|
|
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
>> برج المراقبة <<
التسجيل مفتوح اليوم للزوار .. ويا ويله يا ظلام ليله العضو اللي بسجل بعضويتين
 |
 |
 |
|
|||||||
|
|
|
|
 |
|
|
أدوات الموضوع | طرق مشاهدة الموضوع |
|
#1
18-07-2008, 10:06 PM
|
|||
|
|||
كلام الناس !!!..شووو الحل ؟؟؟
السلام عليكم ورحمة الله وبركاته الناس .. وكلامهم .. عقدة موجوده بكل المجتمعات تقريبا.. مين هم الناس اللي بنخاف من كلامهم ..؟! وليش ممكن نخاف من كلامهم ؟؟ معقول نضطر نعمل أشياء ما بدنا اياها بس علشان نرضي الناس ؟؟ ممكن تغير طريقه او مبدا علشان الناس ما تحكي عليك؟؟؟ البنت ليش ممكن تخاف كلام الناس لو كانت عارفه نفسها صح؟؟؟ المطلقه ...ليش ممكن تخاف من كلام الناس؟؟؟ العانس ..؟؟؟ الفقير ...؟؟؟؟ الطالب ..الطالبه ؟؟ ست البيت ؟؟؟ وغيرهم .. ما في انسان من كل المجتمع ما بيخاف كلام الناس تتعددت الأسباب اللي بسببها ممكن نخاف من الناس وكلامهم ..!! وفي منها الصح ومنها الغلط!!! بس ما سالت نفسك ليش هذا الخوف ..؟! هل هو فعلا ً خوف من كلام الناس .. أو إنه خوف من المظهر اللي رح تظهر فيه بعيون الناس .. ! كلنا بنحب نظهر بالشكل اللي بنحبه ونرغبه .. لكن بنخاف من ردة فعل الناس ومن كلامهم .. وشوو رح يقول الناس عناا لو عملنا هيك ؟؟؟ باي نظره رح يشوفونا ؟؟ ممكن نخسر طموحنا ورغبتنا في الظهور بالشكل اللي بنحبه.. بسبب خوفنا من نظرة الناس وكلامهم .. .! ولاي درجه بيهمك كلام الناس بصراحه؟؟؟ الحديث يتشعب .. !! اكيد لكل شخص منكم رأي .. ووجهة نظر بهذا الموضوع .. وإذا كان رضا الناس .. غاية لاتدرك .. !! شوو الحل يا ترى؟؟ 
_______________________________
خلص رمضان  وخلص العيد اذا صوتك حلو بالانشاد او بالمواويل الوطنية وحابب تبرز مهاراتك إنضم معنا في مسابقة [ مشروع منشد ][ 
|
|
#2
19-07-2008, 03:37 PM
|
||||
|
||||
|
اقتباس:
مرحبا أموول بدي أبدا من وين ما انتي انتهيتي طالما ما بنقدر نرضي كل الناس ليش نتعب حالنا أنا هادا مبدأي بحياتي  طبعاً بقدرش أعيش حياتي طولها وعرضها وما أهتم بالمرة لحكي الناس بس بنفس الوقت ما بعطي لكلام الناس أهمية توصل لدرجة إنه أضيع فرصة مني أو إنه يمنعني من التعبير عن نفسي أو من اختيار أى شي بملء إرادتي أو يبعدني عن شي أنا مقتنعة فيه  أنا من النوعية من الناس اللي بتسمع لكلام الناس بعرف رأيهم وبعدين بأمرر كل هالشغلات على عقلي وإلا ليش ربنا خلقلنا العقل ؟! طيب ما كل الناس بتحكي عن كل الناس  على رأى وردة ( لكن اللايـمين خايفين لايـمين تانيين )  إشي أنا مش بإيدي ومن ربنا ما بخاف من كلام الناس عليه إشي أنا مش عاملة فيه حاجة غلط ولا ع بالي كلام الناس الحمد لله عندي من العقل اللي يخليني أعمل اللي أنا مقتنعة فيه من غير ما أفكر بكلام حدا  لو حدا اجا سألني أو استغرب من تصرفاتي عندي القدرة إني أوضح نفسي وليش أنا عملت هيك إزا الشغلة بتمسني لحالي محدش إلو عندي  إزا إشي اجتماعي والمفروض أراعي غيري فيه أو سوء فهم من بعض الناس لتصرفاتي أنا مش مضطرة أفسر كل تصرفاتي للعالم طالما بتصرف ضمن حدودي وعقلي بيوجهني صح ولا حدا إلو عندي  من الآخر أنا انسانة ما بعطي كتير أهمية لكلام الناس أصلاً اللي بيلاحقهم بيتعب وأنا فش عندي وقت ألاحق ولا رغبة إني أتعب  على رأى أبو وديع كلام الناس لا بيقدم ولا يأخر .. يعطيكي العافية أمول ومنورة القسم 
_______________________________
. . . .  . من يمسك بندقية ويلتحم مع الأعداء في معركة ليس كمن يقرأ عنها في جريدة الصباح وهو يرتشف الكابتشينو و يأكل الكروسان .  . .
التعديل الأخير تم بواسطة : السندريلا بتاريخ 19-07-2008 الساعة 03:56 PM.
|
|
#3
19-07-2008, 03:51 PM
|
||||
|
||||
|
والله اختنا.. انا شايف انو صحيح الواحد ما يحكم حاله بكلام الناس وربنا خلق للانسان وميزه عن باقي الكائنات بالعقل.. الي لازم يستغله ويفكر فيه.. واكيد كل انسان مهما كانت درجة ثقافته او تدينه او اخلاقه اكيد بهمو نظرة الناس اله.. يعني مثلا لو انا ما بتفرق علي نظرات وكلمات الناس وطلعت في الشارع على عينك يا تاجر وقعدت اشرب واسكر مثلا.. هل هيجي حد يتقدم لاختي؟ اكيد هيقول اذا اخوها سكير وتبع كاس.. فايش هتكون اخته؟ مع انو ممكن تكون اخته حافظة للقران وبنت ملتزمة دينيا ومتفوقة في تعليمها وما عليها كلام.. عشان هيك لازم الواحد بشكل عام يوازن بين كلام الناس.. وتفكيره وخصوصيته.. اه انا ما بفرق علي كلام الناس في بعض المواضيع.. لكن مو على حساب سمعتي وسمعة اهلي حتى لو انا كنت عى حق ساعتها.. لازم ما ننسى انو احنا عايشين بين الناس .. وهنسمع الكلمة العاطلة والكلمة الحلوة.. هاي سنة الحياة هيك.. والشاطر بقطع عرق وبسيح دمه ( على قولة المصاروة) وما بعطي مجال او فرصة لاي حد يتكلم عليه .. من خلال انو يبعد عن الشبهات ويكون ماشي بما يرضي الله تعالى.. في مثل معروف بقول.. امشي عدل يحتار عدوك فيك ! بشكرك على طرحك الجميل وتحياتي الك يا امل ..
_______________________________
 " دكـتــ المقعد ــور " " أبـــويــــزن "
|
|
#4
19-07-2008, 04:49 PM
|
||||
|
||||
|
انا كلامي ما رح يختلف عن الدكتور رمزي كثير ... لانو انا اكثر اشي بيهمني هو كلام الناس ... ولو سالتيني ليش رح احكيلك مشان اهلي مشان الناس ما تحكي عن اهلي كلمة عاطلة ... بس مش يعني اني اخاف من كلام الناس اخاف مثلا اني اطلع او انزل لا بطلع وبنزل وبعمل الي بدي اياه بس بحدود الاحترام وبحدود الي علمي اياه ابوي ورباني عليه ... وبعدين بيقلك " داري على شمعتك تئيد " لانو الناس ما الها الا المظاهر وخاصة هنا في غزة الناس فاضية اشغال ومش فاضين الا فلان راح وفلان اجى وفلانة اتزوجت ومن هالحكي الفاضي الي كلو غيبة ونميمة ... وعلى قولت ابو وديع " كلام الناس لا بيقدم ولا بياخر كلام الناس ملامة وغيره مش اكتر "  يسلمو امولة على طرحك المتميز ... كل الاحترام لالك
_______________________________
" قلب مخلوق من الصخر ". يسعدلي اياك يا حوسو على هالتوقيع الدمار اذا صوتك حلو بالانشاد او بالمواويل الوطنية وحابب تبرز مهاراتك إنضم معنا في مسابقة ][ مشروع منشد ][ . 
|
|
#5
19-07-2008, 05:30 PM
|
||||
|
||||
|
والله يا امل كلام الناس ما بيخلص بس الشاطر اللي بيعرف يتجنبو .. أو اللي بيقدر ما يحط نفسو في وضع يثير كلام الناس أو شبهات اوك خليهم يحكو الناس زي ما بدهم .. بس بحدود معينة .. وانو ما نسمح الهم انهم يتمادوا بأي شي بيخصنا أو انو نخليهم يتدخلو بخصوصياتنا ويتحكمو بحياتنا كيف ما بدهم عن طريق تعليقاتهم وكلامهم اللي بيخاف من كلام الناس .. بيكون عندو ضعف بالشخصية أو الثقة بالنفس يعني مثلا اعطيكي مثال احنا مثلا عايشين برة غزة مش متعودين انو حد يتدخل او يعلق بأي شي بيخصنا وطبيعة اللي بغزة من الأهل والأصحاب والقرايب والمعارف انهم بيعلقو لمجرد التعليق حتى لو ما كان عندهم نية بشي معين .. بس اللهم بيحبو يحكو مش اكتر واحنا صراحة ما بنطيق الشغلة هاي وبنتدايق منها .. حتى احيانا بنصير نرد على اي واحد بيحكي .. يعني ما بنسكت الهم .. وفوق هاد ممكن يحكو انو مثلا هاي البنت قوية او شي زي هيك عشان بترد على اي واحد .. يعني وحدة بوحدة .. وهاد الشي اللي بيقهرنا لما نقعد في غزة .. لأنو احنا هون عايشين في بلد غربة ما حد بيشوف حد كتير .. وكل واحد بمشاغلو وما حد بيفضى يعلق ولا يحكي ع الناس التانية .. وكل واحد وحريتو .. وطبعا زي ما انتي عارفة بردو انو مش كل الناس بتعرف بعض بعكس اللي مثلا بغزة .. بتلاقي كتير ناس بيعرفوكي .. لأنو المجتمع هناك صغير .. فا بيصير كلام الناس اكتر من برة وبالأخير بدي اقول ارضاء الناس غاية لا ......... والله نسيت شو الجملة هههههههههه والله حسيت حالي بخطب خطبة جمعة هههههههه تقبلي مروري مش عارفة ليش حاسة انو كلامي ما الو دخل بالموضوع هههههههههههههههههه
_______________________________
.  . يختي عليهم
|
|
#6
19-07-2008, 05:56 PM
|
||||
|
||||
|
والله يا أمل كلام ناس بيزيد ما بينقص .. ولا بيودي ولا بحيب .. وكمان الكلام ما في عليه جمرك .. بحكو بالعاطل وبالكويس .. عشان هيك ما تاخد على كلام الناس كتير لانو معظمو بدون فايدة .. يعني تسلاية زي العلكة ... بس انو مش نتجاهل الناس .. بس ما نعمل بكل اشي حساب الناس لانو ما راح نخلص .. ويعطيكي العافية
_______________________________
والعمر سطــور في كتابــ .. وقلبتــ الصفحـة ونسيتكـ 
|
|
#7
19-07-2008, 09:10 PM
|
|||
|
|||
|
اقتباس:
نورتي الموضوع حبووبه
_______________________________
خلص رمضان وخلص العيد اذا صوتك حلو بالانشاد او بالمواويل الوطنية وحابب تبرز مهاراتك إنضم معنا في مسابقة [ مشروع منشد ][
|
|
#8
19-07-2008, 11:40 PM
|
|||
|
|||
|
اقتباس:
اسعدني ردك 
_______________________________
خلص رمضان وخلص العيد اذا صوتك حلو بالانشاد او بالمواويل الوطنية وحابب تبرز مهاراتك إنضم معنا في مسابقة [ مشروع منشد ][
|
|
#9
20-07-2008, 12:20 AM
|
||||
|
||||
|
مممممم صراحة موضوع غاية في الجمال يحسبلك ياعسل ياعزيزتي كلام الناس لا بيودي ولا بيجيب يعني والله انا آخر همي كلام الناس،،حتى شو ماعملت سرقت،نهبت،حكيت حكي مش منيح،ابصر ايش نيلت ولا بيهمني فمتل ماحكيتي ارضاء الناس غاية لاتدرك!! واعتقد مافي حل الها لانو لو ضلينا ورا حكي الناس مش حنخلص وسلامو عليكو
_______________________________
 
|
|
#10
24-07-2008, 02:06 AM
|
||||
|
||||
|
أنا ما بخاف من حكي الناس  بعمل يلي عاجبني...و يلي مش عاجبو مش لازم  أنا بعرف الصح من الغلط... و يلي ما بمشي مع ميولي ما بعملوا...لو شووو ما حكوا و يلي بمشي مع ميولي بعملوا ع طوول بدون استشارة حد
_______________________________
 حصريا...سي دي علكة بالأسواق... صوت: علكة عجرم.... انتاج: مستر بـــــودي العرنيط...
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | إللي كتب الموضوع | القسم | مشاركات | آخر مشاركة |
| غرك كلام الناس؟ | abuwade3 | خربشلك تصميم | 28 | 13-06-2008 01:02 AM |
| أخطاء شائعة في كلام الناس | اليافاوي العنيد | قعدة الشيوخ | 12 | 09-02-2008 06:20 AM |
| : ..مشكلة اسمها كلام الناس..: | أردنية بس الأصل فلسطيني | أشخرلي وأشخرلك | 23 | 16-02-2007 12:42 AM |
| كلام الناس !!!!!!! | دنيا العهد | حبيبي يا حااااااج | 5 | 12-11-2006 08:48 AM |
| ما قيل من كلام الناس | سيلاوي اصيل | قعدة الحكي المرتب | 0 | 31-10-2005 10:12 AM |
|
العرض العادي
