|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
24-07-2009, 10:34 PM
|
||||
|
||||
ممنوع تدخلى الجامعة اللى بدك اياها ولا التخصص كمان ..حتى هاى ممنوعة بغزة ؟!!
مرحبا يا قماعة كيفكم ؟؟ انا بتزكر هى تانى مرة اكتب موضوع هان من يوم ما دخلت المقعد  واللى خلانى اكتب موضوع هان انى دايئت من شغلة كتيير  وحبيت اشوف كيف انتو بتنظرو الها كماان .. هلآ احنا خلصنا توجيهي وطبعا بدنا نسجل فى جامعات ويا الازهر يا الاسلامية يا الاقصى  عاد فى انا اللى صاحبتى انا واياها صحبة من 3 سنين  وخلص كنا متفقين انو ازهر ونفس التخصص تقريبا حتى لو انا ما فتو بنضل بنفس الجامعة هلآ لما اجا الجد اهلها زى ما تقولو من النوع المتخلف جدا  هما مش موافقين تدخل ازهر بدهم اسلامية  طيب البنت بتحكى شو السبب بيقولها ابوها دشارة وقلة حيا ونظام ادارى تعبان وبعدين عمامك مش موافقين انك تدخليها طيب يا الله شو دخل عمامها .. وفوق هيك بيقولها التخصص كنسلي عليه طيب ليه هاد كمان قال ما احلاها البنت ودخلالى بزنس وعمامها دخلو بهالقصة كماان يعني وين راحة البنت بالشي هااد لا جامعة ولا تخصص اللى بتحلم في من زماان يعنى البنت رح تقعد تبنى صداقات جديدة فى جامعة ما فيها ولا بنت من اللى بتعرفهم ومقريبن الها يعني ابوها المفروض يكون اول الناس يدور على راحة بنتو  يعني شو هالتخلف والتعقيد وهالافكار اللى لو شعب تانى سمع فيها ليموت من الدحك علينا يعني انا بجد دايقنى كتير تصرف اهلها  يعني هيك رح يحرمونا من بعض ويخلوها منكدة طول سنين الدراسة .. هلآ ما تقولولي انو هالافكار اختفت من غزة ، أنا بدي أنتقد الواقع ” المقرف” اللى احنا بنعيشه بدى أحاول أني أغيّر هالأفكار اللي مليانة في مجتمعنا الغزّي حولين البنت وحولين إضطهادها بشكل كبير , من الاخر البنت الغزّاوية بتعاني من انعدام شخصيتها ورأيها ، ابوها هو اللي يفرض رأيه على ابنته بدون ما يراعي ميولها وبدون أنو ” يحسب حساب” لطموحاتها ، والأخوة كمان يأخدوا دور ” سبع البرمبة” والرجال اللى بدو يمشى رايو على اختو فبيفرضو رأيهم عليها بالقوة. هلآ انا بدى اعرف رأيكو بالموضوع هااد هل من حق ابوها واخوتها انهم يحرموها من الشي اللى هى بتحلم فيي من زمان هل هما من حقهم انو يحرموها من صحباتها ويخلوها تعمل شى غصبن عنها يعني انتو من الاخر بتأيدو هيك تعقيد وتعصب وانهم يلغو رأيي البنت وشخصيتها ....
_______________________________
 على منافذِ الوقتِ, نتأرجحُ كـ حبّاتِ كرزٍ ورديّ , لم تنضج بعد ! نركضُ خلفَ الجُدرانِ السميكةِ , نُمسكُ بِ حبلِ الضحكةِ الخائبة , نجرّها , نخبئ فيها أصواتَ الفرحِ , و ندفِنُها تحتَ جِدارِ الزمن ! نتلسّقُ الشقوقَ الضيّقة , و نُراقِبُ إنعكاسَ أجسادِنا فوقَ أبوابِ الحكايا , و ننتظِرُ طويّلاً أن تختَزِنَ إحدى الشقوقِ روائِحنا .. و لكن بِلا جدوى , كُلُ الأماكِن خائنة! 
|
| عدد 8 عضو بقولولك شكرأ يا بنوتة غزاوية على هالموضوع المرتب: | ||
|
#2
25-07-2009, 01:14 AM
|
||||
|
||||
أهلين بنوتة غزاوية هلا اي بنت ما في بايدها شي شو بتقدر تعمل يعني تبكي تضرب اتزعق اتصرخ بالنهاية كلام اهلها هو يلي راح يمشي و الاهل لو ما يغيروا افكارهم ما رح يتغير الوضع ع فكرة في كتير كتيييير هيك عائلات يعني خصوصا تخصص الصحافة و الاعلام عليه 100000000 اكس احمر الله يكون بعونها و طبعا ما بيحق لاي شخص يغصبها بس عليهم التوجيه و الارشاد مش يمنعوها او يغصبوها بس ممكن لانهم خايفين عليها و بيسمعوا قصص كتييير عن الجامعات المختلطة بس البنت الي متربية وين مترووووح بضلها ع اخلاقها و دينها و تربايتها
_______________________________
 ربي إنهآ أمنية . . . | . . . | فلآ تحرمني تحققهآ !
|
|
#3
25-07-2009, 01:22 AM
|
||||
|
||||
|
ااااااااااااااااااااااااااااااخ يااااااااااااااقلبي المكتوب على الجبين لازم تشوفه العين الكو الله يالبنات مش قادرة علق ( بالصميم )
_______________________________
•\\•//•  •\\•//• غلاك ﺑﻗﻟﺑي ﺛﺂﺑت ﺑ ﺂﻟﺷﺷڕآﯾﯾﻥ̴̲ ۆﻟو ﺂﻟﺟﺑﺂل ﺗزول ﻣﺂھﯙﯙب زﺂﯾل :♥ M ﻓي ﻋﯾﻧي ﺂﻟﯾﻣﻧێ ﺗﺳﺂوي ﻣلآﯾﯾﻥ̴̲ وﻓي ﻋﯾﻧي ﺂﻟﯾﺳرێ ﺗﺳﺂوي ﻗﺑﺂﯾل  مآغيرگ آعشقہ R
|
|
#4
25-07-2009, 01:32 AM
|
||||
|
||||
|
الله يعين عنجد على هالعقليات اللي عنا ما بعرف ليه بغزة الناس ماخدة فكرة انو الاسلامية هيي الشرف والاخلاق والباقي مابعرف شو صح هيا اقوى يمكن بالتعليم بس مش معناها الجامعات التانية اي كلام هلأ انا اعمامي بغزة كتير منتميين لحركة فتح وبعرف انو جامعة الازهر تابعة لفتح بس مع هيك ما بيقبلو يدخلو بناتهم الا الاسلامية ما بعرف مطلعين سمعة كتير سيئة للأزهر مع انو زمان كنت اروح رحلات عالاسلامية مع بنات عمي والله مرة شفت فيها منزر ما بتوقع اني اشوفو بجامعة تانية فيعني المحترم ابن الناس بيضل محترم وين مكان واللي بدو الشغلات التانية بيقدر يوصللها حتى لو الجامعة مفصولة بس بالنسبة للتخصص استغربت كتير شو مالو كمان البزنس النا متلا اعلام مرقناها كمان البزنس !!!
_______________________________
|
|
#5
25-07-2009, 01:36 AM
|
|||
|
|||
|
.
. . . . . . . . . . . . . . . . . . . . . . . تدرس محاماه خليها ترفع راسنا
|
|
#6
25-07-2009, 01:37 AM
|
||||
|
||||
|
اول شي اهلا وسهلا فيكي بنوتة غزاوية .. شوفي علي انا بني ادم وعندي خوات وشفت هدا كلو الي بتحكي عليه .. هلقيت طبعا العادات عنا شو هيا خلي البنت تحرت تحرت تحرت واتجيب معدل فوق التسعين بالاخر دخلوها تربية عربي ولا ايا تخصص تربية لانو البنت ما بينفعلها طب وهندسة وهدا الي شفتو سائد وانا بقول وبحط اللوم على البنات من اساسو يعني انتي يا بنوتة غزة يعني يمكن عندك اخوان او خوات اكبر منك او بتعرفي اطباع العيلة من هدي الناحية .. فا كان لازم من اول ما دخلتي توجيهي اتشرطي عليهم انا راح جيب معدل مثلا وهيك وبدي ادخل هيك .. واذا حسيتي في ململة بالموضوع قليلهم مش راح جيب نسبة وهدا الشي بصراحة شفت ناس استخدموه طبعا هدا كلو خارج موضوعك .. هلقيت نيجي لموضوع الازهر والاسلامية وفرد العضلات انا اختي لو بدي ادخلها جامعة اول اشي بفكر فيه الاسلامية بعدين الاقصى بعدين الازهر يعني لو بدها تربية عربي ما التربية العربي موجودة بالتلات جمعات ليش اوديها على الاسوأ بس لو بدها صيدلة بوديها على الازهر لانو مافي غير الازهر بتعطيها ولو بدها تجارة عالاسلامية وهيك وبعدين انا بدرس بالاسلامية وهي يعني جارتنا الازهر يعني احنا بنداوم بالسنة ست شهور هما بيداومو اتنين يعني بصراحة مصخرة الجامعة وبالنسبة لانو البنت تختار تخصصها فا هدا طبعا اشي صعب بغزة كلو بيدور على انو البنت بس اتخلص تشتغل شغل مش مختلط ومش عام وهدي عادات موجودة ولا انا ولا انتي بنقدر انغيرها بس انا من وجهت نظري البنت من الاول توعى على طبيعة اهلهم وتهددهم ان ما عملتو كزا انا ما راح اعمل كزا وقد ما كانو الاهل قاسيين في طرق مسايسة الهم ويبدو انو طولت بالموضوع وما بعرف اذا شطحت برا الموضوع كتير ولا لا وبس بيكفي وربنا يوفقك .. فا انتي احكيلي تخصصك انتي وصاحبيتك نفس التخصص ..؟ وهل موجود بالاسلامية فا لو موجود ما معك حق تحردي واتقولي بدي الازهر لانو اهلك بيكونو خايفين ع مستقبلك مش خايفين من صياعة الازهر !!! والسلامو عليكو :d
_______________________________
. x x x x x .
|
|
#7
25-07-2009, 01:38 AM
|
||||
|
||||
|
انا عارفة شو هاد التخلف مش من حق عمامها ولا ابصر مين يدخل بعدين مفروض الاهل يكونو علي مستوي من الوعي اكتر من هيك بفكرو حالهم بس عايشين بعالم الهم لحالهم شو هاي المسخرة:@ طبعا مش كل الناس هيك اانا اهلي ناس كتير متفاهمين لما خلصت توجيهي كان ب2007 بابا حكالي شو مابدك فوتي وين مابتحبي تدرسي ادرسي طبعا سجلت انجلش بالازهر:d واكيد مش الكل زي بعض والله يهدي الجميع ويوفق الكل يارب
|
|
#8
25-07-2009, 01:51 AM
|
||||
|
||||
|
أخت بنوته غزاويه ،، بكل صراحه أنا كان عندي نفس المشكل << باللبناني  يعني كان بابا و عمومتي  رافضين بالمره تخصص إدارة الأعمال بس تناقشنا و حاولنا كتييييير لحد ما وافق  يعني فيها صاحبيتك تكلم أبوها يمكن يقتنع بإنو تخصص البزنس هو أحسن شي هللأ يعني كمان تحاول تغيرلو أفكارو عن الجامعه  و ان شالله ما بصير إلا كل خير الله يوفقكو يا رب 
_______________________________
اللهم يا حي يا قيوم .. يا ذا الجلال والإكرام أسألك باسمك الأعظم الطيب المبارك الأحب إليك الذي اذا دعيت به أجبت، وإذا استرحمت به رحمت، و إذا استفرجت به فرجت، أن تجعلنا في هذه الدنيا من المقبولين و الى أعلى درجاتك سابقين، واغفر لي ذنوبي وخطاياي و جميع المسلمين اللهم اغفر لي وعافني و اعف عني و اهدني الى صراطك المستقيم و ارحمني يا أرحم الراحمين برحمتك أستعين سبحان الله والحمد لله ولا إله إلا الله ، والله أكبر ولله الحمد ، وأستغفر الله عدد خلقك ورضى نفسك وزنة عرشك ومداد كلماتك اللهم اغفر للمسلمين جميعا الأحياء منهم و الأموات و أدخلهم جناتك و أعزهم من عذابك، و لك الحمد و صلى اللهم على أشرف الخلق سيد المرسلين محمد صلى الله عليه وسلم وعلى أهله وصحبه أجمعين اللهم إني عبدك ابن عبدك ابن أمتك ناصيتي بيدك ماضِ في حكمك ، عدل في قضاؤك أسالك بكل اسم هو لك سميت به نفسك أو أنزلته في كتابك ، أو علمته أحداً من خلقك أو استأثرت به في علم الغيب عندك أن تجعل القرآن ربيع قلبي ، ونور صدري و جلاء حزني وذهاب همي
|
|
#9
25-07-2009, 01:52 AM
|
||||
|
||||
|
اول شي فكري بنفسك بس مو بصاحبتك الدنيا بتشوفى حدا وبتفارقي حدا فلا تزعلى عشان انتىو هى مو نفس الجامعة ثانيا: ان شاء الله جيل المقعد بس يصيروا آباء ومسؤلين عن بناتهم بيغيروا شوي من نظرتهم هاي ثالت شي : الاب غلطان يشاور اخوته ع تخصص بنته بدها تدرسه الاب بيشاور وقت جيزة - يتشري بيت ولا ارش- غير هيك بيصير تدخل ما اله لازمة بس طبعا كل عيلة والها نظامها اللى ماشية عليه . رابعا : استخيري ع التخصص اللى بدك تفوتيه خامسا: البنت الصايعة أو المش مزبوطة بتعمل اللي بدها اياه وين ما كانت ووقت متحب حتى لو 100 عين بتراقبها يعني ما فرقت الأزهر عن غيرها الا الاختلاط مهو ممكن البنت تطلع من الجامعة وتروح تقابل شب وهى بجامعة كلها بنات الاشي بيعتمد ع الترباية الصح والله يوفقكم
_______________________________
 بارك الله لكم في رمضان
|
|
#10
25-07-2009, 01:52 AM
|
||||
|
||||
|
مرحبا غزاوية اول شي مبروك نجاحك بالتوجيهي وان شالله بتفوتي التخصص اللي بدك اياه ومع صحباتك بالجامعه اللي بدك اياها والاهم من هاد كله ... برضا اهلك ض1 هاي مشكلة عامه ومو بس بغزة اصلا ما إلها علاقة بالجنسية .. هاي عقول بشر سواء غزة او بغير غزة يمكن احنا الفلسطينيين عنا تعصب اكتر للرجل بس هاد الشي في منه في كل مكان بس اكيد مو معناه انه يحرمو البنت من رغباتها لانه البنت انسانه متلها متل الشاب إلها رغبات وطموحات والدنيا تطورت والبنت صارت تشتغل بكل مكان بكل راحه بعديت صحبتك لازم تكون مبسوطه انه اهلها خايفين عليها لانه الرفض اكيد سببه انهم بدهم مصلحتها يمكن اسلوبهم غلط انه بالقوة وبالغصب ومش ع كيفك .. هون بنقدر نحكي في تخلف يعني لازم يكون في حوار بين الاهل والابناء لازم يكون في اقناع مش احنا هيك بدنا وانتي بدك تنفزي وبس  ومافي شي بالغصب المفروض صحبيتك فاهمه اهلها كيف بيفكرو وتدخللهم من باب الاقناع اللي بيفهموه  والله يوفقها يارب ويوفقك معها شكلي تفلسفت زيادة فاطلع احسلي سلام
_______________________________
. . .  . .
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | إللي كتب الموضوع | القسم | مشاركات | آخر مشاركة |
| يا حصاان برنضاها لكن يا حمار بتلعن اللي قلك اياها | دحول | حبيبي يا حااااااج | 27 | 09-08-2009 05:51 PM |
| سبب انقطاع الكهربا عنا بغزة ، طلع لا مصر الها دخل ولا حتى اسرائيل ولا البلدية كمان | بياع البانجو | استخف دمك | 9 | 29-09-2008 03:27 AM |
| هوبـــــــــــــي بس انتي اللي تدخلي | مستر قلقيشن | حبيبي يا حااااااج | 34 | 12-04-2008 08:10 PM |
| نزل اللي بدك اياه عن youtube وبالصيغة اللي بدك اياها حول الفيديو | ~¤ô§~^~¦{-ADAM.DJ-}¦~^~§ô | سينما المقعد | 7 | 18-10-2007 06:03 PM |
| كيف تختار التخصص فى الجامعة ؟ | دنيا العهد | أشخرلي وأشخرلك | 29 | 26-04-2007 03:35 PM |
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
