قنـبلة المـوسم .. كعك ومعمول العيد .. بس عند غزاويه قلـق

غزاوية قلق · #1 05-12-2008, 09:10 PM

مروحااااااز

كيفكوو شو الاخبار والخ الخ الخ

اليوم محضرالكو قنبلة موسم ستار اكاديمي

قصدي مطبخ مقعد الغزازوه

كعك العيييييد

ومعمووول العيييد

وبالشرح المفصل

وبالصور

وطبعا الاشي هادا خصوصي لمسابقة اجمل حلي ويلي في عضوات شاركو وعملو شغلات طيبه كتير

وللاسف لهلأ ما شفنا ولا شب مشارك

مريحين الشباب شو بدهم بهالغلبه

عندهم مين يشتغل

.. الموهيمز هون رابط المسابقه للي حابب يشوف الموضوع .. هــون ..

هلأ خلينا نبلش اول شي بكعك العيد

اول شي ..

المقادير ..

اولا .. مقادير العجينه تبعت الكعك

1- 4 كاسات طحين

2- ملعقتين حليب بودره

3- ملعقه كبيره سمسم

4- ذرة ملح ( ذرة يعني نونه

)

5- ملعقه صغيره بيكنج بودر

6- ربع ملعقه صغيره خميره فوريه

7- ملعقة ونص كبيره يانسون مطحون

8- ربع ملعقه صغيره محلب

9- ربع معلقه صغيره قرفه

طبعا بتحطو المقادير هاي كلها سوا وبتعجنوهم وهيك بتصير بعد العجن

طبعا رح نخلط هالمكونات كلها

وبعدين بنحط عليه كوب وربع زيت او سمنه وبعدين نتركه لتاني يوم وباليوم التاني بتعجنوه مع كوب الا ربع مي

هلأ نيجي لمكونات الحشوه يلي هي التمر

وبدنا ..

1- تمر

2- قرفه

3- سمسم

4- شوية زيت

وبنعجنهم سوا وبصيرو هيك

وهلأ بنبلش بالطريقه

بنجيب التمر وبنعملو تقريبا عشكل اصابع

متل هيك يعني ..

بعدين بنجيب العجينه بنعملها عشكل دائري وبنفردها شوي ونحط اصبع التمر جواته

وبعد هيك بنسكر اطرافها باصابعنا وبتصير هيك

بعد هيك بتفردوها بايديكو لما تصير طويله عشان تلفوها

بعد هيك بتجيبو الاطراف يعني الطرف يلي عاليمين والطرف يلي عالشمال وبتضغطو عليها بطرف اصبعكو وبتصير متل هيك

..

وبعد هيك بتكررو طبعا هالاشي شي مليون مره

وبتعبو الصواني زي ما انا عملت مع امي وخواتي

هلكنااا

...

بعد هيك بتخبزوهم

اخ بس من الخبز

انحرقت لما قلت بس

وهيك منظرو بعد الخبز

[

وطبعا مع فنجان شاي بالاخر بطلع اشي اشي

يـــتــــبــــع ...

غزاوية قلق · #2 05-12-2008, 09:12 PM

وهلأ جينا للمعموول

اول شي مقادير العجينه..

1- كيلو سميد ناعم

2- تلات معالق حليب بودره

3- نص معلقه صغيره محلب مطحون

4- ذرة ملح

5- معلقة سكر مطحونه

6- معلقه صغيره خمية فوريه

بنحرك المقادير كلها مع بعضها وبتكون هيك

وبنحط عليه قالب زبده مش ملحه كبير (تقريبا يعني 400 غرام )

بعدين بتحركوها منيح لعند ما تصير متل هيك ..
وتحسوها اتماسكت شوي ..

وهون بتتركوها لتاني يوم .. واليوم التاني بتعجنوها مع كوب الا ربع مي وتقريبا فنجان زغير ماء ورد

وهيك بتكون جاهزه لتستعملوها ..

هلأ نيجي بس للتمر ما هيكون متل الكعك

التمر مكوناته بس .. تمر وقرفة وزيت بسسس مفهوم

هلأ نيجي لطريقة المعموول بالتمر

ويلي حابب يعمل بجوز ولا فستق هو حر

احنا بنحبو بتمر

يميم

اول شي بتاخدو شوي من العجين وبتفردوها شوي لحتى تحطو حشوة التمر جواتها طبعا التمر بتعملوها عشكل دوائر ..

هون بتحطو التمر جواته

وهون بتسكرو الاشي وتخلوه عشكل دائرة متل شكل التمره

بعدين بتحطوها بالقالب متل ما بابا هون عامل

تقبرني ايدو انا

بس طبعا قبل بتحطو شوية طحين يا اما بالقالب او عالوجه يلي رح تعملو فيو النقشه

يـــتـــــبــــع ...

غزاوية قلق · #3 05-12-2008, 09:13 PM

وبتكررو الاشي طبعا لما تعبو الصينيه

وهون بعد الخبز

يميم بشهييي يميم

واتفضلو معمووول

وبس اخ هلكتوني

طبعا بحوب اشكر داد ومام وخواتي وبقوللهم يعطيكو الف عافيه ههههههه لانه اخيرا افتكينا من الكعك والمعمول

وبقول لبابا يسلمو اديك تقبرني

عالنقشات الحلوه ههههههه تعبناك معنا

طبعا انا مش كلو عاملاه لحالي بس يلي صورته انا كنت بعملو ههههه ما عدا القوالب

وهيك بكون خلصت الموضوع وان شا الله يعجبكو وابقو اتزكروني وصوتولي

سلامووو

فيه حجات مخفية لازم تضغط على زر "قوله شكراً" عشان تشوف الإشي المخفي

**أبو غضب -عالشجاعية يا خال-** · #4 05-12-2008, 09:18 PM

يا عيني عليكي يا قلق

لسة اليوم بقول مين الشطورة اللي تنزل لنا كعك العيد في المطبخ

كل عام وانتي بالف خير ومن ايد ما نعدمها يا رب

وأحلى مسمار

تبوله العسولة · #5 05-12-2008, 09:24 PM

منزرهم كتييير لزيز ألز من الي اعملنا انا وماما اليوم .....
ايدي انكسرت وانا ماسكه الخشبه الي منزين في الكعكه وعمالي بطق فيها حتى صارت ايدي بعد ما خلصنا تهتز ...
مشكوره ع المقادير يلا العيد الجاي منطبقها ...
تأبلي مروري ...
ااه كل عام وانت بخيير ..

دلوعة قطر · #6 05-12-2008, 09:42 PM

ياعيني عليكي .. فنانه والله

عنجد بتزكر كانت من احلا الايام لما كنا نقعد ونعمل كعك ومعمول مع بعض .. لكن هلء بطلنا وسارت امي تشتري جاهز
او تروح تعمل عند تيتى

بيني وبينك ريحتنا لكن بفتقد الايام هديك

عنجد مافي احلا من الصبح كاسة شاي مع حبتين كعك .. اخر روقان

..

مشالله عليكي .. شكلك كنتي متجمعه انتي والفاملي كلها تعملو الكعك والمعمول

يعطيه العافيه لـ بييك والله انو خطير

يسلمو دياتك حبيبتي ويعطيكي العافيه .. من ايد مانعدمها يارب

ومافيي احكي غير نــيــالــو

غزاوية قلق · #7 05-12-2008, 09:45 PM

اقتباس:

المشاركة الأصلية كتبت بواسطة أبو غضب -عالشجاعية يا خال-

يا عيني عليكي يا قلق

لسة اليوم بقول مين الشطورة اللي تنزل لنا كعك العيد في المطبخ

كل عام وانتي بالف خير ومن ايد ما نعدمها يا رب

وأحلى مسمار

اووووووووووووخ

يسلمووو والله يخو عاحلى مسمار

بصراحه يعني اه انا بستاهلو

ايون ايون وبدون غرور

اصله تعبت وانا اعمل فيه للكعك والمعمول والخبز وبرضو تعبت وانا بعمل بالموضوع وبصغر صور ورسمي انحوليت

.. تسلم لمرورك وينعاد علينا وعليكو بالصحه يارب

اتفضل يخو كل من المعمول تستحيش

قبل ما ييجي هالواحد الله يزكرو بالخير يارب

وياكلو

منورنا

اقتباس:

المشاركة الأصلية كتبت بواسطة تبوله العسولة

منزرهم كتييير لزيز ألز من الي اعملنا انا وماما اليوم .....
ايدي انكسرت وانا ماسكه الخشبه الي منزين في الكعكه وعمالي بطق فيها حتى صارت ايدي بعد ما خلصنا تهتز ...
مشكوره ع المقادير يلا العيد الجاي منطبقها ...
تأبلي مروري ...
ااه كل عام وانت بخيير ..

له

يا وردي علي انا عانيت من هالاشي قبل ههههههه اما هالمره ابوي الله يرضي عليه يارب

طقطق عالارض والطاوله ما خلى لما زهق

.. تسلمي حبيبتي لمرورك الحلو

.. وينعاد علينا وعليكو بالصحه يارب

منوره حبيبتي

غزاوية قلق · #8 05-12-2008, 09:48 PM

اقتباس:

المشاركة الأصلية كتبت بواسطة دلوعة قطر

ياعيني عليكي .. فنانه والله

عنجد بتزكر كانت من احلا الايام لما كنا نقعد ونعمل كعك ومعمول مع بعض .. لكن هلء بطلنا وسارت امي تشتري جاهز
او تروح تعمل عند تيتى

بيني وبينك ريحتنا لكن بفتقد الايام هديك

عنجد مافي احلا من الصبح كاسة شاي مع حبتين كعك .. اخر روقان

..

مشالله عليكي .. شكلك كنتي متجمعه انتي والفاملي كلها تعملو الكعك والمعمول

يعطيه العافيه لـ بييك والله انو خطير

يسلمو دياتك حبيبتي ويعطيكي العافيه .. من ايد مانعدمها يارب

ومافيي احكي غير نــيــالــو

له

كنتي قلتيلي بس كان جبتك ههههههه اتسلينا كتير والله وانحرقت كتير كمان والله

يلا فداهم والله

والله يعافيكي يارب تسلمي حبيبتي كلك زوق

ومافيي احكي غير نــيــالــو

ينعن انا

بستحي رسمي انا

Melo · #9 05-12-2008, 10:18 PM

جوعتينييييييييييييييييييييي

واااااااااااااااع

والله شكلو بشهي كتير ولك

يسلموو ايديكي وعينيكي

يعطيكي الف عافية يا غزاوية

وعيدك مبارك

**حسون** · #10 05-12-2008, 10:29 PM

يا عيني على الإشي ..
مجهود مرتب كتير واشي فاخر من الآخر ..
يعطيكي ألف عافية ..
أكيد من غير ما ندوق .. طعمه بجنن كتير ..
بس ملاحظة صغيرة ..
اللي من غزة وبده يعمل الكعك .. أكيد راح يكون مستغني عن أنبوبة الغاز ..
وفش واحد عاقل ممكن يفكر في هيك تفكير ..

عشان هيك يفضل انه نشتري الكعك جاهز ..
وبدون كل هالغلبة

هادة كان رأيي بس ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	إللي كتب الموضوع	القسم	مشاركات	آخر مشاركة
¤ • .. آيكونز للماسنجر .. بجننو .. بس من غزاويه قلـق ..•¤	غزاوية قلق	دكانة الكمبيوطر والأنطرنت	64	03-11-2010 02:50 AM
Ψ .. welcome 2 the Hell's Kitchen game .. Ψ بس من غزاويه قلـق..	غزاوية قلق	دكانة الكمبيوطر والأنطرنت	31	17-10-2009 11:03 PM
..: طشة غزاويه قلـق و Metgha3ghe :..	غزاوية قلق	صور يا مصوراتي .. وعلق يا معلقاتي	34	04-02-2009 07:48 PM
اورانج جوس .. طريقة صعبه جدا جدا بس من غزاويه قلـق	غزاوية قلق	أكلات مخبصة	16	16-11-2008 02:03 PM
غزاويه قلـق مسابقة .. عضو في ورطة :)	ابو السـوس	ساحة الألعاب	5	08-11-2008 04:02 PM

عدد 2 عضو بقولولك شكرأ يا غزاوية قلق على هالموضوع المرتب:
أبـو يــزن, DaLLoOo3a

شكر من هدول الأعضاء يا غزاوية قلق على هالموضوع المرتب:
ل ؤ ل ؤ ة

الذين يشاهدون محتوى الموضوع الآن : 1 ( الأعضاء 0 والزوار 1)