هلا والله برغودتي
الف الف مبروك التخرج
طيب وين الحلوان
بخصوص فقدان الذاكره اشي طبيعي
لانو احنا لما بندر س بالجامعه بندرس للامتحان مو للوقفه بالصيدليه
يعني لما تموتي وانتي بتحفظي بالكيميا الصيدلانيه
واجي تاني يوم اسلك ارسمي المركب الفلاني اكيد ماراح تعرفي
فانو نيجي للمهم
الكلام الي حكاه الدكتور خنفشاري مزبوط
والكتاب تاع لبنكوت اكتر من رائع
وحاولي انك اتكوني دقيقة الملاحظة
حاولي تسالي ما تستحي الي ما بيسال ما بيتعلم
حاولي تسمعي اكتر ما تحكي
وانك تمسي ورقه وقلم وتقعدي تسجلي بادوية الصيدليه كلام فاضي
كل دفاتري رميتهم والله ما طلعت فيهم ولا بعرف شو فيهم
حاولي تخلي اسلوبك بالتعلم عملي
راجعي الشغله بالبيت
وارجعي عالصيدليه بس اوقفي اطلعي بالادويه وراجعي المعلومات بمخك
اهم شي من اي مجموعه موانع الاستخدام
وقت الاستخدام قبل او بعد الاكل
اهم الاعراض الجانبيه
اهم التداخلات الدوائيه او مع الاطعمه متلا الحليب مع doxycycline
والحديد مع الكالسيوم
يعني الشغلات هاي الي بتهم المريض وكيفيه استخدام العلاج
ما تخلي معلوماتك علميه بحته هاي الشغلات النا مو للمريض
وما تزعلي هاي الفتره مزعجه بس حاولي تسترخي وتستمتعي بالحياة العمليه
لانو مافيها استرس متل الجامعه
الله معك عزيزتي واي استفسار بالتدريب انا جاهزة