|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#381
25-08-2010, 02:41 PM
|
||||
|
||||
اقتباس:
اولا بدنا نحل المشكله الاصليه مو شرط التعرض للشمس للاصابة بالتهيجات والحروق مجرد التعرض للجو الحار بيسبب نفس المفعول فطبعا الحل الاساسي صباحا اول ماتصحي من النوم بتغسلي وجهك بالمنظف المناسب لنوعيه بشرتك مع اني بعتقد انو بدك منظف للبشره الجافه والحساسه طبعا بالماء البارد تانيا بتجيبي واقي شمس يكون مداها طويل انو الافضل يكون SPF 25 برضو يكون نوعو طبي وياريت برضو يكون للبشره الحساسه وتالتا واخيرا حافظي دائما على رطوبة بشرتك يعني شرب الماء بكميه كافيه على الاقل 3 لتر هو المفروض 2لتر بس مع هالحر لازم نكتر الكميه لانو تهيج البشره الي بصير لتبخر الماء والرطوبه منها وخصوصا الحين رمضان وايضا الكريم الترطيب الليلي يكون كريم ترطيب بس مافيو فيتامينات ولا للتبيض ولا اي اشي بس ترطيب لانو كريمات التبيض كمان بتعمل تهيج وجفاف للبشره اما حكايه البقع هاي بدها علاج تقشير لتوحيد اللون فممكن تستخدمي كريم التقشير RETIN-A اعتقد في بالصفحات السابقه من نفس الموضوع موجودة صورتو في استشارة قبل لبنت الخطيب وممكن تشوفي التعليقات عليه انو هو بيعطي نتيجة ممتازة بس بدك تتحملي فتره العلاج وتصبري شي اقل شي لتبدي تحصلي نتيحة بدك شهر الى 3 اشهر حسب الحاله وكمان راح يصاحب فتره العلاج تهيج للبشره وجفاف وتقشير فلازم اداومي على الترطيب المستمر عشان تخففي من هالاعراض وافضل طريقه لاستخدامو هي وضعه على الوجه ليلا قبل الكريم المرطب وافضل كريم مرطب ممكن تستخدميه معو هو BEPANTHEN برضو صورتو موجوده في الموضوع اولا اشي بتغشلي وجهك بالمنظف وبعدين بتنشفيه منيح وبتحطي المقشر وبعد بربع ساعه بتحطي المرطب وان شاء الله راح تفرحي بالنتيجه بس خلال فترة العلاج مش تقعدي تتدعي عليا انو بدك تتحملي وانا راي خليكي على المرطبات الحين من غير المقشر استخدمي المقشر بعد العيد عشان ما يكون وجهك متهيج بالعيد اما اذا بدك تستغلي فترة الاجازة قبل الدوام ممكن تستخدميه طبعا بدناش نحكي نلتزم بواقي الشمس حتى البيت وما نتعرض للجو الحار وان شاء الله برجع وجهك احلى واصفى من قبل واي سؤال انا بالخدمة سلامتك  |
|
#382
25-08-2010, 06:15 PM
|
|||
|
|||
|
الله يسعدك يارب انا بشرتي كتير حساسة زيادة عن اللزوم يعني لما استعمل اي منظف ولا ماسك بحسها بتولع بالنسبة للتقشير البقع ما بتضل بس انو بتقشر مش مع بعضها كان الاشي يصير على الجبين وحولين التم بس هلقيت اول مرة يصير الخدود ومنطقة الرقبة انا ما بستعمل غير صابونة كلين اند كلير فقط وبالنسبة للواقي ما بستعملو نهائي لا في البيت ولا بره زي ما تقولي بقرف  عنا واقي اسموskingard(SPF 50بس ما بستعملو برضو سؤال تاني يا حلوة اذا ممكن  عند ازالة الشعر بصير عندي تهيج للجلد وبعد فترة قليلة من نزعو بطلع حبوب وحكاية خصوصا منطقة الشنب والايدين سواء استعملت الحلاوة او الماكينة بصير نفس الاشي بستعمل مرهم اسمو BETACORTEN Gبس ما بحسو بهدي المنطقة وبصير احمرار بس لما استعملو بكون احسن لما ما استعمل خالص .. فاذا ممكن تعطيني اشي يقضي على هادي المشكلة كمان غلبتك وسامحيني على الاطالة ... |
|
#383
25-08-2010, 06:57 PM
|
||||
|
||||
|
اقتباس:
برضو نرجع للسبب لانو بشرتك خاليه من الرطوبه هيك بصير معك لازم لازم تعتني ببشرتك وترطبيها وراح تلاحظي فرق شاسع هو الي بتستخدميه منيح بس انو استخدمي BETACORTEN لحال من غير G مافي داعي للمضاد الحيوي وممكن تستخدمي ALFACRT او CUTIVTE  او BETNOVATE كل هدول ممتازين اهم شي تستخدميهم بعد عمليه ازاله الشعر مباشره وياريت تستخدمي المرهم مش الكريم وتحطي طبقه منيحه على المنطقه وممكن تستمري بوضعه ليومين مره واحده باليوم وما تطلعي بالشمس وخلص في اشي تاني بدي اروح افطر تحياتي |
|
#385
31-08-2010, 11:11 AM
|
||||
|
||||
|
اقتباس:
ياسلام كتير طيب - يستخدم عصير التمر الهندي كملين لطيف ومبرد منعش ويفيد لحالات الإمساك والاضطرابات المعوية والكسل. - نظراً لوجود الاحماض والمعادن في مشروب التمر الهندي فإنه يفيد في تخليص الدم من حموضته الزائدة وطرد ما يحتويه من سموم. - حيث ان مشروب التمر الهندي يحتوي على عدد من المضادات الحيوية فإنه يفتك بعدد من السلالات البكتيرية ولذا فإنه يطهر الجسم من الجراثيم. - يضاف التمر الهندي من قبل شركات الأدوية إلى أدوية الاطفال كخافض للحرارة. - يستخدم مشروب التمر الهندي في حالات ارتفاع ضغط الدم والقيء والغثيان والصداع.للامانه عشان انا بحبش اكذب بهالشهر الكريم وبما انو الي زمان ما قريت عن النباتات تم نقل بعض الفوائد يعني هالمره مش من ابداعاتي زي ما تحكي الاسم العلمي تاعو Tamarindus indica فوايدو لقد اثبتت الدراسات العلمية ان التمر الهندي يحتوي على مضادات حيوية قادرة على إبادة الكثير من السلالات البكتيرية المختلفة الضارة بالإنسان هذا بجانب فوائده كملين ومضاد للحموضة وملطف وخافض للحرارة ولذلك تضيف بعض شركات الادوية الخلاصة المائية لثمار التمر الهندي إلى ادوية الأطفال. ويقال عن التمر الهندي بانه ثمرة صحية منظفة تحسن الهضم وتطرد الارياح وتلطف التهابات الحلق وتعمل كملين معتدل، ويعطي في الطب لفتح الشهية وتقوية المعدة. كما أنه يستعمل لتفريج الإمساك ويعطى للزحار وبالأخص إذا مزج معه الكمون والسكر. وفي الهند يستعمل المواطنون صلصة التمر الهندي ضد الزكام والعلل الأخرى التي تنتج نزله مفرطة، ويعتبر في الطب الصيني عشبة مبردة ملائمة لعلاج حرارة الصيف ويعطى التمر لفقد الشهية والغثيان والقياء أثناء الحمل والإمساك. ويستعمل ضد زيادة حموضة الدم حيث يستخدم منقوع التمر الهندي لتخليص الدم من حموضته الزائدة وفي طرد ما يحتويه من سموم. يستعمل التمر الهندي في الهند لإزاحة غازات المعدة ولترطيب الحلق وملين لطيف، وفي الصين يستخدم التمر الهندي لعلاج الدسنتاريا وعلاج البرد ولنقص الشهية. لا توجد أي محاذير للتمر الهندي حتى بالنسبة للحوامل والأطفال. اذا في سؤال محدد اكثر انو تستفسر عن استخدام معين ان شاء الله بنكون بالخدمه منور يا دكطور |
|
#386
05-09-2010, 08:04 AM
|
||||
|
||||
|
يديكي العافية ْ~ ما شاء الله إبداع عندي موضوعين صغار ... أول شي... من يومين نمت وكل شي زي الفل بس صحيت لقيت حالي مقلوب ومفلوز رحت للصيدلي واداني بآنادول كولد & فلو بس مش حال اللي سرت عليه كل اليوم وانا نايمـ بكون صاحي من النوم ع الفطور مثلآ ... بأخد الحبة وبصلي المغرب برجع انام ما بصحى ع حآلي الا نص ا لليل بتسحر قريب الفجر وبآخد حبة كمان برجع انسطل انام فآـو في عندكمـ حل غير هالبنآدول لأني وقفتو اليوم اشتقت للنت و للحياة تاني شي ... من يومين طلعت حبة بوجهي قريب تمي تاني يوم كبرت كتير وصار شكلها بيخوف وطلعو كمان حبتين بس ما كبرو كتير المشكلة بـ شكلهم و ساعات بيحرقو وانا ما بمسكهم ولا بحاول اقرب منهم فبدي اعرف شو الحل ؟؟ وشو السبب؟؟ والله يقويكم ْ~ .
_______________________________
  انا كابوس ليل الصهآينة ... الذي لن يعرف السكون   . تجول في رحاب مسجدنا الأقصى ـآأإ المباركـ ْ
|
|
#387
05-09-2010, 02:49 PM
|
||||
|
||||
|
اقتباس:
طهور ان شاء الله الف سلامة اول اشي في بنادول كولد اند فلو ما بنعس تاع النهار اطلبيه من الصيدلي هادا ما بيكون فيو مضاد للهستامين الي هو بيسبب النعاس ممكن تاخدي منو بالنهار وبالليل من الي عندك عشان يساعدك على النوم اما بخصوص الحبوب ما ازنخهم خصوصا على وجه العيد هدول متل ما بيسموهم اخوانا السوريين تأبينة السخونه بتظهر عند الانفلونزا وبالانجليزي اسمها COLD SORE متل هالشكل ولا مالها علاقه؟  او  هاي بدها كريم مضاد للفيروسات افضل اشي اسمو ZOVIRAX  هو غالي نونه بس انو هادا العلاج الوحيد الها يا بتسبيها اطيب لحالها بس راح تاخد وقت في ناس بيحطو عليها دوا ازرق بتعرفيه هادا الي بيصبغ بس انا بحس انو ما بيعطي فايده لانو السبب فايروس ولازم علاج مضاد للفيروس مو علاج مطهر وبس والف سلامه عليكي واي سؤال بالخدمه ان شاء الله |
|
#388
05-09-2010, 05:08 PM
|
||||
|
||||
|
غزة .... يديكي العافية ما قصرتي والله وإن شاء الله اليوم بروح اشوف الكريمـ بس أنا شب والحبوب قريبة من اللي في الصورة الأولى بس جمعت فيها متل الصديد الأصفر هآد بس الحمد لله بدأت تخف وبطلت تحكني تسلـمي مرة تانية .
_______________________________
انا كابوس ليل الصهآينة ... الذي لن يعرف السكون . تجول في رحاب مسجدنا الأقصى ـآأإ المباركـ ْ
|
|
#389
05-09-2010, 06:00 PM
|
||||
|
||||
|
اقتباس:
اتشرفنا يا اخ هيا بتاخد وقت لتروح وبالشفا اه صحيح وتنساش البندول فلو تاع النهار |
|
#390
06-09-2010, 08:20 AM
|
||||
|
||||
|
اوكي ْ~ رحتلو اليوم حكالي خلص البنادول كلو مالو داعي وقفو أما بالنسبة للحبوب حكالي فطريات هآي متل حب الشباب وأداني حبوب DOXYDAY 100 وإن شاء الله بيسير خير لأنو حكالي الحبوب خلص بدؤوا ينشفو وتسآـمي ع المتابعة ْ~ .
_______________________________
انا كابوس ليل الصهآينة ... الذي لن يعرف السكون . تجول في رحاب مسجدنا الأقصى ـآأإ المباركـ ْ
|
|
| الذين يشاهدون محتوى الموضوع الآن : 3 ( الأعضاء 0 والزوار 3) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | إللي كتب الموضوع | القسم | مشاركات | آخر مشاركة |
| استشاره | شورمايه | أشخرلي وأشخرلك | 29 | 19-11-2009 03:59 PM |
| استشاره طبيه للكمبيوتر | **امل** | دكانة الكمبيوطر والأنطرنت | 4 | 11-06-2008 08:50 PM |
| معاناة صيدلي بيشتغل على الخط... | خنفشاري | حبيبي يا حااااااج | 67 | 09-04-2008 12:32 AM |
| صيدلي عيني يا صيدلي | أردنية بس الأصل فلسطيني | العناية الموركزة | 28 | 25-01-2007 03:59 PM |
| صيدلي يا صيدلي يـــــــــــا صيدلي | فلسطينيه تحت الاحتلال | إتفضل يخو | 62 | 08-01-2007 10:13 AM |
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
