هي هادي الجملة الي بضحكو علينا فيها
عاملة زي ابرة البنج
بعين الله وربنا بعوضك والي بترك شي لله ربنا بعوضو وهي لله هي لله
يخصمو من رواتبنا التعبانه خلقة للكهرب ويقلك هيا لله
يتأخرو بالرواتب ويحكولك هي لله ونحتسب الاجر من الله
ينقلوك نقل تعسفي وغصب عنك ويقلك مصلحة العمل وهي لله
لا وشوفي النكته
رواتب السلطة المرة نازلة وفوقها 500 شيكل عيديه طبعا للي بقبضو من رام الله
واحنا هان الي بنقبض من غزة بدل ما يعيدونا بخصمو علينا 170 شيكل للكهرب قال
وهي لله هي لله
ويا ريتها لله الا لكروشهم
زهقنا ضحك عل دقون
عن جد الواحد فرطت معه من الظلم
ناس قاعده بتروح كل اول شهر بس عل صراف تقبض وتروح بدون ما تعمل ولا بشيكل من قبضتها
لا ويزودوهم كمان
واحنا الي بنحرت طول الشهر
قاعدين بتخنزرو علينا
وازا حد اعترض وقال لا بصير كافر ومش صابر ومش مرابط وبستاهلش يكون بأرض الرباط
واضحك على الشعب الغلبان
الله لا يردو هو الي جابو لحالو