|
|
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
>> برج المراقبة <<
اللي سجل بالمقعد بعد تاريخ 18-10 يسجل تاني ...واللي غير باسوورده بعد هادة التاريخ يفوت بالباسورد القديم...
 |
 |
 |
|
|||||||
|
|
|
|
 |
|
|
أدوات الموضوع | طرق مشاهدة الموضوع |
|
#1
22-09-2008, 08:57 AM
|
||||
|
||||
شهادة تقدير!!!!!!
عالعافيه يا شباب... بالزمنات وأنا زغيره قريت مقوله بتقول... (شهادة تقدير) من رجل لزوجته:حينما تتمالكين أعصابك وتكتمين سورات غضبك أمام الناس , تنالين احترامي وتقديري...واحترام وتقدير الناس... كانت بتعجبني كتير هالمقوله ..بس مبارح.... وبس حسيت بقيمتها!!!! عيشو معي هالموقف...وبدي رأيكو... هل تصرفي صح ولا غلط؟؟ إزا كنت عملت صح فألله يعطيني العافيه.. وإزا كنت تصرفت غلط.... فإيش هوه الصح بنظركو بما انكو رجال المستقبل...(بس تطلعوش فيها وتسدقو حالكو)  مبارح معزومه عند أختي..وقبل الأدان بربع ساعه..ولا سمعنا هالصوات...  أنا قلبي وقف من كتر ما كان عالي...واختي بتتطلع فيا وشكلها عارفه الحكايه.. ولك ايش هالصوت؟؟ عينيها دمعو وبتقوللي هادي جارتي ...جوزها بيضربها أكيد!!!!!  بيضربها..!!!!! أنا سمعت هيك ومخي انشعط.... مش عليها ..والله مش عليها ....عندها خمس ولاد أكبرهم بصف رابع... حزنت عهالولاد... الأدان بيقرب والصوت بيزيد...مخي ضرب بصراحه ...قلتلها امشي نروح نشوف ايش حنعمل؟؟أختي بتقوللي جد بدك تروحي؟؟ قلتلها آه جد ..ولا مزح... همه بيعرفوني جيرانها... اني دكتوره واخت جارتهم بس فش كلام بيني وبينهم ... يعني احيانا بتورجيني الولد عيان او البنت مريضه... رحنا ولقينا المره بتصوت وهوه بيخبط في البيبان والحيطان والولاد في قرنه لابدين....والله قلبي تقطع عليهم..!!!! المره شافتني وقالتلي دكتوره تعالي شوفي المجرم ايش عمل بالولد ...ولد ..والله لحمه طريه ..عمره يمكن سنه بس...ضاربو ضرب...كل جسمو مسبغ تسبيغ!!!!  ليش ضاربو ...بتفشش فيه!!!!  أنا دمي فار..وقلتلهم ايش هدا؟؟إيش بتعملو انتو؟؟؟ بتعرفوش ألله؟؟؟ المره بتقوللي يا دكتوره ضربني ..يا دكتوره شوفي ايش سوى .. وبتصوت..قلتلها بيكفي تحكي انتي خلص ..اسكتي..  ولا هوه بيقوللي ..يا دكتوره شوفي ايش بتعمل هيه؟؟؟ أنا ما سدقت ويقوللي شوفي ايش بتعمل؟؟؟!!! ونزلت جبد فيه!!!!  قلتلو هيه مره ومحدش بيلومها..العتب عليك انت ...زلمه وجاي ياهل البلد جاي وقاعد تعمل هالعمايل!!!  ووين يوجعك؟؟ الله اعطاني قوه غير شكل... اجت اختو ..وامو...مش عارفه من وين؟؟؟ واخدوه على جنب...بيصرخ وبيقول يا دكتوره شوفيلك حل مع هالمجنونه؟؟؟ رحتللو ..قلتلو بس نشوف حل معاك؟؟ انا بحط اللوم عليه هوه..المره مهما تعلى وتوطى بتضل مره...وبصراحه بحترمش أنا الست اللي بتوصل جوزها لمرحلة إنو يمد إيدو عليها... خلص تسكت هيه لو شافتو عصب كتير,, بس هوه كرجل مفروض يحتوي الموقف..عالأقل ..يسيبها ويطلع.. خليها تخبط في حالها ..أما هيك..والولاد؟؟؟!! المهم بلا هالطويله والقصيره...حكيت معو اللازم..والزلمه سكت ...  طبعن مش انو خلص ..بس سكت..يمكن جاع مهو الأدان أدن صارلو ربع ساعه...  طولت عليكو...بس والله مقهوره... صح عملت ولا غلط؟؟؟ ولوكنتو محلي مش لازم تعملو كنتو هيك؟؟ وليش محدش من الجيران غيري راح؟؟؟  يعمي لو كل واحد جيرانو بتقاتلو وطلعلهم مره ومرتين ..مش كان يمكن استحو وبطلو؟؟؟!!! وسلامتكم...  بستنى آراءكم الحكيمه.. 
_______________________________
|
| عدد 3 عضو بقولولك شكرأ يا مفيش فايده على هالموضوع المرتب: | ||
|
#2
22-09-2008, 09:09 AM
|
|||
|
|||
|
والله مش عارفة شو احكي
بس في نقط في القصة مش عارفاها بالاول : الرجال ليش ضرب مرتو؟؟؟ يعني لو عرفت ليش وقتها بحكم مع مين الحق منووووووووورة
|
|
#3
22-09-2008, 09:14 AM
|
||||
|
||||
|
اول اشي الله يعطيكي العافيه الموقف مش غريب كتير وبيتكرر دايما بس من وين اجتك الجرأة انك تدخلي المواضيع اللي زي هيك شنوب بتخاف تدخل فيها وطلع الراجل كويس لانو احترمك وسكت ومنيح اللي عدت علي خير انا بحبش المره اللي صوتها دايما عالي ولا الراجل اللي بيضرب مرتو يعني لو مرتي عصبتني كتير ولازم اضربها فالافضل اطلقها ولا اضربها واحنا كان عنا جيرانا بالعماره زي هيك بس ابوهم اللي كان مفتري مرتو مصريه وملهاش حدن بغزة وكل يوم كان يضربها من غير سبب ودايما كنا نروح نفزعلهم بس علي الفاضي وانا بأيدك انو لو كل واحد فزع لجيرانو اكيد حيستحيو شويا وتخف القصص هادي ويسلمو علي الموضوع المرتب بس المفروض حطيتيه في قسم الشخر عشان الواحد ياخد راحتو إمنوره
_______________________________
|
|
#4
22-09-2008, 09:20 AM
|
||||
|
||||
|
اقتباس:
يا حاشره ... مش كتير مهم ليش ضربها..إحنا المهم عنا انو ليش تضطرو يضربها؟؟؟ بعرفش ايش السبب أنا ولا حاولت أعرف... أنا اللي همني موقف الولاد.. وعدم اهتمام الام او الاب لخوفهم وفزعهم اللي صار... إحنا مش حنقدر نحل مشاكل الناس... بس ياريت يحلوها بعيد عن الزغار.... هدا اللي قصدتو.. ومنوره يا عسل...
_______________________________
|
|
#5
22-09-2008, 09:29 AM
|
||||
|
||||
|
اقتباس:
يسلمو يابو ناصر على مرورك الحلو... بس أنا محطيتوش بقسم الشخر جكاره في قسم الشخر...  عشان أغيظهم...  هههههههههههه... بصراحه حسيتو مهم اكتر بالنسبه للشباب قلت أحطو هان...  ومنوووووووووور..كمان مره...  أمانه ترجع بعد الفطور هنا عشان تاكل قطايف...بالجبنه عاملينهم إحنا...
_______________________________
|
|
#6
22-09-2008, 09:38 AM
|
||||
|
||||
|
اقتباس:
صحيح انا من زمان بدي اسألك هادا السؤال لما شفت بال حـ @ hot انصرعت بس انسيت اسالك اقتباس:
راجع وبدي كمان بالتمر  صحيح انا بعرف المدير تبع مستشفتك اسمو الدكتور عايش صح ولا لأ؟ 
_______________________________
|
|
#7
22-09-2008, 09:40 AM
|
||||
|
||||
|
والله هالموضوع انا بكرهو كتير.. وكتير بكره لما اشوف راجل بيزعق بمرتو قدام اولادو.... يعني مش حاسس باولادو ولا بنفسيات اولادو...وبعدين ممكن الاولاد لما يكبرو على هالاشي... بياخدوه على انو الامر طبيعي..وانو عادي الواحد يزعق بالمرة...وعادي يضربها كمان... في ناس بعرفهم..ابوهم كل يوم زي الله واحد بضرب مرتو... ابنو الكبير لما تجوز..بيضل يضرب مرتو...حكو معاه الناس...بيقولك مهي مرة.. فأنا من بعد هالقصة..عرفت قديش بأثر هالاشي عالاولاد...حتى ازا كبرو...بتضل الافكار براسهم.. وكمان اشي..انا عمري ماحترمت الزلمة الي بضرب المرة....بعترفش فيه كرجال اصلن... وكمان في نسوان بغيزو...يعني بتعرفي زوجك عصبي ومنيل على عينو اعرفي كيف تتعاملي معاه... بتعري انو الشغلة هاي بتجننو ..متعمليهاش من الاصل... والله اشي بقهر... بس انت ماشاء الله عليكي...قوية....راجل يابت... انا لو الناس بعرفهم كتير بتدخل ممكن ..وممكن اقدر احكي...بس لو جيران كزا...بقدرش احكي اي حاجة...ممكن اتكلم مع المرة بعدين...اما بوقتها مستحيل.... وشوكرن عالموضوع الاكشني هاد ياحجة...يسلم ايديكي... وبحب اقولك استمري على مانت عليه.... منورة... كنو الحكي دخل ببعضو ولا انا بتخيل...
_______________________________
شوكرن ديدي عالشسمو الحلو... .gif)  
|
|
#8
22-09-2008, 09:41 AM
|
|||
|
|||
|
انا برايي انو موقفك يمكن صح
بس برضو على حسب ما قرات انوانتي اول ما دخلتي امرا راحت قيلالك تعالي يادكتورة شوفي اما الرجال فاحترم دخلتك عليهم وسكت انا والله اعلم حاسة ان هالمرا مستفزة لاخر درجة لانها اضطرت تخلي جوزها يضربها وفوق هيك وصلت صوتها لاخر البلد .. يعني حتى لو هو ما معو حق وهيي اللي معها حق المفروض اسرار بيتها ما ترضى انها تطلعها لحدا وبالنسبة للولاد: فهادا الغلط راجع لكلا الابوين لازم يفهموا ويتعودوا انو الرجال والمرا مش لازم ابدا يتخانقوا قدام ولادهم لانة هاي الشغلة يمكن لا سمح الله تجيب امراض وعقد نفسية للاطفال وانا ضد انو المخانقة بين الزوجيت توصل للضرب ابدا وانت موقفك كان صح مية المية حبيبتي لانو لما يعرفوا انو الناس كلها سامعاهم يمكن يبطلوها قصة الضرب هاي منوووووووووورة واسفة طولت عليكي
|
|
#9
22-09-2008, 09:55 AM
|
||||
|
||||
|
يا حرام والله حزنتني القصه طيب وين اهلها المسكينه بالقصه لانو حسب ما فهمت من كلامك انو اختك صارت متعوده على هيك وضع طيب هادي ازا جوزها مخو شاطط ما عندها اهل تلجألهم .. هوي بصراحه لو في وراها رجال والها اخوه شباب واب يحميها ما استجرى اصلا يمد ايدو عليها بس اللي بعمل هيك بمرته لا بكون بحترمهاولا بحترم اهلها ولا معترف بوجودهم . الله يعينها بالنسبه للولاد انا عندي حل لهيك مسأله بس ما بعرف ازا هالشي متاح عندكو بغزه او لاء .. وهوي انو عنا بقطر صار في مكتب استشارات عائليه وحماية الاسره هادا المكتب بستقبل اي شكوى من اي حد ملاحظ اي نوع من العنف على اطفال او على زوجه مسكينه ومعهم تصريح انو يروحو يحققو بهيك شي ويحمو الاولاد وازا احتاجو الاطفال علاج نفسي بيوفره الهم وبكتبو الاب تعهد انو ما يعيدها اما بحالة ما توفر هيك مكتب فالست وولادها مؤكد راح ينظلمو بالحياه ويضيع حقهم خصوصا انو العالم بطل عندهم جرأه يتدخلو بامور شخصيه بتحصل في بيوت تانيه متل ما انتي لاحزتي يعني الكل سامع وساكت الله يسامحهمانا عنجد بحيي فيكي روح المساعده وعدم سكوتك على الغلط الله يجزيكي الخير يا رب ويعين هالاسره التعيسه على حياتهم كل التحيه إلك
_______________________________
    أحلى خط
 لأحلى اسم على أحلى واغلى بحر  من أحلى واطيب ناجي 
|
|
#10
22-09-2008, 01:45 PM
|
||||
|
||||
 أخ يا قلبي عليهم مساكين اقسم بالله شغلة بتقشعر البدن الله لايوفقو لهالزلمة عنجد من كل قلبي بدعي عليه بهالرمضان وما حدا يحكيلي حرام تدعي ع حدا لا بدي ادعي عليه لك شو هااااااااااااااااااد شو هاد مش بني ادم هاادا؟ فش عندو زرة انسانية ولا احساس بالابوة وللا شو بالزبط !! ربنا عطالو ولادو وتكرم عليه بنعمة كتير عالم بيتمنوها وهوي حضرتو يجي يضربو ويكسرو من الضرب كمان وع حسب ما بتحكي اكبر واحد برابع يعني ازا كان بدو يضربو بتكون مصيبة لانو الاولاد بهيك عمر شو بدهم يفهمو واصلا شو المصيبة يلي بدو يعملها يلي بتخلي ابوه الزفت هادا يضربو كل هالضرب اي الاب مفروض يكون مصدر الامن لاولادو مش يكون مصدر الارهاب الهم بالله اولادو لما بدهم يحسو بالامان لمين بدهم يروحو؟؟؟ اي يقطع هيك اباء وهيك عيشة والله لو محلها باخد ولادي وبتركلو البيت وازا بدو يفتح تمو بكلمة بشكيه لاقرب منظمة لحقوق الانسان اخس ع هيك رجال عنجد اخس عليه اصلا هادا حرام نسميه زلمة لانو مش زلمة يلي بيعمل هيك انا عصصصصصصصصبت خلص عنجد دمي فار من هالموضوع واسـبـح يـا سـمـكـ
_______________________________
........................................  ينعن انا ع المزوقات يلي بيعملولي توقيعاتغير شكل تسلملي هانداتكـ ألــــــز وأحلـــى حــــورع التـوقيع الروعـــــة والميــــوزك الاروع Aunti HoppY
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | إللي كتب الموضوع | القسم | مشاركات | آخر مشاركة |
| شهادة تقدير للمختار حسون | المؤيد بالله | حبيبي يا حااااااج | 11 | 16-07-2008 02:36 PM |
| لنقف سويا ونلقي التحية على روحها الطاهرة:) أقل تقدير | زعيم نقابة الحشاشين | حبيبي يا حااااااج | 17 | 06-05-2007 12:28 AM |
| اشتقت للاختبارات اختبار تقدير الذات؟؟ | بيبو | المدرسة الغزاوية النموذجية | 3 | 10-04-2007 11:09 AM |
| تعلم تقدير ذاتك | بنت الياسمين | المدرسة الغزاوية النموذجية | 2 | 30-03-2007 01:08 AM |
| على شرف اليوم العالمي للمرأة: المبادرة الوطنية تنظم حفل توزيع شهادات تقدير لناشطاتها | الجوكر | قعدة نسوان | 4 | 10-03-2006 01:35 AM |
|
العرض العادي
