|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
05-07-2009, 10:27 PM
|
||||
|
||||
**نشطاء السلام الإسرائيليين وغيرهم**
مسا الخير عل رجال والنسوان كمان يعني هن حقهن ناقص ازيكم المهم بعد الانتهاء من شد شعور بعض ونتف دقون بعض وبعد ما غرقنا بعض تفافة في موضوع بروف وابو التيت  نلتقى مع حلقة اخرى من حلقات الشخر وهل مرة من تقديمي بعنوان ::نشطاء السلام الإسرائيليين وغيرهم:: كلنا سمعنا في نشطاء السلام من غير الجنسيات العربية وقديش ناس برزت في المضمار هادا وحاولت كتير انها تقدم شي لو بسيط للناس الغلابة الي مالهم ذنب غير انهم ضحايا الحرب القائمة بينا وبين اليهود كتير بيجي علينا وبقصد القطاع يعني ناس من امريكا او من اي دولة اوروبيه وبنشوفهم قديش بكونو محترمين ومتعاويني وطيبين جدا وبتأذو من الوضع القائم يمكن اكتر منا انا شخصيا اشتغلت مع مجموعه من الناس هادي وكانو عبارة عن جماعة من الرهبان الامريكان مهمتهم انهم ينقلو الحقيقه الي بتصير عنا في القطاع للناس في امريكا لانو هناك الاعلام مفهمهم انو احنا الي محتلين اسرائيل وانو اليهود هم الغلابة واحنا المتوحشين لحتى الان احنا ممكن نتقبل الناس هادي لكن نيجي للموضوع الشائك وهو نشطاء السلام من الاسرائيليين نفسهم احنا مخنا الفلسطيني مركب انو يكون عندو حساسية من اي شي من ريحة اليهود حتى لو كان ملاك يعني لو شفت يهودي بقرأ قدامك قران وبصلي صعب جدا انك تأمنلو في ناس منهم مناصرين للفلسطيين ضحايا الهجمات الاسرائيليه سواء عنا او في الضفه كمان لانو في منهم كتير في الضفه وبتسمعو عن المسيرات الدورية الي بتصير عند جدار الفصل العنصري في بلعين ونعلين وغيرها بكون الاسرائيلي جمب الى جمب مع الفلسطيني وبينهم تعاون كبير بل وبتعرضو للضرب كمان من قوات الاحتلال الناس هادي لما تشوفها وتسمع كلامها بتحسهم ناس طيبين وفعلا صادقين في نواياهم تجاهنا خصوصا انهم بعملو نشاطات خيرية ومشاريع مساعدة للناس المنكوبه بس احنا هنا ما بنشوف منها شي بحكم الحصار لكن في الضفه في منها كتير للعلم انا بحكي عن الناس الي ضد الاحتلال وبناء المستوطنات وفعلا بدها سلام وحل دولتين من غير ما اطول في الكلام اكتر من هيك محور النقاش حيكون في التالي شو موقفك من الناس هادي؟سواء امريكان او اوروبيين او حتى اسرائيليين؟ هل بتصدق الناس هادي فعلا انها مناهضه لحكومتها ومناصرة للشعب المنكوب؟ هل ممكن تصاحب منهم يعني وتروح عليهم وتستضيف منهم ناس في بيتك؟ في رأي شب صاحبي بحكي بقول انو مجرد وجود الناس هادي على ارضنا فهو دعم لحكوماتهم مهما حاولو يدعمونا يعني ازا فعلا بدهم يساعدونا يرحلو من فلسطين كلها شو رأيك انتا/ي؟ واي اضافات اخرى اهلا وسهلا فيها اتفضلو ملاحظة:يا ريت الي يرد يتابع الموضوع عشان ازا في نقاش ارد عليه ويرد علي خلينا نولعها
_______________________________
 
|
| شكر من هدول الأعضاء يا ^سينجي^ على هالموضوع المرتب: | ||
|
#2
06-07-2009, 06:10 PM
|
||||
|
||||
يعطيك العافيه يا سينجي ********* موضوعك فيه وجهة نظر هلأ اي مفوض سياسي بيجي ع غزه او ع غيرها ف هو متكلم بأسم حكومته يعني مش ح يكون معارض لحكومته او لنهجها لهيك ف انا نشطاء السلام السياسيين شو ماكانت جنسيتو تكون اسرائيلي امريكي ما بآمن ولا بثق فيه لانهم كلهم حتى لو بينولك انه قلوبهم علينا او عليكم بالاصح لانه انتو الي عايشين الوضع فهو مش اشي جديد لانه الكل ببين قدامنا انه قلبو عنا بس للاسف الحكي عندهم ما الو قيمه وببلاش والي ببلاش كتر منو صح ولا لأ ؟ اما ان كانو نشطاء من غير التوجه السياسي فلو كان امريكي ممكن تكون من ناحيه انسانيه هو احسن من حكومته واكيد مش كل الميركان راضيين عن الي بعملو رؤساءهم بالعرب وممكن يكون فيها حكي واخد وعطا وممكن تكون في علاقات انسانيه لكن ازا كان يهودي ف هون بتختلف متل ما انت حكيت لو انه ملاك ولا بطلع فيه حتى لانه لو كان بجد قلبو شسمو و ناشط سلام ليش لهلأ ع ارضنا شو بعمل عليها يكمل معروفو ابو السلام هادا ويلم بقجتو وينقلع بألف داهيه هون بكون ناشط سلام وبعدين بصراحه معظمهم عاملين زي الي بقتل القتيل وبمشي بجنازتو وبدعي يارب اظهر قاتلو انا بحكي عن النشطاء السياسين مش الي بيجو بصفه خيريه او استطلاع او غيرو بتمنى تكون وصلت وجهة نظري واضحه يسلمو ايديك يا كبير
_______________________________
 أشتاق لأن اعيش في "وطن " طالما سمعت عنه
|
|
#3
07-07-2009, 11:51 AM
|
||||
|
||||
|
اهلين أبو السنانيج يعطيك العافية يا كبير عالموضوع شكلك بتكمل فيه حلقة بروف هلقيت القصة مش قصة عنادة ولا قصة إنو خلص احنا مخنا حجر لكن ديناا هيك علمنااا وثقفنااا إنو اليهود والنصارى أعداءنا في كل الأحوال هلقيت في حالة صلى وقرأ قرآن مهو بتقدرش تقول عنه يهودي هيك بيكون صار مسلم وبالعكس بنفتخر فيه مهما كانت جنسيته الدين الإسلامي هوا الحل الوحيد والوسيط الوحيد أما تقولي نشطاء سلام هادا كلام فاضي وإعلام فاسد وأنا رح أجيبلك أكبر دليل توني بلير أو طوني بلير رئيس وزراء بريطانيا سابقاااا لما كان ماسك حكومته كيف كان !! كان مناصر لإسرائيل والدولة الإسرائيلية الواحدة وكان ضد الفلسطينيين الإرهابيين لكن بعد ما شاتوه شلوط وطار عن الحكم إيش صار هلقيت صار ناشط من نشطاء السلام يدعم الدولتين و و و و .. هادا إن كان إله تفسير بيكون هوا إنو الناس اللي بتفضى وبتنضرب شلوط بتصير مناصرة للدولتين وراكنين محدش حيسمعهم كل اللي رح يعملوه رح يكسبه صدى إعلامي جيد ولكن بردو انا مش رح أنفي الإشي كله يعني انا كمان كنت صديق مقرب لجروب إيطالي بروح عندهم عالبيت وبطلع معهم وتمام التمام وفعلا كانوا مناصرين ويطلعوا مسيرات وممكن يتعرضوا للضرب يعني فيه هيك وفيه هيك أنا ممكن أتقبل كل الجنسيات لكن إسرائيلي يهودي طبعاا مستحيل قطعاا أصدقه خلص هيك اناا مخي تنك بعيد عنك يعطيك العافية يا كبير
_______________________________
Thx soose ,:, .. ,:, في يدينا بقية من بلاد ,, فاستريحوا كي لا تضيع البقية ,,
|
|
#4
07-07-2009, 12:14 PM
|
||||
|
||||
|
يسلمو عالموضوع ويعطيك العافيه على الطرح الحلو شو موقفك من الناس هادي؟سواء امريكان او اوروبيين او حتى اسرائيليين؟ موقفي انه هدول غطاء للعمايل السوده الي حكوماتهم بتسويها في شعبنا ... اما من ناحيه انهم صادقين ولا لأ طبعا لأ لانه لو هما صادقين كان شفنا افعال حقيقيه على ارض الواقع هل بتصدق الناس هادي فعلا انها مناهضه لحكومتها ومناصرة للشعب المنكوب؟ لا طبعا .. ازا ربنا قال { وَلَنْ تَرْضَى عَنْكَ الْيَهُودُ وَلَا النَّصَارَى حَتَّى تَتَّبِعَ مِلَّتَهُمْ }.. صدق الله العظيم هل ممكن تصاحب منهم يعني وتروح عليهم وتستضيف منهم ناس في بيتك؟ لا في رأي شب صاحبي بحكي بقول انو مجرد وجود الناس هادي على ارضنا فهو دعم لحكوماتهم مهما حاولو يدعمونا يعني ازا فعلا بدهم يساعدونا يرحلو من فلسطين كلها صدق صاحبك انا رأي انهم ناس بيدعو للنصرانيه بس بشكل تاني و مخفي .. يعني بورجو العالم طيبه اخلاقهم و حسن نواياهم و انه على اساس دينهم بيحث على هدا الشي .. و طبعا ضعاف الايمان و صارو ا الحين كتار كتير راح يعملو مقارنه بين العماليل الي بعملوها المسلمين في مجتمعنا و بينهم راح يلاقو انهم احسن عالاكيد تقبلو مروري تحياااتي
_______________________________
 ممنوع الاقتراااااااااااب  ܓ♥ [ ..يفيوووفه..] ܓ♥
|
|
#5
07-07-2009, 02:55 PM
|
||||
|
||||
|
ببساطة أنا مو مقتنعة باللي بيسموهم نشطاء السلام لأني ما بشوفهم بيعملو هالشي العظيم يعني .. مجرد شعارات وبينادو بالسلام وهاد كلو حكي وبيضحكو فيه على حالهم وعلينا .... شو ما عملو بيظلو غطاء لحكوماتهم اللي بتدمر وهني على أساس بيحاولو يساعدونا ... وبعدين معروف من زمان إنو اليهود والنصارى ما بيعملو شي من غير ما يكون إلهم أهداف وبدهم يحققوها ،ومتل ما عم بنشوف في الدول الفقيرة كيف بيساعدو الناس لحتى بالأخير يتنصرو ... يعني ما في شي لله تعالى هيك ... وطبعا ما بفكر أتعرف على حدا منهم ولا حتى أستضيفه عندي لأني مو مقتنعة فيهم بالمرة ... ولو اقتنعت شوي ممكن يكون بأي جنسية أجنبية إلا اليهودي والإسرائيلي مستحيل أصدقه.. وبعدين من طول عمرنا بنشوفهم بيطلعو مظاهرات وبيحكو شعارات وكلها على الفاضي وما استفدنا منها بشي أبدا... شو فايدة الحكي من غير أفعال ولا شاطرين بالكلام لأنو سهل ... هاي وجهة نظري ويمكن ما تعجب حدا بس أنا مقتنعة فيها ويعطيك العافية سينجي على الطرح الحلو ...
_______________________________
دع الأقدار تفعل ما تشاء...ولا تسأل عن غد...فإنه في علم رب السماء...  ننوسة الأمورة 
|
|
#6
07-07-2009, 03:21 PM
|
||||
|
||||
|
خايفة أرد انطرد من الموضوع  في مثل دايمن بنقولو نام عند المسيحي وكول عند اليهودي المعنى انو المسيحية اكلها مو مأمن من لحم خنازير وما شابه اما انو ما تنام عند اليهودي لانو ما بتصف بالامانة بل الخيانة بدمو يعني ممكن يخليك وانتا نايم جنبو وصحبة ويا محلاكو تقوم حرب عطول منغير تفكير وانتا نايم بيقتلك يعني كلهم خونة ولصالحهم اي نعم في بحبو السلام من الشارع تاعهم بس لا بحكمو ولا برسمو مو طالع بإيدهم شي بدهم يعيشو بس  وانا مليش بالسياسة ابسر ردي بمحلو ولا لأ اانا اللي بالطبيخ والاجتماعيات  وشكرن
_______________________________
. . . 
|
|
#7
07-07-2009, 10:11 PM
|
||||
|
||||
|
مسالخير هلقيت في تلات محاور هان مش واحد اول شي هو نشطاء السلام الاسرائليين تاني شي نشطاء السلام الاجانب تالت شي نشطاء السلام اليهود بالنسبة لنشطاء السلام الاسرائيلين... هادي اكبر كزبة في التاريخ شارون يقتلنا واخوه يقول لا حرام وخدولكو هالمساعدة!!! مجرد وجودك على ارضنا وانك ماخد الجنسية الاسرائيلية معناته انه مؤيد لوجود دولة اسرائيل وبالتالي بيكون عدونا... نقطة وسطر جديد اما النشطاء الاجانب..... هدول الصديق اللدود وجودهم عدنا مكسب... لأنهم بيصوروا الحقيقة وبيوروها للغرب وبالتالي بيكون عندهم مصداقية كبيرة عند شعوبهم بالاضافة انهم بيساعدوا قد ما يقدروا ومرات بيدافع عن قضيتنا احسن منا كمان زي هداك البريطاني ناسيه اسمه بس اظن انه نائب بالبرلمان ما شالله بيحكي وبيناقش بفكر ووعي ومنطقيه وحتى لو هالناشط امريكي.... زيه زي اي ناشط تاني لانه هو انولد امريكي مش متل الاسرائيلي بس مشكلتهم انه لا يؤمن جانبهم الله اعلم ازا كان جاسوس ولا من المنصرين وحتى لو كان على نياته بنضل نفكر بهالنقطة.... مرة واحد حكالي: احنا شعب ما بنقدر نثق ثقة كبيرة بأي حد... حتى حالنا نيجي للنشطاء اليهود بس المش اسرائيلين يعني احنا من يوم ما انخلقنا واحنا عندنا حساسية من كلمة يهودي مجرد هالكلمة بتجيب مغص وبتخلينا نشوف اي حاجة بيعملوها غلط وعشانهم حاقدين علينا وهو حقيقة أقرها القران مرة استضافت الجزيرة حاخام يهودي مناهض لاسرائيل في برنامج بلا حدود بتزكر يومها قعدنا نسمع فيه وكأن على رؤسنا الطير بيحكي كلام كويس,,, بس مش مبلوع واللي نرفزني انه كل المتصلين وحتى مقدم البرنامج قعدوا يبجلوا فيه ويكبروا في حتة وشهد شاهد من اهلها اليهود لا يؤمن شرهم ابدا واللي بيقرا بروتوكلاتهم الصهيونية بيعرف انه لو شو ما عملوا بيضلوا يهود وما حدا بيأمنلهم هو اللي عمله هتلر فيهم من شوية طولت بس موضوع واقع ولازم نكون واعيين إله مشكور عالطرح المميز
_______________________________
 يا رب كُــــن لهم ناصراً ومعيناً
|
|
#8
08-07-2009, 01:30 AM
|
||||
|
||||
|
اقتباس:
الله يسلمك نورت الموضوع وبشكرك على ردك ومرورك
_______________________________
|
|
#9
08-07-2009, 01:38 AM
|
||||
|
||||
|
اقتباس:
انتا حتقولي عن مخك منا عارفو اهلين فيك يبو التيت ونورت الموضوع
_______________________________
|
|
#10
08-07-2009, 01:46 AM
|
||||
|
||||
|
اقتباس:
انا بقلك بالنسبة لاخر نقطه حكيتيها انو فعلا في ناس مهمتها انها تنظر على ضعاف الايمان وتدخلهم اليهوديه او المسيحيه عن طريق انو يبينو حالهم طيبين وكويسين كتير لكن في ناس منهم فعلا طيبين بالفطرة ونيتهم صافيه وصعبان عليهم الي فينا ونفسهم يساعدو باعتقادي انو هل ناس لازم نقدر جهودها ونشكرها عل اقل انا هادا رايي اني واكيد كل الاحترام لرايك الي الك مطلق الحرية فيه اسعدني مرورك يا هلا فيكي
_______________________________
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | إللي كتب الموضوع | القسم | مشاركات | آخر مشاركة |
| نكت على الحول وغيرهم | شجاعي عصبي | استخف دمك | 19 | 27-09-2008 02:23 PM |
| حكومة حماس تبحث عن وسطاء لفتح باب الحوار مع اسرائيل بشكل سري | abu_wade311 | نشرة الأخبار | 0 | 10-05-2006 03:51 AM |
| إصابة أربعة مواطنين في اشتباكات بين نشطاء فتح ومجهولين بمدينة خانيونس | مها | نشرة الأخبار | 0 | 09-05-2006 06:35 PM |
| مسلمات في مضاجع الإسرائيليين | الجوكر | حبيبي يا حااااااج | 4 | 08-04-2006 01:08 PM |
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
