اقتباس:
المشاركة الأصلية كتبت بواسطة دمعة اشتياق
مرحبا دوك ..
عندي سؤال :
كتبتلي الدكتورة تبعتي هاد الدوا بعد ما عملت تحليل دم وطلع دمي كتير منيل انو مش قوي
Swy Slct Ferrous Gluc 300 mg
ف اعطتني اقراص حديد لانو قلتلي هو هاد السبب الي مخليني دايما دايخة ومش قادرة اركز وانا بدرس
وطول الوقت نعسانة ونفسي اانام
قليلي بالله ايش وظيفتو والله حاسة ما بعمل اشي الي اسبوعين باخدو ولهلأ ما بتحسن والله
حاسة راسي خلص بنشرت  والله بتوجع من الدوخة انا ليش هيك  |
هلا والله
الف سلامه عليكي
الحكايه بسيطه بس بدها طوله بال يعني مش زي اي مرض اسبوع ولا اسبوعين وخلص
بدك على الاقل شهر لتحسي بتحسن
وممكن ما يكون واضح كتير كمان
شو بيعمل الحديد؟
الحديد مكون اساسي ومهم جدا بالهيموجلوبين تاع كريات الدم الحمراء
وهو المسؤول عن امتصاص الاكسجين من الرئه وتوصيلو لكل اجزاء الجسم
وبما انو جسمنا مش منجم انو يصنع الحديد لحالو
فلازم ناخدو من الاكل
وبما انو اكل الايام هاي مافي بركه وكل اللحوم محشيه هرمونات والخضره ملاينه مبيدات حشريه
فيعني لو تاكلي من هان لبكره من دون توقف ماراح تاخدي الاحتياجات اللازمه من الحديد
وغير هيك البنات معرضات اكثر لنقص الحديد
نيجي للمهم من بعد المحاضره
بدي اسال سؤال كم قرص بتاخدي باليوم؟
يعني للي عندو نقص حديد لازم ياخدو من
300mg-150mg
يوميا
فانو
Swy Slct Ferrous Gluc 300 mg
القرص الواحد راح يعطيكي حديد صافي 35mg
فيعني بدك تاخدي قرصين 3مرات يوميا عشان تاخدي الكميه الكافيه
وافضل وقت لاخد الحديد هو قبل الاكل بساعه او بعديه بساعتين
يعني على معده فاضيه عشان يكون الامتصاص للحديد كامل
وطبعا بدناش نحكي انو يتاخد مع عصير ليمون او برتقال او فواكه اي شي فيه فيتامين سي لانو فيتامين سي بيحول الحديد الي الشكل المناسب للامتصاص
وبدناش نحكي انو ممنوع يتاخد مع شاي اوقهوه او المنتجات الغازيه او حليب او حبوب كالسيوم لانو بسير الحديد متل قلتو ما راح يمتص وراح يطلع زي ما دخل
وكتري اكل عدس وتمر وكبده والشغلات الخضرا متل البقدونس والملوخيه والسبانخ والشغلات المفيده
ديري بالك على حالك
منوره
