مرحبا جميعا
هذا اول موضوع لالي في منطقة اشخرلي و اشخرلك
يعني أول شخرة
وبصراحة الموضوع بخلي الواحد أو الوحدة تشخر فعلا
الموضوع الي بدي احكي فيه هو
مجتمعنا الفلسطيني بين الدين و العرف
وليش مجتمعنا الفلسطيني بتحكمو كتيييييير عادات و تقاليد انتقلت لإلنا مع الوقت
و عادة ما بتكون هالعادات بعيدة كل البعد عن الدين
و ليش بنلجأ للعرف و القانون في كتير من امورنا ؟؟؟؟؟
مع انو حكمها مختلف نهائي في شرعنا و دينا
طبعا رح تحكولي هالموضوع كتيييييير كبير
و الحكي فيه بيطول
مشان هيك انا رح احكي تحت هالعنوان عن 3 أمثلة
انصفها المجتمع و خالفها الدين
أول مثال
والي اعتقد الشباب رح يكرهوني عليه 
◘◘◘◘◘
لماذا لا يقتل الشاب على خلفية الشرف؟؟؟؟؟؟؟؟؟؟؟؟؟؟؟؟؟؟؟
◘◘◘◘◘
طبعا هاي مش دعوة لانو الشباب ينقتلو يعني 
بس ليش البنت بتتحاسب على هالغلطة بالقتل أو العار أو الملاحقة طول العمر
بينما مجتمعنا بيغفر للشاب هذا الاشي؟؟؟؟
و ليش لو البنت غلطت عمرو ما حدا بفكر يتقدملها بينما الشاب ما بينسأل حتى عن هالغلط
؟؟؟؟؟؟؟
و ليش البنت حتى لو كانت مغتصبة بتتعاقب على هالغلطة بالقتل
أو بإنو عمرها ما ترتبط باي شخص بعد هيك
مع إنو دينا العادل حكم على الشاب و البنت بنفس الحكم
◘◘◘◘◘
ليش المجتمع بينظر للشخص الي بيسكر على انو سئ السمعة بينما الي ما بيصلي ما بننتبه لإلو حتى
◘◘◘◘◘
هاي اعتقد الكل بلاحظها
يعني الشخص الي بيسكر او بيتعاطى مخدرات أو غيرها بيكون
سئ السمعة عالة على المجتمع وما حدا بفكر انو يزوجو بنتو في يوم من الايام
وطبعا هذا مش دفاع عنو لأنو هو مذنب 
بس ليش الي ما بيصلي المجتمع ما ينتبه حتى لإلو
ولو تقدم لبنتك بتحكي عادي بكره بيصلي
مع انو السكير مذنب بينما الي ما بيصلي خارج عن الدين اصلا
و ذنبو عند ربنا أعظم
◘◘◘◘◘
ليش ينظر للبنت المحجبة على إنها كافرة و سيئة السمعة
و أكيد هي مذنبة
بينما كتيييييير من المحجبات و المنقبات بيرتكبواا ذنوب أعظم
◘◘◘◘◘
الموضوع كتييييير كبييييير
والحكي في بيطول متل ما حكيت
بتمنى تناقش في حدود هالتلات أمثلة
خلوني أسمع أفكاركم و آرائكم
وهل من وجهة نظركم هالواقع ممكن يتغير أو لا
؟؟؟؟
هذا الموضوع تحت رعاية
رابطة لادعين المقعد