_______________________________

قاتل بلا اجر .... وثمن باهض لبسمة عابرة ,تلقفتها عيون ذئب حمراء, لتصبغها بلون دم قاني , قاتل بلا اجر .. تلذذ بسكرة شرب تلك الدموع النازفة المنهمرة.. فأخذ يترنح فرحا , بإصياد هذه الفريسة الغافلة ,ليقذفها بكلمة معسولة ليحيل حياتها الى حطام تكسر على صورة تلك المرآة , ,, فحطم بها المرآة الى الالاف القطع المتلهبة من حر الندم ......

ايش جاركو هاد؟
يوه ايش هالعقل هاد
شوف الا ما تصير مشاكل بين الاب وابنه
قد ما يكونو مناح بس الا في اختلاف بوجهة نظر
هسة لازم يكون في اخد وعطا بالموضوع يعني فشي اشي اسمه لا بدون مبرر
في لا عشان هيك هيك
والله الله يعينو ابن جيرانكو هاد
يعني المصايب بتنزل عراسه زخ

يا ربي هو في احلى من التفاهم بين الاب وابنو
او انو يتخز ابنو كصديق الو حتى مع البنت لو هي وامها
متل الصديقات ما بسير مشاكل
بس هاد اساسو الجهل وما ادراك ما الجهل
بفكر حالو هو بس الفهمان وبنزرو ابنو الطفل يلي من عقود ضايل
طفل ناسي انو ابنو سار شب ومشورب وسار الو كلمة
زي ما انتا يا هالابو كنت بيوم من الايام شب ونفسك تعبر عن رأيك
اجا دور اولادك
ياخي حبو لغيركو زي مبتحبو الكو
هاد جاركو رسمي زلاطة مخو
جص

بجوز لهلاء مش مقتنع انو ابنه كبر
وسار رجال بعتمد على حاله
مافي احلى من التفاهم
خصوصا مع الشباب

يعني انا معك باللي قولتيه بس معارضتك ببعض الالفاظ اللي هيا الام حية ومن تحت لتحت بعتقد انو ما في ام هيك يعني
بعدين الاهل لما يعملوا هيك بيفكر الاب انو الابن خلص كبر وهيبعد عني وياخد قراراتو لحالو لاء مستحيل اخلي هالشي يصير انا بدي اضل على راسو يضل حاسبلي حساب يعني مش يعمل اللي بدو اياه من كيفو لازم يعرف انو الو كبير اكبر منو والو تجارب بالحياة اكتر منو
الحل انو الابن يجي لابو بالسياسة مش بالعصبية وازا ابوه ما وافقو يحكيلوا انا عملت اللي عليا وهسمع كلامك هالمرة بس ازا نتائج القرار سلبية انت اللي هتتحمل المسؤلية مرة والتانية وخلص الاب هيزهق
تحياتي

موضوع-مهـــــــــــــــم!!

الصراحة-انا-ابوي-حبيبي-من-هالنوعية

بشوف-انو-كل-حكيو-صح..وانو-ولادو-كلامهم-كلو-غلط

يمكن-لانو-عندو-خبره-بالحياة-فبيقول-انو-ايش-فهمهم-هالأولاد..
وهيك-يعني
وانو-مابيثق-باي-احد..
وبس-حد-منا-يحكي-رأيو..
بصير-يبهدلنا-..

هادا-الي-عندي

امنور-عمو-رائد

من فترة قريبة تقدمت لخطبة بنت من غزة مقيمة عندنا بالامارات وتفاجأت برفض ابوها مع انو البنت والام موافقين ولكن الاب رافض بحجة انو البنت لازم ياخذها ابن عمها !! والبنت رافضه ابن عمها لو تنطبق السما على الارض ما راح تتزوجه !! وبيحكي الاب انو تضل البنت بالبيت وما تتزوج او تتزوج ابن عمها !!

يعني ليش هذه التناحه في هيك امور ؟ هذه الافكار والعصبية والتناحه ما هي الا ترسبات جاهليه من حياة قاسية عاشوها اباءنا واجدادنا !!

يسموها علماء النفس بالاستقواء المفرط يعني اظهار الزعامة والشدة والقوة على انها فخر وكرامة وشجاعه !! يعني طاخ طيخ ...

ولا اعتقد انو في حل مناسب لمثل هذه العقلية لانو اللي نحته الزمان في عقولهم صعب الايام تمحيه !!

ومالنا غير الدعاء لهم بالهداية والغفران ...

اه والله موضوع نار


يعني هاي المشكلة ما الها حل لانو الصراع بين الاجيال شي طبيعي وما بخلص

وبعدين انتوا الي قاعدين تتفصحنوا بكرة لما تصيروا اباء وامهات

رح تعملوا متل اهلكم في كتير شغلات

بجد انا هلا عندي بنت وولد صغار بس

لما بطلبوا مني اشي وما بوافق عليه بتذكر ايام كنت صغيرة لما كنت اطلب اشي من امي وما توافق عليه


وبقول سبحان الله الايام بتعيد حالها وبصير اسال حالي ليش انا ما وافقت على هالشي


وهلا فهمت امي اكتر من اول وصرت اعذرها في كتير شغلات


يعني في كتير شغلات ما بتفهموها الا لما تصيروا اباء وامهات

.

.

.

الحل الوحيد:
طخ هيك اهل
معقدين غير متفهمين وغير متحضرين..

والله لو هيك اهلي كان هسا انتحرت..
الحمدلله ع هالنعمه انه اهلي مش هيك.,.
الله يعينو كيف بعدو صابر عالإشي..

الله يهدي العباااد
ويسلمو عالطرح بهيك موضوع بنواجهو بالواقع..