|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#291
21-08-2010, 07:59 AM
|
|||
|
|||
مرحبا دكتور (غزاوي بعمرو ما شاف غزة) كيفك
 بصراحة انا سجلت خصوصي بهالمنتدى لاني كنت ببحث عن شغلة معينة وانبسطت كتير اني لقيت دكتور غزاوي ممكن يجاوبني  بس لما عرفت انك من برا قلت يمكن ماتعرف تجاوبني بس عالعموم رح اجرب وبكون مشكورة لو جاوبتني انا بصراحة تبهدلت مع دكاترة الاسنان او بالاخص واحد منهم عملي تقويم ومن بعدها تبهدلو سناني يعني لا طلعو عدلين منيح ولا شكلهم حلو او مقبول لا والادهى من هيك لما اجا فكلي التقويم برد الاسنان بزيادة لدرجة صارو حساسين ولما رحت دكتور تاني قالي ما عاد في سن مجرد طبقة خفيفة  واضريت بعدها اني اركب طبقة بورسلان لست اسنان الامامية وكلفتني كثر وهلأ بعاني من انواع الضعف والتكسرات والتسوسات في طواحيني وخاييييييفة موت اروح لدكتور اسنان لحسا يقلي خلع ما خلع وابسر شو عندي وسواس بدي اروح لدكتورة في عيادة خاصة بس تكون شاطرة تزبطلي طواحيني وتكون متفهمة وصبورة مع العلم اني كثيييييير اهتم لاسناني وعطول تنظيم بعد كل وجبة بس ما بعرف ليش الضعف والتكسر والتسوس وبكون مشكورة كتيييييييير لو دليتني على عنوان دكتورة في عيادة خاصة (لاني بنت واخجل من الدكاترة) 
|
|
#292
21-08-2010, 10:25 PM
|
||||
|
||||
|
اقتباس:
لهالدرجة شو هالدكتور الي مركب الك التقويم !! المفروض رفعتو فيه قضية  شو هادا مخرب الك اسنانك بدل مايعدلهم ويزبطهم بعينك الله وان شالله الدكتور يفيدك اذا بدك اسماء دكاترة اكويسين فيني أفيدك أما دكتورات مابعرف والله حدا بعرف اتنين اكويسين كتير الي عملت عندو التقويم وفي واحد تاني كتير بمدحو فيه والو زباين كتار وان شالله يتحسنو اسنانك زي مابدك واكتر
_______________________________
|
|
#293
22-08-2010, 12:39 AM
|
|||
|
|||
|
اقتباس:
طيب ما فكرتي تعملي تبييض ؟ بعرفك عندك هوس بسنانك 
|
|
#294
22-08-2010, 12:47 AM
|
|||
|
|||
|
اقتباس:
للأسف اللي صار معك بصير مع كتير ناس خاصة اللي بيتوجهو للطبيب الغلط يعني خاصة التقويم مش اي طبيب اسنان ممكن يركبه بشكل صح عشان هيك اهم نصيحه بننصح فيها مرضى التقويم انهم يروحو لطبيب متخصص بالتقويم ومش عند اي طبيب اسنان وللأسف في اطباء اسنان غير اختصاصيين بعملو تقويم وطبعا النتائج بتكون مزرية متل حالتك واكتر نصيحتي الك انه ما تتأخري على سنانك لأنه لو في مشاكل ممكن تنحل هلأ مع الوقت رح تتفاقم ورح تدخلي بدوامة الخلع وتركيب الجسور خاصة لو كان عمرك صغير يعني الحقي اللي بتقدري تلحقي عليه وما تتركي اسنانك هيك عشان ما تزيد حالتهم سوء. بالنسبة للدكاترة ما بعرف حدا بغزة للأسف بس الاخت علا ما شاءالله عليها خبرة بدكاترة الاسنان واستعدت ادلك على واحد شاطر وان شاءالله بتستفيدي منه ولأي استفسار تاني انا حاضر خيتو نورتينا بوجودك بالمقعد وبالعيادة 
|
|
#295
22-08-2010, 04:18 AM
|
|||
|
|||
|
شكرا دكتور على الرد
اخت علا Olaaaa كيفك هل في امكانية تفيديني باسماء الدكاترة واماكن تواجدهم وياريت اذا بتعرفي دكتورات بتكوني عملتي فيا ميت خير لاني كثيير اخجل من روحتي للدكاترة واخاااااااف منهم موووووت مشكورة كثيييير
|
|
#296
22-08-2010, 11:55 AM
|
||||
|
||||
|
اقتباس:
ومين قلك اني مافكرت حكيت لدكتوري بس اعملتها بصورة غير مباشرة وقعدت أسألو عن التبيض لهوا حكالو عنو وقلي لمين بس انتي ابعتيه علينا واحنا بنزبطو لأنا بقلو الي .. لهوا قلي معيي بطر ياعلا هههه اسنانك مابحتاجو تبييض والتبييض الو اضرار والي بعملو الي بكونو اسنانو صفر كتير فسكتت وقلت خلص
_______________________________
|
|
#297
22-08-2010, 12:04 PM
|
||||
|
||||
|
اقتباس:
هلا مافي كهربا صحيح اتزكرت اسم دكتورة بس مابعرف والله اذا كويسة ولا لأ بس على هوا كلام هالبنت بتحكي عنها كويسة .. هيا من دار موسى وعيادتها الها وزوجها من دار حسنين فترة هوا بكون وفترة تانية هيا بتكون بس عنوانها بالزبط مابعرف والله بعطيكي عنوان عيادة دكتوري هوا بشارع الشيخ رضوان الأول عند طرمبة بهلول على ايدك اليمين جنب سنتر النجار تاع ألعاب الأطفال وفي دكتور تاني بحكو عنو اكويس كتير بالرمال من دار نعيم متخرج من ألمانيا انتي روحي على هالتلت دكاترة وشوفي كل واحد شو يقلك عن اسنانك وشوفي لمين بترتاحي أكتر وبتحسيه أشطر وارجعي الو تاني وان شالله توقعي تحت ديات دكتور كويس
_______________________________
|
|
#298
23-08-2010, 07:02 AM
|
|||
|
|||
|
مرحبا علا كيفك
بعرف اني تقلت دم عليكي تحمليني حبيبتي ممكن تعطيني عنوان الدكتور اللي من دار نعيم بالزبط لانو بالرمال قريب من سكني وازا ما فيها غلبة بكووووووووووون شاكرة الك لو جبتيلي مكان الدكتورة ومواعيد ومن دار مين رجاااااااااااء حار منك تجيبيلي معلومات عن الدكتورة الف شكر الك مقدما
|
|
#299
23-08-2010, 01:27 PM
|
||||
|
||||
|
الدكتور جمال نعيم نعيم انا بروح عنده لانو مركبة تقويم للامانه الدكتور شاطركتير ماشاء الله عليه عيادته بشارع الجلاء اول شارع الجلاء اكيد بتعرفي مطعم الكنوز الخضراء هو قباله بالزبط في سوبرماركت وجمبه شارع صغير فوتي فيه العمارة الي ع ايدك الشمال هو اول طابق ومتل ما قال الدكتور انو لازم تروحي ع طبيب مختص بالتقويم والدكتور جمال معاه دكتوراه بتقويم الاسنان معافية
_______________________________
 (●̮̮̃•̃) (●̮̮̃•̃) /█\♥ /█
|
|
#300
23-08-2010, 09:43 PM
|
||||
|
||||
|
عمالي بدي أكتب الها عنوانو للدكتور جمال نعيم وهي اميرة الأحلام كتبت الك عنوانو وبالنسبة للدكتورة هيا اسمها ياسمين موسى أما عنوان عيادتها والله مابعرفو وين معلش ماقدرت أفيدك زي مابدك
_______________________________
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | إللي كتب الموضوع | القسم | مشاركات | آخر مشاركة |
| :: بالصور : إعادة فتح عيادة اسنان مقعد الغزازوة ., ليست مجرد عيادة :: | sailor | حبيبي يا حااااااج | 68 | 22-07-2009 02:20 PM |
| :| حصرياً افتتاح عيادة اسنان مقعد الغزازوة || ليست مجرد عيادة |: | sailor | استخف دمك | 26 | 19-07-2009 03:44 PM |
| عجايب اخر زمن | S:T:O:O:P | استخف دمك | 5 | 20-09-2008 01:51 PM |
| طب الاسنان | ابو شمس | العناية الموركزة | 3 | 05-12-2006 11:01 AM |
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
