الصحيح هو انسان وفي وقليل امثاله هالايام
بس برضو لازم الواحد يشوف حاله ونصيبه

_______________________________

_______________________________

الموضوع بثلاث نقاط رئسية
1_ هي البنت الي اهلها رافضين عليه الزواج
انا مش عارفة كيف اهلها رخاص لهدرجة يعرضوا بنتهم على الزواج بهيك طريقة كمان فلوسها
لو اظل الف سنة عند ابوي ما بعملها كريف برضوا على كرامتها الي بدوس على كرامته بسهولة بكره بدوس علي بكل سهولة اما بالنسبة للبنت نفسها كيف بترضى توخد واحد ما بحبها بدها تتستر بلا هيك زواجه لازم ياخد واحد يحبني ويعرف قيمتي مو هيك زي البيعة
واظن انهم ما ساعدوا يخطب حبيبتوا كرمال ياخد بنتهم


2_ بالنسبة لحبيبته
انا ما رح احكي عنها لانى ما بعرفها بس لو انحطيت بشي موقف متل هيك لو على رقبتي ما برضى اوخد غير حبيبي بخير اهلي يا حبيبي يا اظل عندهم اضرب عن الاكل والشرب
بعمل اي اشي الموهم رفضي يصل لاهلي باي طريقة الانسان ممكن يتقبل اي اشي من اهلوا الا حدا يقرر مصيروا وما اظن اهلها زوجها الا بموافقتها انا اعمل مشاكل مع اهلي ويذبحونى اهون علي من اني اخدع انسان واكون معوا وروحي مع شخص تانى واهلي نفسهم ما برضوا لكن انى ارضخ لهيك امر واعيش حياتي وانسى حبيبي فانا ما بحبوا بكون بوهم نفسي وبوهم حبيبي بهيك حب


3 _ بالنسبة لصاحبك الا نسان كرامة لو خسرها مش ممكن يعوضها بس الفلوس برحوا بياجوا مدامك مقتنع بالي بتعملوا ما تهتم لحدا تانى بالنسبة كيف تنساها
صدقني لو حبك اليها صادق مستحيل تنساها الا ازا حبها اليك مات بقلبها لحظتها رح تدرك انك لازم تعيش حياتك وتنساه وانت رح تصل لشعور هدا مع مرور الايام ما تستعجل
وانا بقلك عسى ان تكرهوا شيء وهو خير لكم يمكن ربنا يعوضك خير
وما تسمع كلا السيد ص كلوا هبل ومش معقول شو طخ وتخطفها الي بحب وحده ما برضى يوطي راسها قدام البشر بلعكس بخليها تعتز فيه وانها حبتوا

اما بالنسبة لتصويت مش رح اصوت لانى فشي خيار حسيته تقيم لشخصيته لانو انسان بمعنى الكلمة يا ريت كل الشباب مثلوا وربنا يعوضوا خير

_______________________________

_______________________________
قال تعالى بَلْ تُؤْثِرُونَ الْحَيَاةَ الدُّنْيَا * وَالْآَخِرَةُ خَيْرٌ وَأَبْقَى

سلام

اولا تحياتي لصديقك الشجاع

بعتبره شجاع لانه قدر يرفض هيك لعبه

اولا انا مع انه يرفض هيك عرض رفض قاطع ومن غير تفكير كمان

اتنين لو فرضنا انه قبل شو راح تكون حياته بظل قريبته اللي ما بحبها واللي اخدها

بلحظة ضعف وضغط - راح تكون اكبر غلظه بحياته وراح يدمرها معه

وبعدين مين الاهبل هالايامات بعرض بنته للبيع بهالطريقه - قمة الحقاره للاسف

( اسمحلي عم اطلع غضبي على هالطريقه)

تلاته اختلف مع صاحبك بقفل قلبه للابد ويا هي يا بلا , وانا مع انه يبقى فتره كافيه

من غير تفكير بالزواج ليعيد اموره وحساباته من جديد واختياره يكون صح

رابعا لو البنت فعلا بتحبه بجد كانت رفضت العريس الجديد بكل الوسائل

احنا البنات مش هينات وبايدينا كمان نضغط على اهلنا ونختار اللي بدنا اياه

انا ما بشكك بحبها بس انا بشكك باستحقاقها فيه - ما بتستاهل صاحبك واثبت انه

رجال بمعنى الكلمه وعنده اياها بالدنيا كلها

كل الاحترام اله بس ما يظل حافظ العهد للابد لانها ما بتستاهل

لو بتستاهل كانت عملت اي شي وفركشت خطبتها

وتحياتي

_______________________________

قُـل لِمَن عابَ صمته ***خُـلِقَ الحَـزمُ ابكما

اول شي يا عم وطواط الليل هي قصة كتير حلوووووووووو

والاحلي كمان انها سارت معي لاكن التفاصيل شوي كانت تختلف

وانا بعد معاناه توصلت لحل واوجدته له واقنعته بيه وهو الان ( الله يستر عليه )

عايش مرتاح ومبسوط وانا بدي اقلك الحل وانته جربه مع صاحبك يا كبيييييييير

الحل:::::::::

صاحبك مش بيقول انه بيحبها كتير وراح يموت علشانها

انته لازم تفهمه شغلة واحده انو الموضوع كله قسمة ونصيب وهي مش من قسمتو

فلو هوا بيحبها بجد لازم يتمنالها الخير بحياتها ويتركها تعيش ولازم يتحمل الألم ويعاني

مشان الانسانة الي كانت في يوم من الايام حبيبة القلب لذلك لو انه بيحبها بجد لازم يفهم

انه ما بيرضي يمس كرامة الانسانة الي بيحبها ولا يخرب عليها ولازم يعقل ويفكر بشكل تاني

ويبعد عن باله انو هو حبها ويحط حاله مان شخص تاني , انا متأكد انه راح يعاني لاكن صدقني

لو هوا بيحبها عن جد لازم ينساها ويتمنالها الخير لانها وصلت لمرحلة خلاص لا يمكن الرجوع

عنها ( يعني زي فلم لا تراجع ولا استسلام ) قصدي من كل الدش والبرم هاده انك تحكيله

شغلة واحد بس وتسألو انته بتحبها عن جد اكيد راح يقلك نعم سعيتها بتقله لو انك بتحبها

بجد ومن كل قلبك لازم تتمنالها الخير والسعادة في حياتها وتنساها وتخليها ذكري جميلة .

اهى اهي اهي اهي اهي اهي

انا تعبت من البرم

ومشكور علي الموضوع يا وطواط الليل

_______________________________

.............................................

اختي فلسطينية اسمحيلي اختلف معك بالنقطة الرابعة ولو اني ماحبيت اعلق بردي على نقطة الصبية اللي حبها لانه اعتبرت الخوض بالموضوع مابقدم ولاباخر ومابهم مين اللي بايع ومين اللي شاري لانه انتهى.... وطواط الليل حسب ماكتب انه ربطها حوالي اربع او خمس سنين.. يعني نفترض كان عمرها 20 سنة يعني اصبح عمرها حوالي 25 سنة وبغزة في مقياس للعمر صعب تجاوزه بالنسبة للصبية والزواج والله يعلم لسه كم سنة بدو هادا ازا ماصار اشي بنص الطريق وخرب المشروع... تانيا صبرت خمس سنين رافضة العرسان مخاطرة بسمعتها متحملة ضغط اهلها مضيعة سنين عمرها وهاي بعتبرها بطولة بحد ذاتها... تالتا خمس سنين والشاب ماغير بوضعه هادا يعتبر فشل او يااما هي مش معتبرها هدف محرز يتحرك عشانها وماتحكيلي الظروف لانه هادي حجة الفاشل بس... ومش سهل تتحدى اهلها هيك فترة طويلة لانه فعلا الحجج بتخلص وبالنهاية لو عرفو اهلها الموال اللي براسها راح يحكو خليه يجي يتقدم وحسب مافهمت ظروفه لاتسمح بالزواج هادا ازا ماسلخوها قبل... يعني ماتقلبو الحق باطل والباطل حق... هو المذنب بحقها وهي المضحية وعداها العيب بخمسين الف سنة ضوئية انما للصبر حدود والا بتكون مغفلة وبضيع حياتها هادا ازا مش اهلها اجبروها على مصلحتها وماكان باختيارها.. هو اجرم بحقها بانه ربطها عاطفيا وهو ماعنده القدرة على الزواج ولا حتى بالمستقبل البعيد اللي هو اليوم -يعني بعد خمس سنين- طبعا انا حكيت ظروف البنت من ناحية عامة اما ظروفها الشخصية اكيد لسه انيل والله يعينها على مصيبتها لاني بعرف شو يعني البنت تحب وتتزوج غير حبيبها... واقل مافيها يعاقب حاله على اللعب بمشاعرها بانه يعيش يتذكرها العمر كله ولو اني بقطع ايدي من هون ان صار مقتدر ماديا واستنى لحظة وحدة من غير زواج عصبت انا..............................

وعلى فكرة عنوان الموضوع كله مستفز.. رمى تلاتة مليون... ليه همن كانو اله؟؟ يعني لو اتزوج البنت الغنية حياخد مصاريها ويحطهم بجيبته او راح تعطيه مصروف منهم كل يوم؟؟؟؟؟ ولما رفضها يعني رمى المصاري؟؟؟؟؟؟ ولو واحد ما اطلع على مصاري البنت يعتبر سوبرمان؟؟؟؟ واللي بطلع على مصاريها وضع طبيعي؟؟؟؟؟؟؟ ياريت حد يفهمني شو يعني رجل وشو يعني امراة لانه شكلكم ماخدين فكرة غلط كتير

ماحد يزعل من راي شخصي... واللي بدو يزعل بكون بستاهل

_______________________________
قال تعالى بَلْ تُؤْثِرُونَ الْحَيَاةَ الدُّنْيَا * وَالْآَخِرَةُ خَيْرٌ وَأَبْقَى

تحياتي ادم

راي منطقي

انا ما انتبهت لانه ربطها كل هالفتره

وبعدين هو او هي اذا فعلا رايدين بعض الماديات بتكون اخر شي

وهاد رايي الشخصي وباستطاعتهم انهم يبنوا نفسهم بنفسهم

وضعه ووضعها وكل المشكله حلها بايدهم الاتنين ومش مع حد تاني

وكمان مره اذا فعلا بستحقوا بعض الاتنين بتنازلوا شوي عن الطموحات وبغيروا الخطط

المستقبليه الكبيره عليهم - وبعدين مين قال انه لازم يكون مليونير عشان يتقدملها

على قد فراشك مد اجريك

بالعربي هاد انتي وهاد اصلك وفصلك ب 100 شيكل ولا بمليون المهم الاصل

وغلط واكبر غلط تخليها تنتظر هالفتره كلها على حلم كداب وانت ما كذبت عليها بحالتك الماديه

فليش التاجيل ؟؟؟

كل ما طالت القصه بتتعقد اكتر وبصير حلها اصعب

ومشكور جدا ادم على رايك مع اني اختلف معك بنقاط قليله

_______________________________

قُـل لِمَن عابَ صمته ***خُـلِقَ الحَـزمُ ابكما

_______________________________
قال تعالى بَلْ تُؤْثِرُونَ الْحَيَاةَ الدُّنْيَا * وَالْآَخِرَةُ خَيْرٌ وَأَبْقَى

مشكور اخي على شعورك النبيل وانا ما اعتبرت ردك همجي بالعكس تماما

بس بختلف معك باهل البنت الفلسطينيه ( بالاحمر )

لانه مش كل الناس تفكيرها رجعي هالقد ولكل قاعده شواذ

واحنا بالقرن ال 21 ولا العقل ولا الدين بقبل بهيك شي

_______________________________

قُـل لِمَن عابَ صمته ***خُـلِقَ الحَـزمُ ابكما