المشاركة الأصلية كتبت بواسطة فارس الظلام بسم الله الرحمن الرحيم الله ان شاء الله يجعله في ميزان حسناتك و في عندي كم سؤال لأمي امي عندها سكري و بتاخد دواء اسمو : glucophage وعندها كمان هشاشة عظام و بتاخد دواء اسمو : cal-plus وكانت بتاخد ( اسبرين) لحماية القلب لأن عمرها في 40-50 فيوم كانت تعصب كان ينزل من انفها دم و آخر مرة راحت للدكتور علشان السكر اعطاها دواء غير الاسبرين نوع تاني اسمو : ASPIMED و هي الحين صار الها اسبوع ما اخدتو خايفه يوم تاخدو يرجع ينزل دم من انفها فشو تسوي هل توقف هاد الدواء و لا شو تعمل و على فكرة الدواء الجديد ما اخدت منو ولا حبه خايفه فالرجاء اعطائي حل في اسرع وقت

السلام عليكم

اولا الله يعافي الولاده يارب ويعطيها طولت الصحه والعافيه

تانيا نيجي للادويه

ASPIMED
هو عباره عن اسبرين 75mg
مغلف بطبقه من السكر لحمايه المعده من تاثير الاسبرين القوي
وعشان يذوب بالامعاء وهناك يتم امتصاصه
وهو بيشتغل على الصفائح الدمويه المسؤوله عن عمليات التجلط
ويفضل اخده عند النوم لانو انتاج هاي الصفائح بيتم بالليل



اما حكايه الدم الي بينزل
انا عندي شويه اسئله قبل ما اجاوب
هل الوالده عندها ضغط
هل بتراقب ضغطها باستمرار
هل عندها دوالي؟
هل عندها بواسير ؟

انا بسأل عشان اطمن على الاورده الدمويه هل هي قويه
لانو غالبا مرضى السكر بيكون عندهم ضعف بالاورده الدمويه
وهادا بيادي لسهوله تمزقها وبما انو هي بتاخد اسبرين
فهادا بيأدي للنزف بسهوله

انا رأيي انو اضلها تاخد الدوا خصوصا لو كان عندها ارتفاع بالدهون والكلوستيرول
(هادا الشي غالبا بيكون مع مرضى السكر)
اما اذا كان الدهون والكلوستيرول طبيعي
في دراسات جديده بتحكي انو
يفضل عدم اخده
حتى لو كان عمر المريض من 40-50
وتحاول تاخد ادويه لتقويه الاورده الدمويه متل daflon
او
اي فيتامين بيحتوي على bioflavonoids
او
فيتامين c
غير انو تركز على اكل الخضار الملونه متل البندوره والجزر
والفواكه متل الفراوله والكرز والتفاح الاحمر
والتوت
يعني اكتر شي الالوان الحمراء والاسود

وكمان ليش بتعصبو الوالده

المفروض ادليلوها

وياريت لما تروح المره الجايه على الدكتور تحكيلو عن حكايه الدم

وتراقب الضغط

والله يخلي الوالده ويعطيها طولت العمر والصحه والعافيه
سلملي عليها

يارب اكون أفدتك وجاوبت على الاسئله متل ما بدك
واذا في اي استفسار تاني انا بالخدمه
تحياتي

_______________________________