صباح الخير

طبعاا من غير مقدمات علشان واضح إنو الموضوع طويل شوي

أقولكوا شو اللي صار بالتفصيل المومل

أجا فايع جمب أحمودي وهو بقول
ايش اللى جاب قضامة هان احنا رايحين نصلح واحد
على مرته وهادي ممكن تخلينا احنا نفسنا نختلف مع بعض
قاله أحمودي وهوا مستغرب وانت يعنى ملاقيتش فى الدنيا
كلها غير خوخة اللى تصالح حمدي على حمدية مع انك عارف
انها ممكن تفتح راسه نصين لو علّا صوته واحنا قاعدين
وفى تلك اللحظه قربت خوخة منهم وهيا تقول شكلكوا بتجيبوا سيرتنا يا عفاريت صح ؟
قالها فادي فى سرعه لا لا هادا لسه أحمودي بقول
يا سلام على افكارك يا فايع يا زين ما اخترت والله
ردت قضامة فى قلق مش عارفه ليه مش مطمنالكو !!
أحمودي :بالعكس إحنا أصلا خايفين منعرفش نقول إشي واحنا معانا جهابزه زيكوا
لفت قضامة لخوخة وهيا بتسأل
ايش يعني جهابزة يا خوخة صحيح
قالتها وهيا تهز كتافها فى حيره
والله منا عارفة بس غالبا بنفهم
هز فايع راسه بعلامه الموافقه وهو بردد
اه طبعا طبعا ثم اردف فى خفوت ربنا يستر
ووقف فايع يقول بجدية
هادا بيت حمدي حنطلع نقعد معاه وحنسمع منه اللى صار بالزبط
وحنحاول نهدى الموقف وناخد كل واحد ع قد عقله لحد ما يتصالحوا
وبعدين حنطلع ع دار حمدية ونكرر نفس الموضوع
كزّت قضامة شفايفها وهيا بتقول
انا شايفه انو الموضوع كان ممكن ينحل ودي عن طريق المحاكم أو عند التنفيزية وكان ممكن ...
قاطعتها خوخة وقالت لا يا قضامة محاكم مين بس انا رأيي نسيبهم مختلفين
ع قد شهرين زمن لحد ما هما اللى يترجونا نروح نصالحهم
فتح أحمودي عينيه في إزبهلال وهو يردد مش عارف ليش حاسس انو اليوم هادا مش حيعدى على خير
وحس فايع بالغيظ وقال
احنا مش رايحين نعقد الامور واللى عندها كلمه حلوه تقولها واللى معندهاش تسكت
تمتمت قضامة بكلمات مش مفهومه

فكمل أحمودي فى حزم
ومن غير برطمه

وصلوا الشباب لدار حمدي ودخلوا جوا
قعد فادي جمب أحمودي من ناحيه بينما قعدت قضامة جمب خوخة
فى الناحيه التانية وفي النص قاعد حمدي الذى بدا بالكلام قائلا

انا عارف انتوا ليش جايين على فكرة
بس وحياه مين جمعنا من غير معاد ولو بتنطبق السما عالأرض
ما انا مرجع حمدية هادي تاني ولو أجتلي تعيط وتقولي أمانة رجعني يا حمدي
قربت قضامة من خوخة وهيا بتسألها بصوت واطي
اتجمعنا من غير معاد كيف واحنا متصلين اربع مرات

وفى تلك اللحظه تحدث أحمودي قائلا
طب احنا مش جايين نقولك ارجع لحمدية احنا بس جاين نشرب الشاى ولو فيه صحن بسكويت وكعك على شويه فستق سودانى يبقى كتر خيرك يعني واحنا بندردش بناكل
فكر حمدي شوي قبل ما يقول فى حزم
متغيرش الموضوع انا بدي اعرف حمدية ليش باعتاكم
اكيد طبعا عشان غلطانه وبدها نتصالح وانا مش ممكن اتصالح الا اما تقولي ما إلي بركة الا انتا وانا غلطانة
حاولت خوخة انها تتدخل لولا ان قاطعها فايع قائلا
طب احنا وحياه غلاوتك عندي يا حمدي ما بنعرف اى حاجه عن الموضوع وجايين نسمع منك وبس
عقب أحمودي على كلامه فى سرعه قائلا
زى ما قال فايع بالظبط وممكن تعملنا شويه شاى على كعكتين تلاته نتسلى فيهم واحنا قاعدين وحنسمع منك كل اللى صار وبالتفصيل كمان
اتطلع حمدي في أحمودي فى سرعه وهو يردد
متغيرش الموضوع وانا يخو حقولكوا اللى صار من طقطق للسلامو
عليكو وانا راضى حكمكوا ولو كنتوا بترضوها لحالكوا انا راضي
طبعا حمدية اللى انتوا اكيد بتعرفوها واللى صوتها اوطى من صوت
المروحه وهي متزيته لو سمعت صوتها معايا مش بعيد تفكرها تبع الكلور
ومستحيل تفهم منها كلمتين على بعض بس بيجيلك احساس انها بتغلط عليك
وفى اخر مره بتقولى قدام الناس يا بغل

ثم امسك بكتف فايع قائلا طب وحياه من جمعنا من غير معاد
منظرى هادا منظر بغل
رد فايع ضاحكا يا راجل تلاقيها بتمزح معك يا ابن الحلال هو انت مسلن لما بتقولها يا غزال يا هل انت قصدك انها فعلا غزال هادي تعتبر مداعبه يا حمدي عادى يعنى
فنطت خوخة فى هدوء
والله طالما قالتلك يا بغل يبقى بتدلعلك اما لو قاللتك يا حمار فلازم نعرف قصدها الاول وكمان ......
غمزتها قضامة فى سرعه وهيا تقول
خلص خلص يا حج حمدي إلك علينا نخليها تقولك يا غضنفر طالما بغل بتزعلك
هدي حمدي شوي وهو بحك راسه وبقول
هو انا منكرش انو شكل حمدية وهيا بتضحك بختلفش عن شكلها وهيا بتعيط بس حمشيلها ياها هالمرة واقول كانت تمزح
طب يرضيكوا تسيب الدار وتطلع من غير اذن تروح لاختها وتقعد اليوم كله لدرجه انى ضليت جعان لحد ما رجعت نص الليل وقال ايش اختها كانت بتولد والجنين كان
حيموت تروح تسبنى اموت انا من قله الاكل.. هادا بصير يا عالم

رد عليه فايع
انا شايف انها اختها بردو وبعرفوا بعض من زمان وطبيعى لازم تخاف عليها

وعقبت قضامة قائله
انا شايفه انك طالما انك مفجوع هيك فكنت ممكن تاكل اى إشي وبينمنعش انك بردو تروح تطل عليهم
اتطلع حمدي على قضامة وقبل ما يقول كلمة إلها وهيا نطت
طب افرض انت اللى عملت حادثه موتسكيل وانكسرت رقبتك كانت حتسيبك وتعمل اكل ولا تجرى تشوف البغل اللى متجوزاه
اتطلع عليها أحمودي محذرا ثم التفت لحمدي وهو يردد
انت لو بدك رأينا انا شايف انك تقوم تعملنا شويه شاى من غير اى حاجه جنبهم وتفكر هيك بهدووء وانت بتشرب حتلاقي انها مغلطتش
قاله حمدي فى سرعه خلص يا سيدي انا مقتنع انها مغلطتش من غير منغيرالموضوع بس كل هادا كوم وغلطها فى امى كوم تانى وخصوصا كل لما كانت تيجى تزورنا وتقعد معانا اسبوع لازم تروح من عنا زعلانه وقال ايش امى بتحشر مناخيرها فى كل كبيره وصغيره مع انى عمرى ما سمعت لامى صوت وباقعد احكيلها كل إشي عشان تحكي عمرها ولا قالت رأيها
فكر فايع قليلا قبل ان يقول
انا شايف بصراحه انها غلطت فى هادي وانا واثق انها هلقيت نفسها بس تشوف والدتك عشان تعتذرلها
حطت خوخة اصبعها على جانب وجهها وهيا تردد
طب ما يمكن امك بوجهين قدامك بوجه وقدامها بوجه
غمزتها قضامة وهيا بتقول
يعني معقول يا أخ حمدي فى واحده في الدنيا كلها ممكن تكره حماتها
هادا بكفي بس انها كل لما تحب تشوفكوا بتيجي تقعد عندكو اسبوع
وبعدين عقب أحمودي
هو بس انت لو تعمل الشاى من غير ما تحس انى بأغير الموضوع
كنا حنقعد نفكر هيك بهدوء لانك اكيد عارف ان الحريم لما بلتموا
مع بعض بكونوا بدهم طخ
ووقف حمدي فى تلك اللحظه وهو يقول
طب انا من جهتي فش عندي مانع نتصالح بس تعرف كل غلطها ومينعادش كمان مرة
ووقف فايع وهو بشد على إيده بحراره ويقول
وانا واثق انو حمدية قاعده بتستنى على باب الشقه مستنياك يا ابو الحماميد
ووقفت قضامة وقالت
على راى فايع هلقيت حنلاقيها بتتحسر ع حظها
وبتقول ياريت الغسالة انحرقت ولا تبعد عندي يا حمدي
ثم وقفت خوخة وهيا بتطلع عليه بحذر قائله
انا شايفه انكوا محتاجين تدلعوا بعض اكتر وطالما بتزعل من بغل هاقولها تقولك يا تور
ثم شد أحمودي على إيده فى قوه وهو يقول
طب حتى نشرب ميه وانا اوعدك اجيبلك حمدية لهنا عندك
فنظر اليه حمدي قائلا فى حزم
هو انت على طول هيك بتضلك تغير فى الموضوع

المهم وصلوا شباب ع دار حمدية ودخلوا

قعدت حمدية قبل ما يقعد فايع وأحمودي وقضامة وخوخة قربوا منها فى هدووء وقعد كل واحد فى مكانه واتطلعت عليهم كتير قبل ما تقول

طبعا حمدي بعتكم إلي عشان نتصالح بس انا لو بموت
ما برجعله تانى حتى لو أجا يعيط ويترجاني ويقولي
ارجعيلي يا حمدية الواطي بدل ما يصلى كل يوم ركعتين
شكر انى وافقت اتجوزه جاى يغلط عليا ويضربنى قدام الناس
تردد فايع طويلا قبل ما يقول
اهدى بس يا أخت حمدية احنا جايين نسمعك ونشوف طلباتك ووحياتك انتى ايه هي جيتنا من عنده قاعد يصلى وبيشكر ربنا انك مرته
وعقبت خوخة قائله
والله اذا كان فعلا بضربك وبغلط عليكي يبقى انتى مغلطيش طبعا لما قولتيلو يا بغل
غمزتها قضامة وهيا بتقول
قصدها يعنى انو طالما جوزك ايده طويله يبقى واجب عليكى تعلميه الأدب
اكمل أحمودي قائلا
وكمان يا أخت حمدية فيهاش حاجة لما جوزك يمزح معك يخبطك ع سبيل الدوعابة وهيك يعني قومى يا شيخه اعمليلنا كوبيتين شاى على صحنين كعك وبسكويت عشان نعرف اللى صار بالزبط
ردت حمدية قائله متغيرش الموضوع ومع زلك خلينى معاكوا للاخر
في واحد محترم بخلي مرته تروح تشتري لبن زبادي في نص الليل
بس قلت يا بنت الناس مشيلو اياها بس لو بموت ما حسكتله بعد هيك
فكر فايع قليلا قبل ان يقول
طب ما يمكن يا حجة حمدية هو بفكر مع حاله وقال ما تشوف يا حمدي معزتك عند حمدية وقولها تجيب زبادي فى نص الليل ولو وافقت بتكون بتحبك والحمد لله انك وافقتى
واكملت قضامة فى تردد
او جايز امه مكنتش بتجيبله وهو صغير زبادي
وعقبت خوخة فى هدووء
عادى يا حمدية هو جايز بيتوحم علي الزبادي فيهاش إشي يعنى وكمان ما هوا انتى اللى غلطانه لان اللى بتتجوز واحد زى حمدي اللي شوفناه المفروض تجهز العلف تبعه من المغرب
واكمل أحمودي
هو انتى تقومى تعملى شويه شاى عشان نعرف نفكر و نركز ونشوف كيف بس بنزلك في نص الليل !!
قاطعته حمدية وقالتله سيبك من الشاى وخلينا فى المهم
انا ماشى حقتنع انه بيشوف غلاوته وانه كان نفسه فيه وحمشيها بس بمزاجى
فكرت حمدية كثيرا وطال صمتها قبل ان تقول
طيب انا موافقه نتصالح بس لو كرر هادا تانى لاكون فاتحه راسه واللى يصير يصير
نفخ فايع فى ارتياح وانبسط أحمودي وروحت قضامة خوخة حاسين إنهم حلوا المشكلة
وعندما طرق الباب جريت حمدية فتحت الباب لقت حمدي في خلقتهاا
شعرت باشتياق وخجل وضلهم يتطلعوا في بعض في رومانسية




وفي نص النظرات الرومانسية







قاطعهم أحمودي
انا شايف انكو لو تعملوا كوبايه واحده شاى إلنا احنا الاربعه حنقدر نشوف الغلط ونصلحه وانا بعد هيك لما اجى اصالح حد حبقى اخده ونقعد في كافتريا


اتطلعوا عليه كلهم وضحكوا


اتطلعت عليه حمدية وكزلك جوزها ورددوا معا فى نفس اللحظه
هو انت على طول هيك تغير فى الموضوع





والى اللقاء مع غزازوة جداد وحلقة جديدة

_______________________________

وهداك قلبو ع بطنو
وحمدي وحمدية ابخل تنين الله خلقهم
زكرتوني بفلم زواج بقرار جمهوري تاع حنان ترك وهاني رمزي
لما يتحاربو وبقعد حسن حسني يصالح فيهم بالدور

المشاركة الأصلية كتبت بواسطة أميركا بتستهبل يا فوزية نفخ فايع فى ارتياح وانبسط أحمودي وروحت قضامة وبيونة حاسين إنهم حلوا

خوخة ولا بيونة ؟

.
.

//\\

ههههههههههههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههه
هههههههههههههههههههههههههههههههههههههههههه
ههههههههههههههههههههههههههههه
ههههههههههههههههه
هههههههههه
ههههه
ههه
هه
ه

][ ضحكة عن الاهالي المبسوطة و المفرفشة و اللي مزهزهة ع حبت عين اهاليها ][



ألز ما في الموضوع طول الوقت الاتنـين عامليـن فيها غضنفريين و بديشش
و مستحيل ارجع و مش عارف شو ,,
و بيحكو من جوا يا رب يا رب ,,


بس انا اللي قـاهرنـي بدي اشربـلي حاجـة يا عالـم ,,
بعـد ما ضيعت ع حـالي يـوم ,, حتى مـية محنووش عليا فيها

’

,

,

.

اي همـا زودوهـا ,, طول الوقت بنحـاول نوفق الراسـين في الشسمو
و في الاخر ولا كاسة شاي
أنـا من المحـافظيـن ع الصحة

’

,

,

.

المشاركة الأصلية كتبت بواسطة مجدلاوي طافي بتقدر تلخص لي الموضوع بسطر ونص ؟

حتى في قراية الاشي بخيييييييييييييل !!!

ههههههههههههههههههههههههههههاااااااي

ينعنن حزي ..كل ما اكتب رد بموضوع بياكلو العو ..

شكلي خرفت خلص ..

المهم ..
يعطيك العافيه ياتيتو انت الخير والبركه

يعني مره ازعر ومره محضر خير .. مش مقصر

و احلى اشي احمودي ..

ههههههههههههههههههههههههههههههههه
هههههههههههههههههههههههههههه

ينعننن عينهم فوزي وفوزيه ..
شو انهم بشوعين ومش زوق ..
مره تانيه شربوه شاي قبل ماتاخدوه ..

بالتوفيق ياحج .. ومنور

وامانه سلملي ع بنوته غزاويه ..

.

.