|
|
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
>> برج المراقبة <<
اللي سجل بالمقعد بعد تاريخ 18-10 يسجل تاني ...واللي غير باسوورده بعد هادة التاريخ يفوت بالباسورد القديم...
 |
 |
 |
|
|||||||
|
|
|
|
 |
|
|
أدوات الموضوع | طرق مشاهدة الموضوع |
|
#1
29-04-2006, 06:17 PM
|
||||
|
||||
قصة بدي كل واحد يقرأها
بسم الله الرحمن الرحيم كان ياما كان في آخر العصر والاوان ، ملك عادل في حكمه مع الناس وكان لهذا الملك وزير ، وفي يوم من الايام طلب الملك من الوزير بانو يجهز الو موكب لحتى يطلع في نزهة في انحاء مملكتو وكان الوقت في فصل الشتاء، وخرج الملك بالموكب وقعد يتفقد احوال عامة الناس ، وعندما وصل الملك بعد سفر طويل لاطراف المملكة وجد صياد على حافة نهر بيصيد سمك ، المهم اقترب الموكب من الصياد ونزل الملك ووزيره وسلمو على هذا الصياد ، المهم الملك بسئل الصياد: كيف حالك يا رجل فرد عليه : نحمدالله الملك : كيف الجماعة ؟ الصياد : والله ياجلالة الملك اتفرقوا الملك : وكيف البعيد ؟ الصياد : يا جلالة الملك أصبح قريب الملك :ثلاثة وثلاثة وثلاثة ما اغنن عن ثلاثة؟ الصياد : والله ياصاحب الجلالة كلوا أوّل بأوّل الملك : طيب ما تبيع برخيص؟ الصياد: ما توصي حريص الملك هز براسو وامر باعطاء الصياد هدية منو ، وبعد هيك سابو ورجع على القصر ،وهوي بالطريق الوزير مافهم ايش الاسئلة والاجوبة هادي ، فسئل الوزير الملك: يامليكي انا مافهمت شو الاسئلة والاجوبة الي صارت بينك وبين الصياد الملك عبس في وجهه وحكالو: انتا ما فهمت الكلام والصياد فهم ، طيب معك يوم واحد لحتى تفهم الي صار وترجع تحكيلي اياه . الوزير أصبح الان بورطة ومو عارف ايش يعمل ، وفي البيت مرتو شافتو محتار فحكتلو : شو مالك مبين انو بالك مشغول ، الوزير : و الله المنصب تبعي يمكن يطير خلال هادا اليوم زوجتو: ليش شو صاير المهم الوزير حكالها ايش الي صار ، فحكتلو زوجتو : ما الك الاتروح لهادا الصياد وهوي بحكيلك ، وفعلا الوزير فورا طلع على الفرس وعلى الصياد ، لقاه لساتو مكانو ، سلم عليه وحكالوا انا بدي اعرف شو الي صار بينك وبين الملك الصياد : انا بحكيلك بس مافي اشي ببلاش الوزير : كم بدك؟ الصياد : 30 درهم ذهب على كل سؤال الوزير : شو مجنون انتا ؟ الصياد : انتا حر الوزير : ماشي الحال اتفقنا الصياد السؤال الاول كيف الجماعة ؟ الملك كان بسئل عن اسناني لانهم جماعة مع بعض فانا حكيتلو انهم اتفرقو بعد ما كبرت بالعمر وصرت اخلع منهم . السؤال التاني كيف البعيد ؟ كان قصدو على النظر وانا بعد ماكنت اشوف الي بعيد عني الان ،الان صار نظري ضعيف ويدوب اشوف الي امامي . السؤال الثالث ثلاثة وثلاثة وثلاثة ما اغنن عن ثلاثة؟ كان بيحكي عن شهور السنة يعني فصل الربيع والصيف والخريف الصيد الي بصيدو فيهم ما بكفيني لحتى ارتاح في فصل الشتا ومن البرد الي بكون فيو. فجوابي انو كل الي بصيدو كل يوم يدوب بكفي هادا اليوم. السؤال الرابع : هوي كان متاكد انو انتا ماراح تفهم الي دار بيني وبينو فميشان هيك حكالي ما تبيع برخيص وانا فعلا ما أعطيتك الاجوبة ببلاش . المهم الوزير بدو ينفجر وهوي بعدلو ب 120 درهم ذهب ، ورجع الوزير وهوي مبسوط على الملك وحكالو الاجوبة . بس الوزير خبيث وحكى للملك : يامليكي انت رجل عادل وانتا كنت بدك تظلمني مع صياد وكنت بدك تعزلني ميشان الي صار بينك وبينو ، فانا بطلب الانصاف . الملك : احكي شو الي بدك اياه الوزير : بدي اسئل الصياد ثلاث اسئلة واذا ماجاوب عليهم انا ما بدي منو الا يرجع الي الدراهم الذهب الي اخدهم. الملك : وهو كذلك . وطلع الملك والوزير على الصياد لحالهم ، ووجدو الصياد محلوا ( طبعا مو في نفس اليوم طلعو على الصياد) المهم سلم الملك والوزير على الصياد وحكالو: اسمع يا صياد الوزير طلب مني الانصاف وانا اعطيتو اياه الصياد : السمع والطاعة يا جلالة الملك . الان امر الملك الوزير بانو يسئل اسئلتو ، الوزير : السؤال الاول: كم عدد الشعر الموجود على راسك؟ السؤال التاني , الارض وين النقطة الي بتقصمها لنصفين؟ السؤال الثالث: متى الزمان بلف وبدور؟ الملك حس الان بمكر الوزير وانبسط لانو الوزير طلع ذكي ومش بسيط ، وحكا للصياد جاوب ،، الصياد الان قعد بيطلع بالوزير وهوي مبتسم ، وحكالو بجاوبك السؤال الاول: مسك الصياد كمشة رمل وحكى للملك يامليكي عدد شعر راسي بساوي عدد حبات الرمل الي بايدي واذا الوزير مش مصدق يعد . الوزير شو بدو يحكي : مزبوط كلامك طيب جاوب على السؤال التاني، الصياد : قعد يعد بكم خطوة امامو ووقف وحكى للملك يامليكي ،المكان الي انا واقف عليه هوي منتصف الارض واذا الوزير مو مصدق يقيس. الوزير  : مزبوط جاوبني على الاخير.الصياد : ممكن ياملك الزمان انو الوزير يخلع ملابسو حتى اجاوبو على السؤال الملك امر الوزير بخلع ملابسو وفعلا خلع الوزير ملابسو  الصياد أيضا خلع ملابسو وحكى للوزير :البس ملابس الصياد وانا بدي البس ملابس الوزير وأركب على فرسو. ودار وجهو للملك : يا ملك الزمان هيك الزمان بلف وبدور الوزير لابس ملابس صياد و الصياد لابس ملابس الوزير . الملك : بس، خلي كل واحد على ماهوي عليه ويالله ياصياد انا عينتك وزيري الجديد. وتوتة توتة خلصت الحدوتة
_______________________________
- ضاقت عليك ومالقيت الا أنا   
|
|
#4
29-04-2006, 08:39 PM
|
||||
|
||||
|
يسلموا عنجد حلوة
_______________________________
نحن جنتل قاهرو الشلل وداحروو الشلط فهل تفهمو ايها الاغبياء  انا مطعج مين قدي 
|
|
#5
29-04-2006, 08:51 PM
|
||||
|
||||
|
شكرا عالقصة عن جد تحمست معهم ..  كتير حلوة يسلمو ايديك
|
|
#8
12-01-2007, 04:42 AM
|
||||
|
||||
|
روووووووووووووووووووووووعه
يعطيك الف الف عافية سلامز
_______________________________
|
|
#9
12-01-2007, 05:58 AM
|
||||
|
||||
|
حكم.. جد قصة روعة والله.. يسلموا إيديك وطن.. ورحم الله امرئاً عرف قدر نفسه 
_______________________________
سئل حكيم: بم ينتقم الإنسان من عدوه؟ أجاب: بإصلاح نفسه..  في.. خرابيش  برعاية.. كان ياما كان  الله > أنا > الآخر ********************************************** اللــــــــهم.. إني أعوذ بك من أن أشرك بك شيئاً أعلمه.. وأستغفرك لما لا أعلمه.. حسبي أنت ونعم الوكيــــــل..
|
|
#10
13-01-2007, 07:30 AM
|
||||
|
||||
|
اقتباس:
_______________________________
- ضاقت عليك ومالقيت الا أنا
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | إللي كتب الموضوع | القسم | مشاركات | آخر مشاركة |
| قصة حب تبكي كل من يقرأها | backstreetboys | كان ياما كان | 3 | 27-06-2007 02:28 AM |
| قصه جعلت كل من يقرأها ينتحــــر !!! | ريما توفيق | حبيبي يا حااااااج | 3 | 11-05-2007 02:47 AM |
| ماهذا.... قصة اتمنى الكل يقرأها | لحن الحياه | كان ياما كان | 0 | 20-04-2007 01:39 PM |
| الدنيا رخيصه .:.بنصح الجميع يقرءها.:. | غزاويه سموره | قعدة الشيوخ | 4 | 04-02-2007 08:00 AM |
|
العرض العادي
