هي اللي جابو العلم و التطور
و الفيس بوك
فساد و الله اكتر من إصلاح
بكرة كمان لما يجي واحد يخطب بنت و الله ليسير يفتح اكاونت الفيس بوك تبعها
و يشوف مين فرندز عنها
و نفس الإشي للبنت 
تفتح اكاونت المحروس تشوف مين فرندات عندو و تشوف كل كومنت كاتبو لأي بنت 
كل واحد لازم يدير بالو والله
المصيبة يا دكتورة اغلب الحكي اللي قلتيه
و العمايل اللي بيعمولها فعلا بيكونو هادول الشباب متعلمين و معهم شهادات
و مع ذلك اخلاقهم ساقطة و بيجو ببيعو شرف ع النت المصيبة 
هادة بيدل على إنو العلم ملوش علاقة بالأخلاق
العلم يعطيكي كيف تتعاملي مع العالم حسب مهنتك عشان يكون الواحد مناسب لمكانو
بس الاخلاق هاي موجودة قبل ميروح الواحد جامعات
و سببها مش ضروري قلة ترباية و الله
لإنو احيانا بيكونو الاهل ربو و تعبو على ولادهم عشان يكونو احسن خلق الله
بس فيه ناس قلة الحيا بتمشي بدمهم و بجيناتهم
لو مية سنة ترباية مش رح بتفيد
المصيبة الأكبر اللي بهيك شغلة حاجة تانية خالص
المصيبة إنو سار التعامل مع هيك مواضيع بشكل عادي
و كإنها من متطلبات العصر اللي لازم كل شب و بنت يكون عندها هاي الشغلة
لما هيك يسير يقولو عادي الشب عايش حياتو انت بتقتلو يعني بالحياة
خليه مبسوط " بيعملش اشي غلط "
لما يشوفو البنت قاعدة بتحب و بتقول و و بتجاهر بكل عين وقحة
بسيرو يقولو تجرحوش مشاعرها حرااام عليكو خليكو زوق شوية معها ,مش هيك التعامل 
سار و كإنو إشي عادي
عنجد احنا فقدنا كتير شغلات من قيمنا و اخلاقنا كمسلمين
و الناس نسيو إنو فيه حساب و محاسبين على كل كلمة بيعمولها و بيقولوها حتى لو كانت تشيجع لشخص لحاجة غلط بيعملها
لو كل واحد حاطط مخافة ربو بين عنيه لكان بسيرش إشي بالدنيا
بس الناس بصراحة إلتهت و الدنيا سار فيها حجات و تطورات بتزين المعصية بعيون البني آدم
و بتبسطها لدرجة تخليه يفكر إنو إشي من ضروريات الحياة اللي لازم يسير
و لو ما سار هالشغلة يعتبر تخلف و رجعية و قلة زوق و عيب
موازين إختلفت عند العالم
و بطلت بصراحة الترباية تحكم هيك شغلات
مش عارفة يمكن حاسة حالي شطحت شوية عن الموضوع
بس بصراحة الموضوع كبير و بيربط فيه اكتر من قضية
و هيك مشاكل حلها الواحد يرجع لدينو و لربو
و لو كل واحد فكر فيها إنو محاسب و فيه آخرة و حساب على كبيرة و صغيرة
كان مش هيك حال الدنيا
بس الدنيا بطلت دنيا
ع العموم يعطيكي العافية ع الموضوع يا دكتورة