول انه احسن اشي الواحد ياخد اشي من توبه ومن مستواه
لو اخدت واحد غنى اعلى من مستواي يقعد يتمنن علي بالمصاري وانه معيشيني عيشة احسن من اهلي!!!
او واحد فقير اقل من مستواي كل ما نشد بالحكي يقعد يقولي مفكرة حالك مين انتي واهلك!!! ويضل حاسس بعقدة نقص او دونية!
هوا اكييييد الدين والاخلاق أهم اشي لكن الحياة ما بتمشي بأفكار افلاطونية وكمالية
الواحد ياخد من مستواه... اعلى شوي اقل شو ... مش مشكلة
بس ما يكون الفرق كبير يخلق حواجز ومشكلة في التواصل والتفاهم
هاد رأيي وبالاخر الاشي بيكون قناعة ونصيب
يسلمو عالطرح المميز