|
|
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
>> برج المراقبة <<
اللي سجل بالمقعد بعد تاريخ 18-10 يسجل تاني ...واللي غير باسوورده بعد هادة التاريخ يفوت بالباسورد القديم...
 |
 |
 |
|
|||||||
|
|
|
|
 |
|
|
أدوات الموضوع | طرق مشاهدة الموضوع |
|
#1
24-08-2008, 09:58 PM
|
||||
|
||||
يوميات طالب توجيهي( الحلقة الاولى)
السلامو عليكو اليوم راح نقدم لإلكو مسلسل يوميات طالب توجيهي و ما حد يسألني أكم حلقة ولا وين النهاية  والاشي التاني إنو الحلقات ما راح تنزل قبل بيوم على اليوتيوب أو أي موقع تاني  لإنو حقوق النشر محفوظة عالاخر وهلأ نبدا...... (الحلقة الاولى)- المشهد الاول _/ليلة أول يوم بالسنة/ _ المكان:/دارنا/ كبير حالو عندو بكرة الصبح أول يوم بالمدرسة. الساعة صارت 11.30 والشب فاتح النت  والمقعد والماسنجر كالعادة الاب: يا بنيي قوم حسسني إنو عندك توجيهي يعني أقل ما فيها نام بدري عشان نعرف نصحيك بكرة كبير حالو: طيب طيب طيب حكينالك خمسة وقايمين  >> إلو من الساعة 10.30 بيحكي خمسة وقايمالاب: يا بنيي والله لازم تكون مهتم أكتر من هيك عند مستقبل والسنة الجاية مهمة أكتر اشي ومستقبلك بتوقف عليها  كبير حالو (عم يحكي بعقلوا): شو هالمصيبة إللي أجتنا بآخر النهار الواحد زهق هالمحاضرت .. أحسن أشي أحط الهيدفون ولحالو هيبطل يتكلم كبير حالو حط الهيدفون ووبيسمع شوية أغاني وصلتوا جديدة الاب: إنتا بطل منك فايدة أنا رايح أنام ويجعلك ما نمت كبير حالو: خخخخخخخخخخخخ زبطت الخطة  صارت الساعة 12 وأجت امو الام: يا كبير مش عندك بكرة مدرسة ولا أنا غلطانة.. شو بتعمل لهلأ هالكمبيوتر؟؟!! كبير حالو: بنزل تدريبات انجليزي ونماذج امتحانات  >> ينعن أبو الكزبالام: طيب يا ماما الله يوفئك بس لا تطول عشان تعرف تنام بدري وبكرة بتكمل>>مشت الكزبة زي السلام عليكم وكبير حالو مستمر عالنت ونازل دردشة وبرم وما صارت الساعة 12.45 إلا هوا الماسنجر صار زي الصحرا وفش حدا اون لاين غيري كبير حالو حس بإنو زودها عالاخر  وكل الناس راحت تنام عشان عندها مدارس وجامعات وهوا قاعد المهم الشب سكر الجهاز وحط راسو وأجى ينام واتقلب اتقلب يا كبير ومش جاييك نوم  قام راح عالصالة وفتح التلفزيون وطبعا أول اشي بنفتحو روتانا (مش هتئدر تغمض عينيك)كانت جاية (حاحة وتفاحة) طبعا الاشي قديم بس بنتسلى شوي خلصت وكبير مصحصح ولا عندو أي استعداد ينام اقلب رحنا على ميلودي افلام كانت جاية (خالتي فرنسا) وبرضو قديييييمة بس شو بدنا نعمل حضرناها وكبير مصحصح وملك زمانو الولد ولا كإنو عندو دوام دراسي صارت الساعة 2 وفش أي شعور بالنعس وهيييييييك لل4.15 أدن الفجر وصلينا وقعدنا شوية وما أجى النوم غير عال5.30 يعني الناس بتصحى عال5.30 وأنا نمت بهالوقت  المهم صحيت على رن الجوال صاحبي بيحكيلي يلا انزل هيني تحت البرج بطلع بالساعة إلا هيا 6.30 سكرت الجوال وصرت أجري جري غسلنا وجهنا وزبطنا اللوك وأخدت الجوال>> شوف الانحراف من اول يوم المشهد التاني// بالشارع والمدرسة وطلعنا وصرنا بدنا سيارة تاخدنا من تل الهوا على مدرسة فلسطين والله ربنا بعتلنا سيارة أخدتنا هناك وما اتأخرنا .. وصلنا المدرسة ووقفنا بالساحة وقفة غبية جدا ولما طلعت الهيئة التدريسية >> زي إلي عنجد صاروا ينادوا عالكشوف ويوزعوا الصفوف أنا وصاحبي كل واحد بصف يعني زي كإنهم بعرفوا إنو مش لازم نكون بصف واحد دخلنا هالصفوف.. وقعدنا عالكراسي إللي بكرههاا..إللي جنبي كان ( غامض وصامت) على رأي أحمد مكي يعني الولد ما بستقبل ولا برسل عامل زي الجوال إللي مافي شحن حكيت السنة مبينة من أولها ...وأجى استاذ الفيزيا من اول حصة صار يراجع بمعلومات السنة إللي فاتت والمفاجأة إني طلعت متذكر الاشي المهم أجي تبع الانجليزي صار يتهابل ويعطي محاضرات ونفسو تبع الرياضياتوأخيرا أجت الفسحة..طلعنا قبل ما تطلع روحي من القعدة  واتجمعنا وأجى خبر إنو بعد الفسحة في ترويحة والله وفعلا ما لقيناهم إلا فتحوا الباب ومسكنا حالنا وروحنا وطبعا كبير حالو كان بيحلم بالسرير لإنو مش نايم بالمرة  وروح عالبيت وحط راسو وما رفعها للساعة 5 العصر عشان عندو درس رياضيات........ يتبع...
_______________________________
يوميات طالب توجيهي ******** Pain can plague our bodies from our head down through our knees Way on down to feet and toes, our limbs, our every part, Inside, outside, every place; but none worse than the heart.  والله قلبي موجعني!! 
|
|
#2
24-08-2008, 10:08 PM
|
||||
|
||||
هههههههههههههههههههههههههههه ههههههههههههههههههههه هههههههههههههه  حلوة قريت حكايتك كلها الله يعينكم ع الدراسة احنا بتبدأ يوم الاحد للأفس الله بعين توجيهي صعب 
_______________________________
  إجازة إجازة يسلمو Soose
|
|
#3
24-08-2008, 10:09 PM
|
||||
|
||||
|
ولا ... تعال هان  بدك تعترف عصبن عنك ... فاهم ؟؟ أنا حاسس انك واحد من يوزراتي وبتحكي باسمي  تقريبا نفس قصتك صارت معي ... بس بدون روتانا سينما مش حتقدر تغمض عنيك كنت الساعة 12:30 قاعد عالنت وفي أمان الله ....... اجا أبويا (عامللي قلق ) بقلي مطول ؟؟قلتلو مش كتير ......... بدي أخلص هالشغلة واقوم قلي قديش بدك يعني .. 10 دقايق ؟؟ (سؤال مستفز )قلتلو العشر دقايق ما بلحق أفتح الموقع فيهم (على أساس انو النت عندي شغال عالمودم اللي سرعتو 56 كيلو )قلتلو نص ساعة وبقوم ....... فطبعا هوا بدو يستفزني أكتر ...... قال هيني قاعد ولما تخلص قلي خليني أروح انام وقتها ما ضل عندي ولا خروبة رحت زي الأسد ضغطت على زر البور في الكيبورد ورحت أنام (على أساس حردان )اجا ابويا وصار يحكيلي مواعظ (زي اللي انت عارفها) المهم خليت كل المنطقة في سباتن عميق ... ورحت شغلت الكمبيوتر بس للأسف ... لقيت المغربية مسكرة انسم بدني وطفيت الكمبيوتر ورحت انام بعدين صحينا عشان المدرسة الساعة 6 أنا عامل حسابي انو اليوم الزي حيكون اصفر واحمر واخضر أكيد ما لبست الزي ... طلعت عالشارع .. لقيت التزام بشكل فزيع (أيام الخير ما كانو يلبسو الزي )اتصلت على واحد صاحبي قلتلو تعاللي عالدار واوعى تكون لابس زي بتطلع قدامي لقيتو بحكي عالجوال معي (وهوا بعيد عني عشرين متر بس) بدو يخسرني حق المكالمة المهم طلعت معو عالمدرسة طبعا في المدرسة ... ضليت حوالي ساعة أنا والشباب في الساحة وما حد مدور علينا نلفلف في الملعب وهان وهان .... الساعة صارت 8 والمفروض الجرس الساعة 7:15 بعدين مش عارف ايش صار ... لقيت حالي على باب المدرسة ومن باب المدرسة عالدار بعدها ضربنا مشوار عالأزهر .. وما أدراك ما الأزهر (الجامعة كانت مليانة موزز )بعدين روحت عالدار ولحتى اللحظة عالنت وليحيا الإضراب برعاية عمو سلام فياض بس هيك وسانكيو عالموضوع ودقي يا مزيكا 
_______________________________
 التعديل الأخير تم بواسطة : غزاوي حالق للدنيا بتاريخ 24-08-2008 الساعة 10:18 PM.
|
|
#4
24-08-2008, 10:28 PM
|
||||
|
||||
|
ـههههههههههههههههههههههههههههههههههههههههـ والله يوميات دمار يا حرام بتحزنو يا طلاب التوجيهي انا الحمد لله خلصت هاي السنة  وان شا الله رح ينعرض مسلسلك ب اول رمضان ـههههههههههـ يسلموو كتير
_______________________________
كيف أكون طفلا بدون حرية...؟ و كيف ألهو و قضيتي منسية...؟ أنا طفل البساتين فلسطيني الهوية أنا من قاتل من أجل الحرية لن ألعب إلا بحجارة و من الخشب أصنع بندقية فهذه طفولتي خذوها لكم مني هدية...!!
|
|
#5
25-08-2008, 10:30 AM
|
||||
|
||||
|
بعينك الله على هاليوميات الدمار
والله وضعكم بحزن
_______________________________
|
|
#6
25-08-2008, 11:34 AM
|
||||
|
||||
|
إستمر تيجي نتبادل الأدوار وأرجع أنا لأيّام المدرسه وتاخد إنتا شهادة الجامعه تبعتي وسنين الخبره كلها إستمتع بيومك زي ما هوا وتأكّد إنه ما راح يرجع تاني أحلى أيام العمر إللي ما فيها أي مسؤولية غير الإمتحان راحت عليّه
|
|
#7
25-08-2008, 11:59 AM
|
||||
|
||||
|
اها مش غلط مانت بتكون بالمدرسة الغزاوية ليش تروح على مدرسة فلسطين  بالمدرسة هنا كل المنهج تبع توجيهي  منور باليوميات تبعتك انت وغزاوي حالق للدنيا
_______________________________
|
|
#8
25-08-2008, 12:25 PM
|
|||
|
|||
|
اضـــــــــــــــــــــــــــــــــــ ما تروحوا علي المدارس ـــــــــــــــــــــــــــــــــراب الي ما بروح راح ننجحه واللي بروح راح يعتبر حاله راسب السنة
|
|
#9
25-08-2008, 01:15 PM
|
||||
|
||||
|
اقتباس:
وأنا من هازا المنبر أشدد على هازا الكلام بعنفــ واان واللي بروح عالمدرسة بنقطع راتبو .... عشان هيك كل واحد ياخد بالو من لغاليغو ودقي يا مزيكا
_______________________________
|
|
#10
26-08-2008, 02:17 PM
|
||||
|
||||
|
هههههههههههههههههههههههههههههههههههههههههههههههههههههههههههههههههههه ههههههههههههههههههههههههههههههههههههههههههههههه ههههههههههههههههههههههههههههه نفس الحال ..بس احنا الاحد دوامنا ههههههههههههههه
_______________________________
/ \ / \ / 31 / 12 / 2008 BRB TAWJEEHI 
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | إللي كتب الموضوع | القسم | مشاركات | آخر مشاركة |
| يوميات طالب طب<<<<الحلقة الــــــرابعة | زمزم الحب | حبيبي يا حااااااج | 0 | 29-07-2008 03:01 PM |
| يوميات طالب الطب<<<<< الحلقة الثالثة | زمزم الحب | حبيبي يا حااااااج | 2 | 28-07-2008 08:33 PM |
| يوميات طالب طب 1<<<الحلقة الاولـــي | زمزم الحب | حبيبي يا حااااااج | 13 | 27-07-2008 10:54 AM |
| يوميات طالب توجيهي | فش كرت | استخف دمك | 27 | 25-10-2005 10:42 PM |
|
العرض العادي
