::>> ويندوزك خربان ؟؟ .. طيب تعال صلحوا بدون فورمات :: مع عاشق بلده <<::

**عاشق بلده** · #1 27-02-2006, 03:20 PM

بســـ،،ــم اللــه الرحمـ،،ـن الرحيـــ،،ـم

اليوم بقدملكم 3 أدوات من أروع الادوات اللي بتقوم بتنظيف الأجهزة بشكل كامل .. إبتداءا من الريجستري .. ومرورا بالملفات الغير مهمة اللي مملية الهارد عالفاضي .. وانتهاءاً بملفات بدء التشغيل ..

~~ أولا نبدأ .. بأداة TempFree 1.2 ~~

هادي الأداة بتحذف جميع الملفات الموجودة في مجلد Temp .. داخل حسابك الرئيسي .. وطبعا وجود هادي الملفات زي عدمها وما الها أي أهمية ..

يمكنك تحميل البــرنامج من هنــــــا

بعد التشغيل شغل الملف وراح تشوف الآتي .. >>

إضغط على زر Scan .. عشان يبحث عن الملفات .. واستنى شوي .. بيجيك التقرير اللي بيحكيلك فيه اكم ملف داخل مجلد تيمب ما اله أهمية ..

بعد زر Scan .. ضل عليك تنضف الجهاز من الملفات هادي .. إضغط على زر Clean ..

وهيك بنكون خلصنا من الأداة الأولى .. واللي نضفت الجهاز من الملفات اللي ما الها أهمية أبدا ..

----------------------------------------------------------------------------------------

~~ ثانياً .. برنامج BugDoctor ~~

هادا البرنامج بيقوم بتنظيف الريجستري تماما .. وكمان بعمل على تصليح ملفات النظام بشكل رائع جدا وملحوظ .. زي كإنك نزلت ويندوز جديد بالزبط ..

يمكنك تحميل البــرنامج من هنــــــا

بعد ما تعمل Setup .. للبرنـــامج .. شغله .. بتيجيك الصورة هادي ..

إضغط .. على زر Start Scan Now ..

ببدا البرنامج يبحث عن الملفات الخربانة اللي لازمها تصليح ..

لما يخلص بيعطيك رسالة بحكيلك فيها انه مسك العدد الفلاني من الأخطاء .. إكبس على Fix Errors Now ..

راح يطلب منك سيريال .. أدخل التالي ..

User Name : www.g4z4.com

Unlock Key : 15d539bf

بعدين ببدا يصلح في الملفات اللي مسكها ..

وبيعطيك التقرير الأخير .. لاكم ملف لقط واكم ملف قدر يصلح منهم ..

وبشكل تلقائي بقوم البرنامج بحفظ كيف كان وضع الريجستري بعد تصليح آخر مرة .. في هادي الحالة ما عليك الا تضغط على زر Restore وتختار الملف المناسب .. ومسماه بكون حسب التاريخ ..

هلقيت احنا خلصنا من الأداة التانية .. ضلت الأداة الأخيــــــرة ..

----------------------------------------------------------------------------------------

~~ ثانياً .. أداة HijackThis ~~

وظيفة هادي الأداة هي تعطيل تشغيل الملفات التي بتبدأ مع تشغيل الويندوز .. يعني انت بتيجي تشغل هالجهاز .. مليون برنامج بنطلك بقولك هيني هان انا .. شايفني ..؟؟

يمكنك تحميل البــرنامج من هنــــــا

بعد ما تشغل البرنامج .. راح تشوف الصورة الآتية ..

إضغط على زر Scan .. بتيجيك قائمة طويلة عريضة .. حدد جنب كل الملفات علامة الـ ( صح ) .. كالتالي ..

ولما تخلص .. إضغط على زر Fix Checked .. يمكن تيجيك رسالتين .. الأولى إضغط Yes .. والتانية إضغط OK ..

راح تنزل ملفات كتيرة في نفس مكان نزول البرنامج .. هادي بس نسخ إحتياطي مش أكتر .. بإمكانك تحذفها ..

وآخر اشي بدك تعملو .. الي هو انك تعيد تشغيل الجهاز .. ولما ترجع راح تحس إنه الكمبيوتر صار بنتيوم 55 .. والحركة صارت سريعة .. وراحت المشاكل بإذن اللــــه

واللـــــه المستعـــان ..

.. تحياتي لكم ..

عـــاشق بلده

**نص شيكل** · #2 27-02-2006, 03:42 PM

يسلمووووووووووووووو يبوووووو شريييييييك..
والله هادي البرامج بتلزمني كتييييييييييييير..
يسلموووو عالمجهود الكبيييييير يا كبييييييييير..
بس يبو شريك بدي برنامج لبرنامج الاتصال تاعي عشان اخليه يتصل اكتر من 4 مرات .. مش عارف هوا عشان الريجيستر ولا عشان اشي تاني ببطل يعمل يوزرات..

وحبيبي يبو شرييييييييك

saher500il · #3 27-02-2006, 04:17 PM

برامج رائعة
و لينكات مباشرة
شكرا للمشاركة اخى..
__________________

انا عشت جمبه سنين يا رتني ما عشتهاش
حبيت عشانه حاجات كتير ما بحبهاش
خسرني هو .. كسبت انا نفسي
ولحقت عمري .. كان حيروح بلاش
حبيته من كل قلبي .. ضحيت عشان ارضيه
ويا عيني كان قلبي طيب اوي .. وسلّم ليه
يلا مفيش نصيب .. خاين وعرفته دلوقتي
غدره مكنش ليه باين .. ضيّعت فيه وقتي

**حسون** · #4 28-02-2006, 12:41 AM

والله يا عمي ما غلط اللي حطك على دكانة الكمبيوتر والأنطرنت ..

أنا شخصياً بستخدم هادة البرنامج ..

وبجد برنامج فزييييييييييييييع .. ورهيب كمان ..

أحسن بكتير من برنامج الويندوز msconfig

هادة بجيبلك بلاوي ..
بس اللي بستخدمه ومنزل نورتون .. يدير باله وهوة بعلم الصح إنه يشيل النورتون من ضمنهم ..
أو لو بده يشيله .. ينزل النورتون من أول وجديد ..
مش بس النورتون .. بقصد على أي برنامج بشتغل مع الستارت وبده يخليه ..

هلا هلا عمي .. صبوله قهوة هالشب .. بتعب معنا ولله

**عاشق بلده** · #5 01-03-2006, 02:04 PM

مشكووورين كلكم عالمرووور الحلو ..

تحياتي للجميع وعلى رأسهم المختار حسون ..

ابو وديع · #6 01-03-2006, 03:49 PM

اسمع يا عاشق بلده ؟؟؟؟؟؟؟؟ عليا الطلاق من مرتي الي هيا لسة ما اجت اصلا انو ما في اشطر منك في الكمبيوتر ولك انت دمااااااااااااار شامل لكل المقعد يخو والله منا عارف كيف اشكرك مشكووووووووووووووووووووووور بنردهالك في اطهورك هههههههههههههههههههههههههههه

وفي النهاية شكرا يا عاشق احلا بوسة ؟من ابو وديع ؟ **عاشق الليل**

استاذ قلق · #7 01-03-2006, 06:00 PM

يا مخطارنا .. انا بحملك المسئولية الكامله عن هدا الشاب..

اصلو شكلو راح ينطق عين من عيني .. فمن هلأ لازم تعملو تعويذات وخرزة زرقه ..

ولك لازم يتحنط هدا الشاب.. يعني ما شا ءالله مش هيك ..

بجد بحبو من صمصوم قلبي والله

الله يحميك يا شيخ ..

بجد احلى برامج كانت لازمة والواحد ما بيعرف ايش مالو الجهاز بدى يخرفن
فهيك انت بتلبسنا نظارات نظر مناسبة ..

Bo R3D · #8 01-03-2006, 06:10 PM

اي والله منيح ... منييييييييح

يعني بدناش نسوي فورمات من يوم وطالع ونلعن شرف الهاردسك

اي والله منيييييييييييييح

وعلى النعمه انك قلق يا احلى عاشق لاحلى بلد

ويسلموا يا حلو على البرنامج والشرح الفزييع

النور_الساطع · #9 01-03-2006, 07:36 PM

يسلموووووووووووو كتير على البرامج الحلوه
انا نزلتهم وصار الويندوز تبعي بنتيوم F16 يعني طياره
......................
ياريت بدي برنامج تحويل جميع انواع الصوتيات لـــMP3

abuown · #10 03-03-2006, 09:11 PM

مرحبا يا احلى عاشق البرامج ميه مية
والله يعطيك العافية
بس صارت لى مشكلة انى المكافى ماطلع مع التشغيل ومش عارف ارجعه هو الاب ديد تبعه الكانو دايم مرصوصين تحت
لو ممكن تساعدنى
شكرا

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	إللي كتب الموضوع	القسم	مشاركات	آخر مشاركة
يوم مهم في السنة عاشق بلده	نونة الشعنونة	إتفضل يخو	41	23-04-2009 05:01 PM
وينك يا عاشق بلده	أبو نضال	آخر شريط ومطرب نزلوا	3	09-11-2007 04:52 PM
هام جدا الى عاشق بلده وكل الشباب	في سن الضياع	دكانة الكمبيوطر والأنطرنت	1	29-04-2006 09:51 PM

الذين يشاهدون محتوى الموضوع الآن : 1 ( الأعضاء 0 والزوار 1)