|
|
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
>> برج المراقبة <<
اللي سجل بالمقعد بعد تاريخ 18-10 يسجل تاني ...واللي غير باسوورده بعد هادة التاريخ يفوت بالباسورد القديم...
 |
 |
 |
|
|||||||
|
|
|
|
 |
|
|
أدوات الموضوع | طرق مشاهدة الموضوع |
|
#1
27-07-2008, 06:22 PM
|
||||
|
||||
•~•« دعوة للشخر ... مجالس العزاء بين البدعة والتقاليد »•~•
بسم الله والصلاة والسلام على رسول الله صلى الله عليه وسلم أما بعد اليوم أنا ومجموعة شباب رحنا لجنازة وبعدها ذهبنا للعزا وإحنا مروحين روحت أنا وأحد الشباب وهوا أبو الغضب وأخذنا نحكي عن الجنائز ومجلس العزاء أو ما يسمى عنا ( البرزة ) وحكينا إنو أغلب الناس هذا بيعرفوا إنو المفروض مجلس العزاء فقط مدته فترة الذهاب للجنازة وبعد العودة منها السلام على أهل الفقيد وهما واقفين وتروح على السريع ولكن : إلي بيحصل عنا إنو تفتح البرزة لمدة 3 أيام وعند وقت الغدا تنصب الصواني والرز واللحم للناس المتواجدة في البرزة وفي تالت يوم العزا معروف إنو الناس بتعزم الناس عشان ياكلوا عندهم في تالت يوم العزا والمصيبة إنو فيه ناس بتصر عليك إنك تيجي تاكل كإنهم عدم المؤاخذة عازمين على فرح مش عزا  وحجة هذه الناس إنو هذا الأكل هوا عن روح الميت وإنو هذه كفارة إلو ولو إنته ما إجيت فإنته مكنتش تحب الميت بل بالعكس إنته بتكرهه وبدكاش تعطيلو شوية حسنات وياما صارت مزاعلات بين الناس عشان هيك شغلة  أنا ما أستغرب منه كيف نسيو الحديث الشريف قال النبي صلى الله عليه وسلم : " اصنعوا لآل جعفر طعاماً فقد أتاهم ما يشغلهم " طبعا ً الناس بيقولوا إنهم ما بيعملوا الأكل وإنهم بيجيبوه جاهز وهذه حجتهم وفيه ناس تانية حجتها إنه لو إنته ما عملت هيك فالناس حيقولوا عنك إنك غير بار بأبوك أو إمك أو قريبك المتوفي !! وكيف الناس بعدين بتاكل وجهك !!  طيب هلقيت لو المصاري إلي إنجاب فيها الأكل " إلي طبعا ً بتلاقي نصه بينكب بالزبالة لإنو ما بيتاكل " وأقسم بالله إني شفت هادا الكلام فبعض مجالس العزا وهان أجا فبالي شوية أسئلة هلقيت لو مصاريه هذا تبرعت فيهم لناس محتاجة أو يتامى مش حيكون أثوب للميت وصدقة عن روحه ؟!! هذا لو إفترضنا وقلنا إنو أهل الميت ناس مباسيط ومش محتاجين هالمصاري ليش الناس بيمسكوا بتقاليد بالية مع علمهم إنها بدع وربما هي حرام في دينا الحنيف ؟ ما بيعرفوا إنو خوفهم من الناس أكتر من خوفهم من إنو هذا يكون هوا حرام ممكن يعد من الإشراك بالله ؟ لوقتيش حنضلنا نتبع هيك تقليد ووقتيش حنصحى من هيك شغلة ؟ أسئلة كتير في بالي بتدور مش لاقيلها جواب  يا ريت أقدر ألاقي عندك ولو جزء من هذه الحلول وهذه دعوة للشخر في هيك موضوع تحياتي للجميع  
|
|
#2
27-07-2008, 09:36 PM
|
||||
|
||||
اول شي يسلمووووووووووووووووووووووووووووو موضوع مهم
وغالبا الكل بيمارس هالشي المشكلة انو الي عم بفتحو العزا بيعرفو انو محرم لكن اصبح بعد عن الدين وتعاليمه وصرنا ورا التقليد الاعمي يعني القصة اصبحت عادة مو اكتر وبتشكرك كتير لانك فتحت شي موضوع متل هيك ما بعرف شوووو بايدينا نعملووو لنغير هالوضع؟؟؟؟؟؟؟؟؟ تقبلني ودمتم بوووود........................
|
|
#3
27-07-2008, 10:14 PM
|
||||
|
||||
|
هلا فيك أبو سارة منور الدنيا كلها  بخصوص موضوع العزا اللي بيقعد 3 أيام رز ولحمة وقهوة وتمر وبرم أنا ما بطيق هاى العادة بالمرة بظن الختيارية تبعون زمان كانوا يعملوا هيك عشان يقعدوا مع بعض بعد ما كل واحد يخلص شغله يروح عالعزا ويشوف اللي زمان ما شافهم  في أيامنا هاى معظم الناس تغير وضعها ومش الكل بقدر يداوم بالعزا الـ 3 أيام كلهم تقديم العزاء أصلاً مش أكتر من واجب ديني واجتماعي لمرة وحدة وبيضل بعد هيك مواساة أهل الميت في أى وقت لغاية ما ربنا يخفف عنهم مصابهم يرجعوا لحياتهم الطبيعية في ناس - اللهم أدم علينا نعمة العقل - عندهم العزا زيو زي الفرح ويمكن أكتر كمان  وعشان يبينوا قديش المرحوم كان غالي عليهم أو عشان يبينوا إنهم من عيلة كبيرة (؟) بيروحوا يعملوا العمايل في 3 أيام العزا دبايح وأكل وشرب وتمر وبكارج قهوة ومصاريف ملهاش أول من آخر قبل حوالي 6 شهور توفت زوجة عمي واحنا أصلا - أنا وأخواتي - ما بنروح أى عزا مع انه يعني بنقوم بالواجب مع الصبايا اللي زينا وبنوقف جمبهم بس يعني مش كل ما يموت حدا من العيلة بنروح ماما - الله يشفيها - هى اللي كانت عادة بتروح وبتقوم بهادا الواجب الاجتماعي بس بهاديك الأيام اضطرينا نداوم كل أيام العزا عشان نوقف مع بنات عمي المهم أنا شفت شوفات انزهلت منها والله !!! مع إنه عمي حالته يعني ميسورة بس في رجال من العيلة تبرعوا وأظن كل حدا عمل الأكل يوم من الأيام التلاتة وشو كان الأكل ييجي عند الستات جوة بالبيت !!! هم كلهم أكم ست يا ربي اللي بييجوا ؟؟!! الأكل يزيد ويرتمي أو يتوزع عالجيران واللي تاخد معها وهى مروحة للولاد !!!! مفهمتش أنا ليش كل هالمصاريف !! ليش هالإسراف ؟؟ والله أيامها تعقدنا أنا واخواتي !! بيحسبوها شطارة ؟ وجاهة ؟ ما بعرف كل هادا بعد عن الدين يمكن لما يطلع جيل جديد ينتبه لقيمة المصاري لواجب صرفها في أماكن أحق فيها ينتبه لقيمة الوقت اللي بيضيع عالفاضي ينتبه للذنوب اللي هم بياخدوها لما ييجي كل هالعدد من البشر وكلهم يقعدوا يجيبوا سيرة هادا وهداك وهادي وهاديك بدل ما يستغفروا ربنا ويدعوا للميت !! يمكن وقتها ربنا يفرجها علينا شاطرين بالحكي والفشخرة الفاضية !! هادي شغلة بدها حملة اجتماعية وبدها توعية وتنبيه على مستوى يمكن لو الجوامع تحكي فيها في خطبة الجمعة مثلا بدل ما يحكوا بمواضيع مرات كتير بيكونش الها هالتأثير في حياتنا اليومية لسة لو يحطوا المصاري بصندوق لدعم اولاد المدارس اللي قربت سنتهم الدراسية الجديدة تبدا كل واحد في الحارة تبعته .. كان أثوبلهم!! يعطيك العافية والله نرفزني كتير هالموضوع بس شو نحكي شعب لسة ماشي ورا عادات ماتوا اللي اخترعوها قبل 100 سنة !! بالآخر بقولك الحى أبقى من الميت والميت بس بدو منا نترحم عليه وندعيلو ونتزكرو بالخير بدهوش نعملو ولائم ونرمي المصاري في الأرض ونحملو ذنوب 
_______________________________
.  . . . . . ღ احساس جديد ღ . . .
|
|
#4
27-07-2008, 11:11 PM
|
||||
|
||||
|
وطواط الليل-ابوسارة- اول شيء الله يجزيك الخير على طرح هذا الموضوع القيم والواقعي والمؤلم بنفس الوقت بالنسبة للعزاء يا أخي الكريم السنة فيه معروفة للغالبية العظمى من الناس وهوا تعزية أهل الميت بقولك(إن لله ما اعطى وله ما اخذ وكل شيء عنده إلى آجل مسمى) وهادي التعزية بتكون وقت الدفنة بعد دفن الميت مباشرة ( في المقبرة يعني ) وإلي ما لحق الدفنة بيروح على بيت اهل الميت وبيعزيهم في بيتهم وزي ما تفضلت وهوا واقف إقتداء برسول الله عليه الصلاة والسلام عندما قتل جعفر بن أبي طالب رضي الله عنه في غزوة مؤتة في السنة الثامنة للهجرة ذهب النبي عليه السلام وطرق باب بيته وكلم زوجته من خلف الباب وقال لها (إن لله ما اعطى وله ما اخذ وكل شيء عنده إلى آجل مسمى فلتصبري ولتحتسبي) ثم قال لها أين أبناء أخي جعفر فأخرجتهم وكانوا كأنهم فراخ طير-يعني صغار جدا - فمسح روؤسهم وقبلهم عليه الصلاة والسلام وأنصرف من عند بيت جعفر,,,,ثم دخل بيته وقال لآهله إصنعوا لآل جعفر طعاما فقد أتاهم ما يشغلهم. شوف انتى قال لآل جعفر,,, يعني ما قال لآل ابي طالب يعني ما دخل حتى اخوان جعفر في الموضوع آل جعفر زوجته وأبنائه فقط...... طبعا تيجي في هادا الوقت تقول كده للناس بيشخرلك شخرة لآخر الشارع ,,,, عيب بقلك ولا ما بينفعش ولا إيش بدك الناس تقول علينا ولا ولا ولا ولا ولا ولا ولا بطلعلك ميت عذر وعذر الإمام احمد يقول ( لا يشرب الماء عند أهل الميت) يعني تعزي على الواقف وتمشي لآنوا اهل الميت مش واعيين على حالهم من الصدمة وفي حالة نفسية مزرية وبدهمش يشفوا احد هاداك الوقت ,,, بدهم يكونوا لحالهم ؟ طبعا الي بيصير حاليا انوا اهل الميت بينسوا الميت وبينسوا حالهم علشان خاطر الناس الي جاية تعزيهم!!!!! فبدك أكتر من كده ظلم وتخلف عند الناس وعدم مراعاة لشعور الناس وأحاسيسهم؟؟؟؟ هادي المواقف يا أخي الفاضل بدها رجال تكون واعية وفاهمة لهادا الشيء وتقدر تطبق السنة وشرع الله في هيك أمور. قبل ما يتوفى الوالد الله يرحمه قبل 16سنة تقريبا بك يوم سئلته ( وأنا كنت ملازم إله في مرضه) وقلتله يا أبي آطال الله عمرك يارب ويعطيك الصحة لكن انتى بتحب لو متت بعد عمر طويل إنا نعملك عزاء....... طبعا انا كنت عارف وضع الوالد كتير الله يرحمه بحكم ملازمتي إله في الخمس سنين الآخيرة من حياته ( يعني هوا كان أصغر واحد في إخوانه ولكن كان كبير العيلة في السعودية) وكان معروف عند كل الفلسطينية الي بجدة بالزات انه بيفك مشاكل بين الفلسطينية الي عايشيين بالسعودية ,,, فأنا كنت متوقع العزاء تبعوا إشي كبير حيكون... المهم قالي ياولدي شوف الصحيح واعمله ,,, قعد اقله انواالسنة كده والمخالفات الي بتصير في العزاء ومش عارف ايش المهمفي الآخير قالي خلص يا يابا لا تعملوا عزاء ولا غيروا ... ولهاداك اليوم الله يرحمني برحمتوا... طبعا لو بدي اقلك المشكلة الي صارت على هادا الموضوع ما حتسدق ,,,,, يعني ولعت بيني وبين اعمامي مع اني بحترمهم جدا وما بقدر ازعلهم ,,, لكن عند الحلال والحرام وقف إن شاء الله يكون مين ما يكون. والله عمي الي اكبر من الوالد الله يرحمه صار يبكي ويقلي يا عمي انتى ما بتعرف مكانة ابوك عند الناس وحيجي ناس وحيقولوا الناس ووووووووووووو الناس الناس الناس الناس ووين راح رب الناس وشريعة رب الناس ودين رب الناس وسنة نبي رب الناس للآسف بينسوها الناس في هاديك اللحظات ( إلا من رحم الله عزوجل) وما فتحنا لا برزة ولا صوان ولا ما يحزنون وبكذب عليك لو بقلك إنوا الناس الكبار في السن والمقربين كتير من الوالد كانوا زعلانين كتير من هادا الإشي ( لكن انا الي بيهمني ابوياالله يرحموا يكون مرتاح في قبروا) بطاعة الله عزوجل الي هوا اقتنع فيها وامرني اعملها ,,, لآنوا الناس لو بدك تطيعها بتوديك النار دايركت وصدق الله العظيم القائل ( وإن تطع اكثر من في الآرض يضلوك عن سبيل الله) والقائل سبحانه ( وما أكثر الناس ولو حرصت بمؤمنين) هاذا الكلام ربنا قالوا للرسول عليه الصلاةوالسلام وإلنا كمان فهل من معتبر ومتفكر لمعنى كلام الله طولت كتير عليك في الإجابة لكن الشيء بالشيء يذكر أشكرك كتير يا ابو سارة على طرحك المميز والنوعي في الموضوع جعله الله في ميزان حسناتك ولا حرمك الآجر والثواب تقبل مروري ومشاركتي المتواضعة سيف الإسلام
_______________________________
:: إذا أعجبك موضوع من مواضيعي فلا تقل شكـراً ... بل قل الآتـي :: اللهم اغفر له ولوالديه ماتقدم من ذنبهم وما تأخر.. وقِهم عذاب القبر وعذاب النار.. و أدخلهم الفردوس الأعلى مع الأنبياء والشهداء والصالحين .. واجعل دعاءهم مستجاب في الدنيا والآخرة .. اللـهم آميـن 
|
|
#5
28-07-2008, 12:30 AM
|
||||
|
||||
|
منور ابوسارة  بخصوص التسمية {البرزة} عنا بنحكي عن اعلان الخطبة برزة  يمكن اللفظ بختلف ما بعرف  المهم قصه العزا هاي مرة اسمعت من امي انه كانوا زمان يقعدوا 40 يوم رايحين جاين متخيلين الوضع 40 يوم حاليا صاروا 3 ايام والاغلب عنا بعملوها يومين وفي منهم يوم واحد بس وانا بفضل يكون يوم واحد بس لانه باغلب الاوقات صارت هاي المجالس بس للنميمة  مو لمواسه اهل الميت او حتى انهم يقعدوا يقراو قران على روحة  صارت للنميمة ولت الحكي وبس علشان هيك بفضل تكون يوم واحد بكفي ويعطيك العافية ابو سار 
_______________________________
   اثمي على رمل بحر غزة   بردت كل الاحاسيس 
|
|
#6
28-07-2008, 05:52 AM
|
||||
|
||||
|
يا وطواط الليل انا معاك بكل كلمة حكيتها ما اتخيل ممكن اضيف شي اكتر من اللي حكو الاعضاء اللي قبلي لفتتني جدا هالجزئية اللي اجت برد سندريلا اقتباس:
للاسف هاد واقع موجود بكل مكان وانا اكيد بضم صوتي للي بيحكو نتبرع بالمصاري بمشروع خيري او صدقة جارية عن روح الميت افضل
_______________________________
 Just 15 WEEKS to go 
|
|
#7
28-07-2008, 06:32 AM
|
||||
|
||||
|
كلامك سليم هاذى بدعة وعن الرسول قال كل بدعة ضلالة وكل ضلالة بالنار
وكم أشرت حضرتك التبرع وانفاق هذه الاموال بما يرضى الله كالتبرع لايتام وانشاء مساجد وما الى ذلك وأيضا فى ظاهرة تشيد القبور والزخرفة على القبور انفاق وتبذير لا داعى له ولا أوامر به فى دينا سوى العرف والعادات موضوع جدا مفيد تقبل مرورى
_______________________________
رز & حلـــيب 
|
|
#8
28-07-2008, 09:29 AM
|
||||
|
||||
|
ياهلا بوطواط الليل اول شي هادي عادة قديمة والكل بعمل هيك بس ما بعرف اذا هما بعرفه انه حلال او حرام وبعدين بجد انا بشوف انه تالت يوم العزا بكون كتير ناس بس جاية لتاكل >>>>>>>> قولي ما عندهم اكل وبعدين اذا ضل رز بوزعوه على الناس زي ما بقولوا دفنا العزيز ورحنا للاعز يعني دفنا الميت ورحنا لبطنا المهم ما علينا هلأ مرة ابن جيرانا استشهد وطبعا هوا ساكن ورا بيتنا بس مافي مكان لحتى يعملوا العزا وعملوه بشارعنا وقاموا الاخوة بالواجب وبعد ما خلصوا ال3 ايام راحوا فتحوا عزا تاني عند بيتهم هلأ كنا بدنا نروح مشوار فجأة لقينا العزا قدامنا وكله شباب يعني بجد الواحد مش عارف شو بدو يحكي قلنا طيب يمكن علشان جديد مستشهد المهم خامس يوم اجيت بدي اروح على خالتي لقيتهم لسا فاتحين العزا قلت الله اكبر قول ضل العزا 10 ايام لما شالوه خلوني اطلع من مخي مش عارفين نروح ولا نيجي والمهم غير هيك لما سار له شهر عملوله متل ذكرى وجابوا اسطوانة تدريب اله وعمللوله اياها قلنا شكلنا مش حنخلص السنة والحمدلله هلأ بنروح وبنيجي بس بجد تكاليف على شي فاضي وانا بحكي انه لو عملوا بس اول يوم عزا واتبرعوا للناس كفارة عن الميت والله انه احسن على الاقل الناس بتستفيد ومشكووووووووووورة على الطرح الجميل
_______________________________
هيييييييييه توجيهي بدت  والدراسة والملل والهبل اشتغل  والنت انفصل  والبهدلة بردوا اشتغلت ادعولي ربنا يوفئني  وكل عام وانتم بخير بمناسبة رمضان ورمضان كريم
|
|
#9
28-07-2008, 10:47 AM
|
||||
|
||||
|
اقتباس:
كلامك صحيح بعدنا عن الدين هوا السبب في تفشي هيك عادات عنا  يا ريت نقدر نلاقي حل بصحيح أنا عنا نفسي بقول قدام الكل يوم ما أموت ما بدي حدا يفتحلي عزا وإلي بيفتح العزا بيكون في رقبته هالموضوع وأنا بريء منه يسلموا برنسيسة غزة على المرور والرد وتحياتي
|
|
#10
28-07-2008, 11:32 AM
|
||||||||||
|
||||||||||
رد رائع منك كالعادة يا ساندي
اقتباس:
مرورك عنا وردك هوا إلي منور الدنيا يا ساندي اقتباس:
ممكن كل شيء جايز اقتباس:
الي نص عليه في الأحاديث العزاء فترة الجنازة وبعدها السلام على أهل الميت وبعدين كل حي يروح لسبيله اقتباس:
بقى الناس هدول بالذات أنا بموت وبفقع من جنابي منهم  اقتباس:
والله يشفي إمك إن شاء الله عن قريب  هذا على مستوى النسوان فما بالك على مستوى الرجال كيف بيكون الموضوع ؟!!! ولعلمك هذا مش عندكو بس هذا فكل غزة هيك موضوع ما فيه عيلة ما بتعمل هيك يمكن إلا من رحم ربي اقتباس:
أعذريني لإني ضحكت يا ساندي بس بجد ذكرتيني بشغلة النميمة هذه في مجالس العزا الناس بينفتحوا بالحكي في العزيات ما توقولي إلا كانوا مكبوتين وإنفجروا وإشي بيحكيلك عن الفيلم الفلاني والتاني عن مبارة الكورة تبعت إمبارح  والتالت عن ذكريات الماضي  والرابع مش عارف عن شو عارفة شو ناقصهم بهيك قعدة ؟ بكيت فوشار عشان يتسلو فيه  وعلى شرطك القران بيكون شغال طب إسمعوا للقران يا عالم أبداً لا حياة لمن تنادي  مصيبتنا بجد في بعدنا عن دينا وقتيش عرفناه صح وحذفنا منه هالبدع سعيتها ربنا بينصرنا يا ساندي اقتباس:
وفيه منها معنية بإيغار الصدور على بعض وإشعال الفتنة كمان عمري ما شفت في حياتي فكل البلاد الي رحته جوامع بتحكي في السياسة في خطبة الجمعة غير عنا بغزة الله يفرجها علينا وبالنسبة للتوعية فعلى كل واحد يبدأ بعيلته ويوعيهم لهيك شغلة أنا من ناحيتي مثلا ً بلغتهم في العيلة بقراري هذا بديش ينفتحلي برزة ولا ينمد أكل وصواني ورز ولحم وإلي بيعمل هيك فهذه في رقبته هوا وأنا بريء منه ومن تصرفه والمصاري إلي حيصرفوها فهيك شغلة يطلعوها لمحتاج يمكن هذه تكون كفارة إلي بجد إن شاء الله اقتباس:
هذه والله أثوب وإلها أجر أحسن بوجهة نظري أنا أجا فبالي فكرة توي وأنا بكتبلك الرد ضروري أناقشها معك اقتباس:
 بس والله أنا متنرفز أكتر منك من هيك شغلة الله يتوب علينا من هيك عادات اقتباس:
صح الميت ما بدو غير دعوات صادقة بالرحمة منا وبدل ما نضيع هيك مصاري عالفاضي ممكن نعمله فيها صدقة جارية عن روحه أثوب وإلها أجر أكتر عن الله إن شاء الله الله يرحم أمواتك يا ساندي وأموات المسلمين والمسلمات كلهم يسلموا دياتك على تثبيت الموضوع ويسلموا أكتر على مرورك وردك الرائع الممتع بجد وتحياتي إلك يا ساندي 
|
|
٠•● ۩۞۩مسابقة صورة وتعليق۩۞۩ ●•٠· 
