|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
| عرض نتائج الإستفتاء: هل انتو شايفين الأشغال اليدوية الموجودة تطبيقها سهل ؟؟ | |||
| آه سهل كتير و ممكن يتطبقوه المبتدئين كمان |
  
|
33 | 84.62% |
| لأ صعب كتيـــــــر كتيـــــــــر و بدو شغل |
  
|
6 | 15.38% |
| المصوتون: 39. مصوتش هنا.. | |||
 |
|
|
أدوات الموضوع | طرق مشاهدة الموضوع |
|
#1
11-02-2009, 03:01 PM
|
||||
|
||||
فنوون و أشغال يدوية بس للصبايا ..
هااااااااااااااااااااي كيفكم صبايا شو أخباراتكم حبيت أنزللكم موضوع عن الأشغال اليدوية و الفنون طبعا جمعتلكم شغلات أفكارها بسيطة و تنفيزها سهل و الأهم من هيك انها بتجنن  هللأ نحنا كتير منلاقي شغلات عالنت بس ممكن ما تكون هالشي الكتير حلو ممكن نشوف قطع بلدية و شغلات هبلة صراحة و مو حلوة بس هالمرة جمعتلكم شغلات مودرن و بتعطي منظر تقيل أو منظر غريب و حلو و هدول الصور تجميعتي خلال سنتين يمكن زي هيك انو كل ما ألائي صورة بسيفها عندي و بدي تسيفوها عندكم لتستفيدو منها و ممكن تعملو معارض من وراها و تبيعو .gif "11nk(2)") بتركّم مع الصور .. هاد عبارة عن قماشة مدورة إلها فتحتين زي ما إنتو شايفين طبعا هادي خياطتها سهلة و ممكن تنعمل يدوي ..  هههههههههههههه هادي شفتها نهفة بس فكرتها لزيزة لغرفة ولاد صغار طبعا هية عبارة عن اسطوانة و فيكم تقصو أي شكل بدكم اياه وردة .. قلب .. بطة ..كرة قدم ازا لغرفة ولاد و شو ما بدكم و تلزقوها عالاسطوانة من قدام زي اللي بالصورة ^_^  أهااا هادي عبارة عن سي دي مقطع طبعا نحنا كتير منشوف عالنت صور لشغلات يدوية عاملينها بالسي ديهات بس صراحة ولا شي عجبني بس لما شفت هاد المنظر ع طول خطرلي انو فينا نعمل منهم كرة بتلزقو عليها هاي المربعات و بتصير متل كرة بتلمع بتربطوها بخيط و بتتعللق بالسقف و بصير المنظر زوي الديسكو  بس جد كتير حلوة هالاشيا  طبعا هادي فكرة بسيطة و واااضحة و فيكم تجيبو حجارة ملونة هدول بتلاقوهم بالمولات و بمحللات الديكور و ممكن تلاقوهم بمحلات الدرهم و الدرهمين يعني مو شي مكلف بس شوفو المنظر شو تقيل و حلو ..  هههههههههههههه هادي عبارة عن شبس بس شكلو حلو من برة و حاطين جواتو اسطوانة من الكرتون ( تبعة ورق الحمام ) و مسبتينها جوة الشبس و حاطين حوليها جبس و بس نشفت قلبت لحاملة أقلام زي ما بقولو .. منظرها كتير كيوت و فيكم تبخوها من برة و تلونوها زي ما بدكم ..  هادي انصدمت فيها جد انهم مبدعين و مبتكرين .. هادي عبارة عن ( ورق الشوكولاه ) يعني بدل ما تاكليلك حبة شوكولاه و ترمي ورقتها بالزبالة فيكم تجمعوهم و تلزقوهم ع فازة من الخشب بس المهم انو بأي شي يدوي انو تختارو المادة الصح و يكون زوقكم حلو .. متل هالصورة اللي منحكي عنها شوفو التناسق ..  شفتو الفازة البيضا اللي عاليسار ... هادي عبارة عن قماااشة !! عملوها بالجبس طبعا هادي طريقتها انو بتجيبولكم شي ع شكل أسطوانة كبيرة و يكون قاعدته عريضة و بتحطو القماشة عليه من الوسط ع أساس انو يكون طرافها مدللّية و بتكونو من قبليها حاطين عليها جبس و غامرينها و اتركوها لتنشف و اقلبوها .. و بتصير زي ما انتو شايفين بالصورة طبعا فيكم تحطولها ورنيش ( حتى تعطي لمعة ) و تلونوها ع زوءكم بس شوفو شو حلوة و غريبة و ستايلش لو انحطت مع أثاث كلاسيكي كتير بتطلع حلوة خصوصي لو كانت سودة و عليها دوائر صغيرة مسلا من الجليتر او بلون أبيض و فيكم تلبقو الألوان اللي بدكم اياها ..  هاد رسم عالزجاج جايبين لون ابيض شفاف و عاملين أشكال طبعا الطريقة واضحة انو فيكم تلزقو عالزجاج لزق ورق مو صمغ طبعا و تقصوه ع شكل دوائر أو بالشكل التاني و بعدين تلونو الفازة الزجاجية كاملة و بس تنشف بتشيلو اللزق و بيطلع عندكم زي ما انتو شايفين ..  هاد عبارة عن قماش كلو و جليتر هاد حلو للعرايس و فيكم تعملو ه cover لأي دفتر   طبعا هاي الصورة مو الشكل النهائي بس حطيتها لأعطيكم الفكرة هاي عبارة عن علبة مي و قصوها و عملو عجينة ( بتلاقو ميت طريقة من النت ) المهم انو العجينة لازم تكون سائلة شوي و بتحطوها عالعلبة من برة و بعديها بتجيبو السكينة و بتضربو العلبة فيها بشكل خفيف حتى يطلع معكم الشكل اللي شايفينو و بتخلوها لتنشف .. و بتلونوها بأي طريقة بتحبوها و بتعطوها لمعة بالورنيش بالاخر بعد ما تنشف الألوان  هادي عبارة عن ستارة خرز و أدواتها واضحة خيط طويل و رفيع من البلاستك و خرز ملون و مسامير و خشبة رفيعة و طويلة  هدول حبيتهم كتير همة عبارة عن حجارة ملونة و سلك معدني سميك شوفو شو بتقدرو تعملو منهم     هادي زي أزاازة السفن أب او البيرة ههههههههههههههه و ملونينها بألوان الزجاج ( ما تنسو قلم التحديد )  هاي عبارة عن عجينة جاهزة اسمها عجينة الفيمو fimo استخدموها و حطو معها سلك معدني و بطاقة بس شوفو المنظر شو حلو و بنوتي  هاي طريقة ترتيب السفرة .. بتفيدكم ..  و هاد الفاين او الكلينكس او المحارم او القماش الخاص للتنشيف اللي بينحط على السفرة ..  هادي شبرة او فيونكة ربطوها بالشوز    مثال على استخدامنا الخرز و الكريستال في البيت ..  ياا شو بحب هالغرفة شفتو المستطيلين الي جنب الخزانة عاليمين بأول رف ؟؟ شوفو شو سهلين و منظرهم شو حلو و أي حدا بالابتدائي بيقدر يعملهم  أها .. هادي بدها شغل بس النتيجة بتجنن و ع فكرة هادي بالهوم سنتر بتنباع بميتين و تلتمية الأدوات .. قماش جلد مقصوص مستطيلات و قاعدة من الخيش او البلاستك مفرغة ع شكل مربعات ( شَبَك يعني ) طبعا مقص و قماشة ( للقاعدة من تحت السجادة ) و آلة خياطة لو عندكم الطريقة .. ( تابعو بالصور و خدو الفكرة )     و هي النتيجة النهائية لو كانت سجادة مو مخدّة  فوائد الخياطة ( وردة شيفون ) خيطوها ع شوز و شنتة سادة وشوفو النتيجة شو حلوة   الأدوات : قماشة شيفون و سترااس (برِق او فصوص بحكوها الخليجية )      لاللي بيعرفو يشتغلو بالقش .. كيف تستخدموها بطريقة funkeyye w modern بدل ما يكون شي تقليدي و شعبي  رسم عالزجاج و استخدامه في الديكور  براويز ..    يتبع .. بتمنى الموضووع يتثبت لانو كل كم يوم رح أضيف شي جديد و في شغلات عندي يدوية بدي فرجيكم اياها تاخدو أفكار أي حدا عندو شي يدوي يفرجينا اياه و انشاءالله تستفيدو و اتطبقو .. تحيتي للكل إلي رجعة ..
_______________________________
سبحان الله وبحمده .. سبحان الله العظيم ^_^ اللهم ارزقنا الخير كله في الدين و الدنيا و الآخرة .. ونعوذ بك من الشر كله في الدين و الدنيا و الآخرة اللهم حسِّن الفاسد منا واجعلنا كما تحب و ترضى .. من مواضيعي: * (( علاقة عمل المرأة داخل المنزل بالـ ... )) شاركوني بآراءكم  * حقيقة نبوة نبينا محمد في الإنجيل ..(فيديو ) راااااااائع و مؤثر ..^^ * كن ناجحا وابدأ حياتك من جديد ..(في الصفحة الأخيرة ملخص الموضوع)
|
| عدد 13 عضو بقولولك شكرأ يا B.easy على هالموضوع المرتب: | ||
|
#2
11-02-2009, 03:21 PM
|
||||
|
||||
انا بموت بالاعمال اليدوية انا عملت منظر وكتير من الناس حكولي انه حلو هو عبارة عن منظر لرمز قدير وما اتغلبت لما عملتها  معقول حلوة ؟؟ 
_______________________________
 ^ ^ ^ ^ ^  |
|
#3
11-02-2009, 03:27 PM
|
||||
|
||||
|
يااا حاسيتو زي شي هيك تراثي و شعبي و ازا شغل إيدك فهاد شي كتير كتير حلو هي طلعت عنا أول موهبة منوّر أبو خشبة ^_^
_______________________________
سبحان الله وبحمده .. سبحان الله العظيم ^_^ اللهم ارزقنا الخير كله في الدين و الدنيا و الآخرة .. ونعوذ بك من الشر كله في الدين و الدنيا و الآخرة اللهم حسِّن الفاسد منا واجعلنا كما تحب و ترضى .. من مواضيعي: * (( علاقة عمل المرأة داخل المنزل بالـ ... )) شاركوني بآراءكم * حقيقة نبوة نبينا محمد في الإنجيل ..(فيديو ) راااااااائع و مؤثر ..^^ * كن ناجحا وابدأ حياتك من جديد ..(في الصفحة الأخيرة ملخص الموضوع)
|
|
#4
11-02-2009, 03:34 PM
|
||||
|
||||
|
وآآآآوز .. رسمي هالنآس يلي بيعملو هيك شغلآت فنآنين .. عندن طولة بآل غير طبيعيه .. نفسي بيوم يكون عندي روآئـ اعمل هيك شغلات  انشآلله في الموستئل الئريب يسلمو ديآتك .. ويعطيكي العآفيه حبيبتي عالآفكآرآت الح ـلوه .. ضلك اتحفينا بهيك شغلآت حلوه ..
_______________________________
;
|
|
#5
11-02-2009, 03:45 PM
|
||||
|
||||
|
صبايا بدي شي يطلع منكم مو بس تتفرجو عم بعطيكم أفكار اتطبقو ولو شي واحد منها و تستفيدو هاد غرض الموضوع مو بس عرض لكم صورة إلي رجعة لأفكار كتيرة و تطبيقات بسيطة لإلي .. تحيتي للكل
_______________________________
سبحان الله وبحمده .. سبحان الله العظيم ^_^ اللهم ارزقنا الخير كله في الدين و الدنيا و الآخرة .. ونعوذ بك من الشر كله في الدين و الدنيا و الآخرة اللهم حسِّن الفاسد منا واجعلنا كما تحب و ترضى .. من مواضيعي: * (( علاقة عمل المرأة داخل المنزل بالـ ... )) شاركوني بآراءكم * حقيقة نبوة نبينا محمد في الإنجيل ..(فيديو ) راااااااائع و مؤثر ..^^ * كن ناجحا وابدأ حياتك من جديد ..(في الصفحة الأخيرة ملخص الموضوع)
|
|
#6
11-02-2009, 03:49 PM
|
||||
|
||||
|
يااااااااااااااااااااي صرااحة كلو حلو.. وبجنن يعطيكي العافية عالموضوع.. بناات شو رأيكم نجيب فكرة بسيطة.. متل هيك ونزلها بقسمنا.. وكل البنات يشاركو فيها وبعملوها. . وبعدين كل وحدة منا تنزل شغلها عالمقعد نشوفه؟
_______________________________
 |
|
#7
11-02-2009, 03:53 PM
|
||||
|
||||
|
أها هي الأفكار الحلوة بدت تطلع شو رأيكم نعمل سفرة حلوة متل هالصورة أدواتها بسيطة كتير و سهلة .. و انا عن حالي إلي رجعة بدي أبدا أنا و أعمل هالمنظر و أصورو و أجيبو و بستنى البقية بدي تفاعل و شغل مرتب منكم صبايا .. برب
_______________________________
سبحان الله وبحمده .. سبحان الله العظيم ^_^ اللهم ارزقنا الخير كله في الدين و الدنيا و الآخرة .. ونعوذ بك من الشر كله في الدين و الدنيا و الآخرة اللهم حسِّن الفاسد منا واجعلنا كما تحب و ترضى .. من مواضيعي: * (( علاقة عمل المرأة داخل المنزل بالـ ... )) شاركوني بآراءكم * حقيقة نبوة نبينا محمد في الإنجيل ..(فيديو ) راااااااائع و مؤثر ..^^ * كن ناجحا وابدأ حياتك من جديد ..(في الصفحة الأخيرة ملخص الموضوع)
|
|
#8
11-02-2009, 04:07 PM
|
||||
|
||||
|
هيني جبتلكو فكرة كتييير عجبتني  وانشالله ناوية اعملها فـــوشو..   زجاجه ( ماء ورد او زيت او..... ) بعد تنظيفها.... ادخل اصداف متنوعة الألوان والأشكال ... واقفلها بشريحه دائريه كما ترى في الصوره وزينها بالأصداف .... واستخدمها كقطعة جميلة ..... ممكن اضافة شيء للعمل وهو كتابة قصيده ولفها ثم توضع داخل الزجاجه .... 
_______________________________
|
|
#10
11-02-2009, 04:52 PM
|
||||
|
||||
|
حلوةالفكر انا كتير بعمل هيك شغلات .. بشوف والله لو اقدرت بصورهن وباخد رايك... الله يعطيكي العافية ... موضوع كتير حلو الي رجعة لهون...
_______________________________
 _______________________________
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | إللي كتب الموضوع | القسم | مشاركات | آخر مشاركة |
| ساندويشان من المقادير اللي بالبيت بس بدها فنننن | عيون ساهرة | أكلات مخبصة | 10 | 01-04-2010 04:03 PM |
| للصبايا فقط لاتحرج نفسك وتتدخل يا شب للصبايا | albadaoy | قعدة نسوان | 44 | 08-06-2009 01:14 AM |
| للصبايا فقط ادخلو وشوفو جينز للصبايا لشى روعه | السواق | صور يا مصوراتي .. وعلق يا معلقاتي | 14 | 29-04-2009 03:34 PM |
| نهفات وطرائف زوجية (للعزابين والفاضيين أشغال) | palestine_Guy | استخف دمك | 12 | 20-06-2008 01:16 AM |
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
