|
|
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
>> برج المراقبة <<
اللي سجل بالمقعد بعد تاريخ 18-10 يسجل تاني ...واللي غير باسوورده بعد هادة التاريخ يفوت بالباسورد القديم...
 |
 |
 |
|
|||||||
|
|
|
|
 |
|
|
أدوات الموضوع | طرق مشاهدة الموضوع |
|
#1
06-08-2008, 04:54 PM
|
||||
|
||||
:, غــــور من وجـــهي ،:
 ليش واقفين ع الباب  اشلح الي برجلك انتا وياها وتعالوا اقعدوا أغلبنا بحب الهدوء وأنا أولكم ولكـن الاطفال وما أدراكمـا الاطفال  موضوعي  ~ إلحاح الاطفال ~ طبعـاً انا ما بحب المقدمات وغيروا نفوت ع الاشي  الآن وانا بكتب في الموضوع جمبي على الكمبيوتر التاني ابن اختي  ما ببطل زن ودوشه وأسئلة مممممممممم وبنجيب الرسام علشان نرسم مممممممممممم تياراراراارا  وبنفتح الرسام وبنجيب اللون هاد مممم  يا خالوا  نعم شو أللون السشجرة ؟ أخضر حبيبي  بينفع الونها ازيق ؟  أسموا أزرق , لا لانوا الشجر للونه في الطبيعه اخضر ما راح يظبط معك بيبي  خالوا ليس للون السمس اصفر ؟ اسمها الشمس في شييين ، ممممم مش عارف يا خال خلاص ارسم واسكت خالوا ليس بتسمع اغاني مش بتقول حيام ؟ << لاحظ سؤال محرج آآه معلش نسيت هيني طفيت الزفت  خالو نعم يا خالوا نعمممممممممممم  ليش بتشرب قهوه ؟. بدي اشرب متلك  بنفعش انت لسا صغير بس تكبر ليش انت بينفع وانا لا سـد تمـك لأكبها عليـك وغور من وجهي يا خآآآآآآآآآل  وطبعاً بشـد شعري وبتركله المكان بلي فيه 8 8 8 كـانت المقدمـه مع الاختصار   الآن س / هل عندك صبر للأطفال كثيرين الإلحاح ولإزعاج ..؟ لو لاء شو بتعمل  س / هل تتفق معي بأن الاطفال كثيرين الإلحاح يجب صدهم !.؟ وما هي طرق صدهم برآيك ؟ وإذا لا ليش وإذا اه ليش ؟  س / هل انت/ي على أستعداد لإجابة الاطفال عن جميع اسئلتهم وخاصه المحرجه أو الغريبه ؟! أو تتهرب منهم ؟  س / تؤيد ضرب الاطفال عند اللزوم ؟ وإذا لاء .. المدارس متبعه هالطريقه لحتى الان " تعليقك " ؟  س / حلول وإقتراحات من وجهة نظرك للأطفال كثيرين الإلحاح والغلبه ؟  ما بدي اطول معكم بالنقاش  بعرف الموضوع طويل فتكم بعآآآفيه < زيت الذرة الطبيعي 
_______________________________
  تلعبش معايا طاااااااا 
|
|
#2
06-08-2008, 05:50 PM
|
||||
|
||||
مج ـهول أولاً إمنور القسم كله وبحييك على الموضوع المرتب وعلى التنسيق الرائع الآن س / هل عندك صبر للأطفال كثيرين الإلحاح ولإزعاج ..؟ لو لاء شو بتعمل أنا الحمد لله عندي صبر كتير كبير مع الأطفال ومستعدة أقضي معهم ساعات وساعات س / هل تتفق معي بأن الاطفال كثيرين الإلحاح يجب صدهم !.؟ وما هي طرق صدهم برآيك ؟ وإذا لا ليش وإذا اه ليش ؟ لا ما بتفق معك  برأيي إنه الطفل اللي بيسأل وبيستفسر أحسن من الخجول المنطوي العاقل الهادي بحب اللي بيحبوا يعرفوا كل إشي حتى اللي بيضلهم يلحوا بيخلوني أضحك أو أتعجب من أسئلتهم الدقيقة والذكية س / هل انت/ي على أستعداد لإجابة الاطفال عن جميع اسئلتهم وخاصه المحرجه أو الغريبه ؟! أو تتهرب منهم ؟ أى نعم عندي الاستعداد أنا اصلاً مشهورة بعيلتي وبمجتمعنا إني بعرف أتصرف مع الأطفال حتى بيحكولي المفروض طلعتي معلمة أطفال وعندي الاستعداد أجاوبهم على أى سؤال المهم أجاوب صح وبالقدر اللي يستوعبوه وبالطريقة المناسبة ما بينفع معهم الكزب أبداً ، هاى مسئولية لأنه الإجابات بضلها معلقة بذاكرتهم سنين ! س / تؤيد ضرب الاطفال عند اللزوم ؟ وإذا لاء .. المدارس متبعه هالطريقه لحتى الان " تعليقك " ؟ أؤيد ضرب الأطفال بعد تكرار توجيه التحذير أو النصيحة إلهم بس هم ماسمعوا الكلام وخاصة في الأمور اللي مفش فيها مزح  زي مثلا إنه تنهر الطفل إنه ما يلعب بهاى الشغلة لأنه فيها خطر عليه وبعد ما تكررها وتعاقبه عقاب معنوي وبعدين يعيدها هاى بيستاهل عليها الضرب عشان يعرف إنه مفش تهاون في هاى الشغلة ! الأطفال بيعملوا حساب للي بيضربهم بس بيحكيلهم بنفس الوقت سبب الضرب أنا مجربة هاى الشغلة مع اولاد اخواتي  س / حلول وإقتراحات من وجهة نظرك للأطفال كثيرين الإلحاح والغلبه ؟ أول إشي الصبر الأطفال ما بيكونوا عارفين إنه هادا إلحاح هم بس بدهم يعرفوا عموماً أنا لما ما أكون فاضية او رايقة لأسئلتهم فش أسهل من إنك تلهيهم بشي يثيرهم ويجذب انتباههم لما تحصل معي باخدهم عند التلفزيون مثلاً ومين ما يكون قاعد بقومه  بحطلهم على برنامج مفيد أو فيلم وبقعد أعلق وأنفعل وأظهرلهم انفعالاتي من غير ما أحسسهم إنه متعمد بعمل حالي بجد مندمجة بتلاقيهم لحالهم حبوا الاشي وانسجموا فيه وبتركهم ممكن يرجعوا يسألوني عن شغلة في اللي بيحضروه أو ينادوني اشوف لقطة طبعاً بروح المفروض يكون بكل بيت حدا عنده بال طويل مع الأطفال عشان ما يأثر على الباقيين خاصة لما يكون في عدد كبير من الأشخاص الكبار مجتمعين في البيت وبدهم ياخدوا راحتهم في تناول شؤونهم عادةً أنا بقوم بهادا الدور يا بحكيلهم حدوتة ، يا بنقعد نقرأ يا مرات بشغللهم الكمبيوتر وبحطلهم اشياء مفيدة ومسلية يا بعطيهم شواكل ويروحوا يشتروا ويفكوا عني  الغلط هوإهمالهم لأنه بهادا الوقت من عمرهم هم بيكونوا شديدي التأثر عشان هيك أنسب شي إنه نعطيهم الوقت والاهتمام اللي بيستحقوه ويسلموو إديك للموضوع الحلو 
_______________________________
.  . . . . . ღ غـــاب نهــــار آخــر .. ! .. .
|
|
#3
06-08-2008, 06:52 PM
|
||||
|
||||
|
الآن س / هل عندك صبر للأطفال كثيرين الإلحاح ولإزعاج ..؟بصراحة اه بحب الاطفال وبحب اسئلتهم  س / هل تتفق معي بأن الاطفال كثيرين الإلحاح يجب صدهم !.؟ وما هي طرق صدهم برآيك ؟ وإذا لا ليش وإذا اه ليش ؟ مين اللي يتفق مع مين هذا اكبر خطأ يا كبير لانه بصراحة لما تصد الطفل او حتى تجاوبه بأجابة ما بعرف بتأثر عليه تأثير سلبي ممكن يوصل هذا التأثير الي القضاء على حاجة الاكتشاف عند الاطفال وطبعا معظم الدراسات اكدت انه الاطفال كثيرين الاسئلة هم من الازكياء س / هل انت/ي على أستعداد لإجابة الاطفال عن جميع اسئلتهم وخاصه المحرجه أو الغريبه ؟! أو تتهرب منهم ؟ شوف يا كبير الطفل متل الطين اللزج كيف ما بدك تشكله بتشكله وخاصة لما يكون هو برغب في تشكيل نفسه عبر الاسئلة فلازم نجاوب عليها والاجابة بكل صراحة ولكن في حدود يعني مثلا يجي يسئلك سؤال كيف امه جابته مثلا مش من الضروري تشرحله كل شئ علشان يفهم ممكن انك تتهرب من الاجابة باجابة قريبة بس لا تحكيله اسكت ما دخلك س / تؤيد ضرب الاطفال عند اللزوم ؟ وإذا لاء .. المدارس متبعه هالطريقه لحتى الان " تعليقك " ؟ اعتقد انه وسيلة الضرب وسيلة غير مجدية لانه بصراحة يعني هاي حقيقة معظمنا انضربنا بالمدرسة بس ما تعلمنا من الضرب والدليل لو الضرب بعلم كان الاوائل لقيتهم من اللي بهربوا واللي ما بعملوا والواجب لانهم اكتر ناس بنضربوا انا ضد الضرب تعليقي على وسئلة الضرب بالتدريس اكيد انا ضد متل ما حكيت بس تعليقي حيكون انه للاسف ما في عنا بالشرق الاوسط ككل منهجية للتعليم السليم الا بعض المؤسسات المهتمة في مجال التعليم عبر النشاط فهيا تمنع الضرب زي المشروع اللي بشتغل فيه التعليم عبر نشاط س / حلول وإقتراحات من وجهة نظرك للأطفال كثيرين الإلحاح والغلبه ؟ انا بتمنى من الله يكون اطفالي من هاي الفصيلة الكثيرين الحاح 
_______________________________
--------------------------------------------------------------------------------------------   ------------------------------------------------------------------------------------------- 
|
|
#4
06-08-2008, 07:50 PM
|
|||||
|
|||||
|
وليش انتا كتير هيك معصب بهدوء خاصة انتا خال لازم تلبيلو كل شي
اجوبة الاسئلة اقتباس:
اقتباس:
وعلشان هيك مو لازم تصده وتتعامل معه كانك طفل متله اقتباس:
اقتباس:
متلا : تحرمه من الشي الي متعلق فيه او تحبسه في الغرفة لمدة دقيقتين او تلات ان كترت بس مو اكتر من هيك او تقله انه انا كتير زعلان منك وتشرحله السبب انت ليش زعلان منه وما بدك تحكي معه لكن الطريقة الضرب بالمدرسة هاي انا كنير بنتقضها لانه الطفل ما بيكون متعلم كافة الاساليب لكن ممكن المدرسة تعاقبه بشي تاني غير وسيلة الضرب اقتباس:
وتسمعي كل الي بيحكيه لانه الطفل لما يحس انه في حدا مهتم فيه وبيسمعله بتنمي عنده حب المشاركة وبيكون اجتماعي لكن ادا ما سمعتيله واهملتيه بيكون الطفل انطوائي وممكن يصير يتكلم مع نفسه بيكون هيك انتي السبب في جعله غيراجتماعي وبيكون من الصعب انه يكون اصدقاء تفتحيله التلفزيون علي الرسوم بس تكوني قاعدة معاه وهو بيتفرج خاصة في بعض الرسوم بيكون فيه بعض المغامرات فعاد الطفل ممكن يروح يقلدهم عاد انتي بتقوليله شايف كيف بيعمل غلط ما بدك تعمل متله صح وهيك او تحكيله قصص حلوة وما تهملهم خاصة اذا اجي اله اخ اصغر منه ما تقلل من اهتمامك فيه علشان ما يصير كره او حقد لاخوه يسلموووووووووووو كتير علي الموضوع الحلو وبتمني تكون صبور علي ابن اختك او اخوك تحياتي الك
|
|
#5
06-08-2008, 11:28 PM
|
|||
|
|||
|
س / هل عندك صبر للأطفال كثيرين الإلحاح ولإزعاج ..؟ لو لاء شو بتعمل والله احنا بالبيت ما في عنا صغار .. لكن اولاد عمي دايما عنا ... و اكيد زي كل الصغار ... لما يفوعوا بيفوعوا مزبوط ... وانا حسب مزاجي .. اذا كنت رايقة بفوع معهم و بنصير كلنا مزعجين و بناكل بهدلة بالاخر ... لكن اذا كانت مقفلة معي و هما بدهم يفوعوا .. ببساطة جدا بقولهم بالكلمة الحلوة اول اهدوا وخلص وبيكفي و عيب ... اذا ما سمعوش بطردهم لوووول ... س / هل تتفق معي بأن الاطفال كثيرين الإلحاح يجب صدهم !.؟ وما هي طرق صدهم برآيك ؟ وإذا لا ليش وإذا اه ليش ؟ احيانا اه ... يعني انه يلح علينا احنا اهله مش اشكال بنتحمله ... لكن ما يلحش على ناس غرب ... و بعدين بنخاف يصير طبع عنده ويضل معه لما يكبر ... لانه في ناس هيك فعلا ... لكن الالحاح الطبيعي مش اشكال ... كل الاطفال هيك .. بالنسبة لصدهم ما في داعي اله اذا كانت الحاح عادي عند كل الاطفال ... لكن يجب صده من فترة لاخرى ... عشان ما يتعود الطفل انه كل اشي بيزن عليه ياخده .. عشان يعرف انه في كلمة " لأ " موجودة ... مش دائما حاضر ونعم لكل اللي بيطلبه ... و طبعا الصد بيكون بطريقة لطيفة بتتلائم مع عقلية الطفل و شديدة بنفس الوقت عشان الطفل يعرف انه في ممنوعات ... س / هل انت/ي على أستعداد لإجابة الاطفال عن جميع اسئلتهم وخاصه المحرجه أو الغريبه ؟! أو تتهرب منهم ؟ ممممم ... احيانا ... يعني معروف انه الاطفال ذاكرتهم قوية ... و ممكن انا اجاوبه اشي يضل عالق في مخه لما يكبر ... و كمان معروف انه الاطفال مخلوقات فضايحية ... يعني ممكن نجاوبهم على اشي ويضلوا للسنة الجاية يقولوا ديليت هيك قالتلنا ... !لكن بشكل عام لما نجاوبهم على سؤال محرج او غريب بحاول قدر الامكان انه يكون الجواب بمستواهم و حسب عقلهم و فهمهم .. و اهم اشي نجاوبهم اشي صح مش نقعد نألف عشان نطلع حالنا من الاحراج ... س / تؤيد ضرب الاطفال عند اللزوم ؟ وإذا لاء .. المدارس متبعه هالطريقه لحتى الان " تعليقك " ؟ أنا أويد التعامل مع الاطفال بالكلمة الحلوة اولا ... خصوصا انهم اطفال و سهل جدا تستميلهم باساليب ترغيب كتيرة للطريق اللي بدك اياه يمشوا فيه ... لكن احيانا بيكون لازم الضرب اذا ما مشيت معهم الكلمة المنيحة ... حتى ديننا قال عن الصلاة علموهم من سبع واضربوهم من عشر ... يعني اول شي باللين ما زبط ... اضرب ... و الضرب بيكون للمصلحة مش مجرد اذى يعني ... و كمان عشان الطفل يعرف انه اذا عمل اي شي غلط في عقاب منتظره ... فاذا الطفل ما تجنب الغلط بدافع الرغبة الحقيقية بالتجنب ... رح يتجنبه بدافع الخوف من العقاب ... س / حلول وإقتراحات من وجهة نظرك للأطفال كثيرين الإلحاح والغلبه ؟ الاطفال كثيرين الالحااح و البرم و الغلبة بتكون عندهم طاقات كبيرة بيفرغوها بهادي الطريقة ... وغالبا هادول الاطفال بيكون الهم مستقبل باهر ... بأقترح إنه أهلهم يحاولوا يطلعوا مواهبهم المدفونة بدري ... و ينموا هواياتهم و يشغلوهم فيها .. فهيك الطفل بيقدر يفرغ طاقته باشي مفيد و ينفعه في مستقبله .. واهم اشي بيريحنا من ازعاجه .. !! و بالرغم من اني مش كتير طويلة بال ... لكن اكيد بتمنى يكون عندي طفل عالاقل من هالنوعية ... مشكور جدا لطرح الموضوع ... موضوع جديد و حلو ... و تنسيقك حلو ومرتب ... يعطيك العافية و بانتظار جديدك ... .
_______________________________
سَمَّيْتُهَا قَصَـائدي .. و سَمِّهــا يا قارئي حَتْفي .. و سمِّني منتحراً بِخِنجرِ الحَرْفِ لأنّني في زمن الزيفِ و العَيْـش بالمِزْمَـار و الدفِّ .. _ أحمد مطر _ _____________________________________________ واقفون هنا .. قاعدون هنا .. دائمون هنا .. خالدون هنا .. ولنا هدف واحدٌ واحدٌ واحدٌ: أن نكون .. ومن بعده نحن مُخْتَلِفُونَ علي كُلِّ شيء ... ! _ محمود درويش _ نلنا منه ما نلنا .. جزاه الله بما أورثنا .. .
التعديل الأخير تم بواسطة : Delete بتاريخ 06-08-2008 الساعة 11:37 PM.
|
|
#6
07-08-2008, 05:34 AM
|
||||
|
||||
|
س / هل عندك صبر للأطفال كثيرين الإلحاح ولإزعاج ..؟ لو لاء شو بتعمل أنا بأتحملش حالي وبالزات الولاد الصغار بأكره شوفتهم يا زلمة غلباويين و بيقرفو الواحد عيشته وكل ما تقله غلط >> كأنك بتقله شطور ضلك أعمل مش عارف بحسهم بناديق من مصغرهم وخاصة ولاد هاليومين س / هل تتفق معي بأن الاطفال كثيرين الإلحاح يجب صدهم !.؟ وما هي طرق صدهم برآيك ؟ وإذا لا ليش وإذا اه ليش ؟ بأتفق معاك بإيدي ورجلي ودقني كومان. أنا لما تفرفط روحي بأخلعه برجلي بأطيره من وجهي , أصلا بالزات الصغار بأعطيهمش وجه وكل ما أشوفهم بأكشر بوجهم عشان يتأبوني س / هل انت/ي على أستعداد لإجابة الاطفال عن جميع اسئلتهم وخاصه المحرجه أو الغريبه ؟! أو تتهرب منهم ؟ ولا مستعد أشوفه كيف بدي أخليه يسأل وأقعد أجاوب.. حتى لما أزور شب صاحبي ولا قريبي وييجي ولد صغير عندي , عالسريع بأطرده وبأقله لو شفتك إجيت عندي بدي أوديك على المقبرة عند أبو رجل مسلوخة س / تؤيد ضرب الاطفال عند اللزوم ؟ وإذا لاء .. المدارس متبعه هالطريقه لحتى الان " تعليقك " ؟ أأيد بشدة وبعنف لأنه العلم بالصغر كالنقش على الحجر !! وهدول عالم بتخاف بتستحيش.. وعلى فكرة كل ما ضربته بحبك<> عشان هيك كل ما تشوفه ستويه من القتل عشان يضله محترمك س / حلول وإقتراحات من وجهة نظرك للأطفال كثيرين الإلحاح والغلبه ؟ تعطيهوش فرصة يشوفك ولا يقعد معك ولو قعد معك طيره من خلقتك حفاظا على مرارتك من الفقعان
_______________________________
|
|
#7
07-08-2008, 06:53 AM
|
||||
|
||||
 ااااخ يا مجهووول والله انك جبتها ع الجرح انا هلأ كنت عم شد شعري من اختي الزغيرررررررررررررررررة  يا الله شو بيـسـألو وبيزنو هالزغااااار اانا بحب الزغار كتير بس لما اكون قرفانة حالي ومعصبة ما بحب يقربولي لانو بسير عصبية وبعدين بحس بالزنب لما اعصب عليهم  المهم نفوت بموضوع الحلو كتير ويلي قدمتو بطريقة كتير متميزة بصراحة س / هل عندك صبر للأطفال كثيرين الإلحاح ولإزعاج ..؟ لو لاء شو بتعمل مممممم هوي الشغلة بتكون متل ما قلت ع حسب المزاج يعني انا مشكلتي كتير مزاجية لما اكون رايقة بكون ازغر من الزغار نفسهم وانا اللي بجننهم وبخليهم يروحو يعيطو بس الاشي بحبو يكون بحدود بردو انو مش طول الوقت يجو يلحو عليي لما اكون معصبة ما بكون متحملة حالي فمستحيل طبعا اتحملهم هني كمان س / هل تتفق معي بأن الاطفال كثيرين الإلحاح يجب صدهم !.؟ وما هي طرق صدهم برآيك ؟ وإذا لا ليش وإذا اه ليش ؟ ممممممممم لا مش صح نصـدهم بـصراحة بالعكس لازم نعود الزغار انو لما يكون عندهم اي استفسار وسؤال يجو يسـألونا ياه تنجاوبهم ع السؤال بالطريقة يلي بنلاقيها مناسبة لسنهم وتفكيرهم وبالطريقة يلي بتناسبنا دينيا واجتماعيا ومشان ما يروحو يسـألو الناس الغلط يلي ممكن يعطوهم اجاباتهم تضللهم او يكون الها الاسر السلبي عليهم بس المشكلة من وين نجيبها لطولة البال لنتحملهم س / هل انت/ي على أستعداد لإجابة الاطفال عن جميع اسئلتهم وخاصه المحرجه أو الغريبه ؟! أو تتهرب منهم ؟ مممممممم انا من النوع يلي بتهرب نوعا ما انو بسير اضحك واحاول انو الف عن الموضوع واحكيلهم شو بدكم بهالشغلة او انـو احاول افسـرها للشغلة بطريقة مزحة واقعد اتوههم واحكيلهم قصة هبلة بعرف انو هيك غلط لانو الطفل رح بيضل يتسـاءل ويضل يفكر بالشـغلة بس ياعمي والله بستحي بصراحة لهيك ببعتهم لحدا غيري بالزات انهم مش ولادي وانا مش مسؤولة عنهم يمكن اهاليهم ما بدهم ياني اجاوب ولادهم ع السؤال بصراحة ويكونو حاكينلهم شي تاني واطلع اهاليهم كزابين قدامهم بس انا عموما ضد الكزب ع الزغار س / تؤيد ضرب الاطفال عند اللزوم ؟ وإذا لاء .. المدارس متبعه هالطريقه لحتى الان " تعليقك " ؟ لا طبعا انا ما بحب ضرب الزغار وما بأيدو باي صورة من الصور فينا ازا بدنا نضرب تكون ضربة خفيفة ع الايد بس انو ضرب جامد حرام كتير هدول امانة في اساليب كتير الها اسـر اكبر من الضـرب انا بحب اتباع طريقة الحرمان من شغلة بيحبوها لفترة معينة يعني مسلا نحرمهم من انهم يشوفو الكرتون يلي بيتابعوها بس انو نضـربهم .. لا حرام واحنا عندنا في البلد ممنوع الضرب في المدارس وانا اكيد ما بأيد الضرب في المدارس يا فرحتي والله اكون باعتة ولادي ع المدارس ويجو المدرسين يضربوهم اي والله بقوم الدنيي وما بقعدها س / حلول وإقتراحات من وجهة نظرك للأطفال كثيرين الإلحاح والغلبه ؟ مممممممممممم ممكن انو نحاول نلهيهم بشـغلات تخليهم يلتهو عن الاسئلة هاي وانو يستفيدو منها او انو الاطفال الزايدين النشاط نبعتهم ع نادي للانشـطة او انهم يشاركو باي شـي المهم انو يفرغو طاقاتهم ويجو ع البيت هلكانين ويحلو عنا بئة يا جدعان ومرسي اجين ع الموضوع الحلو كتير عنجد موضوعك مرتب ومتعوب عليه يسلمو ايديك ويعطيك الف عافية واسـبـح يـا سـمـكـ
_______________________________
........................................  مـــرســى أحــلــى أحلـــى أحـلـــى ســـومــا بالــدنيي .. ع التـــــوئــيع اللي بيــعئــد تــعجتــيني تـعــج يا حــولــوتي  Aunti HoppY
|
|
#8
07-08-2008, 09:14 AM
|
||||
|
||||
|
الآن س / هل عندك صبر للأطفال كثيرين الإلحاح ولإزعاج ..؟ لو لاء شو بتعمل انا من النوع اللي بحب الولاد الزغار كتــير والحمد لله إلي طـولة روح عليهم وبعتقـد انو الحاح الاطفال وازعاجهم شـغله منيحه لانو الطفل اللي هيك بكون بحب يتعلـم ويعرف الاشياء اللي بتسير حوليه س / هل تتفق معي بأن الاطفال كثيرين الإلحاح يجب صدهم !.؟ وما هي طرق صدهم برآيك ؟ وإذا لا ليش وإذا اه ليش ؟ بالعكس لازم نجـاوبـهم ع كل سؤال وكل شغله بحكـوها عشان زي ماحكيت قبل يتعلمو ويعرفو الاشياء اللي حوليهم حتى لو كانو مزعجين باسئلتهم بس برضو مش لازم نسـكت س / هل انت/ي على أستعداد لإجابة الاطفال عن جميع اسئلتهم وخاصه المحرجه أو الغريبه ؟! أو تتهرب منهم ؟ لأ مش لازم نتهـرب منـهم ابدا لازم مانســكت ع اي سؤال بحـكوه وإزا كانت محرجه بنحكيلهم اي اشي يعني بنفسرلهم الجواب بطريقه تانيه بالنهايه هادا طفل يعني فسـرلو بأي اشي ومش رح يقـعد يناقشك في الموضوع  س / تؤيد ضرب الاطفال عند اللزوم ؟ وإذا لاء .. المدارس متبعه هالطريقه لحتى الان " تعليقك " ؟ الضـرب من اســوأ الطرق وعمرو ماكان طريقه عشان يتعلم او يتـأدب الطـفل وهادا الاشي ممـكن يسببـلو ضعف بشخصــيتو وبسـير معقـد انا مع انـو ينـحكى مع الطفـل بطـريقه هـاديـه من غير ضرب لانو مافي اشي بييـجي بالغصـب س / حلول وإقتراحات من وجهة نظرك للأطفال كثيرين الإلحاح والغلبه ؟ نحــاول نستحملهم قد مامنقــدر وانا مابنـكر انهم احيانا بزهـقو بس معلش بدنا نطـول بالنا عليهـم والله عنــجد الموضوع حلو كتير وممــتع يعطيــك العافيــه
_______________________________
|
|
#9
07-08-2008, 09:21 AM
|
||||
|
||||
وعليكم السلام ورحمة الله وبركاته والله يا ابن عمي ضحكتني من صمصوم قلبي ومن ناحية ثانية رحمت ابن اختك يعني الولد لو ما كان بيحبك ما كان سألك .. ولا شو رايك انت ؟؟ ديليت .. الله واكبر واخيرا بستنى حد ينطق الجوهرة والجوهرة هي انو (الاطفال مخلوقات فضايحيه) معاك حق مليون من مليون فضايحيه ونص  ما بنبلع في ثمهم فولة الله يعزك الشرير الغزاوي ... الصراحة والصراحة راحة ,عجبتني صراحتك وشجاعتك على انو تحكي عن هاذ بالموضوع بكل صدق مع انك كنت قاسي ... حتى انا خفت منك الله يعينهم الاطفال , ابصر شو شعورهم اول ما بشوفوك انا ع العمياني خفت منك كون ايزي يا ابن الحلال وتنفس عميق ,لتموت من قهرك عليهم -------------------------------------- ونيجي للموضوع الاساسي وبلاش برم وكثرة غلبه ونسمي بالرحمن , بسم الله الرحمن الرحيم.. هل عندك صبر للأطفال كثيرين الإلحاح ولإزعاج ..؟ لو لاء شو بتعمل ؟ الحمدلله عندي صبر كافي جدا لاستوعب كل الاطفال المحيطين فيي ,وحتى الاطفال ياللي ما بعرفهم , وصفة الالحاح والازعاج ,صفات من مميزات الطفولة , وجزء لا يتجزأ منها ,بأعتقادي لم تكن الطفولة ممتعه من غير هذه الصفات, وان احنا كمان كنا صغار وتبلورت شخصيتنا عن طريق الالحاح وكثرة السؤال لولاها ما كنا كونا معلومات بنعرفها اليوم . هل تتفق معي بأن الاطفال كثيرين الإلحاح يجب صدهم !.؟ وما هي طرق صدهم برآيك ؟ وإذا لا ليش وإذا اه ليش ؟ يتعلق بنوعية الحاجة الذي يلح عليها الطفل, اذا كان الطفل كثير الالحاح على كثرة السؤال ويريد مننا الاجابة ,علينا الانصياع لرغبته في المعرفة ,, لانه دورنا في الاجابة على اسالتهم , بيكملهم , والمعنى انه لما انه انجاوب على اسالتهم احنا بنساعد على تنمية وبلورت شخصية وهوية الطفل وطبعا كل الاجابات اللي احنا راح نعطيها اياهم راح اتظل راسخة فيهم , لذالك يجب علينا انو نعطيهم مصداقيه الجواب ,وحتى لو كان السؤال محرج ما نتجنبه لازم نعطي الاجابة الاقرب للسؤال ,اذا احنا محرجين من الاجابة عن السؤال .. فمن هذا المنطلق يجب عدم صد الطفل اما اذا كان الطفل يلح على انه بده مصاري او بدو انو امه تشتريله كثير الالعاب او انه بدو يظل قاعد ع التلفزيون وبدوش يقوم ينام وبحط امه وابوه تحت الامر الواقع وبيصير يعيط , لازم اهله يحطوله حد علشان ما يتمادى بالامر ويصير كأنه شيء عادي ويسبب العنادة ,, ومن هذا المنطلق يجب صد الطفل.. هل انت/ي على أستعداد لإجابة الاطفال عن جميع اسئلتهم وخاصه المحرجه أو الغريبه ؟! أو تتهرب منهم ؟ عندي استعداد تام بالاجابة عن كل استفسارات الطفل وجميع اسألته المحرجة والغريبة , لاني بهيك بكون بساعد في تطوير وبناء وسقل شخصية الطفل وبروي فضوله . تؤيد ضرب الاطفال عند اللزوم ؟ وإذا لاء .. المدارس متبعه هالطريقه لحتى الان " تعليقك " ؟ لا اؤيد ضرب الاطفال ,, بولا طريقه كانت ,, بصراحة الضرب ما بيجيب نتائج ,, بس بيربي عند الطفل عقدة وممكن يصير تخلف عقلاني عنده من كثر الضرب ,, انا بأيد العقاب ,, وانا قصدي بالعقاب انه مثلا الطفل عمل شغلة مش كويسه ,, امه اتقله فش تتطلع معنا اليوم رحلة معينة او مثلا اتقله فش تحضر كرتون اليوم ,, اما بالنسبة للضرب في المدرسة فأنا بقول لازم نكون اكثر متحضرين ,وفي كثير وسائل غير الضرب ممكن تأديب الطفل فيها .. حلول وإقتراحات من وجهة نظرك للأطفال كثيرين الإلحاح والغلبه ؟ - الصبر على الأطفال - الاجابة عن اسألتهم حتى لو كانت محرجة - التعامل معاهم في الطيب واللين - كل انسان كبير فينا هو قدوى ومثال لاطفال بيته ,, لهيك لا تخذلوهم وتخيبوا امالهم فيكم. بارك الله فيك اخي الكريم ,, على طرح هذا الموضوع المميز والشيق .. والي من خلاله بنقدر نستمع لوجهات نظر اخرى سلمت يمناك دمت بود .. اختك في الله : زيتونة الشاطئ *ونصيحة من اخت لاخوها : بقولك طول بالك ع ابن اختك ..بهيك بتكون قدوة ومثال اعلى اله ... بيظل يحترمك ويعزك مدى الايام ... وان شاءلله خير ..
|
|
#10
07-08-2008, 02:37 PM
|
||||||||
|
||||||||
|
اقتباس:
اقتباس:
/ * النـور نـورك وما بعـد نـورك نـور * / اقتباس:
* وهوا الحـل الي بعمله معاهم * / اقتباس:
/ * نيـالك والله يا كلكيـشـن * / اقتباس:
اقتباس:
/ * حــلو الكــلام يـا مـان لكـن ، في نـاس متل الشرير الغزاوي . ما اله طول بال عليهم وعلى أسئلتهمـ؟شو يعمل الي متل هاد هـاد النوع لازم يصـد الاطفال << ولكـن بطريقـه صـح ... متـل عنـد إلحاحهم إله او يسئله سؤال مش الي هوا يعني . ممكن يحكيلهم (( روح أسئل أبوكـ )) * / اقتباس:
/ * متفـق جـداً معـكـ، هنـا  * / اقتباس:
/ * شو في طريقة عقاب برآيكـ؟ * /
_______________________________
تلعبش معايا طاااااااا
|
