|
|
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
>> برج المراقبة <<
اللي سجل بالمقعد بعد تاريخ 18-10 يسجل تاني ...واللي غير باسوورده بعد هادة التاريخ يفوت بالباسورد القديم...
 |
 |
 |
|
|||||||
|
|
|
|
| عرض نتائج الإستفتاء: شو رأيكو بصاحبي هل هوا | |||
| مجنون عشان ضيع هيك فرصة من إيده |
  
|
12 | 17.39% |
| الحب عمله صدمه وإستجماتيزم بمخه ومخلهوش يعرف يفكر |
  
|
11 | 15.94% |
| هذا روميو غزة وبيحب بجد وكرامته كتير عزيزة عليه |
  
|
46 | 66.67% |
| المصوتون: 69. مصوتش هنا.. | |||
 |
|
|
أدوات الموضوع | طرق مشاهدة الموضوع |
|
#1
08-03-2006, 01:16 PM
|
||||
|
||||
حدث في غزة : رمى 3 مليون دولار ( قصة حقيقية )
بدي اليوم أحكيلكو قصة ، حدثت بجد قبل فترة بسيطة هون بغزة ، بس بدي أحكيلكو بالأول نبذة بسيطة على بطل هذه القصة . هادا الزلمة صاحبي وقريبي بنفس الوقت ، وخلينا نرمز لإسم ( م.ص ) ( م .ص ) كان يحب وحدة وكانت بتبادله الحب ، حبو بعض 4 سنين أو 5 مش عارف بالزبط   المهم ، الزلمة هادا الله وكيلكو المصايب ملاحقاه ،  زي ما المثل بيقو بيطلع من جورة بيقع بدحديره غلبان ووضعه المادي تعبان والمصايب ملاحقاه كمان زلمتنا بعد 4 سنين حب وعشق حبيبته إنخطبت لغيره ،  وهو ما قدر يعمل إشي طبعاً صاحبي أجالو إنهيار عصبي ونقلناه على الشفا  وحبيبتو قالته أنا ما بتقدر أعارض أهلي أكتر من هيك أنا مش عارفة بشو أتحججلهم وهوا في نفس الوقت وضعو المادي الصعب منعو إنو يتقدملها  المهم كل واحد راح من طريقه ، بس هوا ما قدر ينساها ، شو تقولو بيحبها بجنون ومش قادر ينساها كتير بيجيني يحكي معيا تلاقي حول كل الكلام عليها أقله يا بني إنسى ، حتتعب حالك هيك ، لكن شو تقول لا حياة لمن تنادي  كإنو ما فيه حدا في الدنيا كلها بيستاهل الحب إلا إلي بيحبها ، أنا ما بزم فيها لا سمح الله ، أنا بحكي إنها إنسانة خلوقة وتستاهل كل خير  المهم نيجي لقصتنا الرئيسية صاحبي هذا قبل شي أسبوعين أجو قرايب إلو من بره أجو هما وعيالهم المكونين من 3 صبايا زي القمر على أساس حسب العادة المتبعة قبل ما يجوزو البنت بيشوفو إزا حدا من العيلة بدو يآخذ وحدة منهم  المهم إنعرض عليه إنو يآخذ أكبر هدول البنات ، وللأمانة البنت هذه حلوة من كله ، يعني من ناحية الشكل والأخلاق غير إنها جامعية كمان وفوق هذا كله حصتها من ورثة أبوها 3 مليوووووووووووووووووووون دولار أمريكي أنا إتوقعت إنو صاحبي يوافق على طول ، لكنه رفض الفكرة من أساسها ،  تحاول كل العيلة معو لكن أبداً ، بيستوعبش ، إتقاتل مع كل عيلته ،  وإطاوش مع كل واحد بيحكي معه في الموضوع هادا ،  طبعاً أنا قلت صاحبي هدا إنهبل الحُب شعطته  المهم دزوني عليه  على أساس إني أعز أصحابه وبيسمع كلامي ، شوفو شو قلي ( م .ص ) : إسمع يا وطواط إنته صاحبي وحبيبي آه ، بس رجاءً ما تفاتحني بالموضوع هادا وطواط : بس فهمني ليش بتعمل هيك ؟ هي والله سهل عليها وإنخطبت ، وتلاقيها نسيت ، بدكاش تشوف حياتك إنته عاد ؟ ( م.ص ) : بدي أقلك شو مالي عشان تحل عني أول شي : إزا حبيبتي نسيتني فهدا الأمر يرجع إلها ، بس انا مش قادر أنساها ولسة بحبها ، وكل شي بيزكرني فيها تاني شي : أنا ما برضى على حالي إني أتجوز وحدة مستواها المادي أعلى من مستوايا ، هذه شغلة ما بقبلها على حالي ولا على كرامتي ، يعني لو فيه يوم من الأيام إتقاتلنا ولمحت مجرد تلميح إنها جابتلي وعملتلي وسوتلي وانا ما عملتلها شي حقتلها على المطرح ولا بسأل عنها  تالت شي : إشمعنا هلقيت العيلة الكريمة كلها إتطوعت إنها تساعدني وإتجوزني ، إشمعنا لما كانو بيعرفو إني بحب واحدة ما حدا فيهم إستنضف يمد إيد المساعدة إلي ، شو مصلحتهم من ورا هيك موضوع  رابع شي : إنته بتقبل على حالك إنك تجوزني أختك على فرضاً وأعتبرها زي كإنها رجل كرسي ولا طاولة فالبيت أعتبرها مجرد وحدة للكنس وشغل البيت وبس ؟؟  وطواط : كيف تعتبرها هيك يعني ؟؟  ( م . ص ) : يعني أنا مع إني شايفها للبنت كل شي فيها حلو ، جميلة وبيضا وبتفهم ومتعلمة ، بس مشاعر إتجاهها ما فيه ، أنا ما حقدر أحب تاني بعد إلي حبيتها وطواط : يا عمي الحب بيجي مع العشرا بعد الجيزة  ( م . ص ) : طب ليه إنته حبيت قبل ؟ وطواط : ( م . ص ) : خامس شي : وهوا هادا اهم شي وإنساك من كل الأسباب السابقة ، انا أخذت على نفسي عهد ، وعاهدتها إني عمري ما أتجوز غيرها أو أفكر أحب غيرها  وطواط : إممممم يعني هيك طب هي تجوزت خلص يعني بتقدر تتحرر منه وإنته مرتاح البال والضمير ( م .ص ) : لأ مستحيل مش أنا إلي بينقض عهده ، ثمة أنا لسة بحبه وبموت فيها وطواط : شو يعني قررت تترهبن مدا الحياة  ( م . ص ) : إتمقلز براحتك ، بس هوا هادا إلي حيصير وطواط : يا ............. هدول 3 مليوون دولار ، فاهم شو يعني تلات مليون دولار ، ولك بيغيرلك كل حياتك إفهم يا لووووووووووح  ( م . ص ) : إزا إنته بدك إياهم روح خذهم ، سيب خطيبتك إلي بتحبها وروح أخطب بنت منهم وطواط :  منتا عارف يخو أنا أخذت خطيبتي عن حب ، وصعب كتير الموضوع هادا ، ملعون أبو كل المصاري فدا رجليها يا راجل  ( م . ص ) : يبقى كيف بترضالي أعمل هيك وإنته مش راضيها على نفسك وطواط : ( إنخرست وما قدرت أحكي كلمة )  أنا راجعت كل الكلام إلي قلي إياه ، وبصراحة إحترت وتهت ومش عارف شو أحكي معه  للامانة كلامه منطقي وصح وكلام العيلة برضه منطقي وصح ، بطلت عارف شو الصح لو حسبناها بالعقل بس لما أقيسها على حالي على قلبي بقول ملعون أبو ال 3 مليون دولار بجزمة بس إم سارة تفضل معيا للأبد بدي آرائكو هلقيت  وتنسوش إتصوتو فوق بس بدون لطم لو سمحتو  بدي أشوف شو حيصير و وشو حتقولو إنته عنه وأنا حبقى أحكيلكم شو حيصير معه بعدين وللعلم صاحبي بينزل على المقعد هان  بس هو مش مشهور كتير يمكن آرائكو تفيده بحاجة تحياتي إلكو ..... ، 
|
|
#2
08-03-2006, 01:49 PM
|
||||
|
||||
الللللللللللللللللله ولك يسعدلي اياك يا وطواط انا قصة كتير رائعة وانا بحب القصص الي هيك وبعدين انا ما بقول يسعدلي اياك لحدا مش عارف كيف طلعت  .................. المهم لتيجي تحسبها من كلو ومن كلو كلو القصة ... حريقة اولا .. الشب حب البنت والبنت حبته وهادا اشي كتير حلو ورائع وبيسير عنا كتيير ... والحب مش عيب ولا هو حرام ثانيا .. البنت انخطبت .. ااااااااااه طيب هوا اتقدملها قبل هيك .. ما بعرف انا بدي اعلق حسب ما هوا بالقصة اما من كلامك هيتو متقدملها ......... ثالثا .. البنت انخطبت ولك انا كمان هيا انخطبت .. بس مش مشكلة بعدين انا بدي اعرف اذا كانت هيا راح تنسعد ما خطيبها والله اذا كان شايف هوا انها راح تنسعد ما خطيبها بغض النظر بتحبه ولا لأ اشي بيرجعلو هادا .. اما انا بعرف اللي بيحب حدا كتير وخصوصا حب ززي هيك ما بيتنمالو غير كل خير وسعادة بس قصة انو هيا نفسها فيه .. هادي بدها مليون اكس قدامها والاكسات هادي .. بيطلعلها حل واحد .. انو الجواز قسمة ونصيب من عند ربنا كان اتقدملها قبل هيك هوا وشاف الوضع كيف .. رابعا .. 3 مليون دولار يخرب بيت ام الكفرة على قولة عادل اما م 60 مليون أورار  المهم ... مش يمكن يا خال انو ربنا سبحانه وتعالى بده يعوضلو اياها ب3 مليون دولار  يعني ربنا بده يسعده ما غيرها .. وبعدين من وجهة نظري اذا كانت الزوجة اكتر منك مال واقدر شان ما فيها ولا شي .. لانو الزواج بيقوم على الاحترام والتبادل بين الطرفين صح ولا لع ... اما اذا لكت معك يا عم ايش ديتها بيت الطاعة  خامصا .. العيلة كلها وقفت مهو الحين .. وقبل ما وقف حدا معو ... انا اذا على هيك ... لو اني مطرحك بجاكر العيلة وما باخدها بس عشان هيك اما انا اذا بدي اتجوز ال3 مليون .. اشي حلو راح تضلك طول حياتك سعيد بس ما بعرف ايش بده يكون شعورها لما تعرف اني تجوزت ال3 مليون والله يا عم تحيرت انا صراحة لانو قصتي اتعس من هيك بكتير شايفين بالله عليكو .... .... الخلاصة .... انا بقوللك ايش تعمل ... لو انا محلك .. بروح بشوف حبيبتي القديمة باي طريقة ان شاء الله تليفون وبهنيها بعرسها .. وبسألها اذا هيا فاضلة بدها اياني واذا متضايقة منو والله بخرب بيت ابو الدنيا وباخدها ان شاء الله بالطوش وبالسلاح اما هيا سعيدة ومبسوطة وراح تنسعد خلص يا عم قللها بدي اتجوز .. اما والله اذا راح تنتعس معا وشرفي بخرب بيت اهلها ينعن ابو الدنيا ساعة الجد وان شاء الله يا شيخ ربنا ما بيعمل الا كل خير وما بيسير اللي كاتبة ربنا هادا تعليقي ما بعرف كيف .. انا هاي اللي طلع مني وشكرا لحسن استماعكم والسلام عليكم ورحمة الله وبركاته محدثهم ,., هادا >>
_______________________________
اوك ماشي ^__^
|
|
#3
08-03-2006, 01:52 PM
|
||||
|
||||
يا سلااااااااااااااااااااااااااااااااااااااااااام
 والله قصة مؤثرة أنا بحيي قريبك هاددا لأنو وفي وعندو كرامة  بس لازم برضو ما يلزم حالو بالعزوبية ولازم يتقبل الأمر والواقع والله يهديه ويريح قلبه قادر يا كريمم وحبيبي يا وطواط   يسلمووووووووووووووووووووووووووووووووووووووووووووو
_______________________________
  شعب إذا ضرب بالحذاء اشتكى الحذاء بأي ذنب ضرب!! 
|
|
#4
08-03-2006, 02:12 PM
|
||||
|
||||
|
ممممممممممممممممممممممم
مشكور يا وطواط بس ما بدي احكي لانو الشباب حكوا بما فيه الكفايه مشكور يا حج
_______________________________
 فــي صمتــي لك كــلام عجـز يقوله اللســــان وفي قلبــي لك مكـــان وكلـــه جنـــــــــــــــان ملاحظـــــــــــة المجدلاوي الي حفر قناه السويس عشان الشيكل الي ضاع منه بيقربلناش ولا بنعرفه
|
|
#5
08-03-2006, 02:12 PM
|
||||
|
||||
|
ممممممممممممممممممممممم
مشكور يا وطواط بس ما بدي احكي لانو الشباب حكوا بما فيه الكفايه مشكور يا حج
_______________________________
فــي صمتــي لك كــلام عجـز يقوله اللســــان وفي قلبــي لك مكـــان وكلـــه جنـــــــــــــــان ملاحظـــــــــــة المجدلاوي الي حفر قناه السويس عشان الشيكل الي ضاع منه بيقربلناش ولا بنعرفه
|
|
#6
08-03-2006, 02:16 PM
|
||||
|
||||
|
أول شي بشكرك يا سيد ص على تعليقاتك الحلوة والهادفة والله كلامك كله مزبوط يا عم بس شو تقول غير زي ما قال كاظم ( يضرب الحب شو بيزل ) وانا أكتر واحد شايفه للشب هادا لإنو إحنا صحبة عمر شي 15 -16 سنة فبعرفه كويس وبعرف كل شي عنو وعنها من يوم اول لقاء بينهم لآخر يوم وأنا بشهد إنو بيحبها وبيموت فيها ولساته بيحبها بس شو تحكي ( النصيب ) ، مع إنو هوا مش راضي يآمن إنو قصة زي هذه نصيب أما بالنسبة لمشاعرها فالصراحة أنا مش عارف وهذه الشغلة هي الوحيدة إلي عندها جوابها  المهم يسلمو على مرورك يا سيد ص ومشكور تاني على تعليقك الحلو ويسلمو دياتك .. ، غزاوي بيحرق والله مرورك أحلى يا إبن عمي وانا برضه معك إنو المفروض خلص يرمي الماضي وراه ويبدأ من جديد بس شو إلي يقنعو هوا مخه لداوي كان فيوم من الأيام يحكي عن إلي بيحبها مفيش أتنح من مخها غزاوي مخلوط بأردني بس طلع مخه أتنح هع هع ويسلمو على الدعوة وبجد ربنا يريح قلبه مشكورين
|
|
#7
08-03-2006, 02:27 PM
|
||||
|
||||
|
يسلمو مجدلاوي كريم ومشكور على مرورك بس والله كنت أتمنى إني أسمع ردك إنته ومشكور
|
|
#8
08-03-2006, 02:45 PM
|
||||
|
||||
يا أخي وطواط أنا من رأيي أنو هذا صاحبك ما يتجوزها لهادي المليونيرة لأنو ما عمرو ما المصاري ما تصنع السعادة يعني لما حيتقاتلو حيكون سبب المقاتلة دايما المصاري و الرجل اللي عندو الرجولة و أنفة الرجولة ما بيرضى أنو زوجتو تصرف عليه حتى لو كانت أغنى منو و أنا ملاحظة من كثير قصص بسمعها من الناس أنو مثل هذا الزواج ما بينجح إلا نادرا و ينتهي دائما بالطلاق بس بما أنو حبيبتو خلاص راحت عليه يحاول ينساها بشتى الوسائل (بالصلاة و الدعاء...) و يحاول يبحث عن بنت هيك حلوة و متخلقة و طيوبة تنسيه كل همومو لسة موجودين ما انقطعو من الدنيا و الحمد لله
_______________________________
  أختكم في الله
|
|
#10
08-03-2006, 02:56 PM
|
||||
|
||||
|
يسلمو زبادي ومشكورة على النصايح الحلوة وهو ما فيه حاجة حتغير رأيو يعني هوا ما حياخذ المليونيرة هذه أما بالنسبة للحب والزواج فمش عارف شو حيصير فيه يمكن ينسى ويمكن لأ الله أعلم على العموم يسلمو دياتك وشكراً على مرورك زيدونا
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | إللي كتب الموضوع | القسم | مشاركات | آخر مشاركة |
| بيت حقه 75 مليون دولار .. يابلاش | shadicheid | حبيبي يا حااااااج | 14 | 06-09-2007 11:48 PM |
| فيلا قيمتها 60 مليون دولار | دمعة اشتياق | صور يا مصوراتي .. وعلق يا معلقاتي | 20 | 23-01-2007 05:31 PM |
| مليون دولار | شبسي بطعم الليمون والفلفل | حبيبي يا حااااااج | 2 | 10-09-2006 11:21 PM |
| ما تفعل لو معك 23 مليون دولار | مجدلاوي رايق | حبيبي يا حااااااج | 11 | 26-10-2005 11:45 AM |
|
العرض العادي
