|
|
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
>> برج المراقبة <<
اللي سجل بالمقعد بعد تاريخ 18-10 يسجل تاني ...واللي غير باسوورده بعد هادة التاريخ يفوت بالباسورد القديم...
 |
 |
 |
|
|||||||
|
|
|
|
 |
|
|
أدوات الموضوع | طرق مشاهدة الموضوع |
|
#1
30-08-2008, 07:54 PM
|
||||
|
||||
يوميات طالب توجيهي (الحلقة الرابعة)
باااااااااااك بنرجع اليوم بالحلقة الرابعة إللي تأخرت لحين رجعنا الحلقة التالتة إللي كانت سقطت سهوا  يوم الجمعة//الساعة 10//الاهل جالسين بالبيت وبيحضروا مسلسل نور وكبير حالو نازل بالماسنجر والشات والمقعد ماما: والله يا كبير منا حاسة بالمرا إنك توجيهي..يا ماما شد حيلك شوي  كبير حالو: شو بدك أقطع حالي.. مهيني شادد مش شايفاني  ماما: على شو شادد يابو شادد..شادد حيلك على كمبيوترك..بس لو أفهم على شو هالتكتكة؟؟  كبير حالو: (تكتكة) ..هلأ هادا مفهومك عن النت..يلا بعوض الله....ماما: كلمني بجد هلأ .. لازم تكون شوية عندك انتباه وتدير بالك أكتر من هيك.. يعني لو ما بدك تقوم تدرس قوم نام بدري عشان نعرف نصحيك بكرة إنتا عندك مستقبل وجامعة والمعدل و و و و و و و ..........  كبير حالو: ماما حسيتي إنك حكيتي كتير؟؟!! ولا أنا غلطان!! ريحي راسك مني الله يرضى عليكي هيني براجع إللي باخدو مع الاستاذ من المدرسة وبلخصو وخلص مكفييي  ماما: طيب والنومة بدري؟؟ كبير حالو: ولا يهمك .. يعني عال11 بكون نايم  ماما: مستحيل تعملها لحالك إلا واحد يضل فوق راسك كبير حالو: (بيحكي بمخو) وقعتنا لوز الليلة!!! بعد شوية يرن الجوال (أنا لك على طوووووووووووووووووووووووول خليك ليا........................) كبير حالو: ألو المتصل: هلا (كبير حالو) معي؟؟ كبير حالو: معك المتصل: كيفك؟؟ كبير حالو: ماشي الحال بس مين حضرتك المتصل: له له له له مش عارفني والله ما إلك أصل.. ولك أنا عمار ابن أبو عمر كبير حالو: اهاااااااااااااااااااااا عمار ( ما عرفتو بس بستهبل)..  يا هلا يا هلا..كيفك وكيف الاهل؟؟المتصل: (مفكر إني عرفتو عنجد)  والله بخير بدنا تكونوا بخير... أنس بدي منك خدمة( وليش بدو يكون متصل يعني)كبير حالو: اتفضل (يا رب ما يكتشف إني مش عارفو) المتصل: أنا خلصت ماجستير وبكرة مناقشتي بدي منك تيجي إنتا والشباب تقفوا معي وتزبطوا الوضع  ( هلقيت لسا عرفتو..هادا بيكون ابنو لابن عم بابا<<شفتو قديش بقربلي وعرقتو لإني مرة سمعت إنو بيدرس ماجستير) كبير حالو: من عينينا يا كبير ولا يهمك بس انتا احكيلي بأي صالة << هوا عرس يا متخلف قصدي بأي قاعة بالجامعة؟؟ المتصل: بمبنى القدس بالجامعة الاسلامية في الطابق الاول بتلاقي قاعه فيها بيكون الاشي كبير حالو :من عينيا يابن عم اعتبر الاشي صار وأنا بكرة باجي وبجيب معي كل الشباب  المتصل: الله يخليك ويبيض وجهك يلا باي هلأ باااااي هلأ أنا صرت بدي أكلم الناس أعزمهم على قصة زي هادي!! .. طب كل إللي بعرفهم ما بيروحوا غير على سهرات ويكون فيها رقص.....حكيت أنا بتصل وبيعين الله  صرت أتصل على هادا وهداك وأقنع فيهم بإنو الموضوع مش هيكون ممل تاني يوم رحنا عالمدرسة وأنا حاسب حسابي نروح عال11 أو 11.30 وأمسك حالي واروح بسرعة عالجامعة  الموهيم روحونا عال10 وأنا ما بدي أروح عالبيت وأرجع للجامعة...حكيت بتصل على يوسف (صاحبي وسنة اولى هندسة ) بشوفو وبقعد معو لل12 بالجامعة الهم وصلنا الجامعة وكلمت يوسف كبير حالو: ألو هلا يا كبير حدد موقع بسرعة يوسف: هلا ليش هالعجلة!! أنا عندي محاضرة عال11 بمبنى القدس كبير حالو : روح أنا هناك أنا بستناك يوسف: طييييييييييب بس وطي صوتك ليش عالي هيك!! رحت عند مبنى القدس وأجى يوسف وقعدنا شوي لما صارت الساعة 11 حكالي يوسف تعال احضر معي المحاضرة حكيتلو وافرض مسكني الدكتور حكالي هادا متطلب وما حد بيعرف حدا انتا اقعد ساكت وبس  المهم رحنا عالمحاضرة وقعدنا بآخر كراسي وأنا وهوا نزلنا برم وقصص ونحكي عن الناس وننم فيهم والدكتور مسكين بعلي بصوتو وما حد معبرو بالاخر نادى  الدكتور: إنتاااااااااااا يلي هناااااااااااااااااااك يابو الرمادي (قصدو عني)  أنا : بتحكي معي؟؟  الدكتور: اه بحكي معك لمتى بدك تضل تتكلم انتا شكلك مش راح تفلح بهالهندسة روح حول من هلقيت أنا: (هلأ بدي أمشي فلم إني عنجد من الهندسة وأضحك الشباب شوي لإنهم كلهم بيعرفوا إني صاحب يوسف ومن توجيهي) أنا: وليش ما أفلح يا دكتور الله يسامحك على هالكلام؟؟ الدكتور: ( مولع وبزعق)بطل كلام واسمعني كويس... إذا بدك تضل هيك ما بدي أشوفك بالمحاضرة الجاية أنا: (بكل برود) طب تدزش الدكتور: ولك احترم نفسك إنتا واحد ما بدي أوسخ لساني عشانك ضولوا يبهدل ومش عارف مسكين إني مش عندو أصلا  والشباب فارطين على حالهم من الضحك ومكيفين لإنو هالموضوع أخد معنا يمكن 10 دقايق وضايل للمحاضرة كمان 10 دقايق أخدها الدكتور عشان يريح أعصابو ... وهلأ أنا وبكل فخر خربت أول محاضرة جامعية دخلت فيها  .. وكل هادا وأنا من برا الجامعة...شو بدي أعمل السنة الجاية فيهم !!المهم صارت الساعة 12 رحنا عالقاعة ولقيت هناك نص الشعب (العيلة)  ورجال وشباب وبنات وتقول العيله ماخده الموضوع كإنو عنجد عرس ولا مناسبةوضلينا نبرم مع بعض لحد ما أجو هدول إلل بيلبسو حاجات (لجنة الحكم) (في واحد قريبنا حكالنا إنو محضر مفاجأة بس ما كنا نعرف شو هيا) بدت المناقشة وهيك وقريبنا طرح الموضوع تبعو وأجى دور المناقش يعلق عالاشي وهداك المحترم نزل تشفير فقريبنا وأكتر من نص ساعة من النقد و ولا كلمة شكر ولا يعطيك العافية طبعا هوا قريبنا ناجح ناجح فش امكانية بس هداك ليش يكتر برم المهم إللي جنبي شب من العيلة بيحكيلي هادا الدكتور شكلو بدو يتخلى عن مستقبلو وينتهي فيه الموضوع مرمي بقسم العظام في الشفا بدور ركبه اصطناعيهالدكتور كإنو حس بنوايانا الزفت ونهى كلمتو بإنو هادا الشي عشان يرتقي بالبحث العلمي وسحب ناعم  وأكم من واحد برضو أجو حكوا وبالاخر دخلوا قال عشان يتداولوا (طبعا هادي دواوين قرعة لإنو الشب ناجح ناجح) طلعوا المخاتير وأعلنوا منح الشب درجة الماجستير راحت أم عمر بجلالة قدرها ضربت زغرودة من هناك  و أم علي غارت منها راحت ضربت وحدة أقوى وفش شوية ما بطلنا نسمع زغاريدونزلوا الكل يبارك وفجأة أجى موعد المفاجأة تبعت الشب ما لقينا إلا أغنية رامي عياش (مبروك مبروك يا حياة ئلبي مبروك) بتشتغل عالسماعات وهادي القاعة ولعت وإحنا فطسنا من الضحك والدكاترة كلهم مشايخ مع إنو الموضوع عن التجارة وصاروا الدكاترة يأشروا إنو سكرو سكرو هالمسخرة ( قصدهم عن الاغنية)واكتشفنا فيما بعد إنو هادا الشب داخل غرفة الصوت وكان بستنى باللحظة عشان يفتح الاغنية بالمايكروفونات وعملنا نكشة والدكاترة ولعوا شوي وبعدين لما شافو الكولا والحلويات اكلوا وسكتو  وباركنا للشب وأخدنا صور تذكارية وبعدها ربنا انتقم مني على كل عمايلي السودة إللي عملتها الاسبوع إللي فات وأنا هيك ماشي ما لقيت إلا بابا بوجهي بيحكيلي تعال نطلع هالمشوارحكيت ربنا يستر .. طلعت معو بالسيارة وامشي امشي بالسيارة لقيت حالي بالبلد ( أسوأ سوق ممكن تدخلوا بحياتك بس هوا محبوب من كبار السن) وبابا بدو يشتري أغراض عشان رمضان وأنا مطلوب مني أشيل الاغراض وأنقل للسيارة وضلينا نلفلف لما لفت راسي بالشمس والحر وفعلا حسيت إنو ربنا بينتقم مني  وبعدها روحت عالبيت مش شايف حدا حواليا حطيت راسي ونمتتتتتتتتت  ولما صحيت كالعادة فتحت الكمبيوتر لقيت الحلقة التالتة نازلة وحكيت يا ولد نزل الحلقة الرابعة تحياتي للجميع يتبع.....
_______________________________
يوميات طالب توجيهي ******** Pain can plague our bodies from our head down through our knees Way on down to feet and toes, our limbs, our every part, Inside, outside, every place; but none worse than the heart.  والله قلبي موجعني!! 
|
| شكر من هدول الأعضاء يا كبير حالو على هالموضوع المرتب: | ||
|
#2
30-08-2008, 08:11 PM
|
||||
|
||||
|
هادي شوية صور صورتها في المحاضرة ( كنت زهقان وبتسلى)
 هادا اسمي كتبتو على دفتري الكشكول من برا  وهادي شنطتي  << مبسوط على حالو الولد وهادا الولد ما بطل يتطلع يمين وشمال يعني أنا راسي التوحت على هواه   هادي خرابيش على الطاوله << ما بقدر ما أخربش
_______________________________
يوميات طالب توجيهي ******** Pain can plague our bodies from our head down through our knees Way on down to feet and toes, our limbs, our every part, Inside, outside, every place; but none worse than the heart. والله قلبي موجعني!!
|
|
#3
30-08-2008, 08:13 PM
|
||||
|
||||
|
اضغطوا عالصور عشان تشوفوهم كبار
_______________________________
يوميات طالب توجيهي ******** Pain can plague our bodies from our head down through our knees Way on down to feet and toes, our limbs, our every part, Inside, outside, every place; but none worse than the heart. والله قلبي موجعني!!
|
|
#4
30-08-2008, 08:53 PM
|
||||
|
||||
|
ههههههههههههههههه حلوييين الحلقاااات
_______________________________
ثانكيووو هـــدار على التوقيع الحلو الدنيا برد
|
|
#5
30-08-2008, 10:27 PM
|
||||
|
||||
|
اول اشي مبروووووووك ع رجووووووووع الحلقة التالتة .. بس شو سبب سقوطها سهوا ؟؟ الموهيم .. الحلقة اليوم فيها اكشن كتيييييير وقليل من المغامرة وشوية انتقام ...والخ>>> لاياشيخ معلش مفكرة حالها بلجنة تقييم ههههههه لا عنجد الحلقة رهيييييييييييبة ولا كأني قاعدة بفيلم ونحن في انتزار الحلقات القادمة .. واسمع كلام الماما مرة تانية
_______________________________
/ \ / \ / 31 / 12 / 2008 BRB TAWJEEHI
|
|
#6
30-08-2008, 10:48 PM
|
||||
|
||||
|
الله يوفقك يارب ياكبير حالو وانشالله بتجيب علامات عاليه يارب
حلقاتك بيجننو بس اسمع كلام ماما وانتبه لحالك شوي النت مابيطير بس المستقبل والدراسه شي حلو تقبل مروري
|
|
#8
01-09-2008, 03:08 PM
|
||||
|
||||
|
اقتباس:
 اقتباس:
وإللي مش عاجبو يشرب من بحر غزة << الله يرحمك يابو عمار
_______________________________
يوميات طالب توجيهي ******** Pain can plague our bodies from our head down through our knees Way on down to feet and toes, our limbs, our every part, Inside, outside, every place; but none worse than the heart. والله قلبي موجعني!!
|
|
#9
01-09-2008, 03:21 PM
|
||||
|
||||
|
ههههههههههههههههههه
روووووووووووووووووووووعة
_______________________________
 يسلموووو كتييييييييير sheel_3yoonk على التوقيييع الروووعة يسلمووووو ايديك الحلوة
|
|
#10
02-09-2008, 12:14 AM
|
||||
|
||||
|
يعني بجد حلو ايام توجيهي كلنا بلاوي
بس انت الزعيم ويومياتك
_______________________________
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | إللي كتب الموضوع | القسم | مشاركات | آخر مشاركة |
| يوميات طالب توجيهي( الحلقة الاولى) | كبير حالو | المدرسة الغزاوية النموذجية | 22 | 25-11-2008 03:45 PM |
| يوميات طالب توجيهي (الحلقة الثالثة) | كبير حالو | المدرسة الغزاوية النموذجية | 16 | 30-09-2008 12:57 PM |
| يوميات طالب توجيهي (الحلقة الثانية) | كبير حالو | المدرسة الغزاوية النموذجية | 11 | 30-09-2008 12:43 PM |
| الحلقة الرابعة من مغامرات A7mad ايام توجيهي | a7mad | استخف دمك | 33 | 07-05-2008 09:09 PM |
| يوميات طالب توجيهي | فش كرت | استخف دمك | 27 | 25-10-2005 10:42 PM |
|
العرض العادي
