|
|
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
>> برج المراقبة <<
اللي سجل بالمقعد بعد تاريخ 18-10 يسجل تاني ...واللي غير باسوورده بعد هادة التاريخ يفوت بالباسورد القديم...
 |
 |
 |
|
|||||||
|
|
|
|
 |
|
|
أدوات الموضوع | طرق مشاهدة الموضوع |
|
#1
28-08-2008, 01:25 PM
|
||||
|
||||
هل سوف نعود حقا؟؟ الرجاء الكل يفوت
السلام عليكم بدي احكي بموضوع حساس ومهم بنفس الوقت هلقيت الشعب الفلسطيني بيطالب بحقوق كتيرة من الكيان الصهيوني او اسرائيل ولا يمكن التنازل عنها ومنها طبعا حق العودة بمعنى انو كل من حق كل فلسطيني هجر وصار "لاجىء" في البلاد العربية او الاجنبية انو يرجع على البيت والقرية والمدينة اللي طلع منها انا حكيت مع بعض الاخوة بالمنتدى وغير المنتدى بهادا الموضوع وخاصة اللي بدول الخليج ومعظمهم قال انو مش مستعد يترك البلد اللي عايش فيها زي قطر او الامارات او السعودية وانو هالبلد صارت بلدو الاساسي وبدو يعيش فيها طول عمرو والاسباب انو ما بدو يترك الرفاهية اللي عايش فيها وانو لو رجع على فلسطين حينظرو الو نظرة حسد على اعتبار انو غني ومعاه مصاري كتير وغير هيك وضعو راح يتجه للاسوأ سواء ماديا او اجتماعيا او غيرو انا سؤالي انو كيف احنا بنطالب بحق العودة ازا احنا بنفكر هيك ؟؟ وهل انتا ممكن تفكر ترجع على فلسطين سواء على غزة او اذا صارت معجزة ورجعت لبلدتك اللي صارت محتلة ولا قررت تستوطن بالبلد اللي انتا عايش فيها؟ 
|
|
#2
28-08-2008, 09:48 PM
|
||||
|
||||
صح كلامك ناس كتير بيفكرو بهالطريقة
اما بالنسبة الي لو يفتحو الحدود بروح طيران على غزة(انابالسعودية) هادا حلم بحلم فيه لانو معنا وثيقة مصرية يعني في الوضع هادا صعب نرجع الله بعين تسلم عطرح الموضوع
|
|
#3
28-08-2008, 10:56 PM
|
||||
|
||||
|
بس بكرة لما تتحرر فلسطين ويصير الشي جد اتحدى واحد منهم ما يتمنى يرجع مهما يلف الواحد بتضل بلده هيه المأمن تبعه بكفي انه ما بنعمل فيها اقامات وبهدلة وبتقعد مرتاح البال وانا بمشي مع المثل اللي بقول اللي بطلع من دراه بنهان مقداره والناس اللي بتحكي هيك عمرها فلسطين ما بتتحرر فيهم اكتر موقف زعلني مرة كنت في الجيزة وبدي اروح عالبيت فلقيت بنت رايحة نفس مكاني وكانت مقطوعة وبعرفها من الجامعة بس مش منيح فركبت معي قولتلها انتي عراقية صح قالتلي أه قولتلها جاية هون عطول ولا شو بدك تعملي بعد الجامعة قالتلي انا هون لغرض بس انه تنتهي الحرب بس راجعين لبلدنا
_______________________________
 يسلمولي هالديات غزاوية قلق عهالتوقيع النعوم متلك 
|
|
#4
28-08-2008, 11:25 PM
|
||||
|
||||
|
هلأ نحنا الفلسطينييين المغتربين ما اخترنا إنا نتغرب بإرادتنا، بس هيك صار معنا شو نعمل ؟ طيب هلأ نحنا عشنا ببلد معينة وربينا فيها وتعلمنا واشتغلنا وصار عنا أولاد كمان فيها وما عم نحس حالنا غرباء فيها ،شو نعمل؟أكيد بنحبها وما بننكر فضلهم علينا بس كمان ما بننسى أصلنا ولو بيصحلنا نرجع لفلسطين أكيد ما بنتردد بس المشكلة إنه الناس ما بيتقبلونا هناك حتى الأقارب، أنا في سنة من السنين فكرت أنزل أستقر بغزة لكن اهل البلد طفشوني وكل ما يشوفوني يقولولي انت سعودية مو فلسطينية ،كإنه أنا مزنبة يعني لأني مغتربة وخصوصي إني مامعي جنسية او هوية فلسطينية،رغم إني غزاوية ،بس متل ما بيقولوا مافي إثبات لأنو بيسمونا نازحين .
صدقني الشغلة مو شغلة ترف ورفاهية ،هي شغلة بلد تعودت تعيش فيها بس أكيد بنحلم ونتمنى نرجع لبلدنا ونعيش فيه متل كل الناس اللي عندهم بلد عايشين فيها.. آسفة كتير طولت بالرد بس والله الموضوع بيهمنا كتير ... ويارب تكون وصلت فكرتي صح.. يعطيك العافية يارب...
_______________________________
 دع الأقدار تفعل ما تشاء...ولا تسأل عن غد...فإنه في علم رب السماء...  ننوسة الأمورةواااو!! إسمي مكتوب على أحلى بحر بالدنيا !! بحرك يا غزة!! يسلمو إيديك Sailor  
|
|
#5
28-08-2008, 11:31 PM
|
||||
|
||||
|
مــــــــــــــــــــــــــــــــــــــــا فــــــــــــــــــــــــــــــي أمــــــــــــــــــــــــــــــــــــــــل
_______________________________
أخوكم روائع الرائعww23g
|
|
#6
28-08-2008, 11:46 PM
|
||||
|
||||
|
انا بالنسبة الي لو يصحلي من بكرا ارجع عغزة واستقر فيها انا واهلي ما بقصر عالاقل غزة ومصايبها احسن من الغربة والعنصرية كيف العنصرية؟ انه اهل البلد اللي انت في رح يضلو يعتبروك فلسطيني لاجئ مو مواطن زيهم وانهم هما اصحاب البلد هاي انا هاد رايي ويسلمو عالموضوع
_______________________________
حجابي رمز عزتي وإبائي
|
|
#7
28-08-2008, 11:54 PM
|
||||
|
||||
|
مرحبا اي حدا بيحكي انو ما بدو يرجع ما بيكون عندو بعد نظر مع احتراماتي لكل اللي بيحكو هيك بس لو اجت المعجزة الوضع في غزة وفلسطين بصفة عامة راح يتحسن ويتطور ويسبق كتير عالم  انا وحدة من الناس الي ما شافو غزة إلا بالاجازات وهي من يوم ما بدت الانتفاضة الواحد مش عارف ايش أخرتها بيكون نفسك ترجع تشم الهوا تبع فلسطين هالقيت اكيد الواحد بيكون نفسو انو يرجع للعز اللي كان فيه والحياة اللي متعود عليها والمكان اللي تربى فيه بس من الاخر ما في بعد انو الواحد يقعد في بلدو بكرامته وما حدا إلو إشي عندو طولت عليكم ويسلمو على الموضوع 
_______________________________
  If you have been betrayed from behind the scene.. then you should be proud because you are the only one who is in front 
|
|
#8
29-08-2008, 12:01 AM
|
||||
|
||||
|
انت اخدت جزء من الفلسطينيين المغتربين
فئه قليله كتير الي بتقول انها ما بترجع .. وهدول ناس فلسطيني ما بدها ياهم .. عشان خساره يعيشو بأرض الاسراء و المعراج .. الارض المباركه اما الفئه التانهي و هي الاكتر بترجع .. ولو يصحلها من بكرا بترجع .. عشان فلسطين بتمشي بدمها هلأ مثلا الفلسطينيين الي عايشين بمخيمات بلبنات وضعها مزري ومشحر .. لو يصحلهم يدخلو فلسطين حتى لو ما كانت محرره ما هلا بيرجعو .. ما بيستنو لبكرا و الفلسطينيي الموجودين على حدود العراق .. بأرض صحرا .. ما فيها حتى حيوانات و لا نباتات بتفكر انهم مبسوطين بعيشتهم هالئد وهم اصلا مش عايشين حياه فيها مقومات لحدا يعيش؟؟ الله يسهلها يا رب ويصلح الاحوال
_______________________________
 عندما تصبح حياتك مظلمة ..صلي بإيمان لله ليحررك من الظلمة ... إذا استمرت الظلمة بعد الصلاة فكن واثق بأنك لم تسدد فاتورة الكهرباء
|
|
#9
29-08-2008, 12:22 AM
|
||||
|
||||
|
اول شيء شكرا ع الموضوع تاني شيء في كتير اشياء ممكن تخلي الواحد هيك يحكي لما واحد ينولد ببلد تاني غير فلسطين و بقضي احلى ايام حياتوا فيها طفولة و مراهقته و هو كبير و متعلم فيها و حاسس بالامان اكيد رح يقول هيك و اذا ما قال اكتر بس هذول الناس اغلبه عمرهم ما فاتوا فلسطين فما بيعرفوا شو يعني الغربة ؟؟؟؟ لانو اصلا معتبرين البلد الي ساكنين فيه بلدهم و غير هيك مرفهين و ما حده بقولهم شيء بصراحة صح اني ولدت بالامارات و لهلق عايشة بالامارات و بموووت فيها بس لو عليه هلق بروح ع غزة و بفديها بدمي لكان شو و بصراحة كل واحد بقول ما بدي ارجع ع بلدي حتى لو كان مو فلسطينية بكونوا انذال يسلمو ع الموضوع الشيق
|
|
#10
29-08-2008, 06:56 AM
|
||||
|
||||
|
ياوردي...مهيه اسرائيل عارفه هالشغله..
والفلسطينيه عارفين هالشغله...هوه مين اللي بدو يرجع يابا؟؟!!  بس في ناس مستفيده من الوضع الحالي...  يعني خربان البيوت لناس..في فايده لناس تانيه.. الحرب الدايره هادي..على حق العوده اللي محدش مطالب فيه في الحقيقه..فيها مصالح مشتركه يحج.. للطرفين.. ما أخذ بالقوه..لايسترد بغير القوه.. والحدق يفهم..
_______________________________
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | إللي كتب الموضوع | القسم | مشاركات | آخر مشاركة |
| انا مشمشة الكل يفوت | مشمشة العثولة | إتفضل يخو | 33 | 23-10-2008 09:56 AM |
| الكل يفوت ..!!! | غــزاوي | قعدة الحكي المرتب | 52 | 17-07-2007 09:53 PM |
| الكل يفوت شي اهم منو ما في | الايـــــــــ نغـــم ـــــــام | أشخرلي وأشخرلك | 21 | 29-05-2007 11:39 AM |
| هام جدا للشعراء الكل يفوت... | عمو ابو مهند | قعدة الحكي المرتب | 1 | 09-04-2006 10:09 PM |
|
العرض العادي
