مساء الخير دكتور كيفك
بدى اسأل سؤال اذا ممكن انا الى فترة بحس بألم فى الناحيه اليمين باسنانى الى فوق ولما رحت لاول دكتور قالى عندك فراغ بسيطه مافيها اشى هادا الكلام السنه الى فاتت بالشتا وبعدها راح الوجع هادى السنه لفيت على كل الدكاترة أول واحد قالى عندك سوس هى سبب الوجع وحفرهم وحشالى اياهم حشوة بيضا بعديها رجع نفس الوجع هو خبط خفيف فلما رحت للدكتوره قالتلى فش اشى بس بدك تنظيف ونظفتهم وماراح الوجع بعدها رحت لدكتور صورت اشعه طلع عندى ضرسين العقل الى تحت مدفونين شلت واحد بجراحه ولسه باقى التانى وبعد ماخلصت لسه الالم موجود لما رحت للدكتور وشاف الاشعه قالى عندك جيوب لثوية وعملتها وحاس لثتى وارمه حوالين ضرس العقل بنفس الناحيه الى بتخبط عليه اليمين وفى التهاب حوالين ضرس العقل وبرضو قالى يمكن عندك الحشوة ضاغطه على العصب واكتر اشى بحس بالوجع بالليل بروح وبيجى مش عارفه اتحيرت وين اروح معلش طولت بالحكى

احم احم

ال فش ناس ال

حتى انا فش

سوري اتأخرت عليكي خيتو علا بس كان الكمبيوتر عندي بالصيانة

بالنسبة لسؤالك ..اكيد التقويم بس نفكه بنرميه لأنه مارح ينفع نستعمله اكتر من مرة

اما فك التقويم فـ كل الطرق تؤدي الى روما ..طلع قطعه او قطع كل واحد

منورة خيتو وما تحرمينا من سلامك

اسمك كده ؟؟ اول مرة بشوف وحده اسمها كده

اتوكلي على الله واخلعي السن اللبني لأنه الحل الوحيد عشان يطلع الدائم

منورة الموضوع خيتو ام ستعشو

يا اهلا وسهلا خيتو بنوتة

متل ما حكيتلك الجراحه بتكون الحل الاخير

يعني بعد تنظيف اللثة وازالة الجير والتكلسات وتنظيف جذور الاسنان عند الدكتور بالاضافة للعناية الكاملة بالنظافة واستعمال غسول الفم بالبيت ..ازا ضلت المشكلة بنلجأ للجراحه.

وصدقيني ما فيها اي خوف ..يعني كلها على بعضها ما بتاخد معك الربع ساعه خاصة لو الدكتور بيستعمل الليزر بهيك جراحات.

سلامتك خيتو ومنورانا بطلتك

يا مساء الورد اهلين خيتو

والله بحالة متل حالتك صعب احكم بدون الفحص بالعيادة

ممكن توصفيلي الوجع بشكل ادق شوي ..

الوجع دائم ولا مع الاكل والضغط ؟ بتحسي بوجع مع الاشياء البارده او السخنه ؟الوجع عندك على اليمين فوق ولا تحت ؟ واي ضرس اللي شاله الدكتور اللي فوق ولا اللي تحت ؟
انا بتوقع انك مش قادرة تحددي الوجع فوق ولا تحت والدكتور خلع الضرس اللي فوق ..صح ؟

مبدئيا وعلى حسب كلامك مبين انه المشكلة عندك بطواحين العقل المدفونة

الطواحين المدفونة الها عده انواع وممكن تكون مدفونة بالكامل وممكن يكون جزئي يعني طرفها مبين بالفم

اللي صاير عندك انتي النوع التاني وهو الجزئي وهاد المشكلة فيه انه جزء من اللثة بيكون فوق التاج تبع السن ومع الضغط والاكل بتصير اللثة تنحشر بين الطواحين وبالتالي بتعملك الالتهابات اللي بتعاني منها

طبعا العلاج بكون واحد من اتنين ..

يا بنخلع طاحونة العقل اللي عاملة المشاكل هاي او بنعمل جراحه صغيرة بنشيل فيها اللثة الموجوده فوق التاج تبع السن.
اللي بحدد نوع العلاج هو وضعية السن بالفك وانه ما يكون عامل اي مشاكل تانية بالاضافة لـوجود التسوس وامكانية علاج التسوس اللي فيه.

ياريت تجاوبي عن الاسئلة اللي فوق عشان اقدر اعطيكي وصف ادق للحالة

وسلامتك الف سلامة خيتو.

الوجع دائم ولا مع الاكل والضغط ؟ بتحسي بوجع مع الاشياء البارده او السخنه ؟الوجع عندك على اليمين فوق ولا تحت ؟ واي ضرس اللي شاله الدكتور اللي فوق ولا اللي تحت ؟

_______________________________

اهلين خيتو

واضحه المشكلة انها من اضراس العقل

اتوكلي على الله واخلعيها

منورة الموضوع خيتو

يسلمو خيتو هاد من زوقك

المكان منور بصحابه