لاحول ولاقوة الا بالله

وصل عندكو الاشي

الله يجيرنا

والله لما اشوف وحده عامله راسها هيك
بقشعر بدني
وبتذكر الرسول صلى الله عليه وسلم
انو بجد وما ينطق عن الهوا
ان هو الا وحي يوحى

من فتره كنت قاعده بحضر بموضوع وحده اجنبيه عملاه عن الخليج
فحكت عن اللبس

فانو حكت انو زمان البنت الي بدها الرجل يلتفت الها
كانت تعمل الحجاب تاعها بهاي الطريقه
عشان يميزها عن غيرها
فيعرف الشب انو هاي البنت available
فصارت تضحك الاجنبيه
انو راحت على مجمع تجاري وشافت البنات معظمهم عاملين الحجاب ابو نفخه
فصارت تلمح انو شوفو كيف بنات المسلمين وياريت وقفت على الخليج
الحين انتقل الاشي للستايلات التانيه
انو بتكون البنت لابسه سكيني وبدي
وطولها 10سم
والحجاب 30سم فوق راسها
فانو بطلت الشغله متوقفه على الي بلبسو العبايه
او الستايل الخليجي

وزي ما بنحكي دايما
الحق على الاهل
مش عارفه شو هالاهل الي بس مهمتهم يخلفو وياكلو ويلبسو
طيب يعني المفروض الام تشوف بنتها كيف طالعه
وتفهمها وتوعيها
الجيل هادا بهالزمن الفتن فيو كتير
وانو الواحد يضل ثابت صارت صعبه
فلازم الام والاب يكونو المساندين لاولادهم عشان يثبتوهم ويفهموهم
ويعلموهم انو الله اولا واخيرا
مدام ربنا حكى النا ما تعملوش ما نعمل من غير نقاش وما نكون متل بني اسرائيل المغضوب عليهم
لما ربنا حكالهم اذبحو بقره
ولما حكالهم انو ما يعملو بيوم السبت
فحاولو يتحايلو ويلفو ويدورو
ويمكرون ويمكر الله والله خير الماكرين
سؤال بس يعني
ايش الهدف انو الوحده تعمل حجابها هيك
اكيد بتحب لفت النظر الها
وغير هيك
الحواجب
وغير هيك التاتو الي صار منتشر هالايام بطريقه فظيعه
بتكون الوحده ماشيه متل المسخ
الراس متل الايلين (كائن فضائي)
والحواجب متل الشيطان
لاحول ولاقوة الا بالله
بس بدي احكي كلمه اخيره
انو الي بتفرح بكلام الشباب الها وهي ماشيه بالشارع ومش مخليه شغله الا وعملاها
لما بيروح عالبيت بيتف عليها وعلى اهلها الي ماعرفو يربوها
لانو رخصت حالها عشان كلمه ولا نظره

واخيرا

اللهم ثبت قلبي وعقلي على دينك
واهدي شباب وبنات المسلمين الى الصراط المستقيم








قسما بربك كلا مك ثقله جواهر

الحمد لله عزو وجل جعل بيننا من يقول كلمه الحق







ابو اسلام المفدسي