|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
07-02-2010, 12:44 AM
|
||||
|
||||
اريدهــا فــقيرة ....................... اريدها فقيرة
بسم الله الرحمن الرحيم صراحة موضوع حلو كتير وحابب اتناقش معكم فيه بعنوان اريدها فقيرة هلقيت يا جماعة الخير عندي شب صاحبي وهو غني جدا صلاة النبي وربنا يزيده كمان وكمان هلقيت هوا بدو يتزوج واهله طبعا بدهم يجيبوا اله وحدة من نفس المستوى يعني غنية كتير بس الشب هاد متنح و مخه و الحيط غير بده زوجته تكون من عيلة فقيرة وناس على قد حالهم ودايما بحكي لاهله مستحيل اتزوج غير وحدة فقيرة على الاقل بتكون تعت عيشة وبترضي بأي شيء اقدمه الها هلقيت انا بردو بفكر بالطريقة هاي اجيب وحدة غنية ليش؟ تقعد تتكبر و تشوف حالها وكل ما تشوف حاجة هتلي اياها واهلي كانوا معيشيني في عز كبير بدك تعيشني احسن منهم انا بفكر اتزوج وحدة فقيرة لانو شايف انه احسن هلقيت انتا بترضى تتزوج بنت فقيرة كتير بس محترمة جدا وجميلة كيتر ؟ انتي بترضي تتزوجي شب فقير كتير بس محترم جدا و جنتل كتير ؟ لو كنتي انت فقير بترضى تتزوج بنت غنيه حتى لو كانت بيناتكم علاقة حب ؟ انتي لو كنتي فقيرة وحالتك حالة وتقدم الك شب غني جدا جدا بتوافقي عليه ؟ وليش؟ لو كان مش محترم بس وعدك بعيشة ملوك وهو صادق بوعده هل بوافقي عله ؟ طيب لو انتو شايفين فش مشاكل بالموضوع ليش الناس ما بترضى هيك يعني كتير ناس برفضوا يزوجوا بنتهم لدكتور مثلا او لشخص غني كتير وكمان كتير ناس اغنياء بعارضوا انه ابنهم يتزوج من بنت فقيرة ودايما بتلطعوا لناس هاي هاي وفوق الريح مش احنا كلنا في الاخر بشر سمعوني احلا شخرة
_______________________________
 قاتل بلا اجر .... وثمن باهض لبسمة عابرة ,تلقفتها عيون ذئب حمراء, لتصبغها بلون دم قاني , قاتل بلا اجر .. تلذذ بسكرة شرب تلك الدموع النازفة المنهمرة.. فأخذ يترنح فرحا , بإصياد هذه الفريسة الغافلة ,ليقذفها بكلمة معسولة ليحيل حياتها الى حطام تكسر على صورة تلك المرآة , ,, فحطم بها المرآة الى الالاف القطع المتلهبة من حر الندم ......  
|
| عدد 5 عضو بقولولك شكرأ يا عمو رائد على هالموضوع المرتب: | ||
|
#2
07-02-2010, 03:25 AM
|
||||
|
||||
|
موضوع جديد من نوعه ومبدئيا موفق بس حابة احكي الك ولصديقك كمان او لاي حد اله نفس النظرة مش شرط فقر البنت او غناها لانو الغنى ياعمو رائد هوه غنى النفس ماهوه ممكن تكون غنية وعينها فارغة ومتطلبة جدا وتفقعك وممكن فقيرة وعينها فارغة وبدها كل شي وزي المستوحشة عاملة وهتصير مثل بحكي الجعانة يلي مابتشبع برايي تاخذ القنوعة القنوعة بكل شي وهيك صفة ظاهرة عليها ومن هيه ببيت اهلها وصدقني رح تعرفها تصرفاتها رح تدلك عليها وربنا يوفقكم يارب تقبل مروري
_______________________________
 ............. " رحمة الله عليكي اختنا الغالية " حور" ... ......................... سبحان الله كما ينبغي لجلال وجهه وعظيم سلطانه
|
|
#3
07-02-2010, 03:26 AM
|
||||
|
||||
|
صحيح انا عني مابهمني فقير ولا غني بهمني الحب والاحترام والكرم وطبعا زي ماقولت قنوووع هاذ بكون ظفره بمليون ربنا يسعد الكل
_______________________________
............. " رحمة الله عليكي اختنا الغالية " حور" ... ......................... سبحان الله كما ينبغي لجلال وجهه وعظيم سلطانه
|
|
#4
07-02-2010, 03:32 AM
|
|||
|
|||
|
عمو رائد مو عارفه صراحه موضوعك بده رد طويل وهلا نعسانه انا لالي رجعه ان شاء الله
|
|
#5
07-02-2010, 03:38 AM
|
||||
|
||||
|
مرحبااا رائد موضوعك حلو كتير و بجد في هيك ناس اغنياء و يفكروو يتزوجووو صبايا ع قد الحال بسسسسس المشكلة مرات هاي البنت يلي ع قد حالهاا وقت تشوف مصاري و حياه غير تصير وحدة تانيه و غير يلي كانت بالاول و شفت من هنوع كثيرررررر كثير كثير
سووو وقت فكر بالزواج ع طول بحكي كلوو نصيب و ما في حدا يعرف كيف النصيب شو ما حكي سبحان الله المهم رح جاوب ع اسئلتك اناا انتي بترضي تتزوجي شب فقير كتير بس محترم جدا و جنتل كتير ؟ لااا ما فيني اتزوج واحد فقيرررررر كتير بس يكون على قد الحال مستور و متوسط ماديااا لانو صرت افكر بالعقل هلاء و الحب مش هوي زواج كثير مرات انتي لو كنتي فقيرة وحالتك حالة وتقدم الك شب غني جدا جدا بتوافقي عليه ؟ وليش؟ لو كان غني كتير كتير كتير و انا فقيرة جداا جداا ما اوافق عليه لانو بخاف ف يوم من اول مشكلة بيناا يصير يعيرني بفقري واهلي و حياتي السابقة سو رح اخد يلي من توبي لو كان مش محترم بس وعدك بعيشة ملوك وهو صادق بوعده هل بوافقي عله اكيييييييييييييد لااا المحترم من اول يبيين و اكيد ما رح اخذ واحد مش محترم لانوو قد ما حكي شوو يبرهنلي انوو قد كلمتو و رح يتغر و بالاخر الزواج قسمة مرات نضل نحكي و نفكر و و الخ بس اخر شي يصير كل شي بالمقلوب يسلمووو رائد عن جد كل افكارك ومواضيعك رائعة ماشاء الله
_______________________________
هـــناكـ حقـــائق !! يَــصعب علينـا المصارحة بــ ـهـ ـا فــقط لأنها تـحمل في طيـاته جرح يـُحاول النسيــان  دمعة ما تجرب تلمساااا لا نهار باقي و لا مسااا  فوفو
|
|
#6
07-02-2010, 04:07 AM
|
||||
|
||||
|
مابنطلع غني وفئير أهما شي 1/ كرمو بأخلائو 2/ تفهمو ووعيو 3/ وتحصيلو العلمي لأنو بهالشغلات الحياة بتمشي باستئرار أكتر من اي شي تاني وبعدين الجيزه من غير مستوى إلو مشاكل أكتر من الحسنات والله يوفئكم يسلمو للموضوع
|
|
#7
07-02-2010, 04:13 AM
|
||||
|
||||
|
اقتباس:
والله يتمملك اللي في الخير انت وصاحبك يارب 
_______________________________
____ __________________________________________ ____________________________________ 
|
|
#8
07-02-2010, 04:24 AM
|
||||
|
||||
|
موضوع رائع عمو رائد بس كلامك بيدل على انو كل البنات اللي اهليهم اغنياء ما بيرضوا يرتبطوا بالانسان اللي على قد حالو بالعكس الاصل بهادا الشي التربايه .. انو البنت المتربيه بتكون قنوعه والبنت اللي بتفكر بالمال قبل ما تفكر باي شي تاني متل الاخلاق والدين والتفاهم رح تخسر كتير " غالبا " يعني شو بدو يفيد المال لو انا ارتبطت بانسان ما بيحترمني ولا بقدرني ولا عندو دين " يا ماخد القرد على مالو .. بيروح المال وبيضل القرد على حالو "  قبل ما الوحده تفكر بالمال .. تفكر بالاخلاق والدين لانهم اساس السعاده و على اساسهم رح تأسس بيت وعيله يسلمو على طرحك عمو رائد
_______________________________
\ \ \  ♪♥ ♥♪\
|
|
#9
07-02-2010, 04:28 AM
|
||||
|
||||
|
هلأ انا مستحيل اخد واحد فقير لانو ما راح اعيش مبسوطه معو ولا اني كمان اخد واحد اغنى مني ويتكبر علي وصاحبك الي بدو الفقيره كمان ممكن ما تكون منيحه البنت حسب تربيتها يعني مش ضروري تكون الغنيه طماعه بالعكس في بنات فقرا كتير ولما تزوجو اغنيه اشطوهم على الاخر انا ما حكيت كل شي لانو انا رايي من راي احلى ريم
_______________________________
 يارب احفظ الاقصى من ايدي الصهاينه
|
|
#10
07-02-2010, 03:22 PM
|
||||
|
||||
|
عنا اريدها موظفة.................. أريدها موظفة بتكون بتجيب مصاري وبتنقش  موضوع الفقر بشوفوا نسبي مش كل الفقرا نفسيتهم وحدة مثلا اذا كانت البنت فقيرة حلوة ممكن عند دار ابوها تكون تحلم بالفارس الي بدو ييجي بسيارة بيضا موديل سنتها وينتشلها من العيشة المرة واذا فعلا اجى هاد الفارس بتكون بدها تطلع كل الحرمان الي عاشتوا انسى الرضى وخليني أعيش ومتل هيك شخصيات حتى لو أخدت واحد فقير ما بترضى ويمكن تعيش كل حياتها وهي تلعن اليوم الي أخدت في واحد فقير بالنسبة الي بأيد انو الي متلنا تعو لعنا مش لانه المصاري بتخلي الناس أحسن بس بشوف انه التوافق المادي مطلوب مثله مثل التوافق العلمي والديني وغيروا مثل قصة بنت بتدرس معي بالجامعة البنت وضع أهلها المادي عادي ما بعتبروا فقرا خطبها شب اهله كتير أغنيا وبعد سبع شهور وقبل ما يتجوزوا تركتوا لانو هو وأهلوا كانوا شايفين حالهم عليها وكل ما صارت شغلة صغيرة بذكروها انه همي ناس فوق هاد ومش عارفة اذا كان بغزة نفس الشي بس بالضفة مش كتير بتفرق عيشة الغني عن عيشة الفقير والطبقية بشكل عام مش موجودة وهيك صار فيها فكيف لو كانت بمجتمع بفرق في الغني عن الفقير كمان الي بكون متعود على مستوى عيشة معين صعب يتأقلم مع مستوى أقل منو هاد رأيي المتواضع تقبل مروري
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | إللي كتب الموضوع | القسم | مشاركات | آخر مشاركة |
| سيّدة فقيرة تخترق الحراسة الأمنية حول الوليد بن طلال | موظف بنك | كان ياما كان | 3 | 12-02-2009 01:18 AM |
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
