|
|
>> برج المراقبة <<
شباب طافيين ومخلص كازهم وماشيين عالجنط
ملاحظة: الموقع باللغة العربية وليس إيراني أو باكستاني أو بنقلدشي
 |
 |
 |
|
|||||||
|
|
|
| بدك يوصلك كل جديد وحلو في المقعد أول بأول؟ |
   |
 |
|
|
أدوات الموضوع | طرق مشاهدة الموضوع |
|
#1
03-03-2010, 06:14 PM
|
||||
|
||||
بحبه و رح اتزوجه غصب عن الكل
مرحبا صبايا وشباب  كيفكم ؟ كيف الجو اليوم؟ الجو اليوم كتييييييييير حلو عنا وبعقد امبارح من الملل الي كنت فيه ونظرا لانهم رجعونا بدري عشان الامطار وخافوا بصير عواصف  قلت شو بدك تسوي يا بنت ؟ قلت خليني اتفرج ع التلفزيون  متل ما بقولوا "الفاضي بيعمل قاضي" المهم مالكم بطول السيره قعدت اقلب بهالقنوات و تقريبا تلت أرباع المسلسلات بتلاقي البنت بتحب واحد و بدها تتزوجه وأهلها مو موافقين و بتروح تسيب اهلها و تتحداهم وتتركهم و تهرب مع الي بتحبه و تتزوجه  سؤالي للصبايا هل ممكن انك تتركي أهلك و تتحدي الكل من شان واحد بتحبيه وتتزوجيه؟؟ سؤالي للشباب نفس الشيء هل ممكن أنك تسيب أهلك و تتحدى الكل من شان وحدة بتحبها وبدك تتزوجها؟ بدي الكل يجي هون ويقول رأيه بدي تفاعل كبير يا غزازوة و مو غزازوة  منورين كلكم
_______________________________
|
| عدد 2 عضو بقولولك شكرأ يا Ha!OoOoOsa Al Ma!OoOoSA على هالموضوع المرتب: | ||
|
#2
03-03-2010, 08:28 PM
|
||||
|
||||
لو عنجد هالموقف صار معي فالإجابة هى .. لأ ما بترك أهلي ولا بتحداهم علشانه بدي أهلي يكونوا راضيين عنه ومقتنعين فيه قبلي أنا وأكتر مني أنا ورح أضل وراهم لغاية ما يوافقوا وهم بالآخر رح يوافقوا طالما أنا مقتنعة فيه بعرف كيف أقنعهم . . ~ يعطيكي العافية وتتفرجيش كتير على المسلسلات العربية 
_______________________________
. . .  . . كوخه قرب قصرنــا . . .
|
|
#3
03-03-2010, 08:35 PM
|
|||
|
|||
|
اقتباس:
ساكون اول وحده ارد علي الشسمو  هادا ياستي موضوعك حلو وانا دايما بتخطر فبالي الفكره انا شخصيا بعملش اشي زي هيك ابدا لانو عندي اهلي بالدنيا يعني فش بعد الاهل وانا بحكي هالكلمه بعد تجربه بعد عن الاهل في الغربه يعني من الاخر بعد الاهل احفر وطم مافي حد بالدنيا ممكن يشيل همك ويتحملك ويحس فيك متل الاهل مين ماكان هالشخص وبدك تحكيلي حب ومش عارف شسمو بحكيلك سمعتي عن الحب الغير مشروط unconditional love يعني الي بيحبك شو ماكنت ومابستنى مقابل لهالحب هو هادا حب الاهل اما غير هيك فهو حب مشروط الا بمقابل مش قصدي اني ضد الحب ابدا احلى شي بالدنيا الحب بس حب الشريك مابينقاس بحب الاهل
|
|
#4
03-03-2010, 08:41 PM
|
||||
|
||||
|
روحوكم بدري مشان خايفين من العواصف  عيني عليكي يا عاصفة مظلومة دايما قوليلهم بخوفش انا مسالمة  نرجع لموضوعنا اي بنت بتتحدى اهلها مشان شب هاي بنت ناكرة الجميل بيثمرش فيها اشي الي على طول باعتهم مشان واحد ابصر كيف يطلع  يعني لو اهلها شايفين بعريس الغفلة انو مناسب الها كان رضو فيه ! الاهل شو بدهم غير بنتهم اتكون مرتاحة بحياتها بس البنت الي بتحب بتكون معمية عن عيوب الي بتحبه فما بتشوفها بينما اهلها بيقدرو يشوفوها وعلى هالاساس بيحكمو ! بعدين الوحدة ما بتقدر تستغني عن اهلها حتى لو كان جوزها منيح واهم من هاد كله طاعة الوالدين ورضاهم من رضى الرحمان لو الها نصيب فيه بتوخده بلا تحدي ولا اي اشي ولو ما الهم نصيب ببعض لو يطلعو عالمريخ مش راح يكونو لبعض! شكرا لطرحك الموضوع هلوسة الملوسة واتزكري العواصف حنونة بتخوفش 
_______________________________
 عواصف   لا تستخدم فمك الا بـ شيئين فقط : هما الصمت و الإبتسامہ ! - الإبتسامہ : لحل المشكلات .. - الصَمت : لتجاوز المشكلات الشيخ الشعراوي رحمه الله
|
|
#5
03-03-2010, 08:53 PM
|
||||
|
||||
|
لو يرجع فيا الزمن تلتين سنه لورا وانحط في موقف زي هادا واقرر مين اختار اهلي ولا حبيبي اوبس قصدي حبيبتي بقنع اهلي في حبيبتي ملهاش حل تاني لاني من غيرهم مش حعرف اتجوزها بعد تلتين سنه اتضحلي انو الجواز مش مجرد اتنين بحبو بعض حتى لو كان حب خرافي اسطوري جنوني افلاطوني الحب شي والجواز شي تاني ملوش اي علاقة بالحب تقريبا
_______________________________
|
|
#7
03-03-2010, 09:00 PM
|
||||
|
||||
|
اقتباس:
ياريتها من زمان نزلت الموضوع خلينا نرجع نتشرف بهالطلة انت مش محتاج ترحيب بالعكس المفروض بمناسبة العودة الميمونة تحطلنا موضوع يقعد تشهر مثبت 
_______________________________
. . . . . كوخه قرب قصرنــا . . .
|
|
#8
03-03-2010, 09:09 PM
|
|||
|
|||
|
اقتباس:
لأ .. أصلاً مارح أقدر أعمل ولا اشي بدون رضاهم منورة
_______________________________
. { وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ } ♫
|
|
#9
03-03-2010, 09:09 PM
|
||||
|
||||
|
والشب ياللي راح تترك اهلها عشانو راح يضل معها ..؟؟ لو انا مكانو بتركها وهوا هاد ياللي بالغالب راح يصير لانو لو فرضنا من الاساس انو كان بموت فيها .. راح يستحقرها من ورا هالموقف عالاقل  ..طبعا لا .. وقليلة اصل( عفوا يعني) ياللي راح تحكي اه هاي قصة انو ييجيها الفارس عالحصان الابيض وتشرد معو وتعيش حياة سعيدة بعيد عن اهلها ( اللي منكدين عليها عيشتها  ) هاي بس بالمسلسلات واصلا مش راح تنجح بالحقيقة وهاد الشي الطبيعي بانو تنتهي علاقة بدت غلط بهالطريقة  ما في بعد ما انو الوحدة تعمل عرسها وهيا بين اهلها وفرحانين فيها وبدعولها من قلبهم بانو الله يوفقها بباقي عمرها ما احلاها الوحدة وهيا يوم عرسها زي المقاطيع ما تلاقي حدا يقلها مبروك ..بازن الله مش راح اعرض حالي لهيك موقف وابسط سبب غير انو حرام وعيب والخ الخ من الاخلاقيات هوا انو انا وحدة يوم عرسي بدي الاقي كل اهلي حوالي وفرحانين لفرحتي واسمع دعوايهم الي ببداية حياتي الجديدة  وبث يعطيكي العافية يا قمر ومتل ما قالتلك ساندي .. بلاها المسلسلات العربي كتير وجع راس واللهي .. ومالو المقعد منوووووورة بيبتي
_______________________________
لا اله الا الله ,, محمد رسول الله ،،
|
|
#10
03-03-2010, 09:15 PM
|
||||
|
||||
|
اقتباس:
بدي أعلأ على ردك وبالاخص هاد انو في منو الحب شي تاني والزواج شي تاني.... بس ازا اتنين اخدو بعض عن حب قوي وحقيقي رح يستمر هالحب لاخر يوم في حياتهم لانو شو ما سار بينهم رح يتحملو بعض ورح يكون الحب بينهم الشماعة يلي حيعلقو عليها مشاكلهم واللي رح ينسو ويتغاضو عن اي مشكلة لو كانت كبيرة او زغيرة!! الحب يلي بينهم رح يدِّوِب المشاكل هادي ورح تتلاشى عطول بنفس الوقت. هاد طبعن نادر الحب الحقيقي بهالايام  ....اما ازواج هالايام بسراحة انا شايفاها عقولة اليسا أهي يلا عيشة والسلام واغلب الزوجين عايشين مع بعضرخ عتب شو اغلب؟ والله الاكترية هيك ولُوما خلفتهم يلي خلفوها بس هيا يلي مخلية العيشة ماشية ب لا حول ولا قوة الا بالله بجد اكتر شي بنقهر منو انو اشوف زوجين عايشين سوى من غير حب يجمعهم مش ضروري يحبو بعض من قبل في بقولو الحب بييجي بعد الزواج بس مش دايمن يا عالم هادي عيشة دوم مش يوم والله بمجرد اني اتخيل حالي آخد واحد وما أحبو او يحبني ونورط في بعض العمر كلو بشمئز وبفضل اموت ولا يسير معي هيك نصيحتي بجد للكل بشكل عام حِبو بعض يا عالم حاولو.. ولو من فترة الخطوبة ما حبيتو بعض اتركو وفضو هالشغلة ليش الورطة وبالاخر نسير نقول يا ريت يلي جرا ما كانكني طلعت عن الموضوع  شوفي اقلك انا معها صاحبتك هادي بلا اهل بلا بتيخ  تاخدو وتتكل على الله هههههههههههههههههه لا بمزح تضلها ورا اهلها وتقلهم يا بعنس يا هوا وغيرو مبرضاش لانو اكبر غلط تروح تتزوج واحد غير يلي بتحبو وتنام جنبو بجسد من غير روح وعقلها بواحد تاني او العكس والله حرام نيلة مكتر برمي
_______________________________
. . . 
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
|
|
المواضيع المتشابهه
|
||||
| الموضوع | إللي كتب الموضوع | القسم | مشاركات | آخر مشاركة |
| "هكذا بدأت قصة الحب" لازم الكل الكل الكل يقراها | مستشفى كنتاكي للخياطة | حبيبي يا حااااااج | 13 | 05-12-2009 08:18 PM |
| اشعر بحبه | فراشة غزاوية | قعدة الحكي المرتب | 4 | 05-11-2008 05:39 PM |
| لازم الكل يشارك برأيه . . الكل يعني الكل وأولهم المخاتير | الصامت المهاجر | حبيبي يا حااااااج | 67 | 31-05-2007 09:57 PM |
| اهدى الوردة للى تحبه او ك الكل يفوت | السندريلا الصغيرة | إلعب وامزح بشويش | 2 | 11-12-2006 07:30 PM |
| اعرب ما تحته خط !! | Max2006 | استخف دمك | 7 | 05-11-2006 03:28 PM |
للإعلان في مقعد الغزازوة يرجى إرسال إيميل على البريد webmaster@g4z4.com
ونحن غير مسئولين نهائياً عن أي تعاون مع أي بريد آخر حتى لو كان يتبع g4z4.com
العرض العادي
