|
|
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
>> برج المراقبة <<
اللي سجل بالمقعد بعد تاريخ 18-10 يسجل تاني ...واللي غير باسوورده بعد هادة التاريخ يفوت بالباسورد القديم...
 |
 |
 |
|
|||||||
|
|
|
|
 |
|
|
أدوات الموضوع | طرق مشاهدة الموضوع |
|
#1
03-09-2008, 02:02 AM
|
||||
|
||||
يوميات طالب توجيهي ( الحلقة الخامسة)
 بسم الله الرحمن الرحيم<< أجواء ايمانية بحب أحكي إنو إحنا اتأخرنا بالمنهج المسلسل  بسبب إنو النت فاصل وأنا طول الوقت برا البيت مش عارف ليش مبسوط على حالي ولا كإني لازم أنضب شوي بدنا نكمل وراح أصير أعطي حصة اضافية حلقة اضافية عشان نلحق نخلصالمرة إللي فاات وقفنا عند لما كنا بالسوق وروحنا ونمنا تاني يوم رحنا عالمدرسة وكان اليوم يعني عادي وطبيعي وإحنا بالسيارة.......... رن جوالي على غير العادة بوقت زي هادا  يعني كل إللي بيعرفوني عندهم علم إني طالب مدرسة ولازم أكون بهالوقت بطريقي للمدرسة  الموهيم رديت عالجوال و.......... كبير حالو: (بيطلع الجوال من الشنطة) يا صباح يا فتاح  مين إللي بكلم على هالصبحالمتصل : بدي أبو الخل إذا ما فيها غلبة تعطيني اياه(أبو الخل مخرب جوالو وصاير يعطي رقمي للناس تطلبو عليه)  بكل سرور اتفضلأنا : (بحكي لأبو الخل) امسك كلم.. وربي لأقطعك بس تخلص.. بتوزع رقمي يخووو أبو الخل: ألو... هلا يا كبير ... أيوا ... أها ..... ولا يهمك..... بكون عندك خلال ساعة إلا ربع أنا:حسابك عندي بعدين  ... بس إللي بدي أعرفو وين بدك تروح تتنيل بعد ساعة؟؟أبو الخل: هادا صاحب المدرسة وحكالي إنو اليوم التست تبعي وراح أروح عليه... خد الشنطة معك وأنا ما بتأخر بالكتير بالكتير بكون عندك عالحصة التالتة أنا: نعم يخوووووو  أبو الخل: اقف معي يا بنى ادم .. يعني بس لو بالكزب اعمل حالك صاحبي أنا: طيب لا تقعد تحزني عحالتك باخدها بس بتيجي لا تخليني أروح فيها بالحر أبو الخل: أوك باي وأنا ضليت رايح عالمدرسه وكل إللي بعرفوني بوقفوني بالشارع وبيحكولي شو هالاجتهاد .. يعني من كتر الكتب حاططهم بشنطتين ومش مكفية وحدة.. وكل ما واحد يحكيلي هالكلمة وأنا أدعي ربنا يصبرني عللي بدي أعلمو بأبو الخل لما أشوفو دخلنا المدرسة ورحت على غرفة الناظر وشرحتلو إنو بدي آخد اذن لصاحبي والراجل اتفهم الموضوع دخلنا عالحصة الاولى وبعدها التانية والتالتة وأجت الرابعة والاخيرة وصاحبنا ما إلو أثر ومش مبين بالمرة وييين راح هالنضوة وعلى أساس ما بتأخر....  مسكت حالي وروحت والدنيا كانت نار وحرررر واتضطريت أحمل الشنطتين وأروح فيهم وصلت البيت وعشان تكمل معي لقيت( الاسنسير) عطلانوأنا مش قادر أسند حالي  ..صحيح كلها 3  طوابق بس ما كنت متخيل إني راح أقدر أطلعهم حطيت كرسي تحت العمارة وقعدت مع البواب كالعادة ونزلنا سلخ بالناس  ونجيب قصص ونحكي وناسيين إنو بكرة رمضان يعني ولازم الواحد يحفظ لسانو شويةمرت ساعة وشوية وبعدين حكيت بدي أطلع عالبيت وهناك غيرنا الملابس وقعدنا نرتاح من تعب اليوووم كلو وشوية إلا هوا بدق جرس البيت ....................... أبو الخل راجع من التست والولد مبسوط وبيضحك ومكيف عالمقلب إللي أكلتو أنا .. أبو الخل: هلا أنس كيف الشنطة أكيد ما تغلبت فيها؟؟ أنا: سكر تمك وهالموضوع راح أناقشو معك بعدين وبطريقتي الخاصة بس المهم هالمقلب طلع بفايدة.. يعني انجحت يا .............؟؟ أبو الخل: ااااه والله نجحت أنا: محلاك وإنتا مش ناجح يا النضوة يعني ساقط مرتين والتستري قرفان من شوفتك أبو الخل: بس بالله ما غلبتك الشنطة؟؟ أنا: إذا لحد هلأ ما حد قل مساك (حكالك الله لا يمسيك بخير) أنا بقل مساك هلأ.. أنا هيك ينحكى عني  .. حامل شنطتين عشان أنا صرت من هدولاك الولاد إللي بيلموا مراجع من كل الشرق الاوسط وما بيقدروا يحطوهم بشنطة وحده من كترهم... يعني سمعتي إللي ببني فيها من سنين تنهدم بلحظة من وراك أبو الخل: خلص يخووو حقك علي ونردهالك بالافراح أنا: تيب أبو الخل: ايش رايك نطلع نسهر الليلة بالهابي لاند؟؟ أنا: بالمواضيع هاي لا تحكيلي شو رايك لإني موافق دايما أبو الخل: طيب بمر عليك عال8.30 شو رايك أنا: كويس عشان أنا بدي أروح عالصالون أزبط شعري ودقني ومن هالمواضيع إللي بتعرفها أبو الخل: شو بدك تربي دقنك عشان رمضان؟؟ أنا: لا ... بدي أحلقها وأعمل ثكثوكة أبو الخل: أهاااا طب كويس بس إنتا كون جاهز باي أنا : تيب أنا حطيت بعقلي إنو أدرسلي كلمتين عشان عال7 أروح عالصالون وأرجع أجهز حالي ونطلع نسهر وأنا حكيت هالكلمة وبعدها دخلت عالدار ونمت لل6 وبعدها ضليت ألفلف وأكلم جوالات عشان نهني برمضان وسرقني الوقت لما صارت الساعة 7.30 < ملاحظين إني ما درست اشي وحكيت بنمشي قصة الصالون بسرعة وبنلحق إلا هوا برن جرس البيت وبييجي أخوي يحكيلي أبو الخل عالباب<<مش موعدوطلعتلو عالباب أنا: لو بدي اياك تيجي عالمدرسة بدري ما أجيت شو القصه؟؟ أبو الخل: بدنا نروح نصلي التراويح <<من وين جاب هالفكرة.. ما كانت واردة عندي حكيتلو مشي الموضوع هاليوم ولسا ضايل 29 يوم بتصلي فيهم لما تقول بس ورحت عالصالون وراح معي زبطنا الوضع وطلعنا من هناك عالكافي وقعدنا قعدة عجايز (يعني بنشيش وبنقص في الناس<بنحكي عليهم> اتأخرنا شوية وما طولنا ولما روحنا كنت مصحصح عالاخر وقررت أدرسلي كلمتين  وفتحت كتاب الرياضيات لإني مخلص فيه وحدة مع الاستاذ ومش دارسها بالبيت بالمرة حكيت يا ولد بتدرسها وبعدين بتنام ضليت ادرس يمكن ساعتين وبعدها صرت زهقاااااان بس لسا مش نعسان رحت فتحت التلفزيون وبالصدفة أفتح عالمحور إلا هيا جاية مسرحية العيال كبرت والاشي قديم صحيح بس أنا بنبسط عليهاضليت فاتحها لما أجى موعد السحور وصحيت الاهل وصرت أجهز معهم السحور<<كزاب لإنو كل إللي عملتوا إني سحنت الخبز وبعد السحور صليت الفجر ورجعت من الجامع وحكيت إنو لازم أنام هالساعة إللي ضايلة عشان أكون مصحصح شوي في المدرسة وفعلا نمت ساعة وصحينا وطلعنا عالمدرسة بأول أيام شهر رمضان والجوال بايدي ومش مبطل يرن رسائل وناس بترد علي ( منا في الليل كتبت رسالة وعملت تحديد للمجموعة إللي بجوالي وارسال للجميع وهيك صرنا معيدين على نص الشعب بكبسة زر) وهناك بالمدرسة كان الوضع طبيعي بس الدنيا كانت حرررر وكنا مستنيين يوم شاق وكلو عطشششش مشى اليوم عادي.. بس أبو الخل بالفسحة كان خلصان عالاخر ومفعول السحور رايح .... بس محسوبكو وكما بلقبوا أبو الخل (معدتو ميتة) يعني ممكن تصير الدنيا آخر ليل وأتذكر إني مش ماكل شي طول اليوم بدون ما أجوع...حسبنا الله على الهيباتايتس !!روحنا من السكول وعملت أكم مشوار هيييييك لما أجى العصر ورن جوالي وكان أبو الطرء عالخط أنا : هلا أبو الطرء كيفك حبيبي وكيف المدرسة أكيد قرفان؟؟<<شوي شوي عالولد ما لحق يحكي ألو أبو الطرء: أنا كويس ومبسوط ولا تفتح مواضيع تخرب الجو أنا: أهاااا ولك مبين من صوتك عندك كبشة كلام بدك تحكيه؟؟ شو القصه بالزبط!! أبو الطرء: راح نسكن قريب منكو وراح ترجع ايام الخوالي أنا: شووووووووووووو ... بتحكي جد ولا بتمزح!! ولك يسعد دينك على هالخبر خدلك هالبوسة عال جوال امممممممه... وشو هالقرار المفاجىء بعرف إنو حضرة والدك بدو 9999 سنة لما ياخد قرار زي هيك أبو الطرء: أنا متفاجىء أكتر منك وإللي مفاجئني أكتر إنو إحنا راح نكون بالشقة الليلة هادي أو بكرة أنا: كمااااااان وكيف بدكو تنقلوا أغراضكو يا كبير... أنا عني صايم ومكسر ولا تفكر تحكيلي تعال ساعدنا أبو الطرء: بابا جايب نص عمال غزة وهيهم نازلين نقل بالاغراض وشكلهم راح يخلصوا الليلة أنا: طب منيح يعني بنصير نطلع نسهر ونفرفش وطبعا بس ايام الخميس يا حبيبي عشان عنا توجيهي و بابا ناويلي نيه سوده.. يعني لو ما جبت زي معدل السنة إللي فاتت أو أكتر منو راح يطخني أو ( يحط بجيبي ئرش حشيش ويبلغ عني النيابة<<اقتباس من مسرحية العيال كبرت) أبو الطرء: خخخخخخخخخخ يقطعك شرك على هالتعابير ولك اشتقت لقعدتك ياا..............< الكلمة كان لازم تنحذف عشان ما أصير مرمي بالشارع ولا يهمك المهم بدنا نرجع ( ذا باد بويز فور افر the bad boys 4 ever) خخخخخخخ أنا: ولايهمك يا كبير وأنا إن شاء الله بفطر المغرب وبطلعلكو أشوف بشو بقدر أخدمكو أبو الطرء: تسلم حبيبي خلينا نشوفك أنا : أوك باي وإحنا هلأ بانتظار موعد الافطار وماما مجهزة إلي قااااااائمة حاجات أجيبها من السوق مع إنو إحنا جايبين نص بضاعة البلد يوم السبت وما في شي ناقصهلأ بدي أروح أشوف هالقائمة وطبعا راح أفطس وأنا بلفلف والدنيا صيام وآخر نهار وبما إنو أبوالطرء صار في المنطقة.. الشسمو هيولع والاحداث هتصير برررررررم برررررررررم تيرا را را را تحياتي للجميع يتبع.....
_______________________________
يوميات طالب توجيهي ******** Pain can plague our bodies from our head down through our knees Way on down to feet and toes, our limbs, our every part, Inside, outside, every place; but none worse than the heart.  والله قلبي موجعني!! 
|
|
#2
03-09-2008, 09:14 PM
|
||||
|
||||
|
...حسبنا الله على الهيباتايتس !!...ما المقصود بذلك؟؟ >> ههههههه روووعة بستنااا الحلقة السادسة ع ناار يا كبيييير << مولااحززة انا ما سجلت الا عشان يوميااااتك..عشان إحنا زي حااااالاتك ...والله يستر الكل
_______________________________
 ♥♥♥♥♥♥ ♥♥♥♥♥ ♥♥♥ ♥♥♥♥♥♥ ♥♥♥♥♥ ♥♥♥ ♥♥ ♥  يسـلمو كتير حبيبتي غزاوية ع التوقيع
|
|
#3
03-09-2008, 09:33 PM
|
||||
|
||||
|
أبو الخل مخرب جوالو وصاير يعطي رقمي للناس تطلبو عليه <<صار موبايلو و انتا اخر من يعلم  هههههههههههههههههه للأسف احنا مش وجه توجيهي كتيير حلوة الحلقة
_______________________________
ثانكيووو هـــدار على التوقيع الحلو  ئــــــرب عــيـــد مـــيـــلادي 11/20 !..حصير..!  17 سنة يسلمو إيديك هداار على الكيكة
|
|
#4
03-09-2008, 11:50 PM
|
||||
|
||||
|
اقتباس:
حطي الكلمة على جوجل وبتعرفي بس الحمد لله أنا شفيت منو لإنو أجاني قبل سنة ومن بعدو وأنا معدتي ميتة خخخخخخخخخ اقتباس:
أهلا وسهلا فيكي والحبيبات اليوميات جاااااااااااااية والله يستر عنجد..... نورتي  اقتباس:
والله هادا إللي صاير بالزبط اقتباس:
والله هالكلمة أكتر من واحد حكالي اياها يلااااااااا سنة وراح تمشي اه صحيح كنت بدي أحكيلك الاشي إللي بصورتك الرمزية إذا كان بخطك... لازم تعمليلي وحدة زيها لإنها بتجنن منووورة الحلقة
_______________________________
يوميات طالب توجيهي ******** Pain can plague our bodies from our head down through our knees Way on down to feet and toes, our limbs, our every part, Inside, outside, every place; but none worse than the heart. والله قلبي موجعني!!
|
|
#5
04-09-2008, 03:20 PM
|
||||
|
||||
|
ههههههه لهل درجة حلو خطي اه خطي خلص ولا يهمك بنعملك بس ايش بدك مكتوب فيها؟
_______________________________
ثانكيووو هـــدار على التوقيع الحلو ئــــــرب عــيـــد مـــيـــلادي 11/20 !..حصير..! 17 سنةيسلمو إيديك هداار على الكيكة
|
|
#6
04-09-2008, 03:55 PM
|
||||
|
||||
|
اقتباس:
اممممممممم اكتبي فيها AnAs ولا أحكيلك خليها KbeeR 7alO والدنيا رمضان وبدنا اتقان للعمل يعني  تحياتي يا كبيره
_______________________________
يوميات طالب توجيهي ******** Pain can plague our bodies from our head down through our knees Way on down to feet and toes, our limbs, our every part, Inside, outside, every place; but none worse than the heart. والله قلبي موجعني!!
|
|
#7
04-09-2008, 04:26 PM
|
||||
|
||||
|
هي 3 واختار اللي بدك ياه    نشالله يعجبووك
_______________________________
ثانكيووو هـــدار على التوقيع الحلو ئــــــرب عــيـــد مـــيـــلادي 11/20 !..حصير..! 17 سنةيسلمو إيديك هداار على الكيكة
|
|
#8
04-09-2008, 06:56 PM
|
||||
|
||||
|
يسلمووووووووا يا زوووء  والله مغلبة حالك وعاملة تلاتة كمان كلهم بيجننوا مولاحزة//هاي أول مرة أغير صورتي الرمزية من أول ما سجلت زمااااان
_______________________________
يوميات طالب توجيهي ******** Pain can plague our bodies from our head down through our knees Way on down to feet and toes, our limbs, our every part, Inside, outside, every place; but none worse than the heart. والله قلبي موجعني!!
|
|
#9
04-09-2008, 07:01 PM
|
||||
|
||||
|
لا غلبة ولا اشي..<<فش وراي دراسة الله يسلمك اني تاايم منيح انهم عجبووك 
_______________________________
ثانكيووو هـــدار على التوقيع الحلو ئــــــرب عــيـــد مـــيـــلادي 11/20 !..حصير..! 17 سنةيسلمو إيديك هداار على الكيكة
|
|
#10
04-09-2008, 07:03 PM
|
||||
|
||||
|
اقتباس:
أنا أصلا راح أفطر كمان شوية وأضل طالع عطووول<<الولد مشتاق للطلعة كإنو كان يدرس طول الاسبوع تحياتي يا كبيرة
_______________________________
يوميات طالب توجيهي ******** Pain can plague our bodies from our head down through our knees Way on down to feet and toes, our limbs, our every part, Inside, outside, every place; but none worse than the heart. والله قلبي موجعني!!
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | إللي كتب الموضوع | القسم | مشاركات | آخر مشاركة |
| يوميات طالب توجيهي (الحلقة الرابعة) | كبير حالو | المدرسة الغزاوية النموذجية | 17 | 20-10-2008 04:08 PM |
| يوميات طالب توجيهي( الحلقة الاولى) | كبير حالو | المدرسة الغزاوية النموذجية | 20 | 04-10-2008 02:14 PM |
| يوميات طالب توجيهي (الحلقة الثالثة) | كبير حالو | المدرسة الغزاوية النموذجية | 16 | 30-09-2008 12:57 PM |
| يوميات طالب توجيهي (الحلقة الثانية) | كبير حالو | المدرسة الغزاوية النموذجية | 11 | 30-09-2008 12:43 PM |
| يوميات عمر رائد الحلقة الخامسة | عمو رائد | حبيبي يا حااااااج | 8 | 09-03-2007 03:56 PM |
|
العرض العادي
