صباحكم / مساكم فل و توليب و روز و ياسمين
أول شي مرحبا بكل الموجودين منوسين القعدة

طبعا... الكل هلأ داخل عامل هيك بيحكي هو مين يلي حيبووووس <
ريلاكس يا جماعة عشان تفهموا هههه

هلأ في عادة بتجننيني مو بس أنا طلع في كتير بنات كمان بسير معهم هالإشي
إنه بتلاقي مسلا البنت طالعة من بيتهم حتحكيلي وين طالعة؟ ححكيلك ما دخلك
المهم تلافي جارهم مع العيلة السعيدة بالصدفة طلعوا بنفس الوقت فممكن مرات بتحكي البنت مرحبا.. و بس خلاص حتمشي..
لاااااااااااااااااا بركض و بروحلهاو أهلا أهلا و سهلينات و انشكاحات و بيمد إيده ليسلم عليها و لهلأ الوضع مستتب
شوي و بيشد لااازم يبوس و هو بيسلم و مرته بتكون جنبه شوي و حتضربه و تدبح البنت معاه

هاي أول مرة...
تاني مرة البنت لاقته هربت عالدرج طلعلها من الأسنسير (يلي هو المصعد للمثقفين) و تشتغل الوقااحة وين هربتي حكيت السلام عليكم و ما رديتي يمكن ما سمعتي خخخخخخ
يعني هالموقف بسير معي كتيييييير و فكرت بس جارنا يلي بده خبط طلعمو بس جارنا و زوج صاحبة ماما و زوج عمتي وغيره الكثير
و لما حكيت لصحباتي التنيتين حكولي هما كمان بسير معهم نفس الشي بس عأنيل أصحاب أبوها لما تروح معاه مرات عشغله بتسير مصارعة لتسحب إيدها منهم لازم يبوسوا و نلاحظ هاي الظاهرة فقط و فقط مع المتزوجين

المهم فحكيت ما ضل غير ماما أحكيلها و لما سمعت هذه السمعة إشتعل الغضب و يعني إحم إحم كان يوم حلو و حكتلي مرة تانية ما في تسليم من أصلو !!! حكتلها طيب الواحد بمد إيده يعني شو أعمل أنا ؟
حكتلي إحكيله ما بسلم و لو حكى ليش إحكي التسليم حراااام !!!!
طيب و الله بعرف إنه حرام بس هلأ مو زابطة كيف بدي أحكي أنا ما بسلم و البنات صحباتي كمان سألوا الأمهات الفاضلات و نفس الكلام الأمهات نصحوهم و الصراحة هالنصيحة صعبة يعني الواحد يعملها هيك و جها لوجه

و المشكلة في ناس بشوفوها شي عادي و ناس بتشوفها شي كبيييير أنا عندي مش عادي أبدا أبدا
و إزا ما سلمت بحكوا هالبنت مش محترمة مريت جنبها و ما سلمت و لما نسلم بطفشونا

هلأ هل إنت/ أنتي بتشوفيها شي عادي أو مشكلة ؟
و هل هالظاهرة منتشرة فعلا و لا بس عنا بهالبلد ؟

_______________________________