المشاركة الأصلية كتبت بواسطة بقايا وجد هوني ما عليكِ أختي.... أولا حرقة الدم هادي ما بتنم إلا عن كونك إنسانة واعية بمشاكل مجتمعها... فلكِ تحيتي على ذلك... ومرورك ع الموضوع وردك يوحي برضو انك زيي بخصوص الموضوع اللي طرحتيه... ما بدنا ندخل حاجة بحاجة، لأنو قد يكون هنالك شخص صاحب دين وأخلاق وتلاقيه بمر بهيك موقف... لأنو وببساطة بتلاقيه بيشبع اللي مش موجود بواقعو بواقع تاني في النت... ومو شرط يكون باسمو الحقيقي... واحنا أكبر من إنو نحكي هادا بيكلم بنات ولا ما بيكلم بنات، الدنيا اتوسعت وصار فيه وعي من قبل البعض بهالشي ولله الحمد... اما الأجنبيات ما اجنبيات، الغلط مش فيهم لأنو هالشي ممكن يكون عند العرب وللأسف... لكن الشي راجع للمستخدم نفسو وأخلاقو هي الي بتحكم طبيعة تعاملو مع هيك أدوات... وانا مش مع إنو الواحد يخبي صحبتو ومعارفو سواء بنات أو شباب، في النهاية لازم ياخد الموضوع بالشكل الطبيعي لكلا الجنسين وإذا ما حب يتعرف ع الجنس الآخر فهالشي الشخص نفسو اللي بيتحكم فيه... والبنت أو الشب على حد سواء ممكن نلاقي منهم المنيح والعاطل، وبرضو ليش ما ممكن نحكي انو هادا متعرف ع واحد أخلاقو زباله ونبطل نكلمو عشان هيك... القصة وما فيها إنو البنتعندها امكانية أنها اتوظف امكانياتها عشان تجذبو للشب،،، أما الشب موضوعو مختلف بحكم طبيعتو ولو إنو هالشي ممكن كان لقيتيه زيز زي البنت سواء في الغرب ولا عنا هان... اللي قصدتو هوا إنو الفيس بوك بيعكس واقع وصورة الإنسان... لكن ليس بالضرورة أن يكون طبق الأصل... لازم ما ننسى انو النت جزء من الواقع لكن مش جزء كلي ممكن يكون هالجزء وهمي او افتراضي.... يعطيكي العافية... تح ــيتي

رد حلو كتير
ومرور رائع
يسلمو يا بقايا وجد