|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
24-09-2008, 02:28 AM
|
||||
|
||||
ابني جاي يشكيلكم مني ...
 كيفكم يا اولاد ؟؟ انا جاي اشكيلكم من الماما امل والبابا واشوف اذا انتو كمان هيك بيعاملوكو لكبار مثلي  بالاول لكبار يطلعوا لاني ما بدي تقراوا قصتي لانهم لكبار غريبين كثير ودايمن معبسين ومكشرين وما بيضحكوا الا وقت الضروره بس وبيكرهوا انهم الصغار يلعبوا ويضحكوا براحتهم  هاي انا رح اصير 9 سنين وبعدني مش فاهم ليش الماما امل والبابا دائما بيمنعوني اعمل اللاشياء اللي بحبها ووقت ما بحب انا!!! مثلا لو مديت ايدي على رف بدي اشوف اللي عليه ولا وقفت على كرسي وفتحت الخزانه قبل ما توصل ايدي ما بلاقي الا صوت الماما بيقلي :"يا لؤي !!!انزل ..ايش بتعمل عندك ؟؟ رجع الكرسي مكانه !!! اوووف طيب بروح ارجعها بعد ما تعبت وانا اسحب هالكرسي الثقيل ويا ريت بس على هيك ما بلحق اقعد قبال التلفزيون الا بيبدا صوت الماما :"يا حبيبي يا لؤي .. ما بيكفي اليوم تلفزيون ؟؟ يلا قوم شوف دروسك !!! برضه طيب حاضر ..بقوم بدون نفس وعيوني على التلفزيون وانا شايف" توم" بيركض وكانه بيقاهرني وبيمدلي لسانه وبيقلي :لوين يا لؤي ؟؟ ما بدك تشوف كيف رح انتقم اليوم من "جيري "؟؟  بكون بدي ارجع واقعد ..الا صوت الماما بيصحيني ......  "بديت تدرس يا لؤي ؟؟" "اه اه بديت يا امي من زماااااااان حتى تعالي شوفي " وبركض على غرفتي  "اه كمان شوي جاي بس اكمل شغلي بالمطبخ" انتو عارفين انه انا مثلكم اكيد بحب اشوف الرسوم المتحركه كثير انا بعتبر الشخصيات الكرتونيه كانهم اصحابي وكانهم بيعرفوني مثل ما بعرفهم مرات بقعد قبال التلفزيون وبخلي كتبي ودفاتري جنبي كاني بدي ادرس  وكمان بجيب دفتر الرسم والالوان علشان لو حبيت ارسم وحده من هاي الشخصيات طيب البابا بيرجع من شغله وبيقعد يقرا الاخبار بالجريده او على الكمبيوتر بكل هدوء وما بيحب حدا يزعجه وكل ما بساله سؤال بيقلي :"روح شوف دروسك"  "طيب يا بابا اي ساعه بتبدا الرسوم المتحركه ؟؟" "اه روح اعمل واجباتك" ليش هو اصلن سامعني !!! بروح وبفتح كتابي ..نفس الدرس ونفس الكلمات .. كلها عارفها ودارسها ببدا اقرا بصوت عالي علشان يسمع ويعرف اني بدرس بيقاطعني بصوته :"يا لؤي !!! وطي صوتك ..مش شايفني شوو بعمل ؟؟" مش بقلكم ... هدوله هيك لكبار ما بيخلونا نحكي براحتنا ..ولا نرفع صوتنا ولا نلعب ولا نضحك حتى براحتنا بس شاطرين يوزعو علينا الاوامر ..: اهدا يا ولد ..روح ادرس ..اترك لعبة اخوك .. اطفي الضو..ليش بعدك ما نمت ؟؟؟ يلا على النوم علشان تصحى بكير على مدرستك  وانتو عارفين الباقي .. ويا ريته على هيك .. لا دايمن متهمينا انو احنا اللي بنحكي كثير ومطالبنا كثيره الله يعينا عليهم .. يا ترى انتو كمان متلي !!!
_______________________________
~~ للناسِ أعماقٌ أشدُ خطورةً وغَدراً من أعماقِ البحار ِ! ~     
|
| عدد 6 عضو بقولولك شكرأ يا **امل** على هالموضوع المرتب: | ||
|
#2
24-09-2008, 02:40 AM
|
||||
|
||||
 عنجد لؤي مغلوب بأمرو معاكي يا طنط امل  بس بتعرف هما معاهم حق احيانا بكونو خايفين ع مصلحتك واحيانا بكون مفرطين بالخوف ع مصلحتك لحد اعلى من اللزوم  كلنا كنا زيك بيوم من الايام الاشي الي بنحبو نلاقي بأي وقت بس لما اكون بدي بوقت محدد بمنعوني بس بدك تتحملهم بعينك الله بضلو امك وابوك  واجب عليك تتحملهم ولا تقلهم اف ولا ما يحزنون اقتباس:
بهادي انا معك  مغلوب بأمرك يا لؤي ضروري نشوف طنط امل بالموضوع هادا  بركي خفت عنك شوي امنور ملاحظه : مين الي كتب كل هادا اكيد مش هوا امنوره يا امل 
_______________________________
 These wounds won't seem to heal, This pain is just too real There's just too much that time cannot erase اقتباس:
|
|
#3
24-09-2008, 02:57 AM
|
||||
|
||||
|
هههههههههههههههههههههههههه يا حبيب قلبي يا لؤي قلتلك تعال ازوجك بنتي وانت ما بدك  هيها بتتفرج على التلفزيون وبتشوف توم وجيري لما تزهق منو  خلص انت اشرد منهم وتعال عندي هههههههه
_______________________________
" قلب مخلوق من الصخر ".  ...  .. . تم بحمد الله : قصص جميع الأنبياء مع صور من حياتهم هنــــا . 
|
|
#4
24-09-2008, 03:09 AM
|
||||
|
||||
|
يعطيكي العافية يا امل موضوعك لزيز وواقعي الله يعينك يا لؤي مع انة انا كبيرة وبعدني بعاني متل لؤي مشكلة الاهل قد ما كبرنا بضلوا يشفونا صغار ويعطونا اوامر وبس
_______________________________
ليس ذَنِبي/ أنَ اَلِعُقُول "صغِيرَة أَمَآم فَهِمِي " ..! وَليَس ذنبُهم/ أَن" فَهمِي صَعب" ..! كُل مَآ أدُركًه أنّ {"غــربة الــذات "} لَها َقنَآعَآتَهِا التي "لآتقِبَل" اَلِقسِمَه عَلَى 2 ..! وَلَآتقَبل "الْجَزَر وَالْمَدّ" ..! وَلآتقِبلَ أَن تَكون مُشَآبِهَة ل" قَنَآعَآت "الآخَرينَ ..! أنَآ مختلف..! طَبْعآَ لست لـِـ " اَلأَسِوَء"......؟؟؟ و َلربما لسِت لـِـ"الأفِضَل".....؟ ولكني اختلف.....؟  أبتسم أبتســآمة تكسر آلآبيض وآلآســود ..!
|
|
#5
24-09-2008, 03:12 AM
|
||||
|
||||
|
هههههههههههههه
بكره بس يكبر شوفو شو رح يعمل في ولاده
_______________________________
بقول ليش 
|
|
#6
24-09-2008, 03:38 AM
|
||||
|
||||
|
لا تزعل حالك لؤي بكرة لما تكبر بتعرف ليش ماما امل و باب عملو هيك معك المهم انك تسمع كلامهم لانهم أكبر منك و بيعرفو أكتر منك المهم لا تخلي ماما أمل أو بابا يزعلو منك و خليك شاطر عشان احنا كمان نحبك
_______________________________
عجبي عليك يا وطن
|
|
#7
24-09-2008, 05:59 AM
|
||||
|
||||
|
:: ,, ههههه له يالؤي بدك تتحمل الماما شو بدك تعمل ^^" طولي بالك خالتو بتضل انته الكبير <<لاتصدق منورة اموووولة والله موضوع حلو كتير يعطيكي الف عافية يارب دمتي بكل ود تحيتي ,, ::
_______________________________
 شُعور پـ آلرآحة يملَئني حِين أرددّ : ﺂلحَمدُ لِلہ♥ مھمإ صَعبتّ... علينا ظروف ٱلحَيٱھّ يبقىّ ذكر [ ﺂللھ ] مُعيناً لنٱ. ربيّ ﺂجعّلني مِمّن نظرٺ ﺂليہ فرّحمٺہ ۈ سمعٺ دُعآئھ فَأجبٺہ =)  
|
|
#8
24-09-2008, 06:01 AM
|
||||
|
||||
|
ياحرام .... حزنت عليه... خلوه يعمل الي بدو اياه ياعالم.... بس انت يالؤي...خلص دروسك كلها بالاول وبعدها احضر الي بدك اياه... وبعدين لما بدك اشي من الخزانات...انت بس احكي لماما وهي بتجيبلك اياها... طيب؟؟؟شطور..ايوة هيك الله يرضى عليك... !!!!!!!!!!!!!!!
_______________________________
 اصحك توقع 
|
|
#9
24-09-2008, 06:18 AM
|
||||
|
||||
|
طيب ليه ما تعملوا خارطة طريق؟ إنه تحددوا سوا وقت لعب ووقت دراسة.. وبرضه وقت تقعدوا فيه سوا مع الماما ومع البابا كواليتي تايم يعني منور لؤي أمل سيبي الولد بحاله
_______________________________
يا نفـــسُ لا تقْنَطي من زَلةٍ عَظُمتْ .. إن الكبائرَ في الغُفرَانِ كاللَّمَمِ لعلَّ رحمةَ رَبّي حين يقْسِمُها .. تأتي على حَسَب العصيانِ في القِسَمِ      
|
|
#10
24-09-2008, 07:59 AM
|
||||
|
||||
|
اقتباس:
هاي شكوا لؤي اللي دائما بيشكيها وبيتمتمها لحاله وانا حبيت اترجملو اياها ونكتبها هون لنشوف اراء لكبار والصغار فيها واكيد لؤي رح يقرا الردود منور يا برنس
_______________________________
~~ للناسِ أعماقٌ أشدُ خطورةً وغَدراً من أعماقِ البحار ِ! ~
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | إللي كتب الموضوع | القسم | مشاركات | آخر مشاركة |
| ابني كثير البكاء | قاصي بس حنون | حضـانــة الأطفال | 2 | 05-02-2010 05:37 PM |
| كيف ابني ثقتي بنفسي؟ | booosy | العناية الموركزة | 10 | 19-10-2009 04:38 AM |
| ولك ابوي مخه والحجر واحد .. امي واقفة ضدي دايما .. ابوي مزنق علي حياتي .. | عمو رائد | أشخرلي وأشخرلك | 56 | 15-09-2009 02:13 AM |
| عيد ميلاد بربور ابني | أبو بربور | إتفضل يخو | 5 | 22-06-2009 09:46 PM |
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
