|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
25-02-2010, 03:34 AM
|
||||
|
||||
►◄₪ ▫ معاناتي بالتوجيهي .:. للمسابقة .:. ▫ ₪ ►◄
.:. السلام عليكم ورحمة الله وبركاته .:. كيفكم .. ؟ ان شاء الله تكونوا بألف خير ياارب ..  اليوم جايتكم بشخرة خفيفة ولزووزة بس عنجد بتئهرر كتيير  خلينا نفوت بالقصة قبل مايفصل اللابتوب لأنو أبصر شو صايرلو  ياجماعة الخير أنا هارية حالي دراسة بس ماحدش حاسس بيا ماحدش حاسس حاجة أيوا بدرس كتير كتير وماحدش حاسس فياا  مابحب هيك أنا يعني إنو أنا كون عم بدرس وهيك تجي ماما تقلي تعي درسي إختك طيب يماما والله أنا توجيهي إنتو ليش مش حاسين فيني  ليكون إنتو مش عارفين إني توجيهي طيب شو أعمل عشان تعرفو إنو أتا تووووجيهي .:. شوفو هي محادثة شبه المحادثة اللي بتصير معي أنا وماما ..ماما : علياااااا تعي درسي إختك  .أنا : ماما والله عليي درس فلسفة بدي أحفظو .ماما : يعني لما بطلب منك طلب بتصيري بدك تدرسي  .أنا : ليش شو شايفتيني ياماما أنا طلعت مكان ما أنا طول النهار محبوسة بغرفتي حتى أكل ما عم باكل .ماما : حبيبتي إنتي كلو درس إنجليزي بس حفظيها الكلمات  .أنا : يماما والله مامعي وقت يعني شو أعمل .ماما : ماشي ياعليا الله يسامحك   .أنا : طبعاً غصب من عني بدي وافق .. طيب يا إختي روحي جيبي كتبك ولحئيني عالغرفة  .ماما : الله يرضى عليكي ياارب وينجحك ويوفقك حبيبتي .أنا : ان شاء الله  ..:. هلأ بننتقل للمحادثة اللي بيني وبين إختي . للعلم إختي أول ابتدائي .أنا : شو عليكي اليوم . إختي : مابعرف شوفي إنتي  .أنا : طيب طيب افففففففف .أنا : يلا بدي حفظك حرف ال d . أنا : شووفي يلا قولي drum . إختي : dum .أنا : هييييييي عم بقلك drum  .إختي : drun  .أنا : شو مش عم تفهمي عليي قلتلك druuuuuuuummm  .إختي : مامااااااا علياا عم تصرخ عليي .ماما : عليااا ماتصرخي على إختك ودرسيها شوي شوي .أنا : طيب طيب بس يماما مش عم تفهم عليي .ماما : فهميها شوي شوي مش لازم الصريخ والضرب وإختك لسا صغيرة يعني فشوي شوي عليها . أنا : طيب بس لازم خلص بسررعة لأنو عليي دراسة كتيير .إختي : يلا رجعي عيدي بس شوي شوي  .أنا : طيب  .أنا : drum . إختي : drum . أنا :  طيب منييح  .. يلا اللي يعدو خليني خلص بدي أدرس .أنا : هلأ فهمتي شو يعني drum  ؟؟..إختي : لأ مافهمت  .أنا : طيب طيب ركزي معي  .أنا : معناها هي اللي بيطبلو فيها  .إختي : أصلاً بعرف لأنو شفتها بالصورة  .أنا : طيب ليش بتقليلي إنك مابتعرفيها  .إختي : بس هيك عم بتزانخ عليكي  .أنا : هو هلأ وئت زناختك  .إختي : طيب بطلت اتزانخ يلا كملي  .أنا : لااااا والله شحاد ومشارط كمان .أنا : مابدي إسمع ولا نفس كملي إنتي وساكتة أحسن ما إرتكب جريمة هلأ .أنا : يلا هاد dress . إختي : .أنا : ردي عليي بقلك dress .إختي : .أنا : هيييييي إنتي مش سامعتيني ولا شو صرتي طرشة كأنو .إختي : مش إنتي قلتيلي ما أتنفس وإني كمل وأنا ساكتة .أنا : شو يعني عم تنكتي حضرتك .إختي : لأ عم بستظرف شوي لأنو زهئت من جو الدراسة  .أنا : اذا انتي زهئتي أنا شو .وهيييك بضلني لحتى يخلصو كل الكلمات ..:. ليش الكزب أنا أحياناً بكون ئاعدة هالتلفزيون أو عالنت وأول ما ماما تجي تقلي تعي درسي إختك بقلها بدي أدرس  ..... أنا باخد ريستات وبحب تكون الريست مشان إتسلى فيها مش مشان درس حدا .طيب هي بالأيام العادية وتقبلناها بس إنو بالإمتحانات اللي لإلي درسها .لالالالالا والله هيك كتيير كتيير الوضع عنجد صار اوفر ......... حتى أحياناً بتتصل رفيئتي بتئعد تحكي معي ساعة .. أول ماتسكر ماما بتقلي تعي درسي إختك . يماما والله بدي أدرس .هلأ كنتي عم تحكي مع رفيئتك ..طيب وشو يعني هيي اللي تصلت مش أنا ..أنا بعرف يابنتي اللي عليه دراسة لما حدا يتصل فيه بيقلو عم بدرس ..والله يماما هي رفيئتي وبستحي قلها بدي ادرس وصرلي من زمااان ماحكيت معها يعني مش حلوة قلها هيك وبعدين انتي اللي رديتي عليها كنتي قليلها أنا مش هون أو إني عم بدرس ..وأنا شو بيعرفني إنو بدها تحكي كل هاد فكرتها بدها تسألك على شي .. خلص يماما بيكفي بدي روح كمل المرة الجايي قليلها إني عم بدرس .:. ماما : علياااااااااااااااا . أنا : نعــــــم .ماما : شو عم تعملي ..؟ أنا : عم بعمل شاي يعني شو عم بعمل . عم بدرس .ماما : تعي بدي ياكي شوي . أنا : افففففففف طيب طيب .ماما : شوفي هي اليوم مارح خليكي تدرسي اختك لأنو عليها عربي فأنا بدرسها ياه . أنا : لو شو ماكان عليها مستحيييل درسها عليي امتحان جغرافيا بكرا .ماما : والعربي قاسمينو على جزئين . اليوم جزء وبكرا جزء . أنا : طيب وشو أعمل .ماما : تعي شوفي جدول الإمتحانات . أنا : ممم .. مش كأنو عليها امتحان علوم كمان . ماما : لك إي والله عنجد ما انتبهتلو .أنا : طيب ماما بدي روح كمل دراسة يلا سلاليموو  ماما : تعييي تعيي تعيي بس شوي .أنا : والله يمااماا عنجد هالمرة مابقدر والله مابقدر .ماما : حبيبتي إنتي بس شوي نص ساعة وبس .أنا : شو نص ساعة يماما عنجد بهالنص ساعة بكون خلصت جزء منيح سووري مابئدر .ماما : خلص الله يسامحك رح وديها لبنت الجيران تدرسها . أنا : وديها وين مابدك يماما أنا توووجيهي هيي أول إبتدائي .. يعني شوفي الفرق .ماما : طيب طيب متل مابدك روحي كملي  . أنا : طيب رايحة ..:. هلأ السؤال .. إنتو كمان هيك يعني عنجد شي بيئهرر .معئوول مش مقدرين إني بتوجيهي .والله كنت خايفة إرسب بشي مادة .بس الحلو اذا رسبت بمادة بتكون هي الحجة مناسبة طيب لو رسبت أكييد ماما كانت رح تحس بتأنيب الضمير  وكانت الفصل التاني ماخلتني درس إختي  .بس أنا للأفس مارسبت .بس هالفصل أنا مادخلني بحدا .يعني لا هيي إختي ولا أنا بعرفها .أنا من الأول قلت لماما ماتفوتيها مستقلة لأنو بيعطو كتير واجبات والمواد أغلبيتها إنجلش . بس هيي تنحت إلا بدها تفوتها مستقلة ال شو تعليمهم أقوى .طيب بهي الحالة أنا شو ذنبي .والأحلى من هيك بعد كل هالتدريس لما ترجع من الإمتحانات بسألها كيف عملتي بتقلي الحمدلله المس غششتني إنتي شو بتقولي .والله هاد اللي صار ياعليا شو يعني عم كزب عليكي .طيب والتدريس اللي درستك ياه شو فايدتو .. !! يعني أنا هيك تعبي راح عالفاضي ..اي عالفاضي ..طيب طيب روحي من خلئتي بيكون أحسن ..وهيك بتكون خلصت معاناتي صوتولي وإلا فقدتموني  .:. منوورين ايفري بدي .:.  اللابتوب مافصل المئعد اللي فصل 
_______________________________
 Hala Madrid  التعديل الأخير تم بواسطة : cute 3lia بتاريخ 25-02-2010 الساعة 03:40 AM. 
|
| عدد 2 عضو بقولولك شكرأ يا cute 3lia على هالموضوع المرتب: | ||
|
#3
25-02-2010, 03:50 AM
|
||||
|
||||
احلى شي هاد الي بجري بحبو كتيررر تاني شي مني منكـ تقتلي اختك وتريحي حالك او انك ترسبي بتوجيهي بعيد الشرطيب خلي الماما درسها لانو لازم تأسسها كويس بالدراسه مشان بعدين لما تكبر لاتتعبو بتدريسها وتصير تعتمد على حالها وكمان بجد توجيهي بدو دراسه وتركيز ربنا يوفقكـ حبيبتي
_______________________________
 أعلم يقيناً بحسن ظنّي بكَ يا الله أسألك بكرمكَ أن تجعل أمنياتي حقيقة .. ! بكل خير يبهجني ويسعدني .. وأسألك بفضلك أن ترزقني ” الفرح ” الذي انتظرته طويلاً وحدك ياا الله تعلم بتلك الأمنيات التي خبأتها في قلبي .. ما بُحت بها لأحد سواك .. كم أحتاجها يالله .. إنك على كل شئ قدير إن مرت الايام ولم تروني فهذه مشاركاتي فـتذكرونى وان غبت ولم تجدوني أكون وقتها بحاجة للدعاء فادعــــولي
|
|
#4
25-02-2010, 03:52 AM
|
||||
|
||||
|
اقتباس:
اذا هيي بتحزن ليش عم تضحك منووور
_______________________________
Hala Madrid
|
|
#5
25-02-2010, 03:55 AM
|
||||
|
||||
|
اقتباس:
وأنا بحبو أكتر فكرة ليش لأ بقتلها وبخلص منها  ماما مشكلتها مش كتيير بالإنجلش فمشان هيك بتتكل عليي كلامك مزبووط والله ان شاء الله خير ويوفقك ياارب .. نورتي والله
_______________________________
Hala Madrid
|
|
#6
25-02-2010, 04:25 AM
|
||||
|
||||
|
ههههههههههههههههههههههههههههههههههه الله يقطع شرك ..ما اكون محلك بطخ اختي وبرتاح ..  وشووو بتنكش راس كمان .. بتعرفي انا احيانن بدرس بنت اختي .. وبكون فاضيه ماعندي شي .. وياويلها ازا قعدت تتزانخ وتنكش راس .. مو بكفي انو انا قاعده بضيع وقتي وبدرسها .. و آه .. اسمي خالتو الشريره و انتي التانيه مسدقه وعايشه الدور ..انو توجيهي .. شو يعني توجيهي .. انو يعني اخر سنه بالمدرسه وبعدين بتفوتي عالجامعه ..بس احكيلك شو تعملي .. عشان تريجي راسك وين ماتروحي احملي كتاب معك .. ع اساس طول اليوم بتدرسي .. ان شاء الله بدك تروحي تشربي مي ...خديه معك .. وعصبي ع اختك بعدين بتسير تحكي لامك .. مابدي عليا تدرسني شريره وبخاف منها .. وهيك بتسيري عليا الشريره ههههههههههههههههههههههههههههههه اوووووعك تدسقيــش .. انتبهي ع للوش ودراستها اهمممم شي .. و موفقه يــــارب .. ومنوووره هااااااااااااااااااااااااااااااااااالقد .. 
_______________________________
. . {صغيرتي} ~ ان عاتبوك يوما كيف قصصت شعرك الحَرِيْــر ..! قولي لهم انا قَصَصت شعري لان من احبه يُحِبُّه قصيرا
|
|
#7
25-02-2010, 04:32 AM
|
||||
|
||||
|
حكتهالك يا حوب قبل هيك لو اختى اختك كان زتيتها من الشوباك بس شو عليكي انتى روحى ادرسي ودرسيها جيل أخر زمن لا بيفيد ولا بنستفيد منو دووووووووووووووووبة بحوبك 
|
|
#8
25-02-2010, 04:40 AM
|
||||
|
||||
|
شك
اقتباس:
أنا شكلي آخر شي رح أعمل هيك أنا بتنكش راس كتيير لا والله بس توجيهي بدو دراسة يعني لازملو دراسة خلص الكتاب رفيقي أينما ذهبت من يوم الأحد  بس أنا مش شريرة خلص رح بمثل هاد الدور وصير شريرة متلك وإنتي موفقة حبيبتي إنتي المنووورة ولوووووو
_______________________________
Hala Madrid
|
|
#9
25-02-2010, 04:42 AM
|
||||
|
||||
|
اقتباس:
شكلي رح أعمل هيك بالفصل التاني ولك اسكتي أحسن ماطلعك من الموضوع اسم الله عجيلك دوووبة بعينك وأنا بحوبك وعميتيني بالأصفر تبعك منووورة
_______________________________
Hala Madrid
|
|
#10
25-02-2010, 05:27 AM
|
||||
|
||||
|
فايت الموضوع وانا طافي يبقى برجع بس اصحى والاقي كهربا المهم راجع راجع عليا قومي درسي أختك الي رجعه
_______________________________
 These wounds won't seem to heal, This pain is just too real There's just too much that time cannot erase اقتباس:
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | إللي كتب الموضوع | القسم | مشاركات | آخر مشاركة |
| ◄► مكتبه ألعاب ميديا فاير أكثر من 300 لعبه ... روابط نااار وخص نص للمقعد ◄► ™ | ساحر الميرنغي | دكانة الكمبيوطر والأنطرنت | 49 | 24-07-2010 08:38 PM |
| جـزئي الاخـير : ₪ من كل مطعم ►◄ order►◄ .. مشاركـتــ ي مـن سـوريـا (2) ₪ | غزاوية قلق | أكلات مخبصة | 23 | 15-11-2009 04:30 PM |
| جديد : ₪ من كل مطعم ►◄ order►◄ .. مشاركـتــ ي مـن سـوريـا ₪ | غزاوية قلق | أكلات مخبصة | 40 | 25-10-2009 09:28 PM |
| الجـزء التـاني .. ₪ من كل مطعم ►◄ order►◄ .. مشاركـتــي مــن الاردن ₪ | غزاوية قلق | أكلات مخبصة | 33 | 05-08-2009 08:00 PM |
| ₪ من كل مطعم ►◄ order►◄ .. مشاركـتــ ي ₪ | غزاوية قلق | أكلات مخبصة | 37 | 19-05-2009 02:59 PM |
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
