|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
23-06-2009, 08:30 PM
|
||||
|
||||
بدي دار يحالي بسكنش مع اهلك يا بطلقك من قبل متيجي ض2
موضوع للبنات ويا ويلك يلي بتعادينا >> الشباب  هلأ هونا بغزة اكتر شي يلي بتجوزا اغلبهم عند اهلهم  خاصة انو ما في مواد بناء وكل شي مقطوع  ومضطر الشب يسكن عند اهلو عبال ما الله يفرجها  يا إما يعنس احسلو  فهو مش فارقة معو يسكن مع اهلو عادي الفارق معاكي يا بنت انتي وهي  وفي شباب بتفرق معها بردو  و في كمان برة غزة وفلسطين هادي العادة انو يسكن عند اهلو مهي الشغلة هادي منز الازل الها  وبنات اليوم ما برضو الا يحالهم فلو يا بنات تقدملكو شب او بتحبو شاب وخطبك وقلتي لو اسكن مش بس مع اهلو مع عيلتو كلها نفر نفر بس اعيش مع حبيبي  واول متعيشي معو شهر عسل والشهر اللي بعدو يقلب بصل عطول >>ما بوشبكم واكيد بنات الحما ما بتفقو مع الكنة الا ما قل وندررر والحماية موضوع تاني وزهقنا مواضيع الكنة والحماية بس لب موضوعي انو بتسكني مع أهلو بنفس الدار ولو مؤقت ولا بتسكني معاهم وتكوني تحتيهم او فوقيهم بالطوابق يعني  ولا بتقولي انا بحارة وهم بحارة  >>لايك مي  يعني من الاخر بتسكني مع اهلو ولا بدك دار يحالك وليش وعشان ايش والحوار مفتوووح عالغربي  مش تزودوها ض2وما في مانع لو الشب ابدا رأيو عن نفسو مش اكتر بعينا الله بنسمحلكو كل مواضيعي عن الاشي هادا يخرب بيت الفضول
_______________________________
. . .  
|
| شكر من هدول الأعضاء يا فدا الروح على هالموضوع المرتب: | ||
|
#2
23-06-2009, 08:35 PM
|
||||
|
||||
|
اذا الاشي انطرح قبل هيك مليش دعوة مفيش فايدة 
_______________________________
. . .
|
|
#3
23-06-2009, 08:39 PM
|
||||
|
||||
|
من وين نجيبلك دار لحالك هههههههههههه لا والله شوفي يا خالتي انا مع الفريق اللي بشجع انه كل واحد يعيش لحاله ولو حكينا انه راح يتفقوا اهل البيت مع مرتك يا اخي مرتك بدها تاخد راحتها بالبيت ولا شو زمبها تضل لابسة الحجاب بالبيت علشان اخوانك موجودين اهلييين يعني انا لو عندي اخت وبدها تتجوز قبل ما يحكي اي كلمة بدوا يسلمني مفتاح شقة لحالها طبعا مش مشكلة شو نوعية الشقة ان شاء الله شقة بغرفة وحدة وحمام ومطبخ بس انه تكون لحالها وماخدة حريتها انا عن نفسي الحمد الله بتزوجش في بيت اهلي يعني مريح راسي 
_______________________________
.... بعرفش اوقع 
|
|
#4
23-06-2009, 08:54 PM
|
||||
|
||||
|
والله اذا ع قد الحماية شغلتها هينة تكبير الدماغ بيشتغل وهي بتزهق والا منصير اصحاب  بس سلفات وسلاف عزابية بتصير فيها مشاكل وفلان قال وعلان عمل حتى لو حبيبي عايش معي ومع اهله ما بيمشي الحال لانه راح يقولوا عملها وسوالها الخلاصة: يحالي ولحالي ولوحدي وألون كمان  بلا وجع راس ولا حتى بنفس البناية وكل واحد بشقة  ابعد تحلى
_______________________________
 بارك الله لكم في رمضان
|
|
#5
23-06-2009, 08:55 PM
|
||||
|
||||
|
شوفي يا فدا هيا مش قصة انه تكون بشقة لحالها او مش لحالها بس هادي راحة بتكون الهم هما التنين الزلمة ومرته يكونو الزوجين ببيت لحالهم افضل بمليون مرة من انه يكون مع اهلو او شغلة من خوف المشاكل بين اهلو وبين مرتو تاني شغلة مش راح تاخد لا حريتها ولا جوزها رح ياخد حريته معها تالت شغلة وهيا الاهــــم .. انه لو حصل بين الزوجين خلاف وزعل هادا يكون ببيتهم لحالهم من غير فضايح ويعرفو الاهل بكل صغيرة وكبيرة بينهم واهل البنت لما يرفضو انها تكون بنتهم ببيت لحالهم لانهم بيكونو عارفين انه لو ايش مصار بين الزوجين 50 بالمية من المشاكل رح تتلاشى فورا بعدين بيقولك المثل ( ابعد تحلا ) حلو كتيــر موضوعك .. يعطيكي الف عافية
_______________________________
.. •• ••
|
|
#6
23-06-2009, 09:01 PM
|
||||
|
||||
|
موضوع جميل وفي محله وخصوصا بهالايام ... بالنسبة الي ..وبشكل عام يعني لو احنا مش فهيك وضع ... فاكيد بفضل اعيش في بيت لحالنا انا وزوجي واولادي ومش مشكلة ازا كان في عمارة مثلا المهم بشقة لحال ... هيك الواحد بياخد راحته .. وعلى الاقلية بيبعد عن المؤثرات الخارجية ووجعة الراس وبيصير الاستقلال والاستقرار الي واله ...  ...< ويارب نسكن انا وسعيد الحظ من اول عمري لحااااااالنا >وهذا لانو اخي فرحه قريب جدا وموفرين اله شقة هو وزوجته وربنا يسعدهم ويهنيهم ... يعني زي ما بقولوا مرفهين بنات الناس واحنا لا  بس ان شاء الله بصير كل خير .... المهم اما انا شايفة بهيك وضع بالمرة فوضع الشباب لا يحسدوا عليه ...وفي منهم بيكون معاه فلوس لكن ما في مواد بناء فكيف هاد المسكين بده يبني بيت وهو ما في شي بالبلد ... فالبنات لازم يحطن هالشي بعين الاعتبار ما يكونن سفاحات وما بحسن وبعدين ان شاء الله تفرج وفي المستقبل بيبنوا الهم احلى بيت .. فلازم نتساهل مع الوضع والواقع المفروض علينا والله شباب غزة في هالايام بيحزنوني .... والله يعين الناس والله يسعدهم وينولهم اللي في بالهم وكل ما يتمنوا وبعد الصببر ان شاء الله الفرج ..... والسلااااااام على من رضي يتزوج في بيت العيلة  والله مهو انا ههههالسلام عليكم تحيتي ::
|
|
#7
23-06-2009, 09:14 PM
|
|||
|
|||
|
مسا الخير ياقمر  شو هالمواضيع اللزوزه هي من وين بتطلعي هالافكار بالنسبه للسؤال تبعك .. مع الايام والعمر والخبره >> اسلو عمري 100 سنه هوى انتي مش عارفه اعتقد انو الافضل للبنت تسكن لحالها .. حتى لو كانو اهلو للشب مناح وعاقلين .. بس ممكن تطلع مشاكل من تحت الارض  وحتى لو كانت متفقه معو انو مثلا يسكنو عند اهلو فتره بعدين يروحو يعيشو ببيت لحالن .. بس يتزوج ويقعد عند اهلو هاتي اللي يطلعو  فـ ليش وجعة الراس من البدايه .. تسكن لحالها وخلص .. وازا اجا الموضوع لالي بفضل 98% اكون لحالي .. ومابقبل الا بحاله وحده .. يكون البيت مافيو ولا شب غير زوزي وتكون امو ست كبيره وصوتها مابيطلع وهاد اللي مش ممكن تلاقيه بس في صبايا بيكونو عاقلات وما الهم صوت عين الله عليهم (.. انا مو منهم للأسف الشديد )هدول يمكن بيرتاحو اكتر لما يسكنو مع اهلو.. مابتكون مظطره كل يوم تصحى تعمل فطور واكل .. ممكن في حدن غيرها يعمل .. ولو بتشتغل وبتتاخر بالرجعه .. بيكون في ناس دايرين بالهم عالزغار .. اه وكمان .. بدي اسكن بمنطقه بعيده عن اهلو وعن اهلي .. اريح النا احنا الاتنين مشان الواحد يريح راسو لكن ارجع واقول .. الاحسن بيت لحالا .. في مليان شغلات بدي احكيها بالموضوع كنت حابه انتشر فيو بس مابحب ردي يكون طويل كتير يعطيكي العافيه
_______________________________
. .  !..Don’t worry !..You will be next to me
|
|
#8
23-06-2009, 09:31 PM
|
||||
|
||||
|
استعنا ع الشقا بالله أولا أنا ضد إنو يسكنو الشباب المتزوجين جديد ببيت اهليهم لأنو العروس بدها توخد راحتها يا عمي ما بصير تنحشر أربع وعشرين أو عشرون ساعة بالغرفه  ويمكن دار حماها يسكتو اسبوع ... اسبوعين .... بعدها ببلش الزن ... وتعال يما هيه مرتك بتعرفش تتطبخ ؟؟ يما هيه مرتك مالها طول اليوم نايمه ؟؟ يما احكيلك كلمة وخليها تجلي معانا بصيرش تضلها مستته !! ودوودودودودودودودوددوودودودودود على هالحال .. فليش أتعب حالي وارضى من البدايه اعيش في عيله .. هوه يمكن في شباب مش مقدرتهم انهم يطلعو ببيت لحالهم هاد اشي برجعلو .. والله عال معوش ميلزموش  بس لو كان البيت ما في إلا امو وابوه وقتها بصير في حكي تاني .. وممكن الواحد يقتنع وبالنهاية الله يبعتلنا شخص مرتب وحليوه ومعو مصاري وشكرا على الموضوع الحلو .. وخاصة انو قرب موسم التزاوج بين الفلسطينيين والعرب بشكل عام
|
|
#9
23-06-2009, 09:55 PM
|
||||
|
||||
|
هلا هلا بالانسة فدو شوفي يابنت انا عندي اسكن في غرفة وحمام ومطبخ لحالي احسن من اسكن مع بيت اهلو لجوزي واكيد ازا عشات مع اهلو شهر حلو مش هعيش الشهر اللي بعدو والكل عارف شو المشاكل اللي راح تسير من اي طرف كان سواء الحماة او ازا كان جوزي خوات او اخوة وبعدين والله مهيا حلوة اسكن مع بيت اهلو لجوزي خصوصا ازا كان في شباب يعني البنات بدهم ياخدو راحتهم بردو.. ولا كيف شسموو بالاخر بحب احكيلك ازا اليوم كانو معك اهل جوزك مناح اكيد مش راح يضلو مناح عطوول وانا من جهتي ما بتجوز غير ببيت يحالي والواحد ما بيرتاح غير ببيت لحالو سواء الشب او البنت الاستقرار مهم ياعسولة يسلمو عالموضوع والله بدو برم كتير وطرح مشاكل بس مش فضيالك منورة^^
_______________________________
صدمه شعَ‘ـۈري بآلبشـر // مآهي غَ‘ـريبـه!! بس الغريبه ليش أنآ .. | مآ تعلمـت «
|
|
#10
23-06-2009, 09:58 PM
|
||||
|
||||
|
والله انا عن نفسي لازم يكون الي بيت لحالي حتى لو كان بنفس العماره مافي مانع بس مو نفس الشقه لانه راح تصير مشاكل كتير من ناحيه الاكل والراحه والنوم والشغل حتى لما يجي عندي اهلي او قرايبي راح يدايقو ويتقلوا مهما كان فاسكن ببيت لحالي اريح واروق لالي ولالهم وبعدين اول شرط عند بابا بيت لحالها ولازم ينكتب بعقد الزواج موضوع كتير حلوو ومهم انو نعرف رئي الاعضاء كلهم سواء شباب او صبايا
_______________________________
 أعلم يقيناً بحسن ظنّي بكَ يا الله أسألك بكرمكَ أن تجعل أمنياتي حقيقة .. ! بكل خير يبهجني ويسعدني .. وأسألك بفضلك أن ترزقني ” الفرح ” الذي انتظرته طويلاً وحدك ياا الله تعلم بتلك الأمنيات التي خبأتها في قلبي .. ما بُحت بها لأحد سواك .. كم أحتاجها يالله .. إنك على كل شئ قدير إن مرت الايام ولم تروني فهذه مشاركاتي فـتذكرونى وان غبت ولم تجدوني أكون وقتها بحاجة للدعاء فادعــــولي
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | إللي كتب الموضوع | القسم | مشاركات | آخر مشاركة |
| غصب عن ابو اهلك بدك ترحب بي | alneas | إتفضل يخو | 16 | 04-02-2010 11:23 PM |
| شو الشي اللي اشتريتو من ورا اهلك ؟؟ | فلسطينية_سورية | ساحة الألعاب | 24 | 08-08-2009 07:23 PM |
| للبنات كيف راح يكون شعورك بين اهلك | bol_bol | قعدة نسوان | 6 | 06-05-2007 09:15 PM |
| ما مدى تدخل اهلك .... ياريت تدخلوووووا | لحن الحياه | أشخرلي وأشخرلك | 20 | 13-04-2007 02:14 AM |
| تضحي اهلك...ام بمن تحب؟! | حولة بنضارة | أشخرلي وأشخرلك | 4 | 03-09-2006 06:36 AM |
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
