موضوع حلو وتساؤلات في محلها
والسبب انه العادات والتقاليد مسيطرة ع كل شي بحياتنا والبعد عن الدين اللي بعاني منه مجتمعنا كمان احد اهم الاسباب
يعني العائلات او الاهالي بيعملوا اعتبار للعادات والتقاليد اكتر من الدين رغم انها منافية قي بعض الاحيان للدين
الافضل في هالحالة انه نبتعد عن الشبهات
وطالما البنت المتهم الاول والوحيد بهالمجتمع فياريت كل بنت تحفظ نفسها منيح وتنضف قلبها وروحها
وتتقي الله بأفعالها
ساعتها الشباب رح ينجنوا ليفكروا يوصلوا للبنت بدل ماصارو البنات فريسة سهلة بإيد اللي يسوي واللي مايسوى
وبهيك طريقة البنات بتحقق الحماية لنفسها ومن ناحية تانية الشاب بيعرفوا قيمة البنت منيح
مافي اعظم من كما تدين تدان وربنا مابضيع حق مظلوم
اما بالنسبة للي بيسكر انا بشوفه اخطر من اللي مابصلي لانه السكر بضيع العقل وطالما ضاع العقل اذا كل شي بالنسبة اله مباح بقتل بنتهك اعراض وبهيك طريقة ممكن يسبب مشاكل عديدة للجمتمع ويإذي اللي حوله ويسبب الهم المصايب
بس اللي مابصلي مابإذي الا نفسه
وفي النهاية الاتنين مذنبين والله يحمينا منهم
انا بعرف انه اعتراضك ع نظرة المجتمع مش ع مين مذنب اكتر
فعلا مجتمعنا مابينظر للشخص اللي مابصلي نفس النظرة السيئة اللي بينظرها لشارب الخمر او المحرمات لسبب انه اللي النتائج المترتبة ع شرب الخمر اسوء بكتير من ترك الصلاة من ناحية المجتمع لكن في المحصلة الذنبين اعظم من بعض
يعني مثلا عادة سب الذات الالهية شي منتشر بمجتمعنا كتير وهالغلط عظيم جدا جدا جدا عند الله وعند كل شخص متدين
لكن المجتمع كمان مابنظرلو بنفس نظرته لذنوب ومعاصي تانية
وبردو بسبب العادات والتقاليد اللي بتحكمنا اكتر من الدين
الحل زيادة علاقتنا بربنا والتثقف اكتر بإمور الدين ومحاولة تطبيقها بشكل عملي
مودتي