|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#11
07-02-2010, 03:29 PM
|
||||
|
||||
باختصار الواحد لازم يتجوز من مستواه عشان مايصير تغير كبير وبالتالي بتأثر ع النفسية وع الزواج وهادا غلط واللي بنبني ع غلط لازم يوقع يسلموو يا رائد |
|
#12
07-02-2010, 03:32 PM
|
||||
|
||||
|
انا براي انو كل واحد ياخد من توبه وهذا اصلا شرط من شروط الزواج بالدين التكافؤ بين الزوجين اول شيء لو كنت غنية والي تقدملي فقير ما رح اوافق بس لو كان عنده اهداف وبده يحققه يعني يكون مخطط لمستقبله بطريقة صح وهذا الشيء صار معدوم تاني شيء لو كنت فقيرة والي تقدملي غني ما رح اوافق لانه يمكن بيوم يعايرني بفقري انا واهلي ولو صار هذا الشيء اهم شيء القناعة بين الطرفين وشكرا عمو رائد ع الموضوع المهم والرائع
_______________________________
|
|
#13
07-02-2010, 03:42 PM
|
|||
|
|||
|
موضوع حلو يا رائد .. هو شوف انا من الي بشوفوه في زيجات قرايبي .. في شباب بياخدو بنات مرفهات وبتعبو معهم وعن جديد سمعت انه حصلت حالتين طلاق ولسا مش مكملين سنة ونص .. فنفس الوقت صعب اروح اقول للحج والله بدي اخد بنت بواب ولا بنت عامل نظافة .. مش لاني ابن دولة رئيس الوزراء .. بس انا شايف انه الانسب الواحد ياخد وحدة من مستواه اقل شوي مش مشكلة .. بنت الاغنيا هان بدك تقف وتشوف .. اذا بنت محترمة ومتدينة ومتربية كويس واهم اشي عقلها يكون كبيرررر وناضج ملهاش فالسطحيات والتفاهات وعندها قنوع .. هاي ممكن الواحد يدق على باب بيتهم ويتكلم فيها .. غير هيك رح يتعب معها فعلا وانا كلامي مبني على مشاهدات وروايات من ناس عاشو تجربة هالشي .. عشان هيك خد من توبك وحدة تفهمها وتفهمك وتعيش معك عالحلوة والمرة .. لا تطلع لفوق كثير بتنكسر رقبتك .. ولا تطلع لتحت كثير وتنكفي على وجهك .. خير الامور الوسط .. يعطيك العافية يا رائد وربنا يبعتلك بنت الحلال ان شاء الله .. احترامي الك ..
_______________________________
سبحانك اللهم وبحمدك لا اله الا انت استغفرك واتوب اليك 
|
|
#14
07-02-2010, 03:48 PM
|
|||
|
|||
|
اهلين عمو رائد موضوعك كتير حلو انتي بترضي تتزوجي شب فقير كتير بس محترم جدا و جنتل كتير ؟ لاء من وين بدو يعيشني ؟ انتي لو كنتي فقيرة وحالتك حالة وتقدم الك شب غني جدا جدا بتوافقي عليه ؟ طبعا اة عشان يعيشني عيشة حلوة لو كان مش محترم بس وعدك بعيشة ملوك وهو صادق بوعده هل بوافقي عله ؟ مش محترم ايش بدي فيه
|
|
#15
07-02-2010, 04:03 PM
|
||||
|
||||
|
مهو يا كبير كل اشي الو سلبياتو وايجابياتو صحيح الفقيرة مش حتغلبك ويوم ما بدك تعزمها على طلعة تضلها متزكراها العمر كلو بتعزمها على سندويتشين فلافل وبيبسي بس مشكلتها لو كانت دون المستوى المطلوب اجتماعياً ومعندهاش ثقة بنفسها .. يعني المرأة هي مرآة للرجل وأكيد الواحد بدو وحدة ترفع راسه بقعدات النساوين وتكون قد حالها مش تلاقي عند ناس لابتوب من أبو شاشة صغيرة وتصير تقول "اييش هاظ .. بيليفون؟ " الغنية أو الي مستواها الإجتماعي منيح ممكن تكون طلباتها كتيرة .. متعودة على مستوى معيشي معين عند أهلها ومتوقعة تلاقي زيو أو أحسن عند جوزها.. بدي سيارة .. بدي بيت ملك .. بدي كل أسبوع أجيب أواعي .. مهوو ياااي صحباتي شافو هالأواعي عليا .. شو يئولو لو شافوني لابستهم مرة تانيي  كإنو الأواعي عاد انصنعو لإستخدام واحد وارمي .. زي كبايات البلاستيك  طب يا بنت المحترمين أبوكي الو طربنطعشر سنة بيشتغل عشان توصلو المستوى الي وصلتوه.. الله يرحم أيام متجوز أمك بالدين.. ليش بتقارنيه مع شب لسه بادي حياته وبدك نفس مستوى المعيشة هدول ممكن نعتبر انو الهم ايجابيات .. انها على علم بأحدث خطوط الموضة وبتعرف تتجمل لجوزها منيح .. هادا بالإضافة لعلمها بالشغلات التكنولوجية.. كل اشي مارر عليها فمش حتلاقي عليها علامات الإستغراب لما تشوف أي اشي الأمثلة الي حكيتهم فوق بينطبقوش عالكل أكيد .. بس الفكرة الي بدي أوصللها انو لكل نوع ايجابيات وسلبيات ويااا بختو الي بيلاقي وحدة مكونة من النوعين الي فوق مخلوطين بخلاط وصارت كوكتيل من الجهتين  يعطيك العافية حج رائد
_______________________________
 لا فائدة من الجدال مع المعاتيه, فهم يسحبونك نحو مستواهم الى القاع ومن ثم يهزمونك بسبب خبرتهم الطويلة في هذا المستوى
|
|
#16
07-02-2010, 08:06 PM
|
|||
|
|||
|
موضوع حلو عمو رائد وجهة نظري بالنسبة للموضوع الرسول صلى الله عليه وسلم وجهنا بكل شي في حياتنا حتى الزواج وقال ( تُنكح المرأة لأربع لمالها , وحسبها , وجمالها , ولدينها فاظفر بذات الدين تربت يداك) رواه البخاري وقال: ((إذا جاءكم من ترضون دينه وخلقه فأنكحوه،إلا تفعلوا تكن فتنة في الأرض وفساد عريض)) وما قال إذا جاءكم من ترضون ديناره ودرهمه فزوجوه الأهم في الزواج الدين والأخلاق مش الدرهم والدينار ولا الغنى والفقر الشب لما بدو ياخد بنت وهو عارف إنو هي خلوقة ومربية وصاحبة دين أكيد رح تحفظه بكل شي حتى في مالو وما رح تقعد تتكبر عليه إذا كانت غنية.. أما بالنسبة للبنت الفقيرة إذا كانت بالأول ترضى من الشب أي شي وتوافق عليه بعدين بيصير ما يعجبها شي لأنها حديثة نعمة وعارفة إنو جوزها معو فلوس فبتصير متل اللي عينو فارغة وبدو يمليها بتصير بدها من كل شي وما في شي بيعبي عينها..بهالحالة صار وضعها أصعب من اللي أصلها غنية. بالنسبة للبنت كمان الدين هو أهم عامل ليحدد إذا كان الشب منيح أو لأ بس لو كانت بنت من مستوى متوسط أو عالي مش غلط إنها تنظر للجانب المادي ...لأنها هي كانت ببيت أهلها عايشة بمستوى هو مش قادر يعيشها فيه ف رح يولد مشاكل بين الطرفين لذلك بقدر أقول إنو عامل مهم الواحد يتطلع عليه ولكن مش الأهم. ما بعرف إذا وجهة نظري عجبتكم بس هاد اللي إجى ببالي ويمكن يكون إلي رجعة  تحياتي للجميع
|
|
#17
07-02-2010, 08:13 PM
|
|||
|
|||
|
الله عليك يا دكتور رمزي دائما ردودك خطيرة وبتكفي وبتوفي وأنا ما إنتبهت عليه غير بعد ما كتبت الرد تبعي اقتباس:
|
|
#18
07-02-2010, 08:20 PM
|
|||
|
|||
|
انا باك عمو رائد متل ما قالو اغلب الاعضاء شي لاله سلبيات وايجابيات الفقيرة بتكون اي شي بتجبلها ياه واااو ونايس بس بنفس الوقت ما بعرف بحس حيكون في شي ناقص وبرستيجها مو كتير قدام العالم وما بعرف بيبقى شي غلط لاختلاف المستوى الاجتماعي هلا الغنية برستيج كمان بتكون نايس دايما بس يمكن يكون عندها غرور واكيد لازم تعيشها بنفس مستوى اهلها او مستوى قريب من مستواهم فخير الامور اوسطها يعني وحده وسط والاحسن لو كل حد اخد نفس مستواه وانا بتوقع ازا حد اخد من غير مستواه حيصير في مشاكل وصح لا تنسى الحب شي مهم ازا كان في حب بين طرفين كل شي بيهون يعني باقي الاشيا بتصير مو مهمه والانسان بالاخر ما بياخد الا نصيبه مرسي لالك
|
|
#19
07-02-2010, 08:21 PM
|
||||
|
||||
|
مسا الخير يا عمو رائد
انا حجاوب على كل سؤال انتا بترضى تتزوج بنت فقيرة كتير بس محترمة جدا وجميلة كيتر ؟ هاد للشباب هع هع هع انتي بترضي تتزوجي شب فقير كتير بس محترم جدا و جنتل كتير ؟ المهم اكون بحبه!!!!!!!!!!!!!!! لو كنتي انت فقير بترضى تتزوج بنت غنيه حتى لو كانت بيناتكم علاقة حب ؟ هادا الكم كمان يا شباب انتي لو كنتي فقيرة وحالتك حالة وتقدم الك شب غني جدا جدا بتوافقي عليه ؟ وليش؟ المهم الحب .......الحب ......ثم الحب لازم احبه غني او فئير اذا دخل حجرة من حجرات الالب خلص ما بهمني اي شي تاني لو كان مش محترم بس وعدك بعيشة ملوك وهو صادق بوعده هل بوافقي عله ؟ مستحيل احب واحد مو محترم ***************************** سمعوني احلا شخرة اممممممممممممممممم انا مش عارفه شو يعني هاي شكرا على العموم موضوع حلو دمتم بكل ود
_______________________________
 حزينة ادري . . * وادري لو بغيت [اضححگ ] صررخ بي الح’ـزن لآ آ بدرري ~
|
|
#20
07-02-2010, 08:26 PM
|
||||
|
||||
|
أهم حاجه الدين و الاخلاق وبس لأنو ياما في شباب غنيين ومسوسين من جوا ويا ما في شباب فقراء وخربانين !! الدين والاخلاق اهم إشي بالزواج .. وشكرااا يا عمهم رائد على الموضوع المرتب
_______________________________
 اللهَ خـلق للضيق باب وللفَرجَ مليَون بابَ
يَنزَل«بَلآه» لَو يشاء ولو يشَاءَ بيرفَعه مَايكتب لمَؤمن« ضَرر»إلا وَلهُ اجَرُ وثواب يَاشيخ ربك مَا يَـضرالمَؤمنَ الايَنفعه
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | إللي كتب الموضوع | القسم | مشاركات | آخر مشاركة |
| سيّدة فقيرة تخترق الحراسة الأمنية حول الوليد بن طلال | موظف بنك | كان ياما كان | 3 | 12-02-2009 01:18 AM |
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
