|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
| أدوات الموضوع | طرق مشاهدة الموضوع |
|
#311
29-09-2010, 08:44 AM
|
|||
|
|||
اقتباس:
ويا مليون اهلا وسهلا فيك يا دوك نورتنا بوجودك خيو ومبروك على عيادة العيون بس شو رأيك بديكور عيادتي ؟ احلى من عيادتك طبعا  ملاحظة صغيرة ... ان شاءالله وليس انشاءالله  
|
|
#312
29-09-2010, 09:01 AM
|
|||
|
|||
|
اقتباس:
معظم الدكاترة الهنود هون بيشتغلو بنفس النظام حشوتين بوحده زي هيد اند شولدر  الله يعينك لانه وجع اللثة بهاي المنطقه بكون شديد وبيعطي اعراض شبيهة جدا بإلتهاب عصب السن وكتير دكاترة بيغلطو بالتشخيص لهالسبب الحمدلله انك رحتي عند دكتورة بتفهم وعرفت سبب الوجع بخصوص الجل قصدك الـ parodium ؟ منيح هاد الجل وبيخفف كتير من اعراض التهابات اللثة لانه فيه كلورهكسدين وفي كمان الـ bonjla كويس حطي منهم مع شوية مساج للثة بأصبعك وحاولي انه تتبعي الطرقة الصحيحة بتفريش الاسنان لانه التفريش الخاطئ بيعمل انحسار باللثة وبالتالي حساسية بالاسنان. بس لهلا انا مش عارف شو مالها لثتك  مرة بتحكيلي ضعيفة ومرة بتحكيلي تعبانة .. طيب انتي شو المشكلة اللي بتعاني منها باللثة ؟ نزف ولا وجع ولا تضحم ولا شو بالزبط ؟
|
|
#313
29-09-2010, 09:15 AM
|
||||
|
||||
|
لا مو هندي الي عملي الحشوة بالاول هادا دكتور بغزة الله يسامحو مش عارفه بيكونو حاطيب 600 شهاده على الحيطة وعشرين سطر تحت اسمو من الامكان الي درس فيها وبالاخير بيطلع بيفهمش انا لثتي فش فيها نزف ولا وجع الا بالمنطقه الي حكيتلك عنها انو بس لما اشرب بارد بتوجعني اما بالحار او لما اكل ولا اشي ولا تضخم ولا اشي عشان هيك باستغرب لما الدكتور بيحكيلي انو لثتك ملتهبه انو لونها وردي وطبيعي وبتنزف بس لما استخدم الخيط اما الانحسار عندي بسيط جدا لانو كنت بغسل اسناني غلط بس الحين احسن فعشان هيك انا مدايقه انو مابحس انو لثتي فيها اشي وهما بيضلو يحكولي ملتهبه طيب شو رايك بالميه والملح بيحكولي انو احسن من المضمضه انو المضمضمه بتقتل الفلورا الطبيعيه اما الميه والملح فلا اما بخصوص انو كانت الاعراض متل وجع العصب وانا كنت متنكده انو علاج عصب بس الحمد لله طلع خلل طبي سابق عنجد عن اقتناع بطلت اروح عن دكاتره خاصين شو هاد بطل عندي ثقه بالمره فيهم ياحرام امبارح الدكتوره ساعه وهي تشتغل بسني وتحكيلي انو الله يسامح هالدكتور شو عامل بسنانك طيب بخصوص الجل هل استخدمو يوميا؟ وبيغني عن المضمضمه معلش يا دكتور عارفه اني فقعت مرارتك بس والله بطل عندي ثقه وصرت لازم اسال كتير قبل ما اعمل اي شي باسناني
|
|
#314
29-09-2010, 09:22 AM
|
||||
|
||||
|
يعطيك العافية يا دكتور ممممممممممم انا ركبت تقويم ثابت بشهر 12/2009 ولهلأ موجود بس عرسي بشهر 2 ولسة الاسنان ما ضمت ع بعض محل خلع طاحونتين بينفع شد التقويم بدل ما هو كل شهر يكون مثلا كل اسبوعين ؟
_______________________________
 (●̮̮̃•̃) (●̮̮̃•̃) /█\♥ /█
|
|
#315
29-09-2010, 09:42 AM
|
|||
|
|||
|
اقتباس:
ولووووو خيتو احنا بالخدمة دائما حسب اللي فهمتو من كلامك انه اللثة عندك طبيعية ومافيها اي مشاكل الا بالمنطقة اللي كانت فيها الحشوات الغلط طبعا بهيك حالة الدكتور بشيل الحشوات القديمة وبيحط حشوات مؤقتة عشان نسمح للثة انها ترجع طبيعية ولما يختفي الاتهاب منها بنحط الحشوات الدائمة بالشكل الصحيح هاد الجل استخدامه بكون مؤقت بما انه اللثة عندك طبيعية .. يعني استعمليه حاليا على اللثة الملتهبة عشان يخفف من اعراض الالتهاب ولما يختفي الالتهاب مافي اي داعي لإستخدامه ..وطبعا استخدامه بكون يومي في حالة وجود التهاب باللثة. بعدين المضمضة مش ضرورية في حالة انك محافظة على نظافة اسنانك وبتفرشيهم كل يوم ..انا شخصيا ما بستعمل المضمضه لانه طعمها مقزز ..يعني ممكن تستغني عنها وما تستعمليها او تستعملي المي وملح بس اكيد مارح يعطيكي نفس مفعول غسول الفم. ولأي استفسار انا حاضر خيتو لازم تسألي وتعرفي عشان ما حدا يخبصلك بسنانك
|
|
#316
29-09-2010, 09:54 AM
|
|||
|
|||
|
اقتباس:
بالنسبة لسؤالك .. هالشي اللي بقدره الدكتور المعالج المشرف على الحالة وعلى حسب حالة الاسنان ووضعها ونوع التقويم يعني انا ما عندي جواب  نورتينا خيتو وما تحرمينا من هالطلة
|
|
#317
29-09-2010, 11:48 AM
|
||||
|
||||
|
اقتباس:
انا بعرف هالشي بس انا بسأل حضرتك بشكل عام مثلا مو بس ع حالتي انو فترة الشهر ضرورية؟ يعني لو صار مثلا شد التقويم كل اسبوعين؟ بدل كل شهر؟؟ شو الفرق؟؟؟ هاي النقطة بدي افهمها اازا سمحت
_______________________________
(●̮̮̃•̃) (●̮̮̃•̃) /█\♥ /█
|
|
#318
30-09-2010, 07:18 AM
|
||||
|
||||
|
اقتباس:
شكرا كتير الك يادكتور الحمد لله الدكتور ما شالت الحشوه القديمه بس فصلت بين الحشوتين وكملت فوقها لانو كان الدكتور الله يسامحو عامل السن متل الحفره انو مش مغطي السن كلو بالحشوه والله اني مصدمه لاني الدكتور الي رحتلو الكل كان يمدح فيه وانا اضطريت اني اروح لدكتور بغزة لاني كنت ايامها بالجامعه لما انكسر سني الله يسامحو بس اخد مني اشي وشويات المهم هي الدكتوره متل ماحكيتلك ما شالت القديمه وتاني يوم لما رجعت عشان تعملي بولش ما وجعني متل اول يوم اول يوم لما كانت تحط عليه ميه اطير وما اتحمل حتى اعطتني ابرتين بنج عشان تعرف تشتغل اما تاني يوم يعني تقريبا 95بالميه ماحسيت بالوجع من غير بنج كمان فزي ماحكيت انو المشكله انو التهاب اللثه وكمان شغله بس مش من هادا المكان الدكتور حكتلي كل اللثه فيها اللتهاب حتى صارت تسالني انو بنزل دم خلال التنظيف حكتلها لا فاستغربت انو حتى بصوره الاشعه مبين اللتهاب خصوصا بين الاسنان شكلو تنظيفي بالخيط مش صح مع اني بعمل متل ماحكيتلي هديك المره اليوم جبت الخيط معي راح اخلي الدكتوره تعلمني عملي احسن المهم شكرا كتير يادكتور على المتابعه والله يوفقك 
|
|
#319
30-09-2010, 09:46 AM
|
|||
|
|||
|
اقتباس:
اللي بقصده من هالحكي انه ممكن دكتور التقويم يعطيكي موعد كل يوم مش بس كل اسبوعين بس اللي انا فهمته انك انتي بدك تسرعي عملية التقويم نفسها عشان تخلص بوقت اسرع صح ؟ طبعا تسريع التقويم او تقليل فترة التقويم رح تحتاج قوة اكبر عشان الاسنان تتحرك بشكل اسرع واكيد هالشي اله اضرار منها موت اعصاب الاسنان بالاضافة لمشاكل بجذور الاسنان (تآكل بجذور الاسنان ) غير انها رح تكون مؤلمة جدا عشان هيك اطباء التقويم بيحركو الاسنان بقوة خفيفة جدا وبزيدوها بشكل تدريجي وعلى فترات طويلة. اتمنى اني اكون قدرت اوضحلك ولو جزء من استفسارك واكيد دكتور التقويم رح يقدر يفيدك اكثر مني بهالموضوع ولأي استفسار انا حاضر خيتو
|
|
#320
30-09-2010, 10:00 AM
|
|||
|
|||
|
اقتباس:
طبعا اللي عملته هي رح يخفف الوجع اكيد لأنها شالت سبب الوجع اللي هو ضغط الحشوة على اللثة بهاي المنطقة بس الطريقة الصحيحة انها تشيل الحشوات القديمة وتحط حشوات جديدة مكانها رح تسأليني وشو الفرق ؟ الفرق انه الحشوة لازم تاخد نفس شكل السن الطبيعي خاصة بالمنطقة هاي contact area اللي عملته الدكتورة اكيد ترك فراغ بين السنين وهاد الفراغ رح يكون مكان لتجمع الاكل ويعمل الالتهابات من اول وجديد عشان هيك لازم تشيل الحشوت القديمة لانه مستحيل تقدر تعمل contact area بين السنين فيها وترجع تحطلك حشوات جديدة بحيث انها تاخد نفس الشكل الطبيعي للأسنان يعني لو فتحتي تمك واتفرجتي على هاي المنطقة رح تلاقي فراغ كبير بين الضرسين. فهمتي علي ؟؟ بعدين ياريت اشوف صورة الاشعة عشان اعرف كيف شافو التهاب اللثة فيها 
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | إللي كتب الموضوع | القسم | مشاركات | آخر مشاركة |
| :: بالصور : إعادة فتح عيادة اسنان مقعد الغزازوة ., ليست مجرد عيادة :: | sailor | حبيبي يا حااااااج | 68 | 22-07-2009 01:20 PM |
| :| حصرياً افتتاح عيادة اسنان مقعد الغزازوة || ليست مجرد عيادة |: | sailor | استخف دمك | 26 | 19-07-2009 02:44 PM |
| عجايب اخر زمن | S:T:O:O:P | استخف دمك | 5 | 20-09-2008 12:51 PM |
| طب الاسنان | ابو شمس | العناية الموركزة | 3 | 05-12-2006 10:01 AM |
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
