مرحبا يا قمامير و يا حلوين و تحية خاصة جدا للنساء اللي فوق الاربعين فقط.

كيفكم و ايش اخباركم.

اليوم عندي قصة عن السيد / مايكل جاكسون , و طبعا هاي قصة صارت معي انا و طبعا زميلتي و رفيقة دربي ام العبد ( البركة ) مع السيد مايكل جاكسون, طبعا انتو مش مصدقين ....بس انا بطلب منكم انو تصدقوني لانو انا عندي قصص كثيرة مع هذا السيد اللي بينور في الليل و النهار و كمان عندي قصص مع الزميل الفس بريسلي و غيرة من الشخصيات.

ما علينا و خلينا نبلش نحكي القصة....

هاظا يا حلوين في يوم من الايام و انا ماش مع ام العبد (البركة) عشط البحر و بناكل بزر (لب), من اللي يحبة قلبك , كان في واحد اسمراني ازرق اللون قاعد و صفنان في الميات و بتفرج علي غروب الشمس و عامل حالة عبد الحليم حافظ في اغنية دقو الشماسي و لابس الميوه نفس الميوه تبع عبد الحليم حافظ , وقاعد يسمع ام كلثوم اغنية انما للصبر حدود.

نخزتني ام العبد (البركة) في خاصرتي (كنت حاطط ايدي علي خصرها ) و بتقول:
شوف هظاك الزلمة اللي بيسمع غناوة ام كلسوم.
قلت: ماله يا مرة عاكسك ايشي.
قالت : لا بس.... (انا ماخليتها تكمل الكلام ) و
قلت : علي الطلاق منك و كل تتحللي الي ترجعي تتحرمي اذا ما بترجعي علي الدار هسة.
قالت : حاظر يا زلمة. و سحبت حالها ركاض علي البيت.
و تركتني مع الولد اللي قاعد عاشط. فأنا فردت عضلاتي ( جسمي احلي من جسم ارنولد فس هضاك الوقت ) و رحت ركاض عليه و مسكته من خناقة و هاتك يا ضرب من كل جهة و بكل قوة ( علمكم بياع غاز يعني ايدي زي المرزبة ) و صار الولد زي الشريطة مرمي علي الارض.
و بعدين التمو الناس و قعدو يفزعو (بس ايش بعد ما نهنهت عظامة ) و يقولولي مالك يابوالعبد بتضرب في الولد هو ايش عملك قاعد لحالة مسكين ما اله و لا عليه.

قلت : محدش اله دعوة انا هاظا الولد بدي اربية و اعلمة كيف يبصبص علي حرمنا و نساوينا.
هاظا واحد ما بيستحي ( ونزلت فيه بهدله من الكلام اللي يحبو قلبك "انا علشان هيك قلت لام العبد روحي علي البيت") .

فقام الله يسهل عليه ابو خاطر( اكيد عارفينه ما بدي اذا بدكم تعرفو مين هو اضغط هونا ) وقف وسط الناس و قال خلاص ياجماعة صار خير و كل واحد يروح علي بيته و ان شاء الله كل ايشي بيتصلح و هاظا الولد اللي عامل (مايكل جاكسون) انا ..... ماخليته يكمل كلامه و سألته مين مايكل جاكسون فقام كل الموجودين قعدو يضحكو بصوت عالي و يأشروا علي و يقولو : ايش هاظا المتخلف ما بيعرف مايكل جاكسون ... و اللي يقون .... من وين هاظا الزلمة جاي .... و اللي يقول الله يعين مرته علية .... و غيرة من الحكي اللي زي هيك.
بدكم الصراحة : انا حسيت حالي ولا ايشي بعد هالحكي و حسيت حالي انو بدي انط في بطنهم كلهم ( بس كان في شوية زعران ) علشان هيك سكتت .. و كمان كان فكري مشغول بـ مايكل جاكسون ( افتكرتو ملك ولا وزير في نيجيريا) ...
و قلت لصاحبي ابو خاطر: تعال خلينا نمشي و نسيب هذول الناس الزبالة هون.
والله ... ومشينا احنا الاثنين عشط البحر وقعد ابو خاطر يهدي فيا (لانوا انا كان فاير دمي ) .... لما هديت.
بس طول الوقت و انا افكر بهاظا جاكسو و بدي اعرف مين بيكون.
فقلت لابو خاطر: مين هاظا مايكل جاكسون يازلمة.؟ اكيد ملك نيجيريا!
قال : لا يازلمة ( وهو فارط علي حالة من الظحك ).....
قلت : مش عيب الواحد انه ما يعرف بس العيب انه الواحد يمشي معك.... و مشيت و تركته لحالة عالشط.

وطبعا راح علينا انا و ام العبد (البركة) منظر غروب الشمس و الفسق الكويس اللي كنا نشوفة كل يوم.

و انا مارق في الشارع تبع بيتنا (طبعا في نفس اليوم بعد المعركة الدامة) سمعت ولد زغير قاعد عالبنكيت ومعاه مسجلة و قاعد يسمع غناني اجنبية و اعوذ بالله.
فناديت علية وقلت: ولك يا صرماية (حشا السامعين) تعال هون ... فقام الود واجي ركض وقال:
نعم يا عمو ابو العبد.
قلت : هات هالمسجله من ايدك.
فأعطاني المسجلة.
فقلت : وين ابوك.
قال : ابوي راح عالجامع يصلي المغرب.
قلت : لما يخلص خليه يجيني عند البيت و قوله ابو العبد بيستناك و اخذ المسجلة.
قال: طيب يا عمو بس انا بدي اسمع غناني.فقمت و شايطو هضاك الشلوط من اللي يحبو قلبك و مطيرو علبنكيت من الناحيه الثانية ...... و قام الولد يجري و يصيح و يقول والله العظيم لاقول لابوي...
قلت : (وانا معصب ) اقلب بوزك و يلعن ابوك في صرمايتي.(بعيد عن السامعين)

مشيت لعند باب البيت و ناديت ام العبد ( البركة) و حكيت الها القصة و راضيناها و بعدين طلبت منها كاسة شاي بنعنع.
فقامت الله يرضي عليها تعمل الشاي.

و انا قعدت ادور في الراديو علي اذاعة البي بي سي او مونتيكارلو يمكن اسمع ايشي عن الملك مايكل جاكسون ( علي حسب علمي اما ملك او وزير في نيجيريا) ....
المهم اشتغلت مونتيكارلو .... و اذا فكرين هيام طعمة ايام ما كانت مذيعة في اذاعة مونتيكارلو (اكيد هي الحين فوق الاربعي يعني ستايلي المفضل) كانت بتلقي نشرة الاخبار.

و من محاسن الصدف كانت بتجيب خبر عن البترول اللي في الكويت و السعودية (انو البترول بدو يزيد او في مشاكل مش عارف ايش القصة بالزبط) و كانت نيجيريا بدها تشترك فب دول الوبك تبعين البترول الله يحرقهم (قولوا امين) .

المهم ما جابو اسم الملك تبعهم ....... و انا مركز في الاخبار و قاعد صفنان ..... مرت من قدامي جارتنا ام تحسين ( الله يستر عليها - جمـــــــل) و سلمت علي و انا قمت و شبطت فيها و عزمتها علي كاسة شاي و قلت : اقعدي يامرة خلينا نشرب شاي انا و انت و ام العبد ...
فقالت : والله مستعجلة.
فأنا مش عارف كيف اخليها تقعد ففكرت و صارت الافكار تضرب في مخي وتجيب يمين و يسار لما سألتها عن ابنها تحسين و
قلت: وين تحسين صار النا زمان ما شفناه؟
قالت : انت عارف هالولاد بيروحو علي اسرائيل و ما بيرجعو.
قلت : اكيد شايفلو وحدة اسرائيلية و قاعد معاها.
قالت : و هي (بتولول) (بتولول = يعني بتقول :له له له) والله خوف الله صحيح.
قالت : له يام تحسي اقعدي خلينا نشوف هالقصة ( و هيك خليتها تقعد).
قالت : مهو .........
قلت : اقعدي هو في احسن و اغلي من ابنك.
قالت : لا والله و هي قعدة.
و قعدنا نسولف لحد ما اجت ام العبد و قعدة تطلع علي بنص عين و مش عاجبها انو ام تحسين قاعدة معي ( عارفة انو انا نسونجي) وزي يعني هيك بتلمح قوم و روح ادخل جوا و خلينا فاعدين لحالنا.
بس انا طنشتها و ظليتني قاعد و ام العبد بتحرق في اعصابها .

المهم اجي جارنا غالب ( ابو الولد اللي اكل الشلوط) و بدو الراديو و بيسألني ليش ضربت الولد شلوط...
فقلت : والله يازلمة ما كان فيا مخ وقتها ... وحكيت له قصة الولد الاسمراني اللي عالشط ( و امتصيت غضبة).
قلتله : اقعد يا غالب خلينا نتخرف.
قال : بدي اروح علشان ام احمد بتستني فيا مواعدها اروح اجيب فول و فلافل من عند (جبر) (جبر = بياع الفول اللي في حارتنا) فقلت الله يسهل عليك و صحة و عافية .
فاخذ الراديو و سحب حاه و راح ( بدون ما يقول تفضلوا علي العشا)!!!!!!!!!

المهم : انا ضليتني متنرفز لاني معرفتش مين مايكل جاكسون و نفسي اعرف مين هو (علشان ما اضلني متخلف ) .

اتأخر الوقت و صار لازم انام و ناديت علي ام العبد و قلت انا فايت انام ما تصحيني بكرة لانو ما بدي اطلع الصبح.
قالت : حاضر.
والله و دخلت انام , و بعد ساعة اجت ام العبد ( البركة) و نامت جنبي و
قلتلها: اجيتي ,
قالت : هو انت مش نايم.
قلت : لا والله مش عارف انا في موضوع شاغلني.
قالت : خير ان شاء الله .... عبد عامل مصيبة ..... و لا نزمية عاملة مشكله مع صاحباتها.
قلت : لا مش هيك القصة.
قالت : ها ايش القة ... شغلت بالي والله.
قلت : الموضوع و ما فية بدي اعرف مين هو مايكل جاكسون اللي من المغرب و انا بفكر مين هو, سألت و دورت و عملت و سويت بس ما عرفت.
قالت : و هي بتضحك بصوت عالي ههههههههه نعقول مش عارف ملك نيجيريا.
فقعدت اضحك و اضحك و اضحك من كل قلبي ...... و قلت والله العظيم كنت حاسس انه ملك نيجيريا مش و هو مش وزير في نيجيريا.

و هيك يا جماعة بدت معرفتي في الملك مايكل جاكسون ملك نيجيريا
لحد ما صرت عضو في هاي القعدة و قرأت هذا الموضوع عرفت شي تاني عن الملك مايكل جاكسون ملك نيجيريا , عرفت انه ملك لنيجيريا و كمان لوطي و العياذ بالله.

_______________________________

لا ممتازه بس بالله تسلملي عليه

شكرا يا زعيم الحكيم علي مرورك اللتيف

_______________________________

_______________________________

اعتقد ان ملك نيجيريا اللوطي مايكل جاكسون ما قدرت امريكا تعمل فية زي صدام حسين علشان هيك بدهم يلبسوه تهمة لواط بس وين بترول نيجيريا كل اشتغل علشان يطلع منها زي الشعرة من العجين.

يا عمنا يا كبير يا حسون : اعتقد انه مايكل جاكسون اصلا من عبسان الزغيرة و بس هاجر علي نيجيريا و صار ملك هوناك. واعتقد انه كمان من اصل الجكاسنة و موسس حركتهم.

_______________________________

ههههههههههههههههههههههه
الله يخليك يبو العبد
بس يخوفي إنه ملك نيجيريا يرفع عليك قضية
لكن ولا يهمك
كلنا معاك واللي بده يعمله يعمله
واللي ما بيطلع بإيده يعمله برجله
ولووووووووووووووووووووو وراك رجاله بتاكل الجاتوه قرش

تسلبم يا ابو صالح السوافيري
والله فكرتني بامي الحلو اللي كنت اقضيها في السوافير

_______________________________

_______________________________

الله ييارك فيك يا مستر حريقة



شكرا ليك و حياك الله ...... بس ما حكيت العرس كان لمين؟



علي العموم اعتبر جرة الغاز عندك في البيت.

_______________________________

والله انتو عسل